甜品工房 (已結業)

無論幾忙碌的工作生活，總會有一個給人喘息的空檔，今日(2/6)正正遇上。同事們提議叫tea，就揀選了很久沒吃過的「甜品工房」。既然揀選了甜品工房，那沒理由不點我過往吃開的海底椰涼粉($16)吧! 因為椰汁本身已經夠甜，所以除了第一次以外，往後吃這款甜品都是要「走甜」!別小看這個小小的膠碗仔，材料蠻足的!香甜的椰汁浸著粒粒方形的涼粉，雖然要了「走甜」，但這樣的甜度剛好蓋過了涼粉的苦味，加上大量白雪雪的海底椰，據說海底椰還有清潤化痰止咳的功效，味道清清的，有咬口，這個甜品確是不錯!!!:)下午茶吃甜品真是一大樂事，十分滿足!…查看更多

酥炸魷魚鬚 ($18)賣相雖然好似好老好差咁….但食落又幾酥脆既…不過不夠附近有間既魷魚鬚好味….果度除佐好味啊…魷魚鬚的炸漿薄得黎又脆，軟硬又好適中哦，味道啱啱好得黎…岩哂我口味所以呢個都係普普通通…冇咩特別下次下午茶時,試下好多人話好食既粉麵啦!…查看更多

食過晚餐後，同朋友去了甜品工房…我試了個鮮果什錦大會…鮮果什錦既面層有好多生果，D生果都幾新鮮，而豆腐花都幾滑，仲有配合椰子汁的香味，真係幾好食，可以再去!!…查看更多

甜品工房的甜品種類有好多而且暫時食個d都好食!包羅萬有幾種o野食一齊放落口度咬個口感真係好正!真係滿足哂幾種食慾榴槤飄香榴槤味道濃烈! 岩哂鍾意食榴槤的人!:)有機會一定要再試多幾種!…查看更多

女友做完FACIAL，之後我地去附近搵食。見好多人都對甜品工房讚口不絕，一於試試。由於下晝四點幾，食客唔多，我地就揀左個卡位坐。店內環境都幾舒適，店員Ｄ態度都好friendly，見佢地忙緊pack外賣，嘩，成幾大袋咁多，而且大部份都係甜品糖水，應該係附近office teatime嘅order！睇黎，佢地Ｄ甜品真係好出名！不過，我同女友就試試佢地嘅2餸麵餐，因為$22包野飲，真係好抵呀！我揀左蟹子包心丸和芝士腸水晶粉＋豬骨湯底，仲有熱咖啡；女友就揀左鮮蝦雲吞和鴨腎米粉＋豬骨湯底，同埋芒果沙冰。 蟹子包心丸和芝士腸水晶粉＋豬骨湯底／熱咖啡第一次食水晶粉，有Ｄ似幼河粉，但口感好彈牙而且有嚼勁，Ｄ粉索左Ｄ豬骨湯，好入味又唔似出面果Ｄ味精湯，真係唔錯唔錯！不過杯熱咖啡就差Ｄ啦，味道有Ｄ似溝稀左嘅３合１，下次我都係叫沙冰穩陣Ｄ！ 鮮蝦雲吞和鴨腎米粉＋豬骨湯底／芒果沙冰Ｄ雲吞大大粒，裡面餡料十足，絕無欺場！至於鴨腎就好入味又唔韌，杯芒果沙冰大大杯，好鮮甜美味！ 又平又好食，Ｄ服務態度又好，碗麵仲有好多芽菜做配料，醫肚之餘仲好健康添！下次等我地再試試佢地嘅招牌甜品再話俾大家知！…查看更多

