78
37
9
港鐵荔枝角站 B1 出口, 步行約4分鐘 繼續閱讀
所有分店 (7)
電話號碼
39710260
營業時間
今日營業
07:00 - 19:00
星期一至六
07:00 - 19:00
星期日
全日休息
公眾假期
全日休息
*截單時間: 18:45
付款方式
現金 八達通
食評 (153)
中環既瑞士咖啡室我就去過啦,原來荔枝角都有間瑞士咖啡室,裝修風格同中環分店的確一模一樣!今日難得經過,就黎食返餐試試先。餐牌花多眼亂,我地揀左好耐先決定到食乜好。我地一行三人,每人叫左一個餐。時間尚早,十二點前仲可以叫早餐。美式早餐 (香煎豬扒/香煎雞扒,法蘭克福腸,火腿奄列,茄汁焗豆,牛角酥)$42美式早餐可以揀香煎豬扒或者香煎雞扒,配法蘭克福腸,火腿奄列,茄汁焗豆,同牛角酥。包咖啡或茶,轉樽裝鮮奶,朱古力奶,或者凍飲加$3。我哋揀左香煎豬扒。塊豬扒都唔細塊,肉質算嫩口,個皮居然煎到脆一脆,唔錯。如果調味可以冇咁鹹仲正。法蘭克福腸超長,味道正常。奄列嘅火腿好多,蛋皮係薄身嗰啲,上面加左小量茄汁焗豆,甜甜地,連奄列食都幾好。牛角酥超大個。好豐富嘅一份早餐。跟餐加$3轉左樽裝朱古力奶,抵!照燒汁炭燒鰻魚炒滑蛋 $50照燒汁炭燒鰻魚炒滑蛋有成條原條鰻魚,都幾長。質感仲有少少彈牙,鰻魚汁甜甜哋,夠味道。上面加左唔少硬身嘅木魚碎,香就幾香。滑蛋係用少油炒,健康啲但係就冇咁滑。飯面仲有少少梛菜。飯量多,汁都勉強夠餸飯食。包咖啡或茶,轉凍飲加$3。有成條鰻魚黎講,呢個價錢真係唔算貴。瑞士汁雞翼雙蛋飯 $52我決定要一試瑞士名物,揀左瑞士汁雞翼雙蛋飯。瑞士汁雞翼雙蛋飯可以配飯或意粉,可選配黑椒汁,燒汁,洋蔥汁,蒜茸汁。上枱見到原來係雞中翼,一碟有四隻,都整得好入味。煎荷包蛋有兩隻,亦都有少少梛菜。我揀左蒜茸汁,都幾好味,汁超多,夠哂餸份量都唔少嘅白飯。包咖啡或茶,轉凍飲加$3。熱檸水(跟餐),凍阿華田(跟餐加$3)熱檸水正常。凍阿華田加$3,好大杯,下暖上凍,要搞混先飲。今次霸到卡位,所以都坐得ok。我覺得瑞士汁雞翼最好味,下次希望試吓瑞士汁雞脾。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-07-02
55 瀏覽
宜家的茶餐廳一式一樣,全為快靚正,已經無左香港本土風味,想話搵間啱心水的都不容易。近排有人同我講,長沙灣有間瑞士咖啡室聽聞係懷舊冰室,可以讓我找回港味,我就事不宜遲同埋屋企人去試下。來到先知,真係好多人食同好受歡迎,環境如80-90 年代的香港冰室一樣,播放著舊歌老歌,讓人好似有種回到過去的感覺。準備點野食,連餐牌也懷舊,餐名也特別。我們點了一客瑞士汁金姑肥牛炒烏冬,粒粒金磚配炸雞翼,還有經典瑞士雞翼配公仔面,野食來到我地就開餐啦。食過佢既瑞士汁金姑肥牛炒烏冬同瑞士雞中翼,就會知道,原來瑞士咖啡廳名字由來其實精髓在於瑞士汁,真係整得好好食,飲埋這裡的咖啡,真係又香又濃,這就是香港人喜歡的味道,難怪咁多人來食,香港港式茶餐廳的,瑞士咖啡廳絕對頂呱呱。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-28
57 瀏覽
