珍珍串燒 (已結業)

細細間。門面簡陋唔吸引價錢中下。合理唔算貴諗住佢唔落足料嘅泰式叫咗三道菜點知。。。好食。好食。好食每道菜都用發泡膠盒上見隔離枱嘅湯麵同係用發泡膠碗唔環保但又方便唔駛洗通菜感覺夠鑊氣。味唔太偏咸。夠辣但唔會蓋咗菜嘅味道木瓜沙律木瓜味唔太重。甜酸辣好平均。少少凍食嘅温度剛剛好。生菜包肉碎表面乾身。咬落好重肉so味。慢慢滲出辣椰汁罐罐嘅賣相都唔差。較清唔會好甜。都有椰子味仲有小小椰肉粒。會再去試其他菜式…查看更多

真係估唔到，呢間細細間鋪頭仔d野食一流!!!果日經過叫咗個海南雞飯食，簡直係比得上文華酒店咁好食。雞好滑，飯味香濃。我老公叫咗串燒，串燒啖啖肉，好好食。一定會再幫襯!…查看更多

同朋友2人一起吃泰國餐。鋪面較細，只有台仔2.3張。多數做外賣。沒有冷氣，幸好當日不太熱。食物很快上台，味道唔錯，冇中伏。串燒就溫的，是燒定，不過交醬料味道幾好，所以都可以。其他味道略重，飲料的冰都有d甜。總體唔錯，抵食。…查看更多

之前朋友去過珍珍串燒到食，覺得幾好就帶我去試。鋪頭既地點都算易揾，又鄰近新世紀。果次去到咁岩有位所以唔洗等就有得食我同朋友嗌左4串串燒(一串12蚊，4串10蚊，嗌4串好抵食)，龍眼冰，菠蘿炒飯同埋喇唦。首先講下個串燒先，四串分別係牛豬雞同雞翼。我個朋友就中意佢個豬既，而我就中意佢個雞翼。燒得好香再配埋個沙嗲汁真係好好食。不過如果再熱啲就好啦。再講講佢個沙嗲汁，食得出有啲花生醬味，同調味適中。果然好既醬汁係可以為食物加分接住落黎就係講下我叫既喇唦。我本身都係中意食喇唦既人黎既，而呢個喇唦既湯底我好中意，都好推介。味道幾濃，食完碗麵都要飲多幾啖個湯底同埋佢真係好抵食，30蚊但有好多配料例如雞絲，魚片，豆卜，魚蛋之類。成碗都好正惟獨個米粉冧左小小，但整體我都覺得好好！又一樣好抵既就係呢杯龍眼冰。跟餐都只係加5蚊，原價都只係8蚊，真係好抵。價性比又高，因為真係好好飲。呢杯龍眼冰啲甜度剛剛好，唔太甜又好天然既味道，所以對呢杯龍眼冰既印象最深刻。最後就係朋友既菠蘿炒飯啦。我都食左幾啖覺得都唔錯。個飯有好多配料，同埋啲菠蘿好甜。又唔會炒到一舊舊，啲飯一粒粒幾好咬口。…查看更多

好耐之前係ig到見到推介已經諗住黎試下，琴日終於去試左。店舖環境比較細，去到要等位，不過好快就等到。叫左4串沙嗲汁嘅串燒，雞豬牛雞翼各一串，個人最喜歡食雞翼，計番$5一隻，抵食！串燒最吸引都係個沙嗲汁。不過認為串燒可以燒熱啲。之後仲叫左個龍眼冰，真係真材實料！味道天然不太甜，當水飲都得！最後就叫左個泰式乾炒牛河醫肚。本身以為泰式同中式嘅乾炒牛河會好大分別，但係原來食落味道都係差唔多。但係係呢碟乾炒牛河入面加入左新鮮嘅菜，而且有大大塊嘅牛肉，都係比以前食過嘅乾炒牛河優勝嘅地方！…查看更多

同朋友係moko睇完戲想醫下肚，就推介左佢去附近舖頭食串燒。店舖比較細，位置唔大冇冷氣，不過一黎到就有位唔洗等如果大熱天時黎食可能就會比較熱不過今日天氣清涼所以就冇影響:)埋位老闆就已經同我地推介叫埋夏日特飲先黎既係串燒($40)串燒$12一串 $40四串，於是就叫左雞豬牛肉同雞翼各一串。有沙爹汁同辣汁，自己唔食辣就簡左沙爹汁。雞肉肉身嫩滑，鮮味多汁，豬肉最好食，香口惹味，雞中翼一串兩隻，燒得好juicy不過牛肉就比較煙un ，難咬左少少沙爹汁加左好多分，味道香濃。跟住黎既就係椰汁冰椰汁冰跟飯只係加五蚊，單叫都係$8，冇理由一場黎到咁抵都唔飲。自己唔太肚餓所以只叫左菠蘿炒飯($42)大家食哩間既菠蘿炒飯比其他舖頭唔同，配料大概用左菠蘿、蛋、肉鬆、青豆、蘿蔔粒同雞肉等等炒成。炒飯粒粒分明，唔會痴埋一舊舊，好香口，肉鬆撈落炒飯亦匹配好食。相信下次經過哩頭會再食多次！…查看更多

今晚我們去咗旺角洗衣街嘅「珍珍串燒BBQ」食晚飯！我們叫咗香茅豬扒飯嘅豬扒肉質非常軟滑鬆化，香茅味好香濃，另外加埋香蔥一齊食，令到味道更加惹味！泰式海南鷄飯嘅鷄肉肉質好嫩滑鬆軟，鷄油飯都幾乾身，味道好芳香，而且唔會好油膩！泰式炒金邊粉嘅材料非常豐富，味道酸酸甜甜，相當醒胃！泰式乾炒鷄肉河粉嘅河粉麵質好煙煙韌韌，唔會過腍，而且鑊氣十足！泰式冬蔭公湯扎肉鷄絲金邊粉嘅冬蔭公湯底超香辣濃郁，金邊粉嘅麵質相當滑身，扎肉同鷄絲嘅份量都幾多！泰式沙嗲串燒「豬肉，鷄肉」燒嘅火候控制得恰到好處，唔會過咗火，所以肉質極之鬆軟嫩滑，肉汁亦相當多！泰式酸辣鳳爪嘅無骨鳳爪吸收晒醬汁嘅酸辣味，肉質好爽脆彈牙，感覺好清新醒胃！肉碎生菜包嘅生菜好新鮮乾淨，包著香辣惹味嘅肉碎一齊食，真係好好味呀！…查看更多

行街行到攰，食串燒、喇沙，好野味！配埋芒果芒果飯，椰漿好香，芒果好新鮮。D串燒都有好多種，最正就糸雞肉串燒同埋豬肉串燒，個沙爹汁好香！之後再叫埋生蝦食，份量多，價錢公道，又夠新鮮！…查看更多