今朝起身見出面落雨濕濕，本來唔想周圍去，不過又想落北角健之堡嘅實惠幫亞仔睇吓啲油壓椅，見時間都唔早，就同老公先去健威坊嘅甜品工房食午餐。佢呢度有個百搭早場 / 下午茶粉麵餐好抵食，12:30 pm 前或下午 2:30 pm 後，粉麵每碗只係 $22, 仲包埋飲品。但唔知星期一至五有無，因為我嚟親都係星期六。個餐好似食車仔麵咁，有 50 款餸任選 2 款，粉麵底就有水晶粉、油麵、米線、出前一丁等以供選擇， 湯底可選豬骨湯、沙嗲湯、喇沙湯等等，而餐飲可揀豆漿、夏枯草、冬瓜茶、蜂蜜綠茶等，當然部份粉麵例如烏冬、湯底例如冬蔭功及台式沙冰係要加錢，由加 $2 至 $4 不等。我地就點咗一碗粉、一個小食、一杯沙冰及一款特價糖水。豬頸肉、吉列豬扒水晶粉(豬骨湯底) ($22) --- 豬頸肉幾好食，夠爽脆，最可惜連吉列豬扒都放埋入碗粉度，豬扒浸喺啲湯度，幾好食都打咗折扣喇，而且豬骨湯味道太清，根本食唔出係豬骨湯味，尤幸個水晶粉的確唔錯，夠滑溜。:)酥炸魷魚鬚 ($18) --- 老公話夠酥脆，我就覺得雖然都幾好，不過書局街嗰間“想不起來”嘅魷魚鬚仲好味，嗰度嘅魷魚鬚炸漿薄脆，軟硬適中，味道啱啱好菠蘿沙冰 (+$2) --- 好正，透心涼，如果今日熱啲，簡直係消暑嘅妙品紅豆沙涼粉 ($10) --- 呢個都好正，我地每次嚟都必點嘅甜品，其實我一向都不愛吃涼粉，怕佢嘅苦澀味，但呢度嘅涼粉爽滑，加埋甜甜嘅紅豆沙，味道好夾呢度每日會有 4 款甜品做特價，每款只係 $10, 不過我嚟過好多次，每次都係嗰4 款，相信都係長期只做呢幾款特價，包括紅豆沙涼粉、綠豆沙涼粉、椰汁西米涼粉及桑寄生蓮子蛋茶。埋單 $52, 抵食。記住佢星期日係休息嘅，因為我地試過星期日嚟摸門釘。…查看更多

是日外出飲宴，但一點都吃不飽……(肚餓)一心想看看附近有沒有甜品店，就是這樣我和家人一行3人來了這店。環境我們分別點了芒果涼粉、海底椰豆腐花和紫心蕃薯西米焗布甸~~~芒果涼粉有好多芒果啊~~~看似好好味~~海底椰豆腐花，媽子說椰汁加上豆腐花，裡面有海底椰絲和荔枝，甜度剛好又好吃~至於我的是紫心蕃薯西米焗布甸，也是不錯啊~外面的是西米布甸，不太甜~再加上中心那香氣十足的紫心蕃薯蓉，甜度剛剛好，而且2者的味道都幾MATCH，真的想再吃多一個~吃完真是大滿足，而且價錢很大眾，平時不太吃甜品的媽子也說以後有機會再來呢~:)…查看更多

於「權發」飽頓一餐後，madam自動自覺提出一項唔會有人反對嘅建議：食甜品。「甜品工房」可說是七姊妹道附近最好嘅甜品店，甜品款式十分多，而且間中有啲變化，所以熟客都有不少。是晚，縱然比正常食量食多咗一點，也難忍食布甸嘅衝動。北海道牛乳布甸是筆者之選。用嘅材料是北海道3.6牛乳，雖然肥，但奶香充盈是肯定的。白雪雪嘅外表，用鐵匙督開，裂紋是順滑筆直的，切面像剝了殼嘅雞蛋一樣。入口感覺是滑得可以，有如蛋撻般滑溜；奶味一點不霸道，一點一滴的，如細水長流，在口腔內逗留良久。十六蚊一個，十分便宜，值得一試。…查看更多

又來健威呢度食野。呢次試下呢間有鹹野食的甜品鋪先。叫左個甜品餐，有個豬軟骨水晶粉（豬骨湯底）同一杯芒果沙冰。個水晶粉都幾滑，ｄ料都唔算太少，味道ｏｋ，杯沙冰都幾滑，而且冇artificial味。雖然佢係食甜品，但食鹹野的人都唔少，仲好似越夜越旺場，又有外賣又有堂食，但佢淨係樓面都３／４個人，駛唔駛咁多呀？希望佢做得住啦。…查看更多

