理想餅店

營業中

休息中

大家唔好見到個英文招牌認唔到佢係理想餅店🤣！地方唔算就腳，唔近地鐵站，但有機會去嘅話都推介大家試吓，好多種類嘅pastries🥐欣賞舖頭有得試食，唔係馬虎嗰隻，極大嚿🤣今次試咗💚酸種開心果千層撻（$18）同🧀酥皮芝士勞根蝴蝶（$24）兩款，千層撻小編覺得原味比較好食（因為試食咗就試埋開心果xdd），開心果味唔算話濃郁，係撻嘅底層有開心果醬稍為濃，蛋香都變得唔出🐣芝士勞根蝴蝶強烈建議一定要翻熱先食🔥，喺現場咬咗一啖覺得普普通通，第二日返熱嚟食好好食，芝士嘅鹹香味極出😽，仲帶淡淡牛油味~但最驚艷我嘅係佢個，凍！朱！古！力！奶！🍫多謝店員推介，任何產品+$27就有，極好飲😭飲落有淡淡嘅可可苦味，配上奶好香滑，跟住係一啲都唔甜唔膩😙Omg，點解冇人推介！

我特別推薦他們的開心果酸種千層撻，外皮層層分明，香脆可口。撻底的酸種麵包散發著淡淡的酸香，搭配上香滑的開心果醬，口感非常豐富。每一口都能感受到開心果的香味，配合撻底的酥脆，令人陶醉。另外，爆漿冬甩也是必試之選。外層金黃酥脆，內裡卻是濃郁的奶油，咬下去的瞬間，奶油瞬間爆漿，讓人驚喜不已。這款冬甩的甜度恰到好處，不會過於膩口，搭配一杯咖啡或茶，絕對是完美的下午茶選擇。總的來說，理想餅店的麵包和甜品都充滿誠意，味道常常都讓人感到驚喜。下次經過新蒲崗，記得親自來試試，絕對不會失望！

到店訂蛋糕，要求有生日名牌1. 喺鋪頭我寫名比餅店✅2. ⁠員工口頭又讀一次✅3. ⁠原來員工再另外寫比師傅✅4. ⁠WhatsApp 我表示已到店訂咗 佢問我時又再對多一次名字✅5. ⁠最後個名都係錯❌其實生日名牌嘅意義係咩？換嚟只係一句「唔好意思」難道覺得呢個生日蛋糕好有意思嗎？影相出嚟簡直係一個笑話可能有啲人覺得寫錯名啫…… （沒有尊重 我都唔需要尊重呢間餅店）不如求其搵個蛋糕就算啦！我訂都係想有名牌，如果唔係去對面買個蛋糕平一半囉個女店員攞蛋糕出嚟都危險個盒就喺張枱度 但抽個蛋糕出嚟 click click下又一直凌空😰直到佢放番個蛋糕入去我先鬆口氣😮‍💨我唔敢出聲 萬一佢撻個蛋糕落地瀨我嘈親佢咪死萬一撻咗落地就乜都無…..因為昨天都無乜蛋糕揀 跌咗嘅話 我真係唔知點算 但收到個唔岩名嘅蛋糕 其實都無乜意思店面有得試食 喺收銀隔離打開哂 但都唔預你試咁 我都叫做有消費 唔係混吉 諗住試左自己買嘅蛋糕好食就再幫襯但不了！都唔想再幫襯

要比滿分的麵包店他們無私地有麵包可以現場試食，當然大前提佢哋要對自己嘅麵包有信心先可以咁樣知食而我就係，試完之後覺得好好味，所以就會馬上買同時他們有一些健康的麵包，份量十足，好重手而且他們的種類繁多，除了麵包之外，還有蛋撻、緣茶焦糖燉蛋酥合、焦糖岩鹽號角、最新的壓扁牛角包，好多不同味道的Bagel（可以試食），不同款式的生日蛋糕，切件蛋糕，不同的曲奇，包括蝴蝶酥、杏仁條、巴馬臣芝士條，只要你試一試便會明白

琴日經過新蒲崗.見到間嘢裝修幾好.入去揀咗幾個包.返到去打開依一個三文魚蘆筍包.我真係想問吓店主啲三文魚係咪俾啲貓食咗？ 我連三文魚蓉都搵唔到😑😑😑平心而論個包就係一般嘅酥皮.味道合格囉.蘆筍只搵到兩片薄到好似隱形眼鏡咁. $25食個齋包咁.激到我彈起.跟住打俾佢哋問.個師傅口口聲聲又話：佢哋嘅做法係將三文魚蓉加入芝士同埋忌廉造成一個醬………😒😒😒首先第一大家望吓個包邊度有醬呢？🥴🥴第二，如果真係三文魚蓉或者係醬…先唔講價錢.咁係咪應該寫三文魚蓉蘆筍包/三文魚醬蘆筍包呢.之後佢話可以退嘅，如果你唔滿意，因為我仲有幾個包未睇.我同佢講話返去望一望其他包有冇乜嘢要改善？ 佢就好串甘同我講：咁你咪望吓囉.睇吓菠蘿包有冇菠蘿囉😡😡😡🤬🤬🤬.我都唔知佢咩態度.有相為證大家睇吓啦.水準唔算特別高.價錢比市價貴.材料仲要係有欺騙顧客之嫌.態度差到一個點….學黃子華話齋：做人冇公關食西北風㗎啦😡😡

