珍姐泰國菜館

營業中

休息中

對於曾經住藍田的人，對珍姐一定不陌生。重開之後當然要去懷緬下以前的味道。香葉辣椒肉碎煎蛋飯 $75飯量十分，香葉辣椒肉碎有香葉味道，如果辣度再高點會更好，適合不太食辣的人，加上半流心的煎蛋，味道不錯。乾炒招牌鹹豬肉河粉 $70鹹豬肉的豬皮在炒河粉中未可以保持香脆，有點可惜。不過所用的河粉是我最喜歡的粗河粉，調味香濃有鑊氣。泰皇咖喱軟殼蟹 $150炒蟹味道香濃，黃咖喱汁十分惹味，加上炸到香口的軟殼蟹，美味又下飯。可惜當天太飽，否則加點蒜蓉包或暫薄餅沾黃咖喱汁也是一個不錯的選擇。如果軟殼蟹的份量再多點會更好。食物水準不錯，價錢親民，如果在附近居住，可以一試。

珍姐泰國菜係藍田就有1x -2x歷史，前身係藍田另一個位置都係做泰國菜位於一間喺匯景商場角落位置嘅餐廳，外表係普通嘅餐廳，不過菜式都算係正宗泰國菜款，泰國人主理，馬拉盞通菜- 蔬菜新鮮，份量正常，味道剛好牛肉炒河 正宗泰國河粉🍜 牛肉量多🤤平時最喜歡食酸辣雞腳，佢啲沙律🥗真係好新鮮，雞腳好爽，青咖喱雞飯 雞好滑，啖啖肉，而咖喱汁味道剛好，就無太特別啦佢哋既炸物好食，即叫即做，我哋叫咗春卷，次次都叫，真係好好食😋呢間我都食過 1x 次，推薦大家，仲有粉絲煲，冬陰公湯，泰式炒飯，香草肉碎蛋飯，⋯⋯ 等⋯⋯

今日工人姐姐生日，佢話想食泰國菜，我住藍田但未去過匯景廣場食野，姐姐話近啲吳想出九龍城，就上黎搜尋吓有咩食，見到珍姐泰國菜，入到黎得小猫3，4只，心諗一定吳好食，點知出孚意料，又平又超好食，以後吳洗出九龍城lu,4個大人1個bb叫咗8個餸，咖哩蟹跟蒜，蓉包，鐵板蠔仔蛋，明爐烏頭，生菜包，冬蔭功湯，菠蘿炒飯，馬拉盞通菜，泰式炒芥蘭，食到攬住個肚走，超好味😋😋😋😋

今日經過匯景商場呢間小店，朋友話經常黎食，覺得又平，味道都OK，所以就試下😯我地叫左1️⃣秘制海南雞飯💰57海南雞份量都幾多，雞肉爽口，唔會好肥，唔錯👍另外第一次見海南雞飯有比埋豬紅，好食😋😋，油飯正常水準。我見到鋪頭最多人就係叫呢個。2️⃣泰式香茅炸豬扒粉+豬紅💰58泰式湯底好夠味，我轉左河粉，河粉份量超級多，女仔可以叫少河粉。另外河粉有咬口，就算浸左好耐湯都唔會軟曬唔好食，唔錯。❤️豬扒係分開上，份量都好多，略嫌炸得少少乾身🥲加錢叫左豬紅，豬紅有調味，爽口彈牙😽😽野飲試左泰式凍咖啡，比較特別，咖啡香，但係偏甜🫣消費價錢：2人💰121，人均💰60.5結論：（10分為滿分）味道：6.5/10性價比：8/10回頭指數：6.5/10餐廳名稱：珍姐泰國菜館餐廳地址：藍田匯景道8號匯景商場5樓34-35號舖

閒逛藍田, 去到匯景商場5樓, 見到有間叫珍姐泰國菜館, 係間小店, 唔係連鎖嗰種, 門口有唔少人排隊, 都係街坊幫襯喎, 咁味道應該唔錯, 再睇佢嘅食評雖然唔多, 但都有唔少推介, 而且啲午市套餐唔貴, 都係$50內, 價錢合理, 試吓都無妨!🌸滷水無骨豬手粉有驚喜喎! 豬手肉排得好整齊, 唔hea, 豬皮Q彈, 豬肉肥瘦均勻, 滷得好入味, 但就唔係好淋好散嗰種, 仍有肉嘅質感.🌸泰式牛丸粉牛丸都好大粒, 仲有6粒添, 再配好多炸蒜, 好香好脆, 夾住啲芽菜同滑滑金邊粉一齊食, 好惹味。