《懷舊風味咖啡室😉》———————————————-#瑞士咖啡室 ☕-呢間懷舊咖啡室位於荔枝角工廈地下,今次嚟食佢嘅下午茶餐,兩點鐘起就供應~一坐低喺卡位,就好感受到個種舊日嘅香港情懷🤗-下午茶必食嘅就係西多士,夾滿香濃嘅花生醬,超爆邪惡,炸得完全唔會乾柴,麵色仍然軟熟😚上面淋咗鷹嘜煉奶,甜味好出😍配上紅豆冰簡直係絕配!-而沙嗲牛肉潛艇好有驚喜,沙嗲牛啱哂口味,跟餐配粗薯條🍟 嘢飲就揀咗枝樽裝朱古力奶,已經好少係茶記見到,好有童年回憶🥰-炸雞髀係傳統嘅港式炸法,皮脆肉嫩🐥同埋奄列一齊食,係常餐嘅經典配搭~另外叫咗佢個夏日特飲☀️芒果味乳酸梳打,氣泡感十足,非常消爽!-凡惠顧午餐或下午茶餐,可以優惠價加購瑞士極品雞中翼兩隻,色水好靚,睇得出醃咗好耐,非常入味🤩-⭐ 參考價錢︰鷹嘜煉奶西多士(+紅豆冰):$39沙嗲牛肉潛艇配薯條(+樽裝朱古力奶):$41炸雞髀配奄列(+檸檬味乳酸梳打):$43瑞士極品雞中翼兩隻:+$6🍌 抵deal 指數:8/10💰 人均消費:$50 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-06
172 瀏覽
瑞士咖啡室+ 港式+茶餐廳/冰室🏠overall/環境/ 服務:+ 有兩層 算幾大 不過下午lunch 時間 好容易full house ~係好多附近翻工嘅人嘅飯堂+ 雖然大致都係一般茶餐廳裝修 不過都有加入一些懷舊元素+ 以相宜價錢 提供茶餐廳經典食物‼️ 夠薑乾炒植系牛肉 $59好食指數:⭐️⭐️⭐️打卡指數:⭐️⭐️⭐️⭐️大份指數:⭐️⭐️⭐️⭐️抵食指數:⭐️⭐️⭐️⭐️✅ 經典中帶點創新 係素食版嘅干炒牛河 正所謂 啖啖肉又唔係肉✅ 一個合格嘅干炒牛河 一定要條條河粉都上到色 同時唔可以太油 呢碟絕對ok✅ 素牛嘅質感比較稔 同粉 唔會係真牛咁有咬口 外層有輕微煎香‼️ 瑞士常餐B $ 51好食指數:⭐️⭐️⭐️⭐️打卡指數:⭐️⭐️⭐️⭐️大份指數:⭐️⭐️⭐️⭐️抵食指數:⭐️⭐️⭐️⭐️✅ 常言道 茶記一定會有常餐 所以就順便試吓瑞士名物 瑞士汁雞髀 ✅ 通粉份量真係幾多 成碗都係通粉✅ 瑞士汁雞髀 當然係重點 上色均衡 幾入味但又唔會太咸 肉嫩唔嚡口 ‼️西多士 $22好食指數:⭐️⭐️⭐️⭐️打卡指數:⭐️⭐️⭐️大份指數:⭐️⭐️⭐️⭐️抵食指數:⭐️⭐️⭐️⭐️⭐️✅ $22 嘅西多士 認真覺得幾抵食✅ 多士夾滿花生醬 雖然唔係粒粒花生個種 不過隻味都幾夾糖漿📍 荔枝角青山道658號福至工業大廈地下G/F, Fast Industrial Building, 658 Castle Peak Rd, Lai Chi Kok⏰ 星期一至六07:00 - 19:00☎️ 電話號碼 39710260📩喜歡我的文章,可以關注我及讚好以作鼓勵 繼續閱讀
(以上食評乃用戶個人意見 , 並不代表OpenRice之觀點。)
等級1 2021-05-05
467 瀏覽
一個奶油多,熱華田,就收我$22。一塊麵包切開兩邊一個紙袋裝住。你真係好好賺喎!!我從未見過咁既奶油多係咁薄,等於常餐比你既多士咁。如果你想食多士,考慮叫常餐啦。 繼續閱讀
(以上食評乃用戶個人意見 , 並不代表OpenRice之觀點。)