瓏門冰室 (已結業)

雖然龍門冰室咁出名但尖沙咀呢間就出名伏不過Ｄ人話自從龍門搵左個才女比意見之後連尖咀分店都大幅改善今日就黎睇下，果然真係掂喎！剛入店已經感受到滿滿既香港味道作為一個食肉獸，見到佢出呢個食肉獸大餐又點可以唔叫疫情期間，鋪頭仲好有心咁提供消毒液之餘仲有紙袋比人放口罩，好值得一讚食肉獸雜扒套餐（巨切吉列豬扒、西冷牛扒）上面兩張圖都係同一份黎，冇錯！就係咁誇張！係兩塊同隻碟一樣大既扒！唔好以為佢係大而無當呢塊吉豬可以話係炸得非常出色外層香脆得黎唔油膩而且炸粉唔會厚，令人可以真係感覺到係食緊塊豬扒而唔係食緊粉漿真係好出色牛扒亦唔輸蝕大大塊既西冷，咬落去有好香既牛味佢個黑椒汁亦都較得好出色辣辣地唔會過火，黑椒味好香好開胃呢個餐除左有野飲仲跟埋例湯，驚死你食唔飽而佢最特別係會用呢個包裝夠晒衛生粟米湯堅足料，非常之咁濃稠傳統英式早餐（炒滑蛋、德國紐倫堡腸、煙三文魚、煙肉、大蘑菇、薯餅、焗豆、多士）呢個ALL DAY BREAKFAST真係唔到你話佢唔足料淨係數出黎已經可以數到八樣野，都仲未計佢有少少沙律真係可以話係九大簋炒蛋滑溜，蛋味香濃而不腥德國紐倫堡腸大大條，味道香濃煙三文魚點估到係港式冰室會食到煙

下午六時, 我們到了龍門冰室叫了三道菜，分別是鐵板雜扒餐， 炒牛肉飯， 和魚柳蛋多士配蘋果醬。主菜前， 奉上兩袋洋蔥湯， 要自行剪開袋口， 把湯倒進碗內。 洋蔥湯濃烈， 是純粹的洋蔥湯。 檸檬水很大方， 小小的一杯放了四片檸檬。 好立克不太甜。先上魚柳多士餐。炸魚柳有兩塊，色澤油潤， 在燈光下閃閃發亮。由於已經有炒滑蛋放在多士上，食客別誤會把蘋果醬塗在多士。 蘋果醬是為了魚柳而設， 可望化解油膩。 多士不薄， 滑蛋不老，魚柳不小，果醬不酸。另外還附有傳統白色沙律醬。雜扒餐方面，西冷扒全熟， 不用擔心衛生。 雞扒嫩滑， 它的脆皮上有塗蜜糖。 炸帶子的味道和質感像蟹柳，一舉兩得。 重點有蕃茄， 西蘭花， 和美味的粟米作伴菜。 粟米甜美， 蕃茄新鮮， 被鐵板烤得軟暖。鐵板底部意粉亦脆口。牛肉炒飯溫潤清淡，健康人士之選。牛肉量適中，飯的分量極大。口味濃烈者若配上兩羹辣椒油拌之，更為香口，能提升境界。最後叫了一杯凍檸樂， 餐廳毫不吝嗇， 鐵製大杯中有三片檸檬半杯冰， 一罐Cola可樂自己斟。一字記之曰，爽。實為晚餐之高潮也，人生一大樂事也。整體價錢親民 食物分量大大碟 仲要質素一啲都唔差 超抵食

今日嚟到尖咀，試吓佢個早餐先茶記最重要杯奶茶，得wor! 最開心係多士可以揀奶占多😍 叫了义燒通粉，义燒好食！一點都唔硬，仲好多，舊舊都係肉，唔係肥肉！最讚係個通粉好彈牙，唔係普通茶記食又淋又厚果隻！ 呢個早餐好有誠意！ 希望繼續keep住水準

