71
0
0
港鐵中環站 D1 出口, 步行約3分鐘 繼續閱讀
電話號碼
28559555
28559588
56828255 (Whatsapp)
開飯介紹
餐廳以綠色為主題,以中、法方式混合製作令人驚喜的素食,菜單每星期更新。 繼續閱讀
營業時間
今日營業
11:00 - 22:30
星期一至日
11:00 - 22:30
付款方式
Visa Master 現金
其他資料
網上訂座
賞訂座積分
加一服務費
獨家網上訂座
素食
有關獎賞計劃
食評 (72)
我已經就快唔記得我上一次出街食晚餐係幾時嘅事🤔 最近終於恢復晚市堂食,各路人馬都猶如猛獸出籠咁紛紛book枱,唔少餐廳都full哂,可見大家真係對晚市堂食期待已久😂 所以我都唔執輸,揀咗呢間啱啱開業嘅素食餐廳!順便帶條佬過嚟試新嘢😋對於習慣餐餐都要有肉食嘅人嚟講,普遍都唔太鍾意食齋,佢哋刻板印象中都覺得齋菜係單調,同「好食」扯唔上關係,覺得質素同街上齋舖食嘅齋菜唔會有太大分別!如果你都係咁諗,咁你就大錯特錯啦!! 🤫 依家好多素食餐廳已經打破咗舊有嘅傳統風格,就以呢間餐廳為例,佢哋揉合咗中式與西式嘅烹調方法,去炮製出別具風格誘人精緻素菜!💁🏻‍♀️餐廳位處於中環威靈頓廣場M88六樓,佔地全層!由中環地鐵站D1出口行過嚟都好快,大概3-5分鐘!裝修風格係墨綠色嘅高級主調配木製座椅,呢度座位唔算多,沿著窗邊有一整排靠窗座位,幾寬敞!座位嘅另一邊就係廚房,廚房佔地面積都幾大,眼見廚房面積與用餐位置面積幾乎係1:1大細😲 睇報導得知原來佢哋有設置中菜及西餐兩個廚房,方便分開料理菜式😉 餐廳內更設有小型包廂,可提供俾食客聚會或開Party!室內照明柔和,座位後方亦有一列玻璃窗,相信中午時分店內會更光猛,採光度十足!餐廳更有特色草牆,延續清新嘅裝修風格,係店內嘅打卡點!📸 餐廳亦播放著輕快嘅音樂,甚有情調🎼餐廳主打中法Fusion素菜,菜式擺盤都好有Fine dining嘅感覺!🤩 全部菜式都不含蛋、奶類食材、肉類食材及五辛👀 晚餐定價唔算高,分別有$388 & $588嘅套餐!我今次就散叫啦!呢度嘅餐具都別出心裁,睇報導話呢間餐廳有兩位老闆,一位係法式私房菜廚師,另一位係有三十年中式素菜經驗嘅師傅!名符其實係中西合璧,估唔到喺餐碟上都有反映到餐廳嘅特色,結合咗中西兩個元素嘅設計,非常有心思!👀❤️ 桂花柚子車厘茄啱啱坐低,侍應就奉上餐前小食!去皮嘅車厘茄配上桂花柚子醬汁,桂花香味環繞舌尖😛 味道酸酸甜甜,甜度與酸度完美融合,開胃醒神!好食度:⭐️⭐️⭐️✨ (3.5/5)❤️ 昆布天使麵配欖油爆珠 $98頭盤揀咗個冷盤,冰涼嘅天使冷麵消暑清涼,口感清爽!昆布嘅鮮美加上黑松露嘅香氣,二者嘅美味相輔相成!😋 面頭嘅欖油爆珠係用分子料理方法製成,外形同三文魚籽非常相似,用湯匙輕推瞬間爆開,為天使麵加點油份,增加油潤感。