珍泰In泰式車仔麵 (已結業)

今晚過左大角咀陪男朋友食飯，成日係附近食都已經諗唔到仲有咩好食。咁岩行經過呢間珍泰In，好耐之前食過一次lunch，今晚決定又食下先。我叫左個招牌海南雞脾飯，啲肉質都唔差，都唔會好鞋身，但唔算好juicy，個油飯好香，泰式醬汁食落酸酸辣辣咁幾開胃😋男朋友就叫左個泰式滷水豬脾腸蛋，豬脾幾香同肉質食落唔會好鞋，腸唔會話咬落口一舊肥膏咁，仲有半隻鹵蛋，幾入味。整體都算幾抵食，每個飯都係HKD55，係個海南雞飯轉脾要加HKD10。…查看更多

首先一入到去就覺得環境好整潔，我去嗰陣時夜晚都比較多人，入到去坐低睇佢個餐牌，發現原來都幾多嘢食，雖然佢個牌寫住車仔麵，但係原來有泰菜食，坐低左之後望吓隔離枱，我都見到有海南雞，我諗係佢嘅招牌菜，咁我哋就叫嚟試吓，然後再叫咗串燒同埋咖喱軟殼蟹。食落有驚喜，海南雞都幾滑串燒個醬勁好食，另外咖喱軟殼蟹落單時，店員推薦加薄餅一齊食，食落超正，個咖喱味道啱啱好，真係好食到想帶多個白飯撈飯食😂😂但係得兩個人食唔到咁多🤣🤣下次一定要同埋朋友一齊食👍🏼👍🏼👍🏼…查看更多

今日呢個好遲的午飯，行了埃華街和大全街全部食店， 雖然有很多食店，亦有些食店亦已經轉手，埃華街好多食店都變了店，多了很多大陸式的食物。行下行下， 都想不到食什麼，最終係再試下泰國食品，食咗泰式車仔麵和海南雞飯，車仔麵有意外，豬髀肉墨魚丸腩汁油麵 加炸豬皮，車仔麵的湯食完之後都冇口渴，湯底都好好味，海南雞飯都不錯，但係雞油飯 有少少黏，飯嘅份量亦都剛剛好，進食的時候看見隔離枱有食青咖哩，下次都想試下，總括嚟講，味道比想像中的好，可以再試…查看更多

大角咀這個小區經常可以發掘到啲小店，有時還比較有地道的味道！終於這次午餐時間決定來這間小店，餐牌上也算比較多選擇！咁我又進入選擇困難了！最終我們選了豬頸肉春卷飯、蝦餅魚餅煎蛋飯⋯另外還包一杯熱飲👍🏻好抵呀！而且味道挺不錯的👍🏻👍🏻午餐有呢個水準非常好👍🏻…查看更多

今日繼續喺大角咀呢頭揾食，揀下一d平民小店黎食，咁今次就選擇左呢間泰式車仔面。不過我就冇揀到車仔面黎食，我就嗌左泰式海南雞飯黎食。老闆娘又係非常好人，送左碗湯俾我飲👍🏻👍🏻海南雞就非常之嫩滑，而且喺配黃飯既。又香又好食，呢d小店真係要多多支持。…查看更多

前兩日同媽咪經過大角嘴就入咗去試。咁岩下午茶我就嗌咗黃咖哩牛肋骨飯（好似$35/$38）而媽咪就嗌咗冬陰功湯粉。碟飯一上檯有啲嚇親因為啲飯好多😂😂😂而碗咖喱都叫做份量唔錯。黃咖喱食落去甜甜地唔太辣，同埋我依啲好鍾意食香料既就好欣賞佢都落咗啲香葉既配料。牛肋骨都有3-4舊大既。食食下隔離嗌咗個正價黃咖喱雞飯，我見佢地啲雞真係超級多，所以可能嗌正價真係會多好多肉。但其實下午茶份量都已經好足夠。不得不提佢個奶茶沖得幾好飲。唔係泰式奶茶而係港式奶茶，不過好難得地唔係好多奶，所以覺得幾好。…查看更多

太耐無食，今日就決定去食。點了自選車仔面，雞翼完全唔吸引，完全淡而無味。同上次食完全係兩回事，有待改善。豬腸水準仍然可以保存到。通菜就好正常湯底要求加腩汁，但仍然好清，仍然需要改善。…查看更多