好多時係尖沙咀行到攰，又想去茶餐廳，我都會立即諗起<龍門冰室>，因為佢地點方便，餐廳環境企理乾淨，食物選擇多，百搭常餐、鐵板餐、炒粉麵飯類樣樣都有，價格又平又大大份，總會簡到啱心水。今次試下佢地既美式鐵板餐<升級什扒>, 有西冷扒、雞扒、英式腸、煙三文魚、炸帶子，配蘑菇汁，而餐湯仲要係米芝蓮大廚餐湯，薯仔芝士湯，好驚喜呀！!西冷扒好大塊，肉質不錯，唔韌有牛味。雞扒夠厚，肉嫩惹味。英式腸有兩條，用上貴價腸，煙三文魚又大又厚肉，炸帶子入口夠香脆。就連磨菇汁都吃到淡淡蘑菇肉，實在屬高水準之作。另外叫左份<傳統英式早餐>，呢個All Day Breakfast 份量絕對係重量級，仲要都係$70就可以食到，炒滑蛋、德國紐倫堡腸、煙三文魚、煙肉、大蘑菇、薯餅、焗豆、多士、沙律。滑蛋炒得非常嫩滑，大磨菇非常 juicy, 而且仲好厚肉好大隻，磨菇味濃。三文魚有手掌般大塊，煙肉煎得剛剛好，非常香口惹味。沙律一大碗，酸甜開胃好食。德國紐倫堡腸滿帶咸香，肉味夠濃，非常高質，以呢個價格來講，真心坻食。第二個驚喜位就係米芝蓮大廚餐湯嘅薯仔湯，用錫紙湯袋熱住上，薯

同老公一齊去尖沙咀行下，我提起最近沒有去食西餐，老公即想起龍門冰室的扒餐，大件夾抵食，今晚的晚餐就去龍門鋸扒吧！餐湯改咗用包裝湯上，方便衛生，熱騰騰味道唔錯！美式雜扒：豬扒、雞扒、腸仔、煙肉、煎蛋。配黑椒汁、薯菜，份量十足，豬扒和雞扒肉厚，肉質鮮嫩，煙肉夠香，配香噴噴的黑椒汁份外惹味。紐西蘭羊架拼香草腸：配黑椒汁和意粉，羊架沒有強烈的羊羶味，肉質鮮嫩，肉味清香且肉汁豐富，加上香濃的黑椒汁更香更美味！在咀嚼多汁肉腸時，清爽的香草滋味頓時充滿口腔，美妙風味立現。火腿沙律碎蛋三文治，麵包烘底帶脆口感，將碎蛋、粟米混合沙律醬，再加上火腿做餡，十分美味！餐飲有優惠，鹹檸七加五元，冰凍解喝。紅豆冰加七元，紅豆林甜。奶茶紅豆冰加九元，奶味香濃。

💛 #尖沙咀 #龍門冰室 #瓏門冰室今日約咗個朋友喺尖沙咀食飯，佢未食過龍門，我哋就一齊去試吓😋🥩🍤 黑椒牛扒炸蝦鐵板 （$100）個鐵皮實在太大啦，真係物超所值🤤 佢有兩大塊牛扒，牛扒好惹味🤩 黑椒非常入味，唔洗落汁都夠味（鐵板餐另配一款汁）不過落埋汁又冇咁dry，可以按個人喜好落😙 炸蝦有成四隻，炸粉入面包住嫩滑嘅蝦肉，唔錯😚 澱粉可選飯/ 意粉/ 薯菜🥳☀️ 英式早餐 （$70）英式早餐超多嘢CP值超高😳 最出色一定係炒滑蛋，佢係七成熟左右，好滑🤭 仲有一捲三文魚，入面有兩塊，都唔係慳皮咖！🤪 之後仲有德國腸、煙肉、多士、茄汁豆，另外仲配沙律、餐湯，大到你食唔曬😆

今日係尖沙咀做完野就黎食龍門冰室，我地今日比較肚餓，叫左兩份餐再加個菜。至尊海鮮鐵板餐（$110）份量大到應該兩個人食！兩大塊龍利柳，兩粒彈牙嘅蝦球，兩隻無雪藏味嘅青口，仲有兩粒大概五毫子size嘅帶子，仲未計極大份量嘅意粉！真係地盤佬都可能飽到投降🤣。魚柳煎過係特別脆，而且肉都幾厚身，真心食唔曬。餐湯係食物研究所嘅粟米湯，忌廉嘅含量唔多，整體粟米原味較重，係個幾健康嘅餐湯。常餐（$48）揀左配美味雜菇烏冬，黑松露雜菌芝士玉子，奶醬多。黑松露味真係好突出，配合芝士同蛋簡直係絕配！雜菌係冬菇蘑菇雞髀菇，平衡番啲肉類，真係不得了，感覺自然又健康。芝士焗西蘭花（$30）啲西蘭花夠熟，上面嘅芝士亦適量，唔會硬曬一層皮咁，主要係芝士汁，鹹鹹地又creamy。飲品我地就揀左紅豆冰（+$7）同熱檸水，正正常常啦。最後發揮我地食物焚化爐嘅功力都係食唔曬😔🤪