今日終於得閒去食下甜品啦平時經過以為佢剩係賣甜品原來有埋麵餐.....都幾多款式揀見佢地有個$35甜品餐...就叫左個沙嗲湯底吉列豬扒水晶粉黎試下啦豬扒都幾鬆化,味道不錯D水晶粉個口感幾特別有D似米線..但比較滑溜同咬口...飲品就加錢叫左杯草莓北海道牛奶個味道.....哈.....好濃既奶味...嗯...應該話好似牛奶糖味..都幾ok既甜品就係意式芒果春卷係我最滿意既甜品啦外層暖暖脆脆的...入面就包住凍既芒果唔覺唔覺可以食哂成碟…查看更多

今晚1個人食諗住嗌外賣,點知要$50先會送不過接電話個waiter態度好好:)咁樣唯有嗌完落去拎~唔知係咪今晚比較忙,所以落到去都等左一陣先有.買左個套餐,黑椒煙鴨胸肉米線,加一杯餐飲之後加多$5有多一個$12甜品外賣加$1,總共$36都唔算太貴.鴨胸肉略為少左d,有d失望:(不過d肉都好入味,所以都算係咁,餐飲要左沙冰,不過飲到底發現有粒冰成粒冇碎過甜品就要左豆腐布丁,食落都好香整體算都幾好.…查看更多

六月中旬•炎熱 在對面喝了湯，吃了個蒸飯，再來這邊吃個甜品，就完滿了。 到過這裡的紅磡店，印象不錯，自創的甜品也有得色的。進店已聞到榴槤香，那當然來個榴槤飄香來吃吃。 甜品轉頭送上來，果然榴槤香味是撲鼻而來的，累得坐在對面搭檯的小情侶也急急轉檯，真對不起。味道濃郁，絕對是吃著結實的流質榴槤的味道。當然，如你問我，覺得一定下了香精，味道才會這樣強烈，但吃起來感覺是不錯的。 埋單25蚊，榴槤迷值得一試。怕聞榴槤的，見隔離檯叫也要避開的了。…查看更多

平時... 我會同我朋友去哩度食午餐,但今日... 終於有機會嘗試佢地個甜品了是日甜品有....北海道牛乳布甸 - 本人覺得不太"漏"... 有一陣陣香味...意式芒果凍春卷 -感覺得特別, 外暖內凍...:)…查看更多

先報告下我地今日叫左咩啦-白雪黑珍珠-芒椰小丸子沙冰-火龍果鮮奶-楊枝金露白河粉-凍芝麻糊-凍合桃糊-椰汁西米露-芒果白河粉-芒果水晶西米撈-海底椰西米撈-椰汁馬豆糕-芒果涼粉西米露-南瓜西米焗布甸首先, 芒果類食品有人話覺得芒果太酸但係食芒果小丸子沙冰個位人士就話以後都要叫返芒果類野食喎另外食芒果涼粉西米露呢, 佢話西米太硬芒果太酸...個南瓜西米焗布甸好飽, 其實就食到好甜, 個質感都幾好, 不過食落唔係好覺有南瓜味囉南瓜西米焗布甸好"溜"食左3份1已經俾左人食...幾個人分...頂住心口到依家...芝麻糊...睇之前都有人講過話唔得...諗住可能依家會好D掛...點知係芝麻水...好稀...完全唔掂, 結果成碗罷左係到冇食, 佢仲問...其實個芝麻糊係咪羅黎玩架...跟住就係到玩個D芝麻水...椰汁西米露又係...冇椰汁味...仲有怪味白雪黑珍珠幾好, 入面有香焦, 龍眼個D, 不過我其實唔係咁鍾意佢咁多生果, 個白雪黑珍珠底就好好食, 或者下次叫佢俾指定一種生果會仲好楊枝金露河粉就太甜啦, 不過都OK ge, 係甜左少少火龍果鮮奶就太多奶, 少左d火龍果味其實都食得過ge不過芝麻糊真係千祈唔好叫啦...同埋我地係叫外賣, 佢服務態度都幾好!…查看更多

成日都唔係好接受到，現代甜品比傳統甜品，起碼貴2倍，甚至3倍!!!不過，有時又真係冇得講既，因為真係好好味。是晚甜品，香芒豆腐花。芒果都好多，而且非常甜。豆腐花好香豆味，亦好滑。响豆花上既芒果汁，真係好正，好好好好好味。:)好滿足，好開心。…查看更多