瑞榮餐室

營業中

休息中

見門外及店內都有唔少人客，想都唔想便入內光顧。裝修及服務方面，以茶餐廳質素算合格。食物方面，麵等咗好耐先上，可能放得太耐，麵已變得難吃。沙茶牛肉味濃，牛肉一般。奶茶唔算滑，茶亦唔香，但還可接受。腸仔及炒蛋應該唔係即煎即炒，炒蛋完全唔滑，腸仔好似冇煎過一樣。多士帶點硬，亦唔夠熱，似一早整定的口感。加上收費唔算平宜，我就覺得性價比低。不過可能附近冇乜食店選擇，所以都有唔少人光顧，無計，難怪香港人會北上消費。

最近善食家在火炭工業區工作，今早來到駿洋商場的瑞榮餐室，試試新推出的簡約早餐。選了B款鮮茄濃湯豬軟骨米線配熱奶茶，僅$32。米線湯底鮮甜，番茄味濃郁而不酸，豬軟骨炆得軟腍入味，入口即化，令人滿足。米線爽滑，份量十足，健康又不膩。熱奶茶香濃順滑，茶味恰到好處，完美喚醒早晨。餐廳環境光猛寬敞，服務親切，早餐時段不太擁擠，適合上班族悠閒用餐。對中午12點已吃午餐的打工仔來說，這款早餐輕盈又美味，絕對是健康首選！值得一試！😋

1509落嘅單，1536先上到嚟檯，大概20分鐘我仲催咗一次，全場數埋都冇10臺客，結果上到嚟，8舊雞，5舊雞胸肉，3舊雞胸骨，仲要冇沙姜味嘅，呢個古法沙薑雞$65蚊，我真係唔知食咗啲咩，未試過係茶餐廳食有啲咁嘅體驗，真係差到極致！！！！

收工收我夜周圍都無野食，好彩呢個冰室仲有野食，諗左好耐都唔知食咩好。就買個肉燥炸雞翼飯返屋企食，咁夜雞翼都仲係即炸熱辣辣嘅，返到屋企仲好香炸好好味，肉燥撈飯又真係一流。

普普通通一個楊洲炒飯，其實都無咩特別好講，不過今次我試下叫佢小咸，都ok喎。有時候日日食街嘅野真係覺得太多油太多鹽，試下叫小咸都唔錯，清清地跟埋個湯幾好，好阿夠飽。

早上去火炭工業邨工業大廈的貨倉，先去食個早餐，餐廳在商場地下樓層，但在桂地街是要搭三層扶手電梯上去，上次食過一樓餐廳，今日試試地下的瑞榮餐室，店內明亮，坐位整齊，坐下卡座看餐牌，早餐選擇好多，有多款麵餐，多士、三文治、菠蘿油、麥片餐、仲有吉列豬排，朝早食有點邪惡。點C餐，瑞士雞翼（兩隻）出前一丁（加5元），火腿奄列及脆香奶油豬半件（加3元），瑞士雞翼外表瑞士汁甜甜的內裏嫩滑，出前一丁剛好但湯底是餐廳自家的，奶油豬香脆加3元值得。

豬扒火腿飯，本來都冇乜特別大期望，但食食吓發覺佢個豉油汁好好味，唔會太鹹又唔會好甜嗰種感覺，配埋少少薑蔥油我覺得好好送飯。個豬扒就冇乜特別，不過就幾淋，幾好味。

今日去火炭參加活動，全日都會喺火炭區遊走，當然係喺區內搵食，時間一分一秒過去，又到肚餓的時候，遠望山尾街盡頭有一公共屋邨，一於行上去，條路都幾斜有啲氣喘，入去係巴士總站，側邊升降機上G樓。瑞榮餐室店內光猛，大部分卡位，我坐下看餐牌，叫了特餐。瑞士雞翼即食麵，瑞士雞翼咸甜適中好入味，火腿奄列，蛋漿包住火腿絲煎成，還可以，加3蚊轉奶油豬，外脆內軟牛油味濃加練奶好食。凍檸茶有驚喜，個茶底夠茶味無苦澀味， 檸檬清香冰凍好飲。

