瓏門冰室 (已結業)

#龍門冰室終於到我食盆菜拉☺️包南乳醬汁好大包好香，但唔係好濃稠果隻有飽魚、蠔鼓、瑤柱、金菇等等朋友仔好鍾意食豬腩肉、魚蛋、羅白，因為吸曬d 汁好正‼️如果唔急住食，將d食材再煲耐d會更加正鮑魚唔會好靱好難咬開豬皮幾爽口，但大塊左小小小編食左唔少蠔鼓同蝦，兩樣都好多汁不過螺片就相對味道較淡可能新年食太多雞肉同鴨肉，所以冇甘受歡迎好飽啊！ 8個女仔都係食呢個「細」份量！成班gathering食盆菜係幾開心既☺️如果堂食可能更加滋味

身為本地人幫襯茶餐廳是常識吧，從小到大食遍香港大大小小，位於香港，九龍，新界，離島既茶餐廳，呢間可說是極具代表性的表表者。友人點了海鮮鐵板套餐，從未想過份量如此大，像告訴香港人們，大家累了餓了，請盡情地補充體力，好好充電休息一下。香濃羅宋湯味道十足，材料豐富。配合熱辣辣的黑椒汁就最匹配，海鮮非常肥美可口，有吉列魚柳，青口，魷魚，蝦等等，非常讚。我就點了這個奄列蛋吉列魚柳，配合龍蝦汁簡直是經典之作，魚柳大得嚇人，香脆可口。芝士焗西蘭花，芝士夠口感不會太濃味，西蘭花很新鮮，出街食飯也要平衡飲食。新品大大粒紅豆凍奶茶，茶味香滑濃厚，紅豆大粒超香甜！牆上的打氣畫讓人舒懷。您看這不就是香港人嗎？齊心協力互相幫助打氣，不屈不撓的精神是也。

龍門冰室真係好多野食揀，不過最後我都係揀左食鐵板，黎個鐵板牛扒，仲有配埋炸蝦，要左薯菜牛扒黎講唔算好肥，都有牛味，厚度適中，冇咩筋位，價錢黎講都算食得過炸蝦黎講餐廳都算比得多啦，一共有成4隻咁多，好多出面都淨係比2隻，而且唔會食得成口炸粉，都幾好味薯菜方面，都算保持脆身，除左有幾條比D汁浸林左，都冇咩大問題，而且比仲好多條薯條添！除左薯條，都仲有粟米粒、西蘭花等等，真心不會孤寒，一份鐵板食得夠曬飽，唔洗另外再食飯，超值之選

龍門冰室就算要排到天荒地老，都要排😂佢個3.6特濃牛乳芝士玉子常餐係必試！個玉子燒真係好味到不得了，脹卜卜，一切落去啲料多到爆晒出黎，食完都想再食多件。份常餐仲包埋碗湯麵、厚多士同杯野飲，一定食得飽。叫左碗叉燒米，味道都唔錯，叉燒亦唔會太乾。.美味指數：5️⃣/5抵食指數：5️⃣/5再食機率：100%

呢間茶餐廳長期要排隊，但人流去得快，呢次平日晚飯時間等左5分鐘就入得，仲獲安排坐卡位。由於朋友仔好鐘意食雞翼，所以就叫左土匪雞翼同蜜糖雞翼比佢嘆下。土匪雞翼感覺大隻d，而且整得幾惹味，同譚仔有得比。蜜糖雞翼都吾錯，但就無土匪雞翼咁肥美。細食既小朋友應該好鐘意食。食到半途，有姐姐係廚房拎左d羅宋湯出黎問有無食客需要。我地4人拎左兩碗share。味道幾正宗，甜酸辣都平衡得吾錯，仲有好多紅蘿蔔，洋蔥同埋蕃茄。紅豆冰奶茶幾好飲，紅豆煮得夠哂淋，奶茶濃郁，吾會比紅豆搶哂d味。黑松露意粉個黑松露汁好夠味，一d都吾稀。加埋d火腿同洋蔥，口感同味道都幾豐富。芝士焗西蘭花份量多，芝士夠濃厚，西蘭花無雪味，吾錯。Menu好厚，比一般冰室多選擇。下午茶四十蚊有找。

