甜多1點

營業中

休息中

食完飯散步想食甜品🍮🍮行過見到呢間似係新開無耐喎😎原來佢同隔離間點心係一齊只係呢邊係食甜品入面選擇話好多又好似無咩野揀請自己睇餐單自己領悟同個朋友分開落單估唔到大家都揀咗芒果小丸子奶凍（配椰汁）🤣但佢嗰個明明係椰皇系列下，不過原來又唔係椰皇上🤔我就揀咗 芒果小丸子鮮奶燉蛋白估唔到個感覺又幾特別但稱唔上好食🫣然後我地仲叫咗個Oreo麻糬窩夫配 冰鐵觀音茶凍呢個真係極不推介😣塊窩夫好似燶咗咁😥但個冰鐵觀音茶凍又好正，好濃得嚟又好fresh埋單$158 （甜品）呢間野本人不推介🤐

小熊貓用網上外賣平台叫宵夜，夜麻麻食邪惡嘅甜品😋 呢間位於沙田嘅甜品營業至凌晨12點，所以就試吓呢間~ 外賣包裝幾好，好穩妥～😋小丸子楊枝甘露正常發揮，小丸子同西米露煮得幾好，有咬口～ 但係楊枝甘露底嘅芒果味唔夠濃，味道比較淡口🍡紫米芋圓芝麻豆腐花配薑汁份量都幾多，用料都足夠～芝麻豆腐花味道唔錯～紫米芋圓有少少硬，如果再煮煙靭啲就好啲啦

今日我去咗沙田甜多一點食甜品，點咗芒果小丸子同楊枝甘露，試吓佢哋嘅味道點樣。老實講，味道真係一般般，無咩特別驚喜嘅地方。芒果小丸子入面有啲小湯圓，配上芒果醬同埋一啲芒果粒，口感係幾滑溜，但芒果味唔算好濃，感覺有啲淡。楊枝甘露就更加普通，椰奶同芒果嘅比例唔太平衡，飲落有少少膩，加上西米同柚子嘅份量都唔多，食完無咩滿足感。不過，有一件事值得一提，佢哋嘅芒果雪糕好似係用咗牛奶公司嘅貨，真係有陣濃濃嘅奶香同芒果味，質地又夠滑，算係整餐甜品入面最出色嘅部分。整體黎講，甜多一點嘅甜品選擇唔算多，環境都係一般餐廳feel，服務態度ok但無咩特別印象。價錢方面，兩樣加起來都要差不多90 蚊性價比唔算高。下次可能會試吓其他舖頭，睇吓有無更好嘅芒果甜品選擇。總括而言，今次體驗勉強合格。

超級無誠意的糖水舖！水汪汪的罐頭椰汁+西米 勁稀加熱d都懶😮‍💨暖暖地就上枱🤷🏻‍♀️🤷🏻‍♀️入面有幾粒粉團，未食過咁難食的芋圓完全無味 毫無口感的粉團！未試過食糖水食到咁唔開心😤嬲到9秒9要走人～～👋👋租到一個靚位 但求其做 以為日後有個正地方消夜食糖水好失望囉！無下次！完全唔推薦！

甜多1點 本身想食地茂館但太多人就去左附近既甜多1點 點知中曬大伏!!!!!!!!!!!!!千其唔好入呀!!!!! 係門口見到佢係賣點心 夜晚變糖水舖都覺得有點危機 但係同朋友想搵個地方傾計 呢度又唔使排隊 就試試啦叫左個熱既芋圓西米露 但係溫度係尷尬室溫 唔凍又唔熱 暖暖地咁 成碗就係感覺係罐頭椰汁加西米 仲有酸酸地既味道 好嘔心!!!

🧇比利時窩夫 配雪糕(1球) $55 （😺😺) 窩夫口感偏硬，食落去有啲似咬緊一舊又乾又硬嘅麵包，外層又韌，完全冇微脆嘅咬感。建議減少啲朱古力粉，用糖漿代替，然後將雪糕放上窩夫上，咁樣口感會更好，會更享受😶‍🌫️。 🥥椰桃桃芋丸 $65 （😺😺) 呢道甜品嘅材料有椰皇洞、椰奶、桃膠、小丸子同埋芋圓，雖然材料好足，但口感卻好乾身。就算我地倒啲椰奶落去都冇用，讓我地感到有啲失望🥲。希望將來可以有更好嘅調整！

同老公行開沙田新城市，突然掛念許留山的芒果小丸子，於是就搵到依間新開甜品店。店鋪沒有低消。本來想叫芒果小丸子，但礙於陀住蕃著，唔食得佢個芒果雪糕，最後點左小丸子楊枝甘露。🍠小丸子楊枝甘露 $46比我哋想像中出色，楊枝甘露入邊嘅柚子肉唔會澀，個芒果味都做得幾好，我同老公都覺得個楊枝甘露幾好味，可惜個小丸子浸得過龍變到太軟，唔夠煙韌。新店嚟講都算多款式選擇，有機會都想試吓其他甜品。📍甜多一點沙田廣場1樓7A-7B號鋪