一間喺匯景商場角落位置嘅餐廳。唔係朋友介紹都唔識搵嚟食。外表係普通嘅餐廳，不過菜式都算係正宗泰國菜款。先嚟介紹個咖哩軟殻蟹，滿滿嘅咖哩汁，味道都好香濃，配埋蒜茸包同薄餅，正！不得不介紹佢個冬陰公，係好香濃同好足料！辣味同香料味都好夠，值得一試！仲有個柚子沙律都可以推介吓！味覺幾清新開胃。泰式拼盤，食落還可以，同其他比較都普普通通。試咗佢條泰式明爐烏頭，煲嘅時間會漏漏哋湯，煲完啲魚肉有啲鞋，可能喺廚房已經煮過龍，所以覺得麻麻哋。飲品唔記得影相，泰式特飲一般般還可以，不過泰國嘢味濃，叫飲品係要嘅！

五點嚟到，有午餐同下午茶餐，兩者也是供應到5點半，最後選了午餐😊🥢香葉辣椒肉碎煎蛋飯 (少飯) $59🌶️熱檸檬茶 (跟餐)📝叫咗少飯都好大碟，香葉辣椒肉碎，有少少辣🌶️，好適合拌飯👍

無意中試咗呢間餐廳，佢主打泰國菜式，其實又唔係好泰國，不過用料非常新鮮，有驚喜。點咗個孖寶再加左一個泰式豬髀飯。孖寶係泰式咖喱蝦球同埋半隻泰式海南雞，老實講個咖喱唔係好泰式，不過佢啲蝦球數量都算多，而且質素唔錯，肉質有彈性兼爽口。海南雞都幾新鮮，雖然唔算肉質嫩滑，但係雞胸肉唔算好鞋，而且隻雞嘅皮下脂肪偏少，佢嘅拌碟生菜同埋青瓜都好新鮮。泰式豬髀飯又唔會好肥，成日食到啲泰式豬髀都係好多肥膏咬極都咬唔走晒，呢間嘅豬皮脂肪同瘦肉嘅比例大約係二比八，所以都食到好多唔使吐返晒啲肥膏出嚟。

平時屋企人都有時會加餸買一兩樣餸返屋企食，今次係全家懶得煮一齊落去食-蝦餅，真係好好食，熱辣辣勁彈牙，食完好滿足-青木瓜沙律，有少少太辣，不過屋企人食得辣，佢地覺得還好-馬拉盞炒芥蘭(無記錯既話)，無咩特別，幾惹味-豬頸肉，個人覺得依個幾好食，煮得好香口-冬陰公，好大碗haha，我地4個人好彩飲得哂，入面仲有好大隻蝦，隻蝦唔梅，味道幾岩，酸同辣岩岩好。-燒雞，平時屋企人都會叫外賣，但堂食好味勁多好香勁惹味-炒金邊粉比較其他菜式就有少少普通。

聖誕節返完主日崇拜，便來幫襯大碗好味的泰粉。午市48/碗，1碗足夠取代早午餐。可能只有屋苑商場才可以做到此價。至愛有三款午市湯粉餐,附送熱飲, 包括: 鴨肉湯泰粉、豬手湯泰粉，及炸豬排湯泰粉等等。泰式湯底夠味，鴨肉實而不鞋口，豬手炆得軟滑入味。晚市，我們常叫此店名物，包括海南雞飯 ，雞肉真是香嫰可口，油飯充滿雞的精華，叫人回味。乾炒牛肉泰粉是鑊氣十足,加上雞旦和芥蘭同炒,可能是用了魚露，食到滿滿泰菜滋味。沙爹豬和雞串燒各三支加油飯亦是必吃。串燒肉燒得有焦香，但沒有乾柴，精華在花生沙爹醬汁。窩心是埋單見到櫃台的三隻小羊擺設。尢其是今天是紀念耶穌降生的聖誕節。

整體嚟講味道都ok,但可惜太多油，用咁多油先炒到碟嘢出嚟，師傅功夫好極有限，返到屋企飲咗三大杯水，😓😓⋯⋯味精應該都幾重，呢間嘢試一次就算，價錢亦唔平，質素不成正比