龍門冰室最近出晒名，作為香港人緊係要支持一下，之前襯冇乜人嘅時段去咗食，一望個menu，同傳統冰室好唔同，港式西式嘅食物包羅萬有，選擇十分多，價錢係尖沙咀黎講亦唔太貴！1. 咸牛肉芝士玉子燒+炸帶子+公仔麵依個餐嘅配搭好新鮮，而且幾開胃，玉子燒頗飽肚，配上燒汁，咸牛肉同芝士亦幾夾。炸帶子炸粉唔會好厚，脆卜卜唯一美中不足係個麵乾左少少，下次要叫多燒汁😂2. 蜜糖雞翼係茶餐廳冰室嘅必點之一，依份就熱辣辣，味道正常，充滿蜜糖味3. 咖喱吉列豬扒公仔麵豬扒大大件幾抵食，依份公仔麵就夠多汁，配咖喱汁食一啲都唔會乾😛4. 值得一讚嘅係依個黑松露芝士焗雜菌西蘭花 🥦 一黎到係熱辣辣，好香濃嘅黑松露香味，份量唔少，建議share黎食成碟西蘭花都好滋味，調味亦適中，推薦

放工到尖東買東西，就到這裡吃晚餐忌廉汁煙三文魚意大利飯 $75賣相相當好，三文魚捲成的玫瑰🌹很像樣，絕不馬虎，意大利飯口感不錯，軟度適中牛仔骨拼蝦帶子鐵板配龍蝦汁及薯菜 $95份量頗大，足料好味芝士焗西蘭花🥦 $30份量頗多，西蘭花焗得恰到好處又入味薯蓉焗青口 $40有六大隻青口，焗過之後也不失鮮味，配上薯蓉相當滿足餐湯為羅宋湯，足料好味餐茶點了兩杯熱檸水，有四大片檸檬🍋這餐廳有水準之餘，以這價錢及份量，相當抵吃👍

近來聲名大噪的龍門冰室，門口長期排隊。平時偶爾都會光顧，尖沙咀分店還是第一次。牆上的擺設立場鮮明，客人食得安心。是日餐湯是粟米湯，碗底有粟米和蜆肉，連餐湯都有花過心思。至尊海鮮餐配料豐富，海鮮方面有青口，蝦，魷魚，帶子和龍利柳。因為怕太大煙，特別要求了不要鐵板上。龍利柳炸得香脆，青口也大大隻，熱辣辣的薯條配上龍蝦汁很滋味。常餐茄湯通看似平平無奇，但加上軟腍又入味的沙爹牛肉，和兩隻火喉剛好的太陽蛋，就變得豐富得多。另外點了薯蓉焗青口和黑松露芝士焗雜菌西蘭花，面頭鋪滿大量芝士賣相非常吸引。薯蓉很軟滑，青口厚身大隻又不會腥，加上芝士很惹味。西蘭花黑松露味濃，一整碟份量很多，愛吃黑松露的不可錯過。整體來說性價比高，食物足料，味道合格有餘，良心冰室不是浪得虛名。

久仰龍門冰室大名，趁現在不用輪候，去一試其美食。食物選擇何其多，左挑右選終於揀到黑松露雜菌玉子燒。可配的肉有六款，我揀了煙肉。另外還可揀飯或意粉或撈丁，貪新鮮的一試撈丁。玉子燒做得出色，軟滑可口，內面包著雜菌不是罐頭貨，香味和口感更佳，而且份量夠多，鍾意菇菌類不能錯過。撈丁略略偏硬，是個人喜歡的質感。飲品是熱朱古力，甜甜的一杯。還想加點菜，於是叫碟芝士焗西蘭花。通常焗嘢要等耐啲，這不例外，心急或趕時間也不宜。這個是好簡單的一碟，沒有好多花巧，好好享受喲。

龍門冰室呢個名呢幾個月聽就聽得多，之前每次經過都見到排大隊（可能係lunch time ），所以無幫襯過，今次睇到唔太長龍（過咗2:00）、就要試吓，大約十分鐘就有位，order 咗下午茶餐：黑椒牛肉炒意粉、有鑊氣炒得夠乾、味道適中，仲十分大碟餐飲：熱奶茶☕️個人評分比80～

雖然成條金馬倫道有不少茶餐廳，但要幫襯嘅話一定揀呢間龍門冰室。除咗佢支持香港人之外，佢個價錢都好合理。下午茶餐有好多野揀，可以Mix and match，我揀咗紅豆朱古力多士同埋土匪雞翼。紅豆朱古力多士個配搭幾特別，而且好多紅豆餡，土匪雞翼係炸嘅同米線店既味道有少少唔同。黑松露炒蛋多士配薯餅：個炒蛋生熟剛剛好，仲有少少蛋液，而黑松露就非常之多。奄列、吉烈豬扒意粉：奄列好滑，塊吉烈豬扒香脆熱辣，意粉超多，絕對係抵食飽肚之選。薯條春卷：所有炸物全部都係即叫即炸，所以薯條同埋春卷都係香脆可口同埋熱辣辣。因為食咗好多香口野，所以叫咗碟油菜，生菜都淥得剛剛女好，唔會過熟。

