113
0
1
港鐵中環站 D1 出口, 步行約3分鐘 繼續閱讀
電話號碼
28559555
28559588
56828255 (Whatsapp)
開飯介紹
餐廳以綠色為主題,以中、法方式混合製作令人驚喜的素食,菜單每星期更新。 繼續閱讀
營業時間
今日營業
11:00 - 22:30
星期一至日
11:00 - 22:30
付款方式
Visa Master AlipayHK 支付寶 現金
其他資料
網上訂座
賞訂座積分
加一服務費
獨家網上訂座
當面支付
素食
有關獎賞計劃
食評 (116)
現今素食潮流不再局限於中式齋菜,反之柔合多國元素。 『珺』 主打中,西fusion 素食, 選用優質食材, 以fine dining 形式展現, 味道絕對有驚喜。花生鹹香夠脆, 以迷你金鐘罩盛載,估佢唔到!前菜:番茄牛油果素蟹肉千層材料配合得清新,美味, 賣相精緻。厚厚的肉茄隱藏著仿蟹肉嘅鮮味, 牛油果配上蛋黃醬, 彷如一顆珍珠~~黑虎菌燉雞油菌燉湯$98用紫砂茶壺盛載出場, 矜貴又特別。 雞油菌獨有嘅芳香, 完全濃縮於這小茶壺內。雞油菌味道非常清香!蘆筍黑皮雞樅菌羊肚耳黑皮雞樅菌是比較少有嘅素菜材料,纖維是比較粗 ,鑊氣十足, 每種材料也有獨特味道。 蘆筍鮮嫩多汁, 加入了大大粒夏威夷果仁, 口感豐富。千絲蝦法式紅椒醬日式芥末泡沫店家推介嘅菜式, 啖啖有驚喜。 日式芥末泡沫,把汁醬/味道轉化成泡沫~ 芥末味道唔算特出。炸外皮好脆好香囗, 裏面嘅『蝦肉』真係好彈牙, 材料其實是蒟蒻, 也可做出這種水準 而且十分美味!! 底部薯蓉配合青椒汁和紅椒汁味道唔錯。繡球菌馬鈴薯丸子繡球菌好爽口有啲似雪耳, 馬鈴薯丸子煙煙靭靭, 配合特製波椒汁香濃惹味!!黃金脆皮燕麥奶甜品即叫即做, 有點似大良炸鮮奶, 外皮較硬淨, 炸燕麥奶更多一份麥香。😍 配上芒果醬果味香濃純素朱古力充滿濃郁嘅朱古力味, 甜度適中, 顧忌糖分,脂肪嘅人可以食得放心。 製作一個純素甜品, 工序用料絕對比一般甜點更為講究,用心。💕素菜都西餐形式展現, 比較少鍋物或者煲仔菜式都能做到惹味出色!當然也有無酒精飲品無酒精啤酒 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-05
830 瀏覽
趁着復活節放假同媽咪去銅鑼灣嗰邊行街買衫👚行到夜晚肚餓就諗住去中環嗰邊搵好嘢食~見到一間新開嘅素食餐廳,感覺好吸引😍就想上嚟試吓~佢係主打中西fusion嘅素食餐廳☺️裝修幾靚🥰坐得幾舒服~仲有唔同嘅菜式選擇😙感覺都幾正👍🏻水晶粉撈素翅配芝麻柚子醬$98晶瑩剔透嘅水晶粉😙食落感覺好爽口☺️素翅同樣係水晶晶嘅形狀😝芝麻柚子醬配水晶粉,酸酸甜甜嘅感覺真係好好味😋黑虎掌燉雞油菌燉湯$98係用茶壺裝住啲湯斟入茶杯仔度飲☕️感覺幾特別😝有好香嘅菇味😋以老火熬製,係好濃郁嘅湯品💕同埋用料都好健康🥰玫瑰叉燒$118佢嘅形狀,口感,顏色都好似真叉燒🤩真係幾可亂人🤣睇得出廚師好花心思整呢度菜👍🏻佢調校嘅醬汁都同叉燒汁好似☺️食落口感軟軟地,幾好味😋黃金