甜匠

營業中

休息中

尋晚喺馬鞍山喺中式酒樓參加完大型家庭聚會，覺得空虚又寂寞，硬係爭咁啲嘢🤭想食甜品啊！😍路經甜匠，都幾多人，見到咁啱有兩個吉位，我同表哥立即衝入去💨💨💨我哋叫咗#1「現烤半熟費城奶•酪紅莓粉曲奇碎北海道3.6牛乳雪糕」同#2「巧克力布朗尼棉花糖」#1半熟奶酪流心-酸酸甜甜奶味極濃💓甜甜紅莓粉同趣趣曲奇碎灑上濃滑北海道3.6牛乳雪糕，冰火雙重奏！冷熱脆滑一次滿足，喜出望外！😲#2微溫嘅布朗尼口感軟糯，濃郁朱古力雪糕配搭炙燒棉花糖，將全部食材一次放入口，外脆內軟 冷熱交織💕💕甜品上仲有少少阿華田粉同杏仁片 提升口感層次，甜膩得好幸福！幸福得像個小孩子😝下次去完家庭聚會，一定要再嚟🤡💝💝💝

由呢間舖頭開店到而家都好鍾意佢哋每次屋企人想食甜品都一定係去呢間 最鍾意食佢哋嘅心太軟 焗得勁香朱古力味 甜度適中 總之就超好食 另外屋企人都好鍾意食佢個牛奶拖肥香蕉窩夫 個窩夫又係焗到外脆內軟講起又好想再食了☺️☺️☺️

係人都知道馬鞍山冇乜嘢好食，但係遊車河一場嚟到咁就梗係要搵碗糖水食吓啦，但係屋企人想食咁就買返碗返去同佢哋一齊食冇堂食好想食芋圓，所以就嗌咗個雪梨芋丸嘅嘢🤣🤣因為我唔記得叫乜嘢名，佢嘅份量都幾多，好多粒芋圓唔知其他餐廳咁得幾粒，食到有芋頭嘅味道同埋番薯嘅味道，糖水又唔係太甜，同埋都幾潤，雪梨都有成半個，另外仲嗌咗個雪糕窩夫，嗰個太好食唔記得咗影相🤣🤣下次再去馬鞍山係值得一去嘅糖水店👍🏼👍🏼

出街食完飯行左陣口痕想食糖水，知道附近有間新出開心果甜品就去試吓。堂食要等又唔知要等幾耐，決定買外賣返屋企舒舒服服咁食。今次買左宇治抹青川同開心果心太軟。青川個個好足料，勁多紅豆，抹茶味夠重，唔係假既茶味，綠茶蒟蒻好煙韌又有抹茶香味，加埋其他配料一齊食口感好豐富，又唔太甜（甜品既高級讚賞），鐘意食綠茶野既朋友可以試吓。開心果心太軟比到驚喜我，一切開好流心又夠暖，連埋個外皮一齊食，完全係滿口開心果味，加埋旁邊既燒棉花糖同糖霜一齊食個開心果味又出d。唔知係咪外賣或者原本跟個款雪糕賣晒，個士多啤梨雪糕爭小小但唔影響成個心太軟，值得試試。

住喺烏溪沙咁耐，真係差唔多食咗呢間甜品店20次。認真已經推介咗俾好多唔同嘅朋友，決定都寫個食評記錄一下有幾鍾意食呢度嘅甜品。叫咗個新嘅甜品法式厚多士，好似覺得呢度嘅甜品配嘅雪糕都好好食，可能用個鑊鏟做碟，可以保持住甜品嘅溫暖，同時間上面個雪糕又有強烈嘅對比，真係一啖接一啖完全停唔到咁樣食完咗呢個甜品。女朋友叫咗另一個半熟芝士蛋糕甜品，我哋真係食咗好多次啦，所以每一次過嚟都一定要食，就算幾飽都好食呢個甜品都唔會覺得好飽！好值得大家都試吓！

