玖子茶 (如心廣場二期)

營業中

休息中

荃灣如心廣場2樓有好多餐廳，平時都唔覺眼，但最近發現有間平平地嘅星馬菜 (๑´ڡ`๑)大概五六十蚊一個set，上菜速度快，份量多，質素都唔差!!🫢一定飽住走🤰🏼🤰🏼𝟙芝士蔥酥蛋餅 $29蛋餅入面有蔥粒，包住煎流心蛋同半溶狀態嘅芝士，夾埋一齊食好夾!!食落去都幾酥脆😋𝟚芝麻蝦多士 $39一份有5大件！多士表面塗上蝦膠，麵包食落鬆軟重油香，仲有陣陣芝麻香味😆蝦膠食落彈牙有咬口!!配埋千島醬一齊食，唔會太油膩，食完一件會仲想再食多件🫢😋𝟛砂煲肉骨茶配白飯 $58✨推薦！砂煲肉骨茶帶有少少回甘嘅藥材香味🤤入面有豆卜、金菇、腐竹同杞子，排骨炆得好軟腍又入味，食落去骨肉分離，唔使擔心咬唔開😋個湯仲要超好送飯食!!𝟜招牌星馬雞喇沙摻摻 $66✨推薦！喇沙湯底味道香濃，辣辣地而且椰香十足！米粉夾埋油麵，食落好夾，兩款麵都滑身，米粉比較似粉絲，透透地好有口感，唔係港式米粉嗰隻嚡身感覺～兩款麵嘅口感形成對比就好有層次！🤤海南雞係分開上，雞肉好嫩滑，配上平時海南雞三色醬，特別係酸辣醬，好開胃！✨✨

荃灣都有新加坡牛車水美食街，可以享用南洋美食，餐廳室內裝修好有特色，充滿新加坡牛車水風情沙嗲串燒牛肉 $29香烤串燒牛肉好香好味道，配搭特色沙嗲醬料份外美味班蘭咖吔多士 $29特色班蘭咖吔醬夾多士，多士好味道唔油膩，甜味適中又清新酥炸花枝丸 $39香脆彈牙酥炸墨魚丸，外皮好鬆脆星馬咖喱香煎豬扒飯 $55充滿星馬咖喱料，香煎豬扒飯海鮮蝦喇沙摻摻 $53喇沙湯底好香椰子味，好有星洲風味，米粉及麵各半半，還有蝦、魷魚、魚腐魚蛋等，還有雞蛋美食掃街好味道

海南雞嫩滑可口，雞肉以冰水過冷河，皮薄爽滑，雞肉味道濃郁且已經去骨，方便享用。另外雞油飯則以上湯、雞油、蔥、乾蔥及調味料等製作，令到飯粒香氣十足，而且仲有椰子雞沙仲叫左串燒，牛肉串燒，串燒都係好味。牛肉串燒燒得啱啱好，外層香脆，唔會黏埋一舊，而且牛香味甚濃！另外叫左椒鹽大蝦，每隻蝦都大大粒的，而且蝦殼都可以食埋的，勁香脆， 蝦頭都有蝦膏，蝦肉都扎實彈牙，佢蝦殼外嘅胡椒香味濃郁, 微辣惹味, 令鮮味更提鮮不少。

荃灣星馬街頭美食入去到懷舊感十足！好似去咗星馬啲街頭咁打卡一流～是日精選晚餐泰式蒜香風味炆䱽魚 配白飯 $84小小辣再帶啲酸 開胃十足 用咗好多蒜頭同洋蔥🧅等等配菜調味令䱽魚好入味 肉質好嫩滑而又小骨食落啖啖肉 攞埋啲汁撈飯一齊食勁正！我知你啦薄餅配咖喱 $29性價比高 有好多塊金黃酥脆嘅薄餅 咬落外脆內軟 點埋咖喱一齊食好惹味酥炸花枝丸 $39炸到金黃色嘅花枝丸好香而且咬勁十足！點埋甜酸醬就無咁dry～斑蘭咖吔多士 $29個人覺得唔夠多牛油唔夠邪惡😆咬落去散發住淡淡椰子味爽爆檸檬茶 $18馬來西亞拉茶 （跟餐）$5飲落口感比港式奶茶更順滑富有茶香之餘重可以keep到陣奶味！玖子茶 (如心廣場二期) (荃灣)荃灣大河道98號如心廣場二期2樓214號舖