另外,廚師巧妙運用食用花搭配,帶來視覺上嘅驚喜!🤩好食度:⭐️⭐️⭐️⭐️ (4/5)❤️ 燒汁芥末姬松茸配黑松露脆片 $118餐牌上有標示🌶辣椒仔,但我食落覺得唔算辣,怕辣嘅朋友都可以試下!姬松茸係有助增強人體免疫力,功效比靈芝更高,被譽為「菌中之王」🏆姬松茸外有層薄薄嘅脆漿,非常香脆!姬松茸口感緊緻有彈性,有種獨特香氣,甘香滿滿!配上燒汁,令人食指大動!黑松露脆片薄薄一片,鬆脆可口不油膩,細味之下食到淡淡黑松露香😌 好食度:⭐️⭐️⭐️⭐️⭐️ (5/5)❤️ 雞頭米雙色淮山配青汁 $128呢道菜擺盤似一幅畫,流露出藝術感😍 中間一列卷物係用咗淮山及紫淮山做餡,再用紫菜同腐皮包裹而成!淮山口感綿密,我一度以為係紫薯同芋頭😂 淮山同紫淮山配上紫菜同腐皮有種食緊飯卷嘅錯覺🤫 淮山蘊含大量膳食纖維素,可以增加飽腹感,啱哂減肥瘦身人士。淮山亦有補陰生津功效;紫淮山有助增強免疫力,健脾止瀉!旁邊嘅青汁係豌豆汁,啖啖清新🌿 卷物上面係雞頭米同薏米,增加咗整體口感。好食度:⭐️⭐️⭐️⭐️ (4/5)❤️ 君子炒飯 $148炒飯材料有鮮百合、蘆筍粒、玫瑰叉燒、粟米、榛子、三色藜麥飯💁🏻‍♀️ 面頭同樣有欖油爆珠,如果你覺得炒飯已經有足夠油份就可以將爆珠放埋一邊!😏三色藜麥飯有嚼勁,粒粒分明,黑松露香氣撲鼻!齋聞香氣已經讓人垂涎欲滴🤤當中嘅玫瑰叉燒係呢個炒飯嘅靈魂所在,玫瑰叉燒係呢度嘅招牌菜,有玫瑰味道,醬汁用咗自家製玫瑰花醬、玫瑰花&玫瑰花花茶🌹 素叉燒採用大豆纖維,像真度極高,不論口感同味道都非常接近真叉燒!應該係我食過嘅素叉燒之中最似真叉燒👍🏻好食度:⭐️⭐️⭐️⭐️⭐️ (5/5)❤️ 雪影酪梨 $68呢道甜品係牛油果愛好者必食!🥑 綠色嘅汁係薑汁同牛油果混合而成嘅果露,底部有牛油果粒。果露上有薑汁打成嘅泡沫,深化咗薑味嘅濃度!整體薑味濃厚,辣辣哋,刺激味蕾🙊 果露入口順滑!好食度:⭐️⭐️⭐️⭐️ (4/5)❤️ 純素芝士蛋糕 $68純素蛋糕要整得好食係唔容易,呢個蛋糕嘅Mousse同平時食到嘅唔同,質感更結實,但唔會比真正嘅芝士蛋糕遜色👌🏻 略帶少少海鹽味,甜度啱啱好,食完都唔會覺得有罪惡感😈好食度:⭐️⭐️⭐️⭐️ (4/5)餐廳推薦度:⭐️⭐️⭐️⭐️ (4/5)估唔到素食世界都會有另一片世外桃源🤩 以素食餐廳嚟講係相對出色!大廚對美學嘅執著與烹調嘅熱情顛覆我對素食嘅想像!不止單憑實力,更以「高顏值」取勝!😍 而且上菜速度快,侍應態度親切友善,臉上總帶著微笑!今餐我同條佬都覺得幾滿意,第一次試中法Fusion素菜,每道菜都甚有美感,品嚐到大廚嘅誠意👨🏻‍🍳 將西式料理元素融入素菜,破格得嚟又唔會突兀,相信會為非素食者或素食者帶來全新體驗!🍽 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-28
138 瀏覽
