甘豐寿司 (已結業)

光顧了數次，除了第一次，其餘都是5歲女兒要求去的。食過义燒拉麵、豬軟骨拉麵、三文魚頭窩、壽司等。感覺上食物還可，但員工沒有一個正常，個個黑臉，一點愛心也沒有。曾有一位懷孕員工，把石頭窩飯放在5歲女兒面前。基本上，他們都是隨便找個位置把食物放下。厨房員工經常講粗口。老闆一定是很刻薄的吧!

呢間鋪由佢剛開我就幫襯，一直都覺佢d魚生特別好食。上2星期前就好自然買佢既三文魚刺身啦，點知買到返去食，食左1舊發現有d 苦，我都唔理，可能係自己問題者，食多舊都係苦，點知直到我男朋友食1舊，佢食完講句：咦！苦既？我話我都覺喎，但見佢d 色都冇問題，我地就試下會唔會係個鼓油出事呢，最後換左個鼓油都仍然有苦味。點知第二日我地就痾，當然要去睇醫生，我比較誇張，直頭係瀉。希望公司可以檢查緊少少係咪衛生出左問題。

餐廳: 甘豐壽司地址: 大圍區備註: 外賣今天同事的老公開車到大圍，所以我也跟順風車到大圍買外賣給女皇。早已在OPENRICE留意到大熱的甘豐壽司，終有機會一試。甘豐主打外賣即做的壽司，店內已有三人等候。下單的點心紙有好多種類的壽司，不夠五分鐘就點左十多款。由於即叫即做關係，下單後還要多等十五分鐘。回家發，首先檢查全部壽司的樣子保持的很完整、賣相都很漂亮、看上去顏色都很新鮮。芝麻八爪魚軍艦壽司，八爪魚只有半隻，但沒有冰硬的感覺。海膽手卷，海膽鮮甜味濃，很新鮮，沒有怪味也沒有濃濃的苦味。火炙芝士蝦壽司，芝士很香，蝦肉很甜很大個，很有嚼勁。自家製玉子壽司比普通玉子壽司好食，雞蛋很嫩帶微微甜味。北極貝、三文魚、帆立貝都很新鮮，刺身份量也挺大的。壽司飯真的是手握的，絕對不會散，米飯壓成很實在的一團，帶微醋酸味，很好吃。值得一提的是，員工服務態度十分好！ 

望落好似好少海膽，但其實可以食到最後一口，好鮮甜；紫菜好脆（即食）；凍凍哋，好爽😝*等候時間：5～8分鐘*企位食，有其他口味揀*店員有禮貌、好細心，會提醒客人食手卷前用酒精搓手👍🏼下一次都要繼續捧場🙌🏻

替男友預祝生日，數天前特意預訂《甘豐寿司》的「廚師發辦」（其實是我問男友想吃什麼，他說不如吃刺身），原本預算是$800，店子下午時致電說來了批比較罕有的活黑北寄貝、詢問有沒有興趣（她們沒有硬銷，純粹是提出建議），於是就決定加碼至千多元嚕。因我經whatXXXp訂購，隨後她們更以message確認相關金額。ps. 「廚師發辦」即是跟店子說出預算金額、供幾多人享用，以及其他特別事宜等等，然後再由廚師依當日的食材供應情況來決定款式。這次我就點了刺身及壽司、款式要精緻的。原本買滿指定金額便可免費送貨，不過兩口子見店子門市在附近，那就自取吧！！！跟了兩套餐具、保溫袋、壽司醬油及日本真芥末，由於是日的天氣近乎冰箱溫度，所以不須提供冰袋。話說我下訂時提及用來慶祝生日的，在沒預計之下店員還特意畫了張漂亮的生日咭予我們，簡簡單單卻充滿驚喜。先來的是刺身…雖然是外帶，不過店子以小花作點綴，加上用心擺位，單看的話確跟在外邊用餐無異。活黑北寄貝，一隻（連殼）…北海道牡丹蝦，兩隻…極上厚切三文魚腩，兩件…磯煮鮑魚，兩隻（連殼）…日本大拖羅，兩件…然後就是另一盤壽司…也經過悉心佈置的…韓風魷魚三文魚籽卷，一條配沾

店名：甘豐寿司 地址：大圍積富街57-69號積富樓士地下E號舖 好味指數：7.8/10價錢：$58甘豐便當A 便當有4款選擇，選擇了A餐，包括了角切魚生、櫻花蝦飯、沙律、前菜，還附送一客麵豉湯。🍱便當賣相精美，櫻花蝦飯份量頗多，櫻花蝦沒有太多調味，吃上來較清新。魚生種類不多，切成小粒，吃上來都是新鮮的。 店員服務殷勤有禮，還主動向我們推介食物。