今日諗住去如心廣場嘅冒險樂園玩～ 玩到肚餓就見到玖子茶個menu都幾抵食 就決定入去試吓啦🫡我哋兩個叫咗一份麻辣口水雞套餐 有一碗椰子雞湯同油飯 佢哋嘅椰子雞湯好香 一飲落去就知係新鮮現煲 👍🏻😎 佢哋嘅口水雞亦都偏辣好好食 🤤 雞肉好新鮮入味 男朋友就叫咗一份海南雞喇沙 佢哋嘅海南雞係分開上嘅 咁就會保證啲雞肉唔會浸到好老 喇沙湯底好香 再配埋嗰隻拉麵😏😏簡直係Perfect match 海南雞一樣咁嫩滑 但係我自己比較鍾意食佢哋嘅麻辣雞多啲haha😳😳之後因為太為食，所以加咗兩份小食～ 一份係鹽酥雞軟骨 超級大兜 超級抵食 每一粒都係剛剛炸起卜卜脆好好食 😋 另外一份就係咖央多士 超多咖央醬 好正 一咬落去啲醬慢慢流出嚟 兩個人食到咁飽都唔使$200 真係好抵食💁🏻‍♀️ 大力推薦佢哋嘅小食比大家

最近行經荃灣如心廣場一期，發現左間幾抵食嘅星馬餐廳，裝修仲幾靚，叫做玖子茶。因為價錢唔貴，都幾親民，閒日晚市都有八九成滿。今次叫左海南雞飯，雞夠滑，油飯夠香，醬汁齊全，仲送埋湯，都幾抵食。朋友叫左肉骨茶，試左一啖，有相當濃厚嘅藥材味，但係又唔會好苦，調味唔錯。肉骨茶都有好多配料，而D肉都炆得夠腍，送飯一流。小食另外試左蝦多士，比預期中大件，估唔到係蝦滑配法包，味道出奇地好食，咬落去好鬆軟，蝦滑都好彈牙，有驚喜！飲品有相當多選擇，跟餐叫嘅話加幾蚊就OK，朋友叫左凍桔仔話梅水，非常生津解渴！我就叫左熱美祿，夠晒香甜。埋單200蚊都唔洗，好抵食，性價比幾好！！

第一次幫襯呢間舖頭，見下午茶幾抵食，一於就試吓2:00入到舖頭，其實舖頭都多空枱，但侍應表示要搭枱，咁我一個人，都唔想阻住人哋做生意，都冇乜所謂之後原來餐廳要掃code落單，不過呢個code有啲問題，load咗好耐都唔得，仲試過落單失敗，結果系統顯示我落咗兩次單，我即時同侍應講，叫佢幫我處理返點知，侍應同我講佢唔識講廣東話，OK Fine，我可以轉做普通話同你溝通，btw 我唔係歧視，但點解可以完全唔識廣東話…..好啦，我以為侍應幫我處理咗，另外侍應出餐嘅時候，食物照係Double出，另一個侍應仲質疑返我，大聲咁講:點解你一個人食兩個餐？我當然覺得感受好差，點解佢唔會諗會唔會去餐廳或者公司系統有啲問題先，反而直接怪責個客…如是者，我解釋返比佢聽，件事終於圓滿解決咗。不過之後有其他客人入座，侍應都係繼續唔好嘅態度對其他客人，雖然食物質素OK，但服務質素有啲參差。另外，講下食物方面，咖哋多士好似一早整定，所以送到餐黎時，完全唔脆同唔熱，好似食緊乾爭爭既多士咁。

裝修懷舊有特色之餘，食物價錢實惠，最平五十蚊有交易🤝不仿試試👍🏼食物1️⃣砂煲海南椰子雞湯 $68椰子雞湯清甜，而且椰子味幾出👍🏼雞肉都幾嫩滑2️⃣招牌珍寶帶子喇沙摻摻 $69摻摻可以改做米粉或其他，帶子Size好大粒鮮甜彈牙，喇沙微微辣，怕辣嘅朋友我覺得都可以試吓！3️⃣班蘭咖吔多士 $29班蘭多士配搭新鮮，不仿試吓😎4️⃣我知你啦薄餅配咖喱 $29薄餅好咬口，咖喱味濃，哩個組合永遠冇得輸😎

