影片
電話號碼
35802938
開飯介紹
招牌菜: 燒鵝, 西洋菜陳腎牛鰍魚豬踭湯, 甘一刀肥叉燒
繼續閱讀
附加資料
只限南華會會員及其親友/家屬進入
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
333 瀏覽
話說某飯局中薯爺提到想食燒鵝，但深覺中環名牌「鏞記」嘅水準已不大如前，名廚好友聽到即推介老店後人創辦嘅「甘棠燒鵝」。真係冇諗過電話一打就通，完全唔似坊間傳聞般咁難訂位喎！餐店位於銅鑼灣南華會一樓保齡球場內，會所四周都貼有指示，非常清晰。有一點大家要留意，經保齡球場入口雖然係近啲，但係就要行上三十幾級樓梯。行動不便的話，建議喺遠少少嘅體育大廈（即禮仁小學對面）度入，嗰邊先有𨋢搭。中菜廳個門面十分起眼，以鵝形繪成嘅「甘」字標誌可愛又到題。接待及收銀處身後透出光鮮企理嘅廚房，燒味部嘅師傅當真忙個不停！傍晚六點全店滿座，早咗半個鐘嘅XO仔要等到六點半先有得埋位，幸好在場嘅經理Joyce姐姐非常好人，得悉細佬要為長輩們搵定個𨋢同洗手間嘅位置，仲唔嫌煩咁親自帶路。光猛嘅用餐大堂其實唔算太噪，主要都係保齡球場嘅雜聲多。六人用餐有最靚嘅一號枱坐，空間感都好足。桌上擺有齊備嘅自用及公用餐具，仲有個轉盤。如果想要多啲私人空間的話，客人可以要求訂房；細房可容納上十二人，大房則可容納上十六人，最低消費為$750/位。九頁餐牌只有中文版，其中瀨粉七點已經賣哂，建議有意食的話最好乜都訂定。餐牌最後一頁寫明茶錢$18/位，開瓶費$100/樽，咁又唔係好過份。甘一刀叉燒 肥燶（$210/例牌）：厚切嘅叉燒好靚好腍，外皮燶得黎好香，層肥膏直頭溶喺口，靚靚媽咪牙力唔好都食得到。松花皮蛋配酸薑（$16/半隻）：已預先開邊嘅皮蛋極之溏心，半透明嘅蛋白軟彈嘅同時，蛋黃香濃潤滑，高質美味。燒鵝下莊（$220）：燒鵝係就係比「鏞記」好食，但唔代表佢正！燒鵝皮層上枱之時最脆，無奈皮下脂肪多，脾肉都唔夠鬆，肉質帶點兒韌。甘棠薑蔥鵝油撈麵（$58）：簡單嘅鵝油撈麵超級爽嫩，食落一啲都唔油，輕巧非常。百花金腿釀新鮮鳳翼（$768/半打）：釀滿蝦膠嘅雞翼脹卜卜，個擺盤賣相就有啲奇怪，小弟轉咗幾次隻碟都唔知邊個角度影相先正確。雞皮尚算柔軟有彈性，可惜個百花餡就只得個膠，冇乜蝦味，薯爺狠批此味釀雞翼不知所謂，絕對唔值$128/隻！甘棠一品鵝雜煲（$100/位）：第一次食一品鵝煲係喺「鏞記」間會所餐廳「嚐真」，當時食齊鵝嘅所有部份，而且每款同樣細膩可口，印象尤深！「甘棠燒鵝」個淨雜版本明顯差距甚大，估計原因係時間管理得唔好，師傅疑似一次過煮哂所有材料，而並非逐層去煮。相片可清楚睇到煲品嘅油層，入面嘅鵝翼唔夠腍，應該要煮耐啲；鵝腸唔夠肥所以偏韌；嚡嚡地嘅鵝肝就過熟所以硬實；最好食只有滑嘟嘟又夠厚身嘅鵝紅。涼瓜炒苦瓜（$168）：經理姐姐極力推薦嘅招牌菜以兩種「半生瓜」炒出，一深一淺；深色嗰款個味甘啲同濃啲，淺色嗰款則清甜清爽啲，最緊要係菜式勁啱席上嘅老人家口味！隱藏於南華會嘅「甘棠燒鵝」環境開揚通爽，綜合六人意見，價格偏高嘅食物質素評分會俾三點五分，屬OK與笑臉之間，但由於服務生態度誠懇，成功提升咗晚餐嘅享樂，希望XO仔一篇微不足道嘅好評可以為小店鼓勵一番。
繼續閱讀
剛好約咗班舊同事打保齡，隔離就係鼎鼎大名嘅甘棠燒鵝，呢間嘢講真唔算平，不過好在服務態度都幾好，餐廳環境都唔錯，燒鵝好食係好食不過講真就真係唔係好值呢個價，點菜果陣已經就住嚟點啦，埋單都要成千銀
繼續閱讀
燒鵝確實係幾有光澤嘅，外皮睇落真係好吸引好有食慾，不過實際食落去就同想象中有些少出入，肉質偏韌唔好咁好咬，同埋我覺得唔係好入味，外皮夠脆，但係油脂過多，唔多好，價錢唔算平，總體性價比偏低，其他菜式就不過不失
繼續閱讀
這是很多網紅推薦過的，今天特意來試下他們的招牌燒鵝。環境：地方不大，但是整體還算幹淨整潔，菜單基本都是粵菜為主，推薦都是燒臘居多服務：態度很好，服務專業，笑容滿分口味：味道真的差強人意，對不起這個價格，和大排檔出品差不多性價比：5/10
繼續閱讀
環境：居然係隱藏係保齡球館裡面，有啲大隱隱於市嘅feel，幾有神秘感服務：近期比較hit嘅【X記牛腩】事件過後，相信大多食肆對於服務態度都有返唔少嘅感觸，反正當日我感覺冇乜問題食物：豬紅比較普通，食唔出有咩特別。金錢雞幾有特色，偏肥膩，叉燒色水靚，不過仲肥過金錢雞。燒鵝不過不失，價錢認真唔平
繼續閱讀