/珺🇭🇰/#sa中環篇 #sa素食篇➖➖➖<素食都可以好吸引•中法fusion 素食🌱> ➖➖➖以前食素成日都覺得味道清淡好寡但依家嘅素食真係越來越多元化無論係擺盆、賣相 一樣可以做到西餐咁精緻睇得出係幾有心思❤️有一刻以為自己去左食西餐~➖➖➖1️⃣奇脆茄子配日式芥末純素蛋黃醬 $128 🌟(𝟟.𝟝𝟝/𝟙𝟘) 淨係睇賣相係唔會覺得似茄子😆 感覺幾考功夫茄子外層薄脆 、呈金黃色 唔會好厚炸粉!入面夠飽滿juicy! 蛋黃醬都係純素嘅不過味道就唔算好突出➖➖➖2️⃣玫瑰叉燒 $118 🌟(𝟟.𝟠/𝟙𝟘) 睇圖真係同真叉燒一樣 無分別其實係素叉燒呢~仿真度非常高外層有烤過 微微燶邊 內裏其實係麵筋無平時食嘅真肉咁鞋口 都頗有嚼口 但同時又有啲汁 似肥叉燒嘅口感側邊仲有玫瑰醬做點綴 玫瑰味濃而不濁 唔會好大香精味➖➖➖3️⃣ 露筍黑皮雞樅菌羊肚耳 $138 (𝟟.𝟛/𝟙𝟘) 呢款相對較似平日食嘅中菜😛唔同嘅蔬菜同菌類炒成一碟 最鍾意係口感爽脆嘅竹笙同香口嘅果仁!➖➖➖4️⃣大烤菇意大利飯 $148 (𝟟.𝟜𝟝/𝟙𝟘) 無諗過中菜嘅地方都有得食risotto 🌱而且賣相真係似西餐~大啡菇面會有半溶純素芝士 做到拉絲效果 大啡菇都帶炙燒過嘅香味頗juicy 飯較黏身 仲有露筍粒 汁較清淡 稍作調味更佳➖➖➖5️⃣純素芝士蛋糕 $68 (𝟟/𝟙𝟘) 係朱古力口味 稍甜 不過唔會太膩同平時嘅蛋糕比會比較黏側邊有芒果醬同新鮮生果伴碟 ➖➖➖6️⃣黃金脆皮燕麥奶 $68 (𝟟.𝟛/𝟙𝟘) 呢樣會令我諗番起大良炸鮮奶~🤓即叫即製 送到黎仲係暖!外層硬脆 唔會好厚粉漿👍🏻有少少似米餅口感內裏細滑 有啲似燉蛋咁😆但燕麥香不算重 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-24
256 瀏覽
近年都推崇環保回收,減碳生活,可持續發展,就連飲食都唔例外,外國嘅beyond meat 未來肉亦開始流行起來,香港茹素嘅餐廳愈來愈多,但好似呢間主打中法fusion 素菜嘅珺應該係第一間。呢度嘅每一逆道菜無論賣相、味道,都令人眼前一亮,係素菜之中fine dining 嘅代表。坐低冇耐,店員就奉上小食,係佢地自家製嘅腰果,外面嘅糖粉有薑糖嘅味道,咬入口亦都好鬆脆。啲炸粉仲要係勁薄,冇諗過茶樹菇炸完之後都可以keep到菇既形狀,底部仲有啲薯蓉支撐着,咁菇可以垂直企喺度,構成一個好靚嘅圖案鮮花椒麻鳳尾蝦蝦肉非常彈牙,配上麻辣嘅外皮令人愈食愈上引。咬開一半俾大家望吓,其實同真蝦嘅色水係差唔多呢度嘅素羊肉都係非常之出色配上意大利青瓜,有兩種顏色分別綠色同黃色口感就有啲似麵筋嘅質地君子炒飯炒得粒粒分明,而且每一啖飯都滲出淡淡嘅黑松露味。蓮子露係第一次試,味道似蓮蓉,但質感就似芝麻糊、杏仁露,蓮子露入面仲有原粒蓮子豐富咬感。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-18