幫襯左好多次這間細小的壽司店，其實他們壽司刺身種類很多，吾多明點解做外帶及只得4個位，可能香港租金真的太貴，成日見到多些人時也要迫迫哋企住食。今天用了他們的外送服務，在家時終於記得相機先食拍照，哩間小小外賣店每次都比倒我哋驚喜！！今次嗰超極上北海道海胆絕對係要再Encore，比一向食開的更鮮甜好味，一點也沒有苦澀味!! 新西蘭活帶子又新鮮又大隻，水準依然，夠哂肥美。西班牙生蠔是這店少有提供，手掌咁大隻，海水味好重，買12隻送1隻好抵食！加上，送貨準時又有跟冰塊，價錢算合理，安排很專業、體貼。

葱碎吞拿魚腩飯是我最愛吃的魚生飯之一，所以經常周圍"試食"。今日剛好路經沙田大圍，經網絡搜尋後，我找上了在大圍小街的一家蚊型寿司、刺身外賣店 - 甘豐寿司。因為是由用剩的碎肉作材料，所以價錢比整件過的魚腩片便宜得多，因靚的腩位壽司也可能要上百元件，但店姐姐話也要視乎當天食材而定所以不在餐單上。加上有水準的食肆所用的吞拿魚腩質量高，即使是肉碎，也分外美味~。吞拿魚腩已經是十分美味的部位，攪碎後油脂更盛，其油香比一件過的吞拿魚腩有過之而無不及。靚的吞拿魚腩價錢貴，壽司師傅會把刺身用剩的魚腩角和肉碎留起來，用來製作碎魚腩。另外，他們加入香葱及芝麻，加强了魚油香味及加添多一點清新感呢。紫菜幼條分開上，放上飯上仍是脆脆的，處理得很細心。這小小的外賣店給我印象深刻。師傅在我落order後即時把幾件鮪腹及赤身切開，混合剁成魚蓉後，再放進碗內攪拌成球狀，在上面灑上即切的蔥花，一碗香蔥碎吞拿魚腩飯便完成了。回到寫字樓吃著即剁的碎吞拿魚腩幼細香滑，軟綿綿的口感加上脂香，在蔥的微辛中引發出美妙的化學作用，再伴以微暖的珍珠米飯吃及加入即切及仍然脆的紫菜，唯一的感覺就是幸福滿瀉。

都係睇到FB啲谷友介紹至嚟。還以為是什麼料理，去到門口有啲被玩嘅感覺，因為哩間甘豐絕對唔係餐廳，只是間得三個座位嘅外帶店。見嗰靚女咁出力招客，加睇到已經係度食嘅人都笑晒口出嚟，我先至試。天氣凍凍地，全部叫咗火炙寿司系列加個自家製玉子前菜。以外賣店嚟講極對係超班。首選蒲燒三文魚，好味低食！哩個唔洗用醬汁，因為三文魚中已經加咗自製醬汁。三文魚juicy得尼又夠(野)味，8蚊件抵食！火炙章紅魚同左口魚裙邊都值得試下。燒過嘅左口魚裙邊令到啲魚香出鬼晒嚟，又冇燒過(隆)令到啲左口魚邊溶鬼晒，功夫幾好。章紅魚清甜有質感，配賣少少汁醬，好食！這次冇得食和牛，要食安格斯BB牛就有啲啲失望@@，但係個汁有啲韓風，令件BB牛精神晒，都幾正！差啲漏咗個自家製玉子燒前菜，哩嗰係會令人有一試難忘嘅感覺。玉子軟綿綿，熱辣辣，又唔似啲"人工"玉子死係夠晒甜味，哩間小店極有心有力，好難得，不過吾怕迫或外賣先好去試哈哈！但係嚟哩度要"小心"，因為好容易"洗大咗"！我唔係第一次嚟，千其唔好撞到嗰位文職靚女，聽完佢介紹，次次都食多咗又洗大咗！不過我都會再返嚟！下次重唸住揍夠廿人到再試吓佢個到會服務添，分擔下又可試多d不同的