素鵝肝球佐松露白汁$138外層係金黃色嘅炸粉,入面係香軟嘅芋頭蓉☺️食落外脆內軟鹹鹹地~配埋佢嘅松露白汁,面頭有柚子醬珠😙成個小菜同鵝肝都幾似😍食得好滋味💕君子炒飯$148好大份嘅君子炒飯🥰入面好足料💕有唔同嘅蔬菜🥬豆類~炒飯好有鑊氣,炒得好香☺️飯面仲有夏威夷果,食落脆卜卜🍰仲有柚子醬珠,酸酸甜甜幾正👍🏻純素芝士蛋糕$68一件香甜嘅芝士蛋糕🍰食落幾creamy☺️而且好似芝士嘅口感☺️一件朱古力蛋糕有香甜嘅朱古力味🍫食落幾鬆軟🥰同樣咁creamy~作為飯後甜品一流💕 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-04
716 瀏覽
無論是為地球﹑為環保﹑為動物﹑為宗教或為健康,近年「棄肉從素」的素食文化在香港愈來愈普及,位於中環、新開業不久的珺主打中法Fusion素食,糅合創新食材配搭及烹調技巧,帶來多重層次的視覺味覺驚喜。餐廳面積寬敞,環境寧靜簡約,格調和諧。晚餐時段除了set dinner之外,還有Á La Carte單點菜單,所有食物無蛋奶、無五辛,不含肉類食材。水晶粉撈素翅配芝麻柚子醬 $98海藻造的水晶粉配上以蒟蒻製作的素翅,賣相晶瑩剔透,口感既爽脆又軟韌彈滑。以食用花瓣點綴,更添優雅美態,芝麻柚子醬清爽開胃,喚醒沉睡的味蕾。擺盤別具心思,精緻唯美,化身成餐桌上的藝術佳餚,還打破大家對素食寡淡無味的刻板印象。玫瑰叉燒 $118這道是餐廳的人氣招牌菜,當日所見差不多每枱都有點,我們專程來到又怎能錯過呢?!素叉燒色澤鮮亮,混合蜜汁香甜味道,自家製的玫瑰花醬特別加入玫瑰花及玫瑰花花茶,隱約滲出陣陣清幽花香。以大豆纖維打造的口感可以媲美真實叉燒,呈現像真度極高的五花腩層次,但卻不用再吸收平常肉食所含的飽和脂肪。桂花柚子拔絲猴頭菇 $118向來愛酸甜味道的我,幾可亂真的咕嚕肉當然是必點的,酸中帶甜的醬汁,令人胃口大開。外層被絲絲縷縷的金黃糖絲緊密包覆著,夾起時更有拉絲效果,可說是色、香、味俱全。外面粉漿不過厚,口感酥脆,內裡包裹著的猴頭菇吃起來像肉,卻沒有肉類乾柴的纖維感,多汁軟嫩,不提的話也忘記了自己在吃素。特色紅菜頭新豬肉炒雙色飯 $128紅菜頭獨有的紫紅色,是因為含有天然抗氧化物甜菜紅,具抗氧化、抗衰老的功效,亦令到這道炒飯更奪目誘人。配料豐富,混合了新豬肉,鮮百合及露筍粒,而且份量也不少,保証吃素也可吃得超飽足。炒飯炒得甚有鑊氣,乾身不油膩,粒粒分明,軟硬適中,不會黏作一團。甜品都是偏向少甜,不怕卡路里和膽固醇超標,吃完也不覺膩。雪影酪梨 $68牛油果本身富含單元不飽和脂肪,口感就如奶昔般特別豐厚creamy。牛油果切粒帶有清新天然果香,夾雜老薑的辛辣,祛去一身寒氣。純素芝士蛋糕 $68純素朱古力蛋糕以全植物材料製成,不含蛋奶,其實外型與質感亦與正常蛋糕無異。依然保有蛋糕的鬆軟濕潤口感,深醇濃郁的可可韻味足以滿足我這個朱古力控。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-30
635 瀏覽