有日跟朋友來個快速聚聚，被推薦到金馬倫道的龍門冰室因必點咸牛肉芝士的玉子燒 😂玉子燒 常餐 HKD 48 沙嗲牛肉 公仔麵 沙嗲湯底不會過於濃烈，適合想要小許醬汁提味。玉子燒炒蛋 咸牛肉芝士她極推薦這道菜，那就試試吧！採用牛奶是北海道3.6牛乳🤩 👍🏻 平時定必食半熟蛋但這裡的蛋成熟度配合咸牛肉跟溶化芝士原也不錯。花生醬多士 多士脆口度十足，配上少許醬己很好味 跟餐 Mocha 味道正常～ 套餐奶油豬 HKD 29 跟餐 3.6 牛乳 加 HKD 7外表看似很普通但脆口度也十足，而且滿滿的牛油培添美味度 3.6牛乳味道較重，冷熱同價位置就在港鐵尖沙咀與紅磡地鐵站中間

好耐冇出街食嘢終於見有啲安全 冇咁多人感染就出黎食下野放鬆下 亦都要出黎懲罰下龍門😎😎😎😎😎佢尖沙咀尼間野有新menu叫做米芝蓮大廚的祕方又有食肉獸套餐之前都唔覺其他分店係有既可能得尼間先有我都唔清楚 想食就黎尼間咯好鍾意佢鋪頭佢decoration佢真係勁多marvel既擺設 公仔而且佢又係apple fans可以有蘋果日報睇唔錯唔錯叫左個fish and chips佢有兩塊好似成塊面咁大既炸魚皮脆肉嫩都炸得幾好食唔知咩肉呢佢啲魚肉唔會一夾就散幾好薯條都係新鮮熱辣出爐炸既朋友叫左個黑椒香蒜牛排拼炸蝦我食啲蝦 都幾彈牙而家舊牛 煎得幾好唔係太老倒埋啲黑椒汁落去一齊食一流啊埋單先170除翻開每人一百都唔洗掂啊😋😋

今晚(9月11日)是政府放鬆社交距離，允許餐廳4人座的日子，merry豬和家人終於有機會去品嚐位於尖沙咀的龍門冰室餐廳。--7點晚飯時間來到，門口已見人龍在排隊等位。餐廳裡光亮整潔，座無虛席，歡笑聲夾雜著食物的香味充滿了整個餐廳。--待我們坐下，看畢餐牌，點了心儀的餐，食物很快就奉上。--幹炒牛河色香味俱全，河粉色澤均勻，牛肉片鮮嫩，牙菜，洋蔥火候恰好，加上蔥的點綴，是一碟久違的上乘品。我們迫不及待地嚐這碟鍋氣十足的牛河，整碟一會兒就“美人照鏡”了。  --鐵板牛肉蝦份量十足，兩件大牛扒，四隻大蝦，配薯條，西蘭花，一個餐足夠兩女生。牛扒超值，蝦外脆內嫰，香味撲鼻，薯條是我們喜歡的大薯條，外脆內綿，要接二連三地吃才過上癮。--最後來杯蜜糖柚子茶。蜜糖柚子茶味道清新，帶有微酸，和解了食物的油膩。--龍門冰室餐廳真正價廉物美，值得推薦。--龍門冰室尖沙咀金馬倫道38-40號金龍中心地舖

📍龍門冰室昨晚收工後逛街路過尖沙咀的龍門冰室，見餐廳內燈火通明人氣旺盛，我被冰室內的氣氛所感染走進了冰室並拿起了餐牌，只見餐牌上不同的套餐和各種的菜式琳瑯滿目，我不自覺又點了平時喜歡的乾炒牛河。話咁快，一碟熱氣騰騰鑊氣飄香的乾炒牛河就送到了我的面前。一眼睇落這碟乾炒牛河碟底幾近冇油，河粉乾爽分明，夾開冒煙，絕對夠鑊氣，炒功到家。食落河粉薄滑，每條也平均霑滿醬油，整體來說腍滑有米香，牛肉大片完整，食落幾有牛味。香蔥、芽菜、洋蔥既爽脆又唔會覺得夹生唔熟。----乾炒牛河是一種在茶餐廳超普通的例牌常餐，卻被認定為易做難精的菜式。平時與親朋好友去飲茶或宵夜，乾炒牛河都是我常點的例牌，經常都是滿懷希望地點這例牌，能讓我對乾炒牛河食得滿意的酒家或茶餐廳少之又少。一碟高水準乾炒牛河的難度是：既要有鑊氣、又要夠味、又要唔黐底、又要乾身不過油，極考廚師真工夫。----真係估唔到，今次在龍門冰室食到了一碟既有鑊氣、又夠味、又唔黐底、又乾身不過油高水準的乾炒牛河。既然食得滿意，出門埋單前買了一盒龍門冰室出產的月餅，希望他們的月餅同樣有驚喜。