寶貝仔向海之戀補完習後去如心食晚餐醫肚，竟然俾我搵到間平靚正既星馬菜館-玖子茶。店內裝修充滿住東南亞風味，非常有特色。餐牌上有不同系列，不同地方風味既食物。今次我選擇左招牌雞系列既星馬雞配油飯＆時令雞湯。雞肉嫩滑可口，皮薄爽滑，雞味濃郁並且已經去骨，配埋油飯同雞湯，超級滿足。另外再選擇左砂煲系列既砂煲肉骨茶配白飯。肉骨茶藥材味十分香，但食落又唔會過濃，帶有點點既甜味。排骨好軟同入味，配埋白飯絕對係剛剛好。最後仲點埋我每次食東南亞菜必食既鮮油咖映多士，十分邪惡但極好味🤣🤣🤣🤣食埋涼粉芋圓，又係大滿足既一晚😍以如心廣場裡一般食肆作比較，玖子茶室絕對稱得價廉物美，份量充足時，食物又美味，性價比高👍🏻👍🏻。

朋友上班附近有一間名為「玖子茶」的星馬餐廳，定價相當抵食。今晚筆者就過來試試，順便也和朋友聚一聚舊。 筆者所到的是「玖子茶」在如心廣場2期的分店。餐廳裝潢幾特別，有如身處新加坡唐人街般。每日都會有優惠套餐，今晚就是麻辣口水雞飯餐。跟餐有椰子雞湯，味精感未算很重。口水雞肉質嫩滑，入口有一股麻香辣感，味道層次豐富。配上油飯，飯粒間帶黏感，油香味令人不知不覺吃很多。蝦多士有5大件！多士片塗上蝦膠，然後炸香。多士麵包鬆軟，帶有少許芝麻香味，蝦膠層則彈牙香口。整體不會過於油膩，還附有千島醬蘸點佐送。花枝丸炸香，中間混入了花枝粒粒，彈牙有口感。再點上泰式雞醬，酸辣味道為這道小食畫龍點睛。無骨鳳爪進食起上來非常方便。可惜鳳爪做得不太入味，無論酸或辣味都未夠到位，有一點可惜。他們的飲品都是大大杯！筆者點的是柑仔話梅水，雖然甜度固定，但不會過份甜膩。

玖子茶今次要介紹喺荃灣如心廣場二期一間星馬菜餐廳叫「玖子茶」，未食之前去咗美國冒險樂園玩，發現一部推銀機禁一個幣跌三個幣出嚟，都幾好玩，下次行過如心廣場一定會再玩，玩飽緊係要醫肚，「玖子茶」中午都幾多人，入到去幾乎爆場，頭頂會見到紅紅黃黃嘅燈籠，呢間餐廳係用QR Code落單，價錢好親民，小食都係加$12，非常抵食！1.脆炸雞扒粉麵（油麵）（雞湯）（走芫茜）+凍爽爆檸檬茶$55+鮮油咖映多士（半份）$12（9/10）呢個脆炸雞扒粉麵個雞扒係另外上，唔會放喺麵上面，炸雞扒一共有4舊，每舊雞扒炸得非常香脆好juicy，麵就揀咗油麵，湯底揀咗雞湯，雞湯清清地，仲包埋一杯凍爽爆檸檬茶，最後我加咗$12叫一份小食，呢個鮮油咖映多士夾住厚厚嘅牛油同咖央醬，多士香脆，咖央醬微甜，整體做得到出色，只係牛油邪惡咗少少，其他非常掂！2.星馬咖哩香煎豬扒飯+凍馬來西亞拉茶$55+酸辣無骨鳳爪（小份）$12（8/10）呢碟星馬咖哩香煎豬扒飯個咖哩味非常香濃，辣度只係少少辣，至於香煎豬扒已經幫你切開，豬扒一共有4條，每條韌度都唔同，有兩條豬扒比較韌，飲品揀咗凍馬來西亞拉茶，茶味唔會好搶，非常好飲！最後我加咗$1