今晚同朋友去食咗個全素宴😍平時大魚大肉,今次就食啲新野,專登揀返間素菜館🥰位於中環M88樓上既素菜私房菜😌上到嚟環境好別致😍被安排既座位都好靚,影相呃like一流🤩🌟黑虎掌燉雞油菌燉湯 $98🌟我同朋友都好鐘意飲湯,同樣又係鐘意飲中式湯多啲,就揀咗呢個燉湯,嚟到連器皿都好骨緻,係一個茶壺裝住既燉湯,再加兩個小茶杯,唔講會以為係嘆緊中式茶😅淨係器皿都已經好加分了💯 🌟露荀黑皮雞樅菌羊肚耳 $138🌟好爽口既露荀,炒到顏色好翠綠色👍🏻,羊肚耳好爽口鮮甜,感覺似食緊木耳咁,估唔到露荀都可以配中式嘅菜式☺️🌟黃金素鵝肝球佐松露白汁 $138🌟Fusion味濃既一道菜式,炸到金黃既鵝肝球,裡面既醬好似係食緊黑松露咁,好特別嘅一道菜式😋🌟君子炒飯 $148🌟全晚最加分係呢道君子炒飯,首先係溫度夠熱,飯炒到好乾身,粒粒分明,再加埋果仁一齊食,味道好夾,口感加分👍🏻🌟純素芝士蛋糕 $68🌟食落好似食緊檸檬雪葩,好fresh,仲有少少椰子既香味,雖然係話芝士蛋糕,但一啲都唔膩,飯後甜品最好不過了,唔會飽到食唔落,反而有開胃既感覺🤩食完呢餐素菜館係完全一改我平時對素菜館既感覺,係色香味俱全既一間素菜私房菜,每道菜都present得好精美,好開心過咗無論身心、味蕾、眼球都好享受的一晚😍 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-29
381 瀏覽
近年唔少人注重健康, 間中我亦會食下素菜, 今日相約素食朋友出黎gathering, 佢book左間中環樓上素菜餐廳帶我試試。餐廳環境整潔, Menu上多款菜式對於肉食者黎講, 感覺陌生, 還是等素食朋友發板!日本南瓜盅 細細個原個南瓜上檯, 稍為刮空加入Creamy南瓜湯, 味道極為清甜, 南瓜盅內嘅南瓜肉亦容易被刮出, 南瓜肉林得有如南瓜蓉, 整個湯真係好似食左成個南瓜一樣, 很足料! 推介!玫瑰叉燒 一上枱即聞到香甜蜜汁, 表面燒有光澤, 表面好似有少少焦糖咁, 完全睇唔出係用麵筋整, 咬落表面香甜夠林有層次, 唔會過甜玫瑰芥末鳳尾蝦 好少見素蝦有咁大隻👍🏻一咬落去, 就即刻食到陣wasabi味, 又唔會太刺鼻, 連平時少食wasabi嘅朋友都ok 接受到, 素蝦包上脆漿被炸過, 易吸汁之餘, 又香脆, 又彈牙, 可以encore呀! 大烤菇意大利飯 Risotto煮得啱啱好, 微微煙靭又creamy, 大啡菇好juicy,  仲加d 青豆同粟米粒好fresh, 不過份量就少左d純素朱古力蛋糕 蛋糕係冇落奶整嘅, 所以質地唔係鬆軟果種, 朱古力香濃好rich, 唔會好甜, 伴碟有芒果醬同食用花, 感覺好sweet雪影酪梨 最驚喜嘅甜品! 有啲泡泡喺上面(應該係薑汁打成) 下面喺牛油果打成嘅甜品, 仲有加咗啲食用花喺上面好靚, 入邊仲有原粒嘅牛油果。整個感覺就好似食緊薑汁撞奶而又有牛油果粒粒喺入面, d 薑汁入口好輕輕, 之後去到喉嚨就湧返出黎,好新鮮嘅感覺 繼續閱讀
(以上食評乃用戶個人意見 , 並不代表OpenRice之觀點。)