#fatxmaonshan ‼️值 得 為 咗 佢 去 馬 鞍 山‼️·① ［ 桂 圓 白 雪· 桂 花 愛 玉 / 京 都 宇 治 林 青 川 ] |必𝐄𝐍𝐂𝐎𝐑𝐄 店ꉂ೭(˵¯̴͒ꇴ¯̴͒˵)౨”「 桂 圓 白 雪· 桂 花 愛 玉 」 ：桂圓肉/小丸子/🥥𝐢𝐜𝐞𝐜𝐫𝐞𝐚𝐦 / 桂花愛玉愛玉超大超滑⸜( •⌄• )⸝桂圓肉唔會太甜，等🍦溶咗仲正～「 京 都 宇 治 林 青 川 」 ：西米/小丸子/抹茶蒟蒻/紅豆/手工白玉「 抹茶蒟蒻 」 超有驚喜！有少少澀味又唔會太苦｜𓋪10/10•② ［ 桂 花 愛 玉 · 手 工 雙 圓 / 現 烤 半 熟 費 城 奶 酪 」 ｜「 桂 花 愛 玉 · 手 工 雙 圓 」：日本黑糖/芋圓/地瓜圓/小丸子/桂花愛玉都係個句：桂花愛玉𝐢𝐬 𝐚 𝐦𝐮𝐬𝐭 𝐭𝐫𝐲 𝐡𝐞𝐫𝐞!!!但2款愛玉𝐜𝐨𝐦𝐛𝐨會揀 「 桂 圓 白 雪· 桂 花 愛 玉 」多啲。「 現 烤 半 熟 費 城 奶 酪 」：紅莓粉/曲奇碎/北海道3.6牛乳🍦呢個比想像小，以為🧀會膩，點知越食越開胃喎～一❄️一🔥好正！｜𓋪9/10· 甜匠 (馬鞍山)馬鞍山鞍誠街8號MOSTown Street新港

一場嚟到馬鞍山，決定食埋甜品先走！小店位置唔多，裝潢溫馨舒服。餐牌設計都非常有心思，有唔少解說介紹，文字間已經感到到老闆對甜品的認真和熱誠。╴ ╴ ╴ ╴ ╴ ╴ ╴ ╴❀ ╴ ╴ ╴ ╴ ╴ ╴ ╴ ╴▶ ∗︎*ﾟ 法蘭西吐司叫左Special Menu上嘅French Toast，賣相一流！厚吐司外脆內弱，中心非常濕潤似食緊麵包布丁🍮～上面淋上嘅蜜糖🍯畫龍點精，加埋香滑牛奶雪糕🍦一齊食，冰火交融好治癒！▶ ∗︎*ﾟ 芒果拿玻崙擺碟好高級精緻，係老闆對自家製甜品的認真！拿玻崙嘅重點靈魂：酥皮好脆，口感滿分💯！！！芒果夠晒多汁香甜，Cream輕盈唔會過甜或者搶芒果風頭。🥭╴ ╴ ╴ ╴ ╴ ╴ ╴ ╴❀ ╴ ╴ ╴ ╴ ╴ ╴ ╴ ╴每款都好有驚喜，值得專程去的精緻甜品小店，為一日完美作結！🙌🏻欣賞小店的認真！會再訪試埋招牌窩夫！🥰🙆🏻‍♀️

叫咗一個朱古力窩夫，覺得窩夫🧇口感好厚，唔軟又冇空氣感，雪糕只係用緊最普通嘅雪糕，但價錢係幾aggressive下，如果mark up依個價錢，我諗未必會再幫襯。另外一件事係員工大聲大講大聲笑，店舖裏面所有客人都好安靜咁傾計，反而係佢地最大聲。最後，唔太理解21世紀點解唔收八達通/payme，好堅持只收cash…..

呢間甜品喺馬鞍山都一段時間，當年我仲住馬鞍山嘅時候已經喺度，佢哋啲甜品幾特別，除咗中式糖水，仲有台式嘅芋圓、愛玉，西式嘅窩夫、布朗尼，日式嘅抹茶、白玉等等⋯不過店舖比較細，唔係好多位，呢一日燒完嘢食想食甜品就決定食呢間～#現烤『半熟』費城奶酪 $62紅莓粉、曲奇碎、北海道3.6牛乳雪糕，呢個我每次嚟都叫，雖然成6字頭有啲啲貴，但係好食。芝士好香，紅莓粉酸酸哋，可以平衡返成個味。個底係餅底，加埋雪糕，軟、硬、冰、火組合一流😆#桂花愛玉手工雙圓 $45有日本黑糖、芋圓、地瓜圓、小丸子.、桂花愛玉，呢個甜品雖然有黑糖，但甜度剛剛好，加埋桂花愛玉清清地，燒完嘢食啱晒～呢間味道唔錯，不過呢個價錢，份量如果大返少少好啲🫢