曾光顧<理想餅店>，品嚐原味炸吉士冬甩。冬甩是即叫即炸，約等了10分鐘左右，就拿到熱辣辣的冬甩，冬甩外層是砂糖，內裡滿滿的吉士餡，咬一口大量吉士餡湧出來，外熱內凍充滿層次感。餅店裝修後，甜點款式好像更多。芥末香蔥貝果：因為喜歡吃蔥，又喜歡吃忌廉芝士，所以買下來當早餐享用。滿滿的忌廉芝士和蔥花，賣相甚為吸引。芥末被忌廉芝士掩蓋著，吃不到芥末的味道。這款貝果是那種Q彈有嚼勁的，而非柔軟的。**感謝店員把芥末香蔥貝果放在一個可愛熊貓紙盒內，避免貝果變形，非常貼心，又額外把紙盒放在紙袋內。

平時鐘意食麵包烘焙野，今日行過新蒲崗見到間麵包店入去睇吓有冇嘢岩食。行左個圈好多野都好吸引🤩，最後揀左開心果酸種千層撻同tiramisu 酥盒。個人鐘意食熱小小既所以返屋企用焗爐焗左幾分鐘，個開心果tart食落唔算太甜，有開心果味加上開心果粒食落口感幾豐富，不過略略覺得開心果味濃d會更好，但整體都好食。tiramisu 酥盒焗完一咬個下好脆，不過小心面頭既忌廉溶晒影響口感，咖啡味好濃，加埋上邊既忌廉同中間布甸包質感，真係幾似食緊tiramisu, 幾推薦呢個，整體質素幾好，加上價錢唔算貴，值得捧場試下。

新蒲崗名物，除咗享樂烘焙之外，其實仲有依間理想餅店，不過之前裝修比較樸素唔係好突出，但係而家已經新裝修完畢唔同晒！店面望落已經高級新派好多😆之前招牌係卷蛋同炸冬甩好好食！雖然而家裝修完整體價錢貴咗，但印象中佢哋係有質素，同埋食物款式真係多咗+吸引好多，例如有近期大熱嘅開心果款、千層蛋撻😍．開心果焦糖燉蛋酥盒 $35Size算大個，咬落外皮少少脆身，中間開心果餡都飽滿，而且有開心果味有堅果香，少少甜，依個開心果控可以一試！．酸種開心果千層撻 $16雖然切開望落好有層次，但食落唔知點解無千層口感，外層邊係脆，但唔夠酥脆口感，中間開心果燉蛋份量得上半部分，係無味嘅🥲靠底部嘅開心果醬先有少少味，完全唔得🫠．酸種原味千層撻 $12千層撻口感同上面一樣，中間燉蛋冇咩蛋香，都滑嘅，少少甜，好普通。．開心果號角酥 $22外皮食落好酥脆！有一層層嘅口感，中間開心果餡味幾濃，估唔到依款比較驚喜😋

【🍞🍞人氣餅店翻新重開｜大熱千層撻焦糖燉蛋酥盒 】新蒲崗人氣餅店「理想餅店」✦ 開心果焦糖燉蛋酥盒 $35面頭有開心果碎🥜中間係意大利開心果醬食到開心果味油香 酥皮好鬆脆但開心果味再濃d會更加正😛✦ 焦糖燉蛋酥盒 $30 原味焦燉蛋酥盒中間燉蛋即叫即燒🔥好香甜😋咬落面層脆卜卜中間燉蛋好滑嫩 層次好豐富😎個人認為好味過開心果蛋酥盒 個人推介👍👍👍

4個店員企喺度唔知做咩 比完錢 叫我等等等 等左起碼10分鐘 要主動問佢先問我爭咩 仲問我俾錢未 玩野咩？ 😒啲包幾好食都冇用啦 請啲咁嘅員工 睇住佢摺個盒摺5分鐘都摺唔到😒

今日出黎新蒲崗純粹食個晏，行過都唔知佢門面係咁，側邊睇以為係髮型屋。入到去已經俾收銀個櫃吸引住，放滿哂酥皮撻同酥皮布甸包。口味好多，選擇困難症嘅你一定搞唔掂😂我冇喺店入面影相，因為都多人喺度唔方便。店入面仲有個位置供蝴蝶酥同曲奇客人自行試食，試左啱自己再買正裝。蝴蝶酥好鬆脆，牛油味好出，睇返呢間餅店用嘅係金筒牛油。蝴蝶酥仲好食過某酒店嘅，價錢上差不多。我同老公全部一人一半，食完都飽飽地，飯都唔使食。伯爵麻糬撻個茶味唔算好突出不過都唔差，酥皮放左一晚再翻焗都仲好脆口，亦唔係好甜，呢個可以一試嘅。雞蛋布甸包好正，因為未試過佢嘅產品，所以一定會買原味試下。佢個包外圍都係用酥皮做。一樣，翻焗都好鬆脆。最欣賞佢個燉蛋，好滑仲要有雲呢拿籽！呢個必吃。最後深色有珍珠嘅係珍珠奶茶味嘅都好好食，茶味濃，佢比麻糬撻嗰個茶味更濃更突出。翻焗左珍珠變得怪怪地，但都冇影響成個包嘅口感，呢個好值得試，鍾意茶味嘅一定食佢。總括黎講呢家餅店好值得黎睇下，佢嘅產品好多元化，價錢亦都合理。佢都有好多開心果味嘅野食。最近食得太多開心果甜品喇，試下其他野都俾左唔少驚喜我，呢間絕對值得回頭回購👍

