257
22
7
港鐵太子站 A 出口, 步行約1分鐘 繼續閱讀
電話號碼
26500505
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
付款方式
Visa Master 現金 支付寶 AlipayHK
座位數目
30
其他資料
網上訂座
Wi-Fi
酒精飲品
自帶酒水 詳細介紹
電話訂座
賞訂座積分
外賣服務
加一服務費
當面支付
有關獎賞計劃
食評 (313)
等級4 2018-12-18
1724 瀏覽
小時候未到過日本已愛吃日本菜,長大後出遊過日本更是愛得不能自拔。縱然在香港的日本菜餐廳定價偏高,但仍是無阻筆者覓食的決心。今晚來到位於太子的「琥酌」出席飯局,餐廳走日本居酒屋設計,非常雅緻。翻開餐牌看看,「琥酌」的重點推介顯然是吉列牛系列。不得不說的是,最近筆者留意到坊間出現越來越多吃吉列牛的日式餐廳,看來又是一波飲食新潮流的來襲。甫點餐不久,店員便親切的遞上圖中小碟,並表明這是前菜。筆者估計這應該是蘿蔔燜牛肉。蘿蔔入口清爽帶甜,有少許像關東煮的味道;牛肉亦燜得非常軟腍。雖然只是一碟普通的前菜,但餐廳也沒有馬虎。第二道菜是健康的明太子焗野菜。翻開錫紙,蔬菜包有著翠玉瓜、西芹、紅蘿蔔、西蘭花還有冬菇。蔬菜非常清甜,估計餐廳並沒有放過多調味料以為保存菜蔬的原汁原味。當中翠玉瓜和西芹頗為爽口。而明太子相信就是主調味料了。明太子的微辛感從菜蔬的鮮甜中慢慢散發出,2者頗為配搭。看似是大阪燒,原來是和牛薄餅。薄餅底塗上了茄膏,配以洋蔥粒;上面再舖了一塊和牛肉。但略嫌薄餅面放了太多沙律醬,賣相雖美,但沙律醬的味道已蓋過了其他食材,未能吃出牛肉的香味。燒多春魚惹味香口。隨碟附有一小塊青檸,把青檸汁榨出,令多春魚在惹味中增添了一份酸酸的醒胃感。知識貧乏的筆者一度誤以為圖中是厚燒玉子,咬開一口才晃然大悟是燒豆腐。燒豆腐滑溜又有豆香。明太子的辛辣味非但沒有搶去豆腐的原味道,反而改善了豆腐味淡的弊病。主角壓軸出場了:吉列安格斯牛。職員為燒爐開火後,細心叮囑每片吉列牛只需每面煎10-12秒即可,燒的時間過久會影響牛肉肉質和口感。安格斯牛油脂分佈頗為均勻,入口散出濃濃的牛肉香。唯燒爐上的油份太少,煎到第2-3片時已有痴底情況出現。身為居酒屋,酒類又怎會少?「琥酌」供應的日本酒類繁多,點杯美酒配上述佳餚也是一個不錯的選擇~ 繼續閱讀
(以上食評乃用戶個人意見 , 並不代表OpenRice之觀點。)
等級4 2018-12-11
1986 瀏覽
琥酌星期六要搵d好野食下獎勵下自己辛苦左一個星期🤭🤭咁啱FB提我對上一次食吉列牛已經係上年既今日.. 咁今日都不如食下懷舊下啦…上網睇左一輪揀左間近近地係太子既 - 🍴琥酌 Menu上有3款牛比你揀…而我地就揀左最平既一款...<<頂級安格斯牛吉列御饍  $188>> 其實佢係一個Set黎既.. 入面包含左:一碗麵豉湯 & 一碗飯(但係我地唔要個飯lu) & 小量蔬菜 & 一隻蛋 & 一份吉列牛🥩賣相係唔係好正呢~ 可以有得食之外仲可以按個人喜好煎到自己想要嘅熟度!! 好貼心..❤️❤️牛肉味幾香,而且係有咬口既~~我地除左就咁煎塊牛之外,仲間唔中沾上蛋漿再煎過, 我覺得加埋蛋漿之後仲好味左喎…又食到蛋味又食到牛肉味… 正正!👍🏻👍🏻👍🏻 另外我地仲叫左 <<自選迷丼 $108>>你可以係左右兩邊揀你想食既2個mini 丼..我地就揀左一碗《北海魚生丼》 & 《柳川鰻魚丼》呢個set就包左一份沙律 & 一碗麵豉湯<<北海魚生丼>>呢碗飯既份量雖然小,但佢比既魚生份量一D都唔小呀!!!刺身好新鮮! 尤其是3文魚,鮮甜肥美! 正呀😋😋😋 <<柳川鰻魚丼>>鰻魚大約有四塊… 好滑, 溝埋飯入面份滑蛋同埋D汁就一流喇~ 大推!🥰🥰👍🏻👍🏻👍🏻 呢個mini丼雖然真係個名叫mini,但都已經係一碗飯既份量…一個女仔真係會食唔晒2碗架~ 建議大家都可以好似我咁order一個吉列牛set走白飯加一個自選迷丼share黎食添~ 繼續閱讀
(以上食評乃用戶個人意見 , 並不代表OpenRice之觀點。)
等級4 2018-12-07
2441 瀏覽