之前某日look 社交媒體網站睇到呢間野，D相都好似好正 個waffle又幾得意，咁我就好想去試囉，即刻問左住馬鞍山同埋沙田既兩位朋友，分別持兩極態度，咁我就諗住去試一試佢。（本人大西北鄉下仔）琴日2月19號大概2200order，然後一直有顧客入黎，我諗呢間野都應該幾出色咁啦！！咁我就滿懷期待叫左個野莓waffle同埋半烤乳酪。然後等左20分鐘左右，見到後個我order既顧客個野莓waffle早出過我，我就疑惑咁問佢，點知佢話漏左，但係我落完單個時重見到佢同其他客仔傾緊計，我好惆悵。咁唔緊要，好野要等我okay!。野莓waffle上先，上到黎極度覺得少overtime，然後放左一啖落口，出色！waffle有既奶蛋香完全沒有，只有一陣麥味，是的係麥味！0分；到半烤乳酪上到，個樣唔差，第一啖食落去幾好，咁係因為我剩係食到兩層，佢成個甜品有三層，上面係奶味極冇既雪糕，中間係燉蛋質感，下面有個餅底，只要一啖食三層，你就會感受到各有各味既感覺，出色！0分以上皆為本人真實評價！本人由極度期待->期待->極度嫌棄既心情係上文展現得淋漓盡致！

叫左黑糖金時白玉同埋半熟費城奶酪，兩個pan都味道正常，無咩驚喜，中規中矩，相比之下奶酪pan有巴斯克蛋糕嘅感覺，比較濕潤，但雪糕味道不太突出，不知道是牛奶還是其他味道

上次太多人食唔到 今次揀個平日晚上 終於可以唔洗排隊😎門口仲有個迴旋處死胡同 可以泊車 超方便👍🏻👍🏻🧀現烤半熟費城奶酪熱辣辣 滑溜溜 嘅芝士 配上 凍冰冰 香滑雪糕🍦係口入面 做到🧊冰火🔥交融甜度 濃度 都做到恰到好處份量 岩岩好調住你個胃 唔會食濟🍫布朗尼濃濃朱古力味 外脆內軟嘅布朗尼 甜絲絲嘅棉花糖再加上脆口杏仁片 增添口感朱古力迷 一定愛不釋手🥰世界級極品🥇🏆🏅無論食幾多次 都唔會厭嘅甜品😌如果唔洗排隊 我應該一星期食一次🤫🫢

呢間喺馬鞍山唔起眼嘅甜品舖竟然有擺盤靚靚 又好食嘅甜品🍨今次試咗佢個心太軟 冷熱嘅配搭食法 非常之好味😋不過店舖位置比較少 如果夜啲食有機會排隊仲有好多其他甜品可以選擇

呢間甜品店係一間位於馬鞍山嘅小店，之前已經介紹過一次，今次再嚟試吓其他甜品😋呢度嘅甜品全部賣相都好靚，最適合打卡，而且味道都好又驚喜，又唔算好貴，超級推薦！✨•甜蜜烙印。「可可」🍫 $52呢個甜品用左玻璃撙裝住，裏面有巧克力慕絲、棉花糖、布朗尼、雲石脆片同埋巧克力雪糕，完全係將我最鍾意嘅野集於一身🤤最啱我呢啲朱古力愛好者🤪每一樣材料其實都正常發揮，但將幾樣野撈埋一齊食口感會變得好豐富，特別係個雪糕溶咗之後又可以撈落啲棉花糖同brownie度🥺真係好正㗎😈•現烤「半熟」費城奶酪🧀 $55呢個甜品用鐵pan裝住，用來保持住個溫度，奶酪面頭灑上左紅莓粉、曲奇碎同埋仲有一球北海道3.6牛乳雪糕，唔好睇佢平平無奇，佢個味道真係好有驚喜❗️奶酪個口感有少少似溶咗嘅cheesecake，但佢係流心嗰種而且又暖暖地，夾埋雪糕一齊食完全係嗰種冷熱交融嘅感覺😍口感超豐富呀！•熔漿巧克力蛋糕🍫$62•熔漿抹茶蛋糕🍵$64其實呢兩個就係朱古力同抹茶嘅心太軟，一切開就會有熔漿流出嚟，外脆內軟🤤而且朱古力同抹茶味都重，心太軟再配埋雪糕，又係冰火交融嘅感覺🤪

其實今次係我第二次嚟呢一間甜品屋食嘢，第一次係唔成功識食到喇😅所以今次做足準備大切現金先至來食！一定要拎現金！一定要拎現金！一定要拎現金！🍰😋首先，我要講下佢地嘅溶漿朱古力蛋糕！真係好好味啊！一切蛋糕切開，熱騰騰嘅朱古力溶漿就流出嚟，味道濃郁又香滑！！我可以話係一定要試嘅招牌甜品！🍫🍰💕不過，餐廳空間相對細小，枱數都算多。如果你真係有心想食馬鞍山甜匠嘅甜品，最好係早啲嚟，比較容易揾到位。毕竟好嘢要抢手，唔想錯過啊！⏰🍴✨