叫咗個二人套餐同咖央多士，無一樣野係好食。喇沙麵鹼水味極重，啲餸又唔入味。海南雞飯：雞正常偏凍，油飯啲油多到滴晒出嚟。咖央多士塊烘面包唔脆口，好似普通果jam麵包咁。沙嗲串個沙嗲醬好奇怪。個環境勁差，地下黐立立，都已經唔係打邊爐唔明點樣可以做到地下咁黐立立。侍應態度不好，十問九唔應，最經典係隔籬枱叫咗個魚蛋係凍嘅，問個侍應乜魚蛋係凍食嘅咩，個侍應真係夠膽死答佢魚蛋係凍食。大癲。（得個花枝丸OK，入貨入得好）

今日同朋友去呢間餐廳食個tea做晚餐，抵食的驚訝程度係10！😱餐廳裝修主題係新加坡牛車水，扮晒Chinatown 大排檔，好有東南亞風味。我哋去嘅時候係5:30，仲可以叫下午茶及午餐。我和朋友分別叫了一個下午茶餐，又share一個午餐。🌟海鮮蝦粉麵+咖央多士（$52）+炸蝦餅（$12）🌟雞肉串燒+咖央多士($39)🌟午餐：招牌星馬雞配油飯+時令雞湯（$66）+我知你啦薄餅配咖喱（$12）本身佢嘅午餐或者下午茶都好抵食，仲可以$12加配小食，咁抵，當然忍唔住叫啦，唔好蝕底嘛🤣招牌星馬雞的確好滑，薄餅夠香口，咖喱香濃，海鮮喇沙湯好香，厚咖央多士外脆內軟，炸蝦餅好食，雞肉串燒夠嫩。最重要真係好抵！飲品方面，午餐可免費配餐飲，朋友叫了馬來西亞奶茶，我就跟餐可以優惠價（$15）叫特飲，我叫了一杯香水檸檬葡萄綠，幾香檸檬味👍🏻叫了一桌子東西，$200都唔駛，講出來真係無人信😅仲要打卡都好靚，推介👍🏻

荃灣如心廣場裡的星馬泰菜，進入門口牌坊，經過斑馬線，走進佈置成繁華大排檔的餐廳內。天花佈置燈籠，充滿煙火氣息。🍳🥓🍚蔥香燒肉煎蛋大碗飯半生熟脆邊煎蛋😍+五花腩肉片煎香+鮮蔥制成蔥油+甜鼓油澆飯一圈。如此formula ，怎會不好吃？簡直大滿足！🐥招牌星馬雞半隻份量2-3人加餸剛好。雞皮黃油般的油亮，雞肉細滑，皮和肉之間分泌的雞汁形成果凍，可沾上甜醬油、辣汁和薑汁。🍛星馬咖喱牛筋牛助肉飯咖喱真是辣的🤣但很惹味很下飯，三扒兩撥就把米飯吃光光！牛筋輕輕一咬膠原蛋白就化在口中，牛腩也炆得軟爛。🥛🧋飲品有特式馬來西亞拉茶，奶味濃茶淡滑。

又黎到荃灣搵食，行街行到去如心，呢到都幾多食市，係咁多間食市中比呢間玖子茶門口吸引左，玩味十足既懷舊設計，再望一望餐牌晚市二人餐$199 , 咁抵食！一於入去試下😀入到去裝修環景都係玩味十足， 有少少大排檔feel , 啱晒打卡😍呢到係用QR code 落單！水都係自助形式自己去拎！同朋友好快已經決定好食晚市二人餐$199包括有：-招牌星馬雞-配油飯&椰子雞湯雞好滑一d都唔肥！連埋雞皮食好正！一定要點埋個三色醬！甜豉油一流👍🏻個油飯好香，一啖接一啖， 話咁快就食晒😂椰子🥥湯都好夠味-海鮮蝦粉麵🍤🍜要油麵，叻沙湯！同朋友都唔食辣！我地走左指天椒🌶️有2隻蝦、2 舊鮮魷、魚角、豆卜、蛋！湯底濃，香口順滑！-酥炸花枝丸炸得香，配埋酸辣醬，好快就食晒-沙嗲串燒（2串）要了2 串都係牛肉，煮得剛好，一啲都唔un! 個醬又係勁惹味👍🏻-藥膳浸菜🥬好夠藥膳味，又係勁快食晒我地加左一人一杯野飲凍檸茶，凍美綠（每杯+ 5 蚊）總括黎講真係好抵食又好味 ！食到我地好滿足！🧡