珍珍餐廳

營業中

休息中

嚟到大澳，點都要試吓蝦膏炒飯。蝦膏炒飯（$55）份量不少，好香蝦膏，食落味濃夠咸香，炒飯米粒乾身，有鑊氣。豬頸肉炒米粉（$53）同樣大大碟，豬頸肉約有十片，味道正常，炒米粉鑊氣足，夠味道。

🐻大澳糧食🐻每到大澳都會經過的一條街，餐廳外表雖然唔太起眼，睇得出有份年代感，餐廳裝修有種懷舊既感覺，反而另有一翻風味。🍤蝦醬炒飯 &🍹凍檸茶2個人叫左一碟🍤蝦醬炒飯同🍹凍檸茶，炒飯一上枱熱辣辣！即炒果然唔同啲！充滿蝦醬味，好香！我地一啖接一啖，停唔到口！如果可以多返啲配料，再炒得乾身啲，就更加分😍！而凍檸茶幾有茶味，茶餐廳味道，正常發揮😌📍 珍珍餐廳 (大澳)大澳大澳街市街3號地舖味道😋:🌕🌕🌕🌖🌑性價比💰:💵💵💵回訪度🤤:🤤🤤🤤

周末襯未完全炎夏，而且有涼風，就由東涌行到大澳再係大澳揾野食。撞正51黃金周，基本上度度都係人，大澳都一樣，最後好彩見到珍珍餐廳有一張空枱，二話不說即刻衝入去。等左5,6分鐘先揾到待應落單，個個都做到踢哂腳😆。大澳出名係蝦醬同咸魚，所以我點左個咸魚雜菜炒飯，成個飯超香口，你絕對會食唔停口。咸魚既味道配飯無得頂。份量都算幾多，對得住呢個價錢啦。而男朋友就嗌左個咖哩雞飯，我試左啖都唔錯，咖哩落左奶好香滑，啲肉質都幾幼嫩。😋💖👍

等候入座坐低的時間不算太久，但下單後等食物送上枱的時間都算久，有一碟等了三十分鐘以上，但每碟都好夠火候，好有鑊氣，碟碟食物都好有水準和高質素，炒菜和炒麵都好香，好有味，縱使外相一般般，餐廳的裝修都是一般般，但坐得都尚算可以，茶餐廳是這樣都很合理。還有一位勤奮的年青人幫手做義工木，來整拾和遞餐，非常欣賞，教導有方，後生可畏！至於價錢，加三就..... 一罐汽水十三元。大年初二，三人食，二百元，算係咁啊！

經過看見大澳開了一間新茶餐廳….裝修同之前那間一樣不過嘢食有一些不同多了一些泰式美食.今次我點了蝦醬炒飯同生蝦刺身迎面撲來的那股充滿著米飯的香味和濃濃的海鮮味的蝦醬炒飯😍每粒飯炒得分明另外炒飯中加了特色的大澳鹹魚，重口味的朋友不妨一試.生蝦刺身，用很多魚露，蒜蓉和辣椒浸過，味道是足夠但它的質感偏冧沒有新鮮蝦的彈性而且亦沒有用冰放底在這炎熱的天氣，感覺不是很好.

鹹魚雞粒炒飯 濕炒飯，好有鹹魚味，但我個人覺得太鹹，鹹魚遮蓋晒雞粒嘅味道，味道不過不失，啱晒鍾意食鹹魚嘅朋友海南雞其實只係普通嘅冰鮮雞，冇咩海南雞嘅味道，冇必要入嚟大澳食