現代煮意 (已結業)

27-7-2010是日 lunch hour 極度風大雨大,「被困」IFC 一帶, 唯有買外賣吧. 落到地鐵站見到呢間新店, 供應的食物又好似幾健康, 買了「加州炒飯」set lunch ($35) 試試.「加州炒飯」配了「三色米」, ie 白米, 紅米及薏米, 食落煙韌, 不過都炒得幾濕; 配料有牛油果, 蝦, 豆角, 蛋及車厘茄, 除了間中食到車厘茄的酸酸甜甜, 整體味道十分清淡, 果然係「健康食品」Set lunch 加 $3 有一支飲品送, 揀了羅漢果茶: 真材實料, 飲落同屋企煲的一模一樣, 夠晒清熱解渴 放低 30 幾蚊, 感覺「健康」, 不過味道實在有點寡, 應該唔會再來買嘢食了.

尋日中午剛剛落機諗住繼續返公司搏殺，自己一條友想食飽飽先返公司。係香港站發現有新搵食地方，這店標榜健康飲食，餐牌上更提供每一個餐的卡路里含量。其中最有趣係呢間店的炒飯，原來係薏米炒飯！薏米煲湯就聽得多，炒薏米就真係未聽過。靚女老闆娘仲好有心機介紹薏米的營養價值，低糖高纖，仲可以利尿去水腫。忍唔住叫個泰式鴨胸炒飯試下。d炒薏米真係好煙韌，同平時d炒飯唔同，最重要係唔肥，又有好香的香茅味，見到自己食完個碟係冇油就知！比較可惜係d特飲賣晒，下次一定要試個五青汁。中環終於有個價錢合理的健康外賣真好!