影片
港鐵九龍站 B 出口, 步行約11分鐘
繼續閱讀
電話號碼
26564108
營業時間
今日營業
11:30 - 21:30
星期一至四
11:30 - 21:30
星期五至日
11:30 - 22:00
以上資料只供參考, 請與餐廳確認詳情
同老公行完西九文化區M+睇展覽，喺附近發現呢間粵菜餐廳，地方寬敞環境舒服，喜歡落地玻璃光線通透，有種高級感又唔會拘束，好適合情侶撐枱腳或者一班朋友不同大小的聚餐宴會。食物有驚喜，環境服務都一流，會再encore💯！🔶蜜餞西班牙黑豚肉叉燒一上枱有個爐用蠟蠋暖住保持溫度，叉燒厚切又juicy，肥瘦適中，蜜汁甜度恰到好處～最驚喜係夾埋紫蘇葉一齊食，清新得嚟又解膩，老公食到唔停口😆🔶松茸菊花豆腐羮藝術品級數嘅菜式🤩師傅刀工真係不得了！豆腐切到一絲絲好似一朵菊花咁靚🌼，靚到差啲唔捨得飲！湯底用咗松茸熬製，鮮甜得嚟好暖胃。🔶安格斯牛肉炒粿條鑊氣十足🔥！牛肉味濃又嫩滑，粿條炒得乾身入味，食落唔會油膩。🔶川味雞柳腸粉創意滿分💯！腸粉好滑溜，包住微微麻辣嘅雞柳，食落好過癮。🔶魚子醬燒賣燒賣上面鋪上魚子醬，鹹香同豬肉鮮味融合，每粒都好滿足。🔶龍蝦湯小籠包 皮薄餡多，湯汁仲係金黃色，真材實料！一咬開爆出濃郁龍蝦湯汁，鮮味十足。
繼續閱讀
西九文化區除了博物館之外，都有唔少高質餐廳，這間位於M+地下B1層的中菜廳裝修華麗雅致，窗邊位置更可欣賞維港美景，環境寬敞舒適。餐廳有多款精緻餐點小菜供應，小型或多人聚會同樣合適，亦是舉辦宴會的好地方。.蜜餞西班牙黑豚肉叉燒 $268西班牙黑豚肉油脂分布平均，肉質鮮嫩又多汁，外層香甜微焦，充滿甜咸交錯的獨有風味，餐廳更貼心以火爐承載着保持溫度。更可配搭紫蘇葉一齊食，中和油膩感。.松茸菊花豆腐羹 $198打卡必點的手工菜，盡顯師傅精湛的刀工。豆腐切得很細緻，尤如一朵盛放中的菊花。配上清甜的松茸湯底，味道清新。.黃金焗蟹蓋 $238造型十分搶眼，焗蟹蓋口感層次豐富，外層金黃酥脆，入面有足料絲絲鮮甜的蟹肉，每口都大滿足。.化皮金陵乳豬 $208選了1/4份量的乳豬，二人吃剛剛好。乳豬皮很香脆，肉質細嫩，充滿油脂香，配上香甜蜜桃和饅頭片，剛好中和油膩感，十分滋味。.法蔥油脆皮炸雞（半隻）$328 半隻份量不少，外皮金黄酥脆，肉質嫩滑，而且充滿肉汁，第一次食法蔥油的配搭，味道酸辣惹味。.鮑魚麻婆豆腐 $248豆腐口感嫩滑，配上肉碎、彈牙的鮑魚粒，豐次豐富，味道咸鮮，辣中帶麻。.日式布甸$48布甸有驚喜，口感順滑，蛋味濃郁。
繼續閱讀
博物館開咗咁耐，都係第一次嚟！順便食午餐～位於博物館入面嘅中菜館，中高價位，食物質素都有保證咁！一入到去，地方裝潢好闊落開陽，仲有落地玻璃窗！好舒服！先上一壺人蔘烏龍茶，味道有淡淡人蔘青香，冇平時飲茶嘅烏龍茶咁濃！蜜餞西班牙黑豚豬叉燒價錢比較貴，但係從佢用小火爐保溫，每一嚿厚切，肥瘦適中，真係唔同啲！加上，可以用紫蘇葉一齊食，中和油膩感，我自己好鍾意紫蘇葉，會覺得有一番層次！腿茸蘿蔔絲酥餅 ，層層分明是超酥脆，皮薄，入邊嘅蘿蔔絲爽嫩多汁！松茸菊花豆腐，顯現刀功，淡淡松茸香，豆腐嫩滑！
繼續閱讀
今次嚟到M+呢間「璞」，坐低望住維港海景，環境舒服到呢～ 中菜做得精緻得嚟又唔會太拘謹，完美配合西九文化區嘅藝術氛圍。同大家分享下今次試嘅幾道重點菜式✨🥢 松茸菊花豆腐 刀工簡直係藝術級！豆腐切到菊花絲咁幼細，松茸湯底清香鮮甜🍄🌼🍖 蜜錢西班牙黑豚肉叉燒 配紫蘇葉 叉燒用咗西班牙黑豚肉，肥瘦均勻，蜜糖燶邊香得嚟帶少少焦脆。紫蘇葉嘅清新完美平衡咗叉燒嘅濃味，呢個配搭超讚！🦀 黃金焗蟹蓋 蟹肉塞到滿滿，混咗少少洋蔥同蘑菇，面層焗到金黃香脆。一啖咬落去，蟹肉鮮甜即刻湧出嚟。🥗 柚子醋海哲花 清爽開胃！海哲爽脆，柚子醋酸甜醒神，食完油膩嘢之後清一清味蕾就最啱。🍲 花膠燴官燕 呢個真係矜貴之選！花膠同官燕都燉到好腍滑，湯底濃郁但唔膩，養顏又好味。🐷 化皮金陵乳豬 (半隻) 乳豬皮脆到咔嚓聲，肉質嫩滑又多汁。點少少乳豬醬 砂糖食，傳統食法永遠咁迷人。🥬 雲腿米湯浸山藥 最後呢道清淡得嚟好暖胃。米湯香滑，雲腿鹹香恰到好處，山藥煮到軟淋淋，完美作結。總括來講，「璞」無論環境、食材配搭同烹調手法都好出色，係值得再訪嘅高質中菜！睇住維港景色享受美食，真心推薦大家嚟試下～#西九美食 #香港中菜 #維港海景 #美食日記 #高質中餐 #食好西 #香港foodie
繼續閱讀
✨沙薑象拔蚌片象拔蚌片口感爽脆 沙薑味突出 清爽開胃✨蜜餞西班牙黑豚肉叉燒招牌菜之一 幾乎每枱都點 叉燒半肥瘦 幾厚切 肉質鬆化蜜味香甜 邊位帶少少焦脆跟左啲紫蘇葉 夾住一齊食會多一份清香 冇咁膩✨松茸菊花豆腐將豆腐切成花球 相當精緻湯頭清甜 帶淡淡菌香✨麒麟荷葉蒸星斑球星斑厚肉結實 配上鹹香火腿同花菇片 味道層次豐富✨脆皮黃油雞賣相唔錯 外層油光閃閃雞皮酥脆 肉質軟嫩 調味適中✨翡翠玉露蜜瓜西米露 蜜瓜味清香 重奶香 西米帶脆脆口感 ✨日式布甸布甸厚實滑溜 有淡淡蛋香 總結：食物可以 環境唔錯 地方夠大 座位闊落好坐 另有室外座位 服務唔錯 價錢可以 可以一試
繼續閱讀