行過去這家茶餐廳，感覺實在係不錯！我實實在在要讚一下佢哋嘅瑞士汁乾炒牛河🍜，汁都夠哂味，又唔會好似其他地方咁太鹹或者太甜，揾到平衡點。啲河嘅質感講得過，吞滑就嚟，而啲牛肉更加係軟嫩得黎，少少嚼勁，食落去真係過癮！再講講啲星洲炒米嘅事情啦，佢哋嘅做得真係出色，芡勻，干哧哧香口🍚，有嗰種港式小炒感覺，啲料都好齊全，一啖啖個個都似尋寶咁，今次食覺得自己好處女把口！我仲加咗杯紅豆冰來消暑🍧，真係飲到我想唱歌，甜得嚟又唔過分，紅豆好有豆味，淡奶又夠香滑，簡直係夏天嘅救星！整體嚟講，好滿意呢次嘅食體驗，無論係口味定係食物嘅質素，都算係頂尖，唔使太多花巧嘅裝潢或者花囉囉嘅形容，就係一個字——正！要係食宜家呢個階段嘅食物，真係開心到飛起🎉！

好耐都未去過屋邨茶餐廳食午餐，撞啱經過瑞榮冰室，喺門口見到餐廳都幾光猛，裝修都幾好，加上餐廳都座無虛席，所以就決定去依家餐廳食午餐。等咗10分鐘有位，望到餐牌發現有個飯係好耐好耐都未食過嘅，就係椒鹽豬扒飯，見到椒鹽豬扒覺得好吸引，所以即刻叫咗個。椒鹽豬扒飯香噴噴嘅椒鹽味，蒜頭炸到非常脆，加上辣椒嘅嘢味，令到人非常開胃，將大大件嘅豬扒切件切得大細適中，肉質鮮嫩，加上豬扒嘅骨又唔算係好多都可以叫做啖啖肉，令我諗返兒時食嘅椒鹽豬扒飯嘅味道。

駿洋邨附近真係冇咩好食，9pm左右有啲餓，唯有幫襯樓下茶餐廳外賣，叫咗個<乾炒豬扒公仔麵>本身都冇期望，一打開個盒就知<賴嘢>。根本就係水煮公仔麵撈豉油，豬扒又乾發鞋🤮，連蔥同芽菜都有浸腥味。。。其實冇心做飲食，真係唔好獻世。唔係獨家市場，根本唔會有人去幫襯。送嘅例湯係味精加水，根本多餘。搞咁多小動作，不如用好嘅食材，用心啲煮好每一個菜，提供相等價值嘅食物質素給光顧嘅客人😤盛惠$48，外賣盒仲要加$2，真心$28都俾多😒

Lunch食物要等半個鐘 你有時間就等唔追啲staff都唔理你你追先同你講無晒要客白等半個鐘都無嘢食食物又唔係特別好味貼錢買難受！入去之前睇清楚你有無時間比佢玩！無就下間算

叫了一個早餐外賣，要的是火腿奄列，另外加多$4轉左奶油豬，佢同我全部錯晒，冇叫過煎蛋，同午餐肉有圖有真相，張單上面都寫埋完全不能夠接受，做嘢態度一啲都不認真無語了

早前行完山去過這店吃下午茶,雖然椰汁紅豆冰有異常的酸味,待應也更換了,改用花奶,其他食物是可以的。因有人在食評說小菜好吃,今晚八時多,便去試吃晚餐,可是中伏了...點了兩個客飯套餐:腰果翠玉瓜牛柳粒($80）及椒鹽鮮魷（$78）,但說冇哂餐湯。由於牛肉及鮮魷也難以下嚥,因此是晚我只是吃了翠玉瓜,洋蔥及腰果(=畀咗百幾蚊吃齋)😑真的建議大家不要試。詳細如下:腰果翠玉瓜牛柳粒($80）牛柳粒很韌,但最大問題係有強烈的不新鮮味,好似雪藏了很多年,完全沒有肉味,很令人倒胃。吃了半粒已沒法吃下去。其他材料是可以。椒鹽鮮魷（$78）炸粉魚硬殼一樣,拆開炸漿,裏面只是好像一些乾柴一樣的魷魚乾,但完全沒有魷魚味,好像一片膠一樣,結果又係沒能吃下

我第一次食野要食到上黎打食評，間餐廳環境算正常，人流一般，諗住靜靜地去食過晚飯點知正常炒個雞扒公仔麵都咁難食，浪費時間，浪費金錢，浪費精力上黎打80隻字，等執粒啦