Weekend 去左雀友屋企個會所打麻雀，打到九點走，去附近搵野食。見到呢間咁夜都仲有開就入去試下。第一碟串燒，雞肉同豬肉，秘制醬汁，醬汁好味，肉就正常。雞肉西柚沙律，雞肉好滑，酸酸甜甜，好開胃。生蝦，唔知係咪夜既關係，啲生蝦朝早入貨，到夜晚都雪左十幾個鐘，搞到啲蝦唔鮮甜，麻麻地炒粉絲，因為同行朋友唔食得辣，所以左下角啲辣椒係無撈到入去架。啲粉絲炒得幾爛架，斷晒，但味道就都ok.之後仲有嗌左啲薄餅，炒通菜同咖哩軟殻蟹同波蘿炒飯。（掛住食唔記得影相）薄味牛油味香，味道好，但比起印度薄餅，佢係偏油。炒通菜，見到落左勁多青辣椒條同指天椒條。成碟菜勁辣！咖哩軟殻蟹個蟹有兩細隻，夠三至四個人share 來食，咖哩唔辣，但係屬於椰奶味重既個種，個人都幾鍾意呢隻。最後個菠蘿炒飯，個人覺得係必嗌架！勁多蝦好足料，都食王少少菠蘿粒，成碟飯炒得好鬆，唔太油！好味！五個人我地仲有嗌左幾杯野飲都係一百蚊一個人！小店值得支持下！…查看更多

油尖旺區生活的人，如果有朋友揸車黎同你食餐便飯，一般都會選擇大角咀區，因為泊車易d😂今次真係求其在大角咀搵餐廳，搵到呢間泰式野試一試。海南雞飯油飯沒有油香，飯質偏乾，口感較硬。雞同樣偏硬、實，肉厚但味道好一般。冬陰公肥牛湯米有香茅味道，少少辣，湯頭唔夠濃郁，過淡。呢間餐廳似是「有營食店」哈哈，款款餸裡面都有菜夾在裡面。米粉底竟然都有通菜，勁！最有質素的是椰菜苗非常新鮮，脆口。用上小蝦米炒，非常惹味香口，份量又多。青檸梳打好淡，唔夠甜同青檸味。只是$40-60既餐都有椰汁桃膠糖水送👍🏼桃膠本身就是沒有什麼味道，加上椰奶之外，糖水更滑，有甜品的晚餐令人更滿足。…查看更多

星期六行開奧海城咪落大全街周圍睇下有咩新野好食.點知見到有間新開既泰色車仔麵有人排隊咪又去試下襯下熱鬧.等左一震就入得啦.店員真係值得一讚,好好咁介紹話邊d多人叫.邊d係招牌菜.又會介紹我點叫送會抵食D..最後我地一同3人叫左2個車仔麵.一個海南雞飯.之後店員再推介我地叫個芒果糯米飯..芒果又新鮮D糯米又林.真係下次經過都要買個芒果糯米飯做外賣.下次一定會再爭去食..…查看更多

前幾日下午無意中行過發現有間泰式餐廳都有不少人係入面食緊，就入去試一試，唔講唔知本人係對泰國菜有不解嘅情意結百食不厭，款式唔算太多，但都有齊我想食嘅小食，叫左個海南雞飯同泰式鳳爪,本身都叫埋蝦餅，但一個人食好似太多食唔曬，10分鐘左右海南雞終於上枱啦，我唔客氣啦，雞好滑油飯都好香，而個鳳爪唔太酸唔太甜味道啱啱好仲大大碟，下次會試埋個豬脾飯，因為今次落左單左偷偷地見到隔離枱個樣都好吸引，見到人食都流哂口水🤤…查看更多

行過大角咀見到新開很多間車仔麵,見到哩間食物好多元化,不是只有車仔麵,還有海南雞飯.....各式各樣泰式食物,但是我是下午茶時間去,所以只點了3餸車仔麵,佢個沙嗲好味道,各樣餸亦好吃…查看更多

大角嘴真係好多低食又有heart嘅小店😙！早兩日同朋友經過見到呢間車仔麵店新開🤨米同朋友入去試下！我地叫左個豬肶飯！個肶炆到好淋！簡直入口即溶😃😋😋！再叫個香辣肉碎煎蛋飯！跟住再黎一個炸🦐餅！即叫即炸好彈牙！估唔到店子細細但出品味道又幾好！最後一定要叫我至愛嘅泰式芒果糯米飯食！好開心芒果又甜又多汁😆😆而家又係芒果季節所以特別好味！我見佢重有其他泰式小食和泰式車仔麵！下次也可再下！!…查看更多

前幾天同女朋友在奧運站附近行街,發現了這間混合了泰式和車仔麵的餐廳.因為平時不常見,所以在好奇心驅使下而進了這餐廳. 餐廳裝修不錯,掛著一些泰國擺設,乾淨企理.車仔麵的選擇很多,我同女朋友都+10蚊轉左冬陰功湯底,湯底不錯很野味,值得一試👅價錢方面也十分大眾,兩人共食了94蚊. 總結, 餐廳環境好,車仔麵抵食好味! 想試新野的朋友仔可以一試!! 另外,佢仲有其他泰國菜選擇, 下次再黎可以試埋其他…查看更多

今日我試左車仔麵、好有特色、冬音工味好正！太肚餓成碗食曬連湯都飲埋👍老公就叫左小食，炸雞亦、我都有份食、好香口、再叫左個芒果糯米飯👍我地試左黑糯米、d飯仲熱架、都好得、芒果好甜呀、老公話下次試下其他野🤭…查看更多