香港人絕對唔會唔識龍門冰室啦💛黃到咁💛點可以唔撐先入面空間大，座位坐得十分舒服😌吉列豬扒配紐倫堡腸鐵板餐🤤哇，份量十分足夠，係有兩塊‼️兩塊吉列豬扒，岩曬食肉獸好彩有均衡營養，有🥦🍅🌽做配搭紐倫堡腸即德國腸🇩🇪比較多肉汁可配不同的汁，這個是蘑菇汁，比較結身同淡味咗少少🤏可選擇飯/意粉/薯菜豬扒十分香脆可口🤤絕對唔輸蝕岀面啲連鎖餐廳至尊海鮮鐵板餐 (海鮮包括2個青口、2粒帶子、兩粒蝦球和2塊吉烈魚柳這個選擇了咖哩汁，十分濃郁這個配搭薯菜即薯條🍟要額外問佢攞茄汁魚柳一樣十分惹味😍米之蓮大廚餐湯🥣湯一包包咁上，之後要自己倒岀，湯甜帶南瓜香味🎃唔會太結👍🏻個人挺鍾意奶茶紅豆冰👅港式味道，而且紅豆都幾多中秋節就到🥮龍門冰室今年首推月餅買唔到奶黃月餅😭唯有試下特別味道鳳梨月餅💪🏻

龍門一向出名難食自己試過兩次 食過常餐 飲品之類都確實麻麻據聞最近食物質素有改善 特意去再試一次 叫了一個糧尾餐 同豬排包餐兩個餐都有跟埋野飲👍🏻👍🏻豬排包餐就麻麻 唔推介糧尾餐好有驚喜 $35 跟咁多鴨胸 睇圖都見到鴨胸有擺碟 個炒蛋都唔錯嘅麵就正常麵 野飲好飲咗嘅埋單先$69！！！ 兩個女仔食都飽到上心口了我覺得龍門比起話難食 係食品味道調味好奇怪點過幾款野食都好大份 比一般茶記多一倍以上叫鐵版牛排餐比成兩塊排 一大咋薯條🍟但味道呢就奇奇怪怪唔似一般茶記嘅調味如果點常餐晚餐個啲都無伏嘅呢個糧尾餐直頭係飽肚推介撇除間野係龍門 其實啲野食唔係咁差（經改善後）唔係明將級別要支持就叫返糧尾餐/玉子個常餐 叫得過嘅 👌🏻👌🏻👍🏻不過睇網上講佢唔同分店水準都好參差自己試銅鑼灣店 就比尖沙咀店水準穩定

行完街覺得肚餓經過見到有間龍門冰室，看看門外餐牌，有我最喜歡食的all day breakfast ，就入去醫肚😋餐廳大部份都是卡位，所以坐得好舒服😌店舖的防疫措施做得非常十足👍餐牌的食物有很多款選擇，價錢比起其他餐廳較為優惠👍傳統英式全日早餐內容十分豐富，各樣的食物及配料鋪滿成隻碟，多士烘得外脆內軟，炒蛋香滑，薯餅炸得香脆，啡茹厚肉多汁，煙三文魚份量亦不少😋粟米湯第一次見到袋裝上枱，感覺很衛生，湯的質地比較幼滑，食到一粒一粒的粟米粒增添口感😋至尊海鮮鐵板餐有蝦球，青口，帶子和龍脷柳😋蝦球爽口彈牙，青口鮮甜美味，帶子厚肉，龍脷柳炸得香脆，魚肉質嫩滑👍配合黑椒汁非常惹味😋最後點了一杯冰凍的檸檬茶，涼浸浸一流👍

疫情下梗係要食得放心，太耐無同老公拍拖，放工近近地又想慳慳地同老公撐枱腳想据扒，所以都係揀左瓏門冰室。每張枱都有大大支消毒酒精，好貼心咁有紙袋放口罩。好surprise 見到型男老闆，好欣賞佢親力親為，而且真係聽取民意，今次一去有多方面的改進。讚好👍🏼食物研究所的南瓜忌廉湯，一上枱就一包。起初好surprise, 我地就直接用匙在袋內飲用，覺得咁都幾衛生。 Amazing 滑蛋，拍得住澳牛個炒蛋，加上奶醬厚多士，唔係度度有得食。 餐肉都有一定厚度， 讚👍🏼奶茶方面，有一大改進，比之前更金香醇厚。雙扒餐有湯有飲品都係$68。加上有新鮮配菜平民化的價錢酒店級的賣相。 咖哩汁也相當唔錯，辣味慢慢在味雷裡漫延而不會辣到痴線。 起初以為得半塊，點知真係兩大塊！唔好以為茶餐廳唔識煎西冷牛扒，你睇睇煎到咁靚全靠廚師的功勞。 星洲炒米都好有鑊氣。味道適中唔油膩，米粉屬彈牙果類。