今天經過兒時常常到的地方……滙景商場，食冷麵的回憶霎時浮現，然後食欲就來了…..商場裏多了很多不同種類的餐廳食肆，今天一行三人選擇了都喜歡食嘅泰國菜，午市剛開始，還未見人潮，不用排隊直接入坐，選擇了冬陰功香茅豬扒河粉：冬陰功湯底味濃，辣味剛好，可惜香茅豬扒強差人意。泰式鮮蝦炒金邊粉：第一口感覺茄汁味重，再第二口偏甜，而且係越食越甜，配菜中的蝦淡而無味。秘製海南雞飯：油飯正常水準，海南雞爽滑配其醬汁味道升級。

這裡是老爸經常跟其他餐廳食品比較而永遠無得輸的泰國餐廳😋企理茶餐廳格局食物水準卻比高級泰菜館高一班性價比👍🏻👍🏻👍🏻老爸至愛🌟泰皇咖喱🌟那是會讓你隔一排就會掛住佢的佳餚濃厚香醇試過你會明白我無用錯形容詞老爸永遠揀泰皇咖喱配大頭蝦其實這裡也可以選配蟹甚至懶人至愛啖啖肉的軟殼🦀我覺得呢淨係個泰皇咖喱底已經足夠我一個人食晒兩客蒜蓉包🤤這晚另外叫了粉絲蟹煲由於想食膏蟹專登早幾日同老闆訂了膏蟹膏蟹爆膏肉鮮粉絲香濃滋味無窮😋串燒是奀妹阿女最愛平時唔多食嘢嘅阿女一個人可以食4串皆因呢度個沙嗲醬好香唔辣大人細路都啱食海南雞滑滑無骨雞肉配豬紅啖啖肉是我阿媽同阿妹嘅至愛是夜還有鹹魚炒芥蘭及青木瓜沙律全是水準之上總括而言，這裏是一間唔試過你會走寶的泰國菜館可愛的老爸就是帶他去食高級酒店自助餐都會評價：「藍田珍姐的那個泰皇咖喱好味啲….」搞到我隔一排又要帶佢嚟呢度「止癮」🤣

由筲箕灣食到去藍田，呢間💛泰國菜餐廳🇹🇭從來都冇令人失望過！食物性價比極高，加上老闆老闆娘👫🏻同店員都係超級友善，絕對值得遠道以來(雖然餐廳位置唔算好易位，但跟足指示係唔會蕩失路）！今次一行八人仲可以叫好多款食物Share超開心🥳(真實付費食評非打手！)🌟冬蔭功大蝦頭湯平時👧🏻就好怕飲冬蔭功湯，因為怕佢又酸又辣，但呢到嘅冬蔭功湯不論甜、酸，辣味都平衡得非常好👍🏻，湯底加咗唔少香料，例如香茅、香葉🌿。海鮮除咗有大頭蝦🦐，估唔到仲有蟹🦀，證明落足料同夠曬鮮甜！份量足夠八人飲用！🌟泰皇咖哩炒蝦球 拼 招牌海南雞(半隻)餐廳當時做緊優惠，$200幾就有一份咖哩炒蝦球加半隻海南雞，超抵食！呢到嘅咖哩可以話係皇牌，最特別係咖哩汁會有蛋花，加上大量蔬菜eg 洋蔥🧅、紅青椒🫑、蔥，非常惹味！👧🏻次次都要叫蒜茸包+薄餅點汁食。蝦球🍤先行炸過，用炒咖哩汁。蝦球Size絕對係珍寶Size，蝦肉彈牙爽口。至於海南雞🐔水準都算高質，雞皮爽脆，雞肉嫩滑又有啫喱層。醬汁嘅薑蒜、辣香味平衡都幾好。🌟金柚子鮮蝦沙律柚子沙律🥗係大家一致必點嘅餐前小食。除咗有一絲絲嘅金柚子🍊，鮮甜冇澀味，仲有腰果、乾蔥頭，能夠增添口感同風

這間餐廳剛開時，引起一陣哄動，很多藍田友紛紛讚好，又表示很懷念珍姐泰國菜。開左好一段時間後，終於第一次去同屋企人食，可惜有點失望，咸肉炒金邊粉，咸肉粉量少，叫了個香辣豬扒飯，以為是類似椒鹽豬扒的，黎到竟然是甜辣蕃茄汁味豬扒，說真的，不知這是否正宗泰國豬扒做飯，但就不是我杯茶。而且價錢偏貴，不值這個價。晚市時段仍有空位，不知佢捱到幾耐。For me, no next time, 非常懷念泰蓮的咸肉泰，沒有比較沒有傷害，大件抵食又好味。