選擇一間餐廳除左因為價錢、食物質素、環境，都仲有其他因素既。今次黎到近期香港最火熱既食店 – 龍門冰室朝聖一下。平日晚上，未夠7點已經開始排隊，不過都好快安排到座位。喺香港茶餐廳，繁忙時間要搭枱少不免，人多啲枱有啲迫，不過好彩之後都調到去卡位。食物方面，黎之前做了功課，知道份量都好大，所以唔敢叫太多。叫左個鐵板牛扒餐、玉子燒餐、蜜糖雞翼、奶茶紅豆冰…鐵板牛扒餐﹕爵士西冷扒+香草腸+薯菜+羅宋湯一如其他食評所講，份量超大，牛扒好厚身，唔係一般茶記薄chit chit 用鬆肉粉”拿”過嗰種，肉質彈牙仲有肉汁，但略嫌過熟。香草腸都係巨型，外皮夠脆但冇乜香草味。薯條幾好食，明顯新鮮炸，仲好脆又唔太油。羅宋湯味道幾好，少少辣，仲有好多菜同蘿蔔。玉子燒餐﹕ 咸牛肉芝士玉子燒+炸蝦+撈丁個蛋其實似奄列多過玉子燒，捲得唔夠多層，但火喉控制啱啱好，切開仲見到半熟蛋汁同半溶芝士。相信所有雞蛋菜式都係龍門冰室既拿手野，有番一定水準。炸蝦正常啦，唔油，大隻啲就更好啦。個撈丁太乾，單憑蛋汁去撈晒成個丁麵冇乜可能，最後我地用左牛扒餐個羅宋湯黎撈，反而有驚喜 蜜糖雞翼﹕雞翼夠入味，幾大隻，唔乾，加埋啲蜜糖好有自己去

閒逛完K11 Musea，覺得自己好似去左旅行的甘，帶著旅行的感覺來到近排人氣龍門冰室食晚飯。幸好來得早,不用排隊🈶位。望望餐牌，食物種類可多了,中西式的食物，炒煎炸焗的各式食物都有。二人點了豬扒包，多士和 芝士焗野菌西蘭花。多士好快到,個人是麵包控，一到就立即趁熱吃。外面烘的金黃色，有色澤，酥脆,內是鬆軟的。焗芝士焗野菌西蘭花也到了，這道菜夠健康，野菌和西蘭花都好香，西蘭花依然保持青綠。最後豬扒包上碟，面包鬆軟，要讚的豬扒煎得好靚,肉嫩味香。因為喉嚨不適，點了 柑桔檸檬潤一下喉嚨。整體來說，食物可以。

剛巧路經此處，就決定入去食野。雖然多人，但很快入座。叫一個五香肉丁麵餐。仲要係丁麵。唔駛加錢仲可以將厚多士轉奶油多。除左奶油多仲可以轉奶占奶醬等。叫埋凍飲埋單只是38蚊，係老尖呢個價錢確係抵。今時今日係老尖食一個咁滿足既午餐都是38蚊。真係好難得。

今日終於可以約到朋友去尖沙咀龍門冰室嘆一個下午茶了，聽聞他們有一個All day breakfast套餐大件夾抵食。看看他們的餐牌，實在太多選擇了，每一樣都很吸引，每一樣都很想吃，令到我有點選擇困難。最後我們兩個人點了一個All day breakfast，3.6特濃牛乳黑松露炒蛋，雞扒撈丁套餐。All day breakfast -好足料，而且有煙熏三文魚，還有湯，沙律，食材優質，平民價錢，良心企業。雞扒撈丁，一個普通的下午茶餐幾乎每一間茶餐廳都有，但可以選擇自己喜歡的醬汁，而且即食麵底很爽口，簡簡單單卻很有水準。黑松露炒蛋勁香滑，很足料，吃完還想再吃。奶茶紅豆冰好有特色，比起普通茶餐廳有心思。總括來說，看餐牌就知道他們很有心思和創意，用料和味道就知道他們很用心去經營冰室，以後去茶餐廳就鎖定這一家，平民價錢，優質水準，良心企業，我相信他們的分店一定會越來越多。