由舊舖食到新舖 😋食物仍然保持到質素不往專登由港島去到新蒲崗買包包🥹🥹🥹翻新後舖面好日系小清新同光猛地點近mikiki商場 過2條小馬路就到啦喺舊舖斜對面 熟客好易搵得返🥹買左朱古力麻薯卷蛋當初就係比卷蛋迷上 從此之後就愛上😍第一次未溶晒雪就食 cream 會變左小小雪芭質地 第二次溶晒雪 啲cream變得好濃厚🥹配埋軟糯既麻薯🫢真係因住食完一件又一件酸種原味酥皮千層撻外層係偏結實既鬆脆 唔容易鬆開個人偏向偏蛋味蛋漿👍🏻👍🏻又唔會過甜開心果酸種酥皮千層撻食落真係會有nutty 味 唔止得開心果色同個名🫶🏻芝士貝果🥯翻叮後自己再加埋牛油果同蛋😋食落後仍然有芝士香味同芝士專屬鹹香下次有緣再試曲奇牛角🥹到埗已經無哂了 補上一食再食既開心果千層撻美照一張❤️❤️❤️

呢間包餅舖本身好有年代感，裝修咗幾個月之後脫胎換骨，產品都與時並進左，除左以往既招牌爆漿冬甩同埋生乳卷，仲多咗啲千層撻同酥盒，成個感覺煥然一新🫨▪️開心果焦糖燉蛋酥盒（6.5/10） 💲35本身係想試開心果千層撻，可惜當日賣晒🥲轉戰呢款面頭有開心果碎，中間係意大利開心果醬、忌廉、雞蛋混合物，食落質感尚算滑溜，但無論開心果定雞蛋味都薄弱，酥盒賣相有少少潮左，入口比預期中脆身🤔▪️牛肉威靈頓（6.5/10） 💲28包身係牛角包嗰種酥脆鬆化既皮，牛肉餡唔多，不過肉質軟腍，配上酸酸甜甜嘅白菌紅桑子醬，無話膩滯重負擔，不過始終都係鍾意跟傳統既肝醬蘑菇😳🔎 整體評分（6.5/10）

.朱古力榛子捲蛋 .兩款都係口感好好！餡好多！相對上橫切面一切 咁一舊忌廉比例係好高！cream滑 味道夠濃 又有脆脆👍口感都幾有食雪糕嘅感覺蛋糕體我覺得都好鬆軟 仲暗藏好多榛子粒粒係蛋糕體入邊😗👍個人覺得cp值非常高！.鐵觀音黑糖麻糬捲蛋.口感相若 鐵觀音餡係真係taste到澀👍如果食唔慣茶味嘅 應該會覺得偏苦 & 酸但我ok！同時因為「黑糖麻糬」好甜 一齊食 就味道balance到！⭕️btw.. 幾surprised 麻糬口感都好好！個人都鍾意！.就我呢幾次食佢哋捲蛋嘅經驗🫶🏻我係覺得cp值高之餘 佢都真係做得好好！又有現貨 可以自己親臨選擇 更方便！.同埋整體甜度都係低過螞蟻人少少嘅levelwhich is 滿足得來 又唔太覺有負擔！.o酸種開心果千層撻.賣相好吸引.. 酥皮感覺好有層次感覺會好有衝擊 但實際入口相比其他間嘅類似撻品.. 佢算比較淡味開心果蛋撻餡口感舒服 但味道尚欠但底部嘅開心果醬就出啦！👍所以一定要vertically咁咬 味道先會啱啱好！🤣脆皮層次豐富 外脆 雖然相比其他間衝擊無咁大 唔算太甜 但反而可能適合唔鍾意太甜嘅人.紅茶珍珠酥盒.呢個賣相真係無得輸…

理想餅店📍 新蒲崗康強街32-34號康強洋樓A座地下7號舖┄┅┄┅┄┅┄┅┄┅┄┅┄┅┄┅┄▫️開心果焦糖燉蛋酥盒($35)擺咗一晚先食 酥皮都唔會話油淋淋 有啲似牛角包🥐燉蛋有驚喜 超級厚實又滑捋捋🥚但就無乜開心果味面頭有一圈開心果蓉 同燉蛋一齊食就有返開心果味👌🏼原本覺得35蚊一個酥係好很貴🤣但呢個食完真係會飽兩個鐘(｡ì _ í｡)┄┅┄┅┄┅┄┅┄┅┄┅┄┅┄┅┄