5 瀏覽
越來越多新派的素食餐廳,主打精緻新穎的食物。年前就來跟媽媽試一下吧!午餐在中環來說定價不高,$188一位或$428二人套餐,二人套餐主菜選擇比較多又可以共享第三份主菜,我們便決定點份二人套餐了!昆布天使麵配欖油爆珠前菜選了各一,都賣相精美,天使麵軟硬度適中,入口有頗香的欖油味。水晶粉撈素翅配麻辣醬怕辣還可以選擇芝麻柚子醬,但愛辣的絕對要吃這個麻辣醬,有辣味之餘絕對不難以入口,真惹味。上面的食用花添加了不少精緻感,芝麻則令口感更豐富呢!西班牙番茄波椒湯配上一條小吐司,特別精緻。番茄和波椒的味道濃郁,酸酸的帶點微辣,冬天喝特別暖胃。秘制牛肝菌酸辣湯酸辣湯跟不是素食的分別也不大,牛肝菌跟其他的材料都有帶出湯的口感,不過我覺得可以再酸辣一點!玫瑰叉燒原來主菜也會分兩盤。玫瑰叉燒是熟悉的傳統齋的感覺,玫瑰味挺也特別的,上面還放了一點脆脆,增加了口感。金湯鮮竹竹笙浸時蔬上菜的時候嚇了一跳,一人一份的第二道主菜份量也很足!金湯原來是南瓜湯。除了菠菜、竹笙、菌類之外,還有用鮮竹捲起來再炸過,真特別!健康又飽肚呢!特色紅菜頭新豬肉炒雙色飯口感味道超有臘味糯米飯的感覺,確是素食,好吃之餘最主要還是比較健康,應該是整頓飯我的最愛!黃金脆皮燕麥奶最後加了$30要個甜點。一直很喜歡吃炸鮮奶,健康版本也喜歡燕麥奶的味道,脆片雖然很難跟香炸的作對比,但是低卡那麼多真的很值得!整體賣相精美,食物水準不俗,偶爾來頓素食也可吃得精彩呢! 繼續閱讀
(以上食評乃用戶個人意見 , 並不代表OpenRice之觀點。)
今次去咗中環近蘭桂坊嘅一間高級fine dine feel素食,可能係我食過最正嘅素菜👍🏻👍🏻。♦️今次叫嘅係二人午膳套餐,$428再加一,我可以話一定係物超所值,食完不後悔😋先係前菜,羊肚耳秋葵配甜酸醬油同田園沙律,兩款都調味恰到好處,做到開胃嘅功能😊再嚟到湯真係好好好好好好好好好好好好正正正正正正正正正正正正正正正正正正正正!一款中一款西都係滿分之選 - 百合竹笙羮真係啱晒我河車,足料好食加埋胡椒香味,打打下字我已經想再去食😂😂😂而南瓜湯真係原汁原味濃厚南瓜味,做得仲好過好多西餐廳!!。♦️到咗主菜一樣精彩~二人套餐最好嘅地方係可以試到三款主菜🤤先嚟玫瑰叉燒真係比佢外型呃晒,同一般叉燒無分別!食落口都做到九成似,微焦香配上玫瑰味道嘅醬汁,夠打贏大部分真叉燒😍第二款係沙茶醬茄子獅子球,呢道菜比玫瑰叉燒更驚人,因為係連入口都99%似肉,如果無人同我講佢係素,我基本上唔會質疑😅而露荀黑松露意大利飯就可以用嚟填飽個肚,但佢都做到比美出面意大利餐廳嘅質素,無得頂!。♦️加小小錢可以有埋甜品嘅,我今次就試咗雪影酪梨,佢係薑味嘅牛油果醬咁,又好食又健康,連甜品都做得咁有心思,我真係比個服字佢💯 繼續閱讀
(以上食評乃用戶個人意見 , 並不代表OpenRice之觀點。)