旺角警署附近食肆林立,來到這兒覓食總不會失望而回,這次就被琥酌的吉列牛誘惑到了。店內裝潢以木為主,牆上的掛畫、大字和高掛的紙傘等擺設均令餐廳洋溢著濃濃的日本風情。前菜炆牛脷好有水準,味噌汁煮至稠身,味道很濃郁,牛脷軟稔得來帶嚼勁,十分入味,還有吸滿汁的超稔紅蘿蔔和白蘿蔔增添甜味。宮崎冷蕃茄超有驚喜,令本身不吃蕃茄的我都吃得津津有味。冰涼的去皮蕃茄相當飽滿,鮮紅有光澤,一咬過便瞬間爆汁,更有豐富的梅汁在內,與蕃茄汁完美融合,味道非常清甜,清新的感覺令人胃口全開。頂級安格斯牛吉列御膳好出色,嚴選美國安格斯肩胛肉的上乘部位,色澤鮮紅,油花分佈均稱,賣相一流。配上燒爐讓人客自行燒,有得玩又有得食。牛扒外層的吉列粉厚度剛剛好,沒有粉漿的感覺,反而是較粗身的麵包糠,粒粒分明,食落十分香脆惹味。牛扒輕輕燒一燒便隨即鎖住肉汁,肉質鮮嫩無比,牛味好重,每一口都很美味,令人欲罷不能。還可沾一沾鹽燒汁、岩鹽或芥末醬,令肉味提昇高一個層次。名古屋雞翼絕不是普通貨色,雞翼肥厚啖啖肉,外皮微脆,肉質嫩滑,完全不乾,面層的醬汁甜甜的又有芝麻香,滋味得很。野菜牛肉泡飯以熱鍋盛上保持溫熱,湯料很多,有大量牛肉粒和露筍等,還可按個人喜好自行加入紫菜、葱花和雞蛋。牛肉嫩口又富嚼勁,湯質溫和而味道濃郁,意想不到的美味。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-12-05
1972 瀏覽
太子和旺角一街之隔,但因為地租平好多,所以可以容納有潛質的特色小店。呢排男朋友工作好忙,連出去食餐好既時間都不多,今晚刻意在太子區尋找特色餐廳,方便大家放工即去大食減壓!餐廳裝潢簡潔利落,用最少的佔用空間但呈現到現代和風感。欣賞枱與枱之間不會過於狹窄,亦有兩張大型梳化枱,適合三五知己聚會。前菜正常胡麻醬沙律味道,份量和醬汁剛好。主菜黎喇~~~頂級安格斯牛吉列御膳安格斯牛、鹿兒島A5和牛肩胛肉、牛舌芯份量十足,擺盤精美震撼,每款4件以上好適合2人分享再另點其他食物。配上3款調味:芥末、鹽燒汁、粉紅岩鹽,個人最喜歡礦物岩鹽,既不會掩蓋牛的本味之外,更能有出牛的鮮味。鹿兒島A5和牛燒10秒,非常嫰滑安格斯牛肩胛肉,肉味更濃,紋理分明,肉質適合板燒,我喜歡!牛舌嫩滑,厚度適中。鰻魚三品茶漬飯同樣擺盤精美,配上四小碟可自行調配合味道的料理。值得一讚其中一個醬汁-柚子胡椒,很重的柚子味,好適合加一點點在茶漬飯裡面,另一番風味!如果2人食,建議點一個大滿足的特選牛餐加一個小食一個飯,開心share ~~~ 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-28
1834 瀏覽
今晚黎左呢間專門食吉列牛嘅日式居酒屋。室內以原木色為主, 同時有好多別具和風嘅佈置。Menu 上有餐廳嘅簡單介紹。前菜每位客人都會有一碟前菜 --- 炆牛腩。 牛腩用味噌汁煮到好腍身好入味, 好容易就咬開, 另加入紅蘿蔔 & 白蘿蔔增加鮮甜味。宮崎冷蕃茄朋友極力推介嘅必點小食, 將已去皮嘅蕃茄放喺碎冰上, 每粒又紅又漲卜卜, 一口一粒, 感覺特別名貴。 終於明白點解朋友極力推介, 蕃茄入面釀入大量梅汁, 一啖咬落去, 就會喺口腔入面爆汁, 而且梅味同蕃茄味又異常咁夾, 好 fresh 好開胃。清酒煮蜆蜆肉份量唔少, 而且清酒經煮過後酒精完全揮發, 令蜆肉嘅鹹鮮味更加特出, 湯頭配上蜆肉格外香甜。頂級安格斯牛吉列御膳職員會先送上小火爐及醬汁, 醬汁有3 款味道: 芥末醬、岩鹽 & 鹽燒汁。呢個御膳賣相非常吸引, 有 5 款食物: 吉列牛、和牛三角肉、安格斯肩胛肉、牛舌芯 & 野菜盛合, 可將食物放喺小火爐上慢煎, 然後按個人喜好煎到想要嘅熟度。 吉列牛  外皮炸到金黃酥脆, 中心嘅肉仍保留 7 – 8 成嘅生熟度。 只要放上小火爐輕煎一下就得, 肉質幼嫩, 脂肪分佈平均, 食落去較有咬口。和牛三角肉  即係由牛第一根到第六根肋骨剔出黎嘅三角形部位, 脂肪分佈較多。落少少岩鹽一齊煎, 令肉味更加突出, 口感鮮嫩爽口。安格斯肩胛肉  油花比較少, 肉紋清晰。粉嫩嘅肩胛肉煎至 7 – 8 成熟, 肉味非常濃郁, 口感較腍身, 配鹽燒汁食仲正。牛舌芯  係厚切, 而且一定要加岩鹽一齊煎。牛舌嘅牛味雖然唔多, 但勝在爽滑唔韌, 油香十足, 真係好想 Encore !野菜盛合 食完肉後, 可以煎下 D 野菜, 有南瓜片、小蕃薯 & 翠玉瓜。 繼續閱讀
(以上食評乃用戶個人意見 , 並不代表OpenRice之觀點。)