一個人的平安夜也可以很温暖。走進這間外賣店仔享受個一人前壽司餐也不錯吧。特大隻帆立貝壽司，並由本來的黑松露免費升級至貴嘢白松露，濃郁的味道配合厚肉的帆立貝使佢嘅鮮味更突出，吾好加豉油食啦。厚切的三文魚腩及油甘魚腩壽司好好味！暖暖的甜蛋是師傅自製的，在外賣店少有的驚喜，配帶有小小酒精的飲品好正！用咗哩個優惠換紅天使牡丹虾，超大隻超爽，好味食左先記得影相，只留下個虾頭哈。簡樸小店但店員勁親切有禮，定價親民超水準！

回家路上順便買了些刺身回家和家人一齊嘆，有磯煮鮑魚(很少外賣店叫來食)都幾入味。我最愛食虾，咩虾都like，這裡叫了天使虾、牡丹虾和另外加一板馬糞海胆(送紫菜分開上)，超鮮味，好甜！野生吞拿魚腩咁arm有，也試下，好新鮮、脂肪分布均勻，肥而不膩，入口即溶不會'溜'，好好味！

雖說是經常幫襯近兩年，但今晚遲左收工，他們就收店都照沖入去攞幾日前訂了的活毛蟹，店員笑容及水準依舊，無黑我面阻佢地收工。謝謝！活毛蟹拿了出來見到有日文報紙及大量木糠包著，還有發泡膠箱及大量冰粒提供，保鮮度十足、非常專業。回家蒸熟後拆肉，蟹膏滋味、蟹肉鮮甜。雖然雪藏貨平點，但鮮味道確實有不同，間中食下都ok。😆

這間小店吃過很多次, 今次試魚生丼, 要了魚生丼SET C, 但其實也可以自由選配料, 今次魚生丼, 有吞拿魚, 八爪魚,北寄貝, 甜蝦, 蟹籽, 三文魚, 三文魚籽, 還有海膽, 每款丼飯必配薑, 甜蛋, 紫菜, 但我的沒有了紫菜........ 魚生夠新鮮, 份量都足夠, 一般食量女生必定足夠 一向對甜蛋 / 三文魚沒好感, 但對這小店提供的甜蛋 / 三文魚感到驚喜, 甜蛋不會過甜但又有蛋香, 三文魚夠新鮮, 都夠甘香肥美, 值得一讚

舊同事聚會搞House party，去甘豐訂左兩條白身魚魚刺身，就是要夠約10-15人之份量，他們經常有不同種類的活魚介紹，幾天前預訂時，我也是由他們發辦介紹及安排了這兩條共60片薄切的刺身，最後提取時兩條魚個名都未聽過，不過其中一條好似是鯛魚，加起來都只是千多元，同事們話budget有限，但咁多人除開ok la，因很多同事都未試過外帶原條魚的刺身並好想試。食落那條鯛魚魚味較濃，且肉質相對較有咬口。另一條肉質相對細嫩柔滑，加上這兩條白身魚魚肉味道清新，不會像三文魚的那樣膩，尤其是女士們食過不停口吾怕肥，大家都好happy。 我們也準備了清酒，感覺一流。我知道日本可當刺身食用的白身魚應該有很多，希望將來有機會再試其它啦。其實食刺身最更要新鮮，而這店外帶刺身保存食品也很細心，除建議我提取時間外，且有足夠的冰塊提供，所以回家時鮮味依然，不點醬汁都好正。而他們也另外配上足夠的酸汁及辣蘿蔔蓉，薄切加酸汁味道極之配合，更能帶出其鮮味。今晚很多同事都是首次食活魚簿切刺身，食完個個同事都讚！ 當然，建議如果有外送服務就更好、更方便。

初次寫食評，希望大家比些意見。可能我食得有點腌尖，但如果食日本嘢，又怎可不吃白身魚，今天就試了店長推介之間八簿切刺身。肉質方面，入口感覺較爽口彈牙，味道清甜鮮美。 脂肪比例比較平均，不像三文魚那樣油脂豐富，但絕對魚味十足！雖然小店配上自己秘製嘅酸汁，但這些新鮮刺身，我較喜歡不加醬汁品嚐其鮮味。另外加點幾件師傅即叫即握嘅寿司，這裡甜蛋寿司好正，是師傅即做的，暖暖的而甜味適中，必要試。海膽、珍寶帆立貝、三文魚籽寿司也是這店必食之選。另外，加幾件三文魚寿司，幾蚊件既新鮮又飽肚。環境雖然地方較少，可能坐低食不算太舒適，不過食物及服務搭夠。都明白很多人同時買外賣，但如果上菜快點更perfect，肚餓嘛。