玖五牛肉麵 (已結業)

今日工作來到旺角，午餐時間找找地方吃！知道這店已開一段時間但一直未有機會試，今日終可一來試下！來到當然試下馳名的牛肉麵吧，也都點了鹽酥雞扒滷肉飯！有套餐～冬瓜檸檬茶，不錯！牛肉麵靈魂當然是湯底，不負所望，非常濃郁～正滷肉飯比預期不同，餐牌寫有滷蛋、涼拌小菜、自選主食肉類，以為會分開似定食形式上碟，怎知一碗飯裡放在一起！滷肉飯味道也不錯，鹽酥雞扒就未免似不太正宗，似日式的吉列豬扒較多，完全吃不出有鹽酥的風味～炸的皮也有d厚！冬瓜檸檬茶都不錯…查看更多

第一次來玖五食物味道 湯底不會太咸有濃濃既牛味麵底略嫌有少少硬賣相都好吸引分量唔會食到好飽店舖環境和餐具都很乾淨總體來説:雖然未到話超級好食但都很不錯可以值得一試 始終各人口味不同…查看更多

見佢冇人先入去試吓，見個價錢唔平，都會期望高啲。叫左佢兩碗麵，冇乜餸，完全食唔飽。味道也只是一般, 完全唔價呢個價錢。叫多一杯忙果優格，幾好味。但食完要再搵野食。咁啱見到隔離枱都係度，我估都係食唔飽。…查看更多

食物差服務差鹽酥雞扒好乾一啲都唔酥份量小價錢跟食材完全不成正比不要對食物有期望服務態度差劣衛生尚可環境尚可光源夠廚房出菜夠快 樓面好慢係到玩手機唔會再食 同商場重有好多選擇…查看更多

台式牛肉麵喺香港唔難食到，但好好味嘅又唔算多。我試咗玖五之後就覺得要推介俾大家😋。☝🏻紅燒半筋半肉麵 ☝🏻紅燒半筋半肉冬粉 (走葱)玖五嘅湯底好有肉香，夠味得嚟唔會令你食完好口渴。牛筋彈牙唔韌，牛肉肥瘦比例都唔錯，唔會食到好痴牙。我揀咗食冬粉，朋友就揀咗食麵。雖然冬粉都好索湯，但玖五嘅麵整得好鬼彈牙，粗幼又啱啱好，所以大家記得要揀食麵呀😂。隨麵仲送兩Paul小棠菜，不過如果係紅蘿蔔我會更開心😚🥕。☝🏻乾拌招牌三合一麵☝🏻(左)辣椒醬 (右)麻辣醬所謂三合一就係有牛筋、牛肉又有牛肚。唔好睇拌麵個樣好似乾噌噌咁，沙茶底嘅佢一樣夠味又彈牙。手多多嘅朋友可以請店員提供辣椒醬/麻辣醬撈下麵，不過都幾辣架，建議未落之前試咗味先👺🔥。☝🏻麻辣鴨血☝🏻地道台灣腸餐牌有多款小食可以揀，鍾意台灣嘅朋友一定識呢兩款啦！鴨血唔會太硬身，湯底鹹味啱啱好，伴住嚟食都幾正。台灣腸都好味，係一向食到嘅味道，冇話太大驚喜。☝🏻台式奶茶好好飲呀呢個一定要試！叫咗麵食或飯類可以免費叫一杯24蚊嘅嘢飲，24蚊以上嘅補半價就可以飲到。24蚊嘅台式奶茶茶底一啲都唔hae，茶味香濃，面頭仲舖咗打得好綿密嘅奶泡，淡淡嘅奶香飲落好治癒，除咗可以消除食熱盤嘅油膩，仲有一洗工作疲勞嘅感覺呢😚☁️☁️…查看更多

一直都好想試玖五，睇下佢有幾西利，見佢響九龍開咗分店咁方便就去試下。店舖比較空曠，坐位距離唔太近，感覺舒適，兩個女仔叫咗2碗牛肉麵，一個小食同2杯野飲，都好夠食👍🏻紅燒半筋半肉配冬粉($88)紅燒湯底啱啱好，唔會過咸，牛筋同牛肉煮得好入味，唔需要好用力咀嚼，尤其是牛筋😋牛肉似牛𦟌部位。冬粉無麵咁heavy，想食得無咁漏可以叫黎試下，佢會吸收多啲湯汁。招牌3合一麻辣(小辣)湯麵($95)3合一係多咗牛肚，有選擇困難症嘅可以叫呢個咩都試哂，麻辣嘅味道比較濃烈野味，麻辣湯底比較適合配麵，另外有蕃茄同乾拌嘅選擇。鴨血($38)真係有啲失望，可能佢比較大舊，煮得唔夠入味，食落有少少腥味，中間嘅顏色有少許粉紅。右:冬瓜檸檬茶，少冰($26)冬瓜配檸檬又幾夾喎，飲落好清新，唔太甜，可以中和牛肉嘅濃湯。左:百香果椰果特調，少冰($26)無少甜加埋椰果都唔太甜，百香果係健康嘅選擇。…查看更多

昨日專門去試試，因為向來都很喜歡台灣菜，這家店有五折，那必須一試究竟，面的湯底很濃郁，排骨好吃，滷肉飯中規中矩，蘭花幹是滷汁的很好吃，兩個飲料也都還可以，不過冬瓜檸檬稍微欠缺冬瓜味道，草莓優格很喜歡…查看更多

夜晚黎開旺角雅蘭食飯，發現原來依度都開左間新鋪食牛肉麵。之前都有聽過間鋪嘅大名但一直無機會試。今次黎見佢新開張，而且打卡仲可以有折，就諗住試下。佢依度採用開放式設計，廚房用左玻璃窗，坐喺出面都可以睇到廚師整野。一點完餐佢就送一碟海帶小食(唔知係咪因為新開張所以送啦)。我點左個比較普通嘅紅燒牛肉麵($88)，送一杯飲品(有限價錢，其他要補差額)。野食黎得都算快，出面有啲餐廳嘅牛肉麵會比牛展(個人覺得無咁正宗)，好彩依度唔係，牛肉有5塊左右，煮得耐所以都幾淋下，容易入口。啲麵口感都唔錯，係我中意嘅類型而且軟硬都適中，另外仲有得揀冬粉。除左牛肉麵之外，仲叫左個小食鹵水拼盤，都幾多款式可以自由配搭，我地揀左3款就要$78，但係黎到發現原來分量都唔係咁多，覺得有啲唔划算，唔太建議。…查看更多

雖然大愛牛肉麵 🐮但呢間一直未試過 🍜知道裝修一直有留意 🤔點知好似等咗半年有多 😂最近終於見佢正式開張咗 👏🏻 今次除咗必試嘅紅燒牛肉麵 🤤仲用午餐加錢叫咗個鹽酥雞扒 🍗牛肉軟腍牛筋入味麵質夠哂彈牙 👍🏼不過成餐嘅風頭全被鹽酥雞扒搶過 🤭雞扒炸得香酥恰到好處而且肉質鮮嫩 🥰玖五牛肉麵：旺角雅蘭中心二樓207號舖不過就算有新張期間嘅打卡折扣，八八折完都唔算抵食，同一個價錢其他地方可能食多好多嘢了，所以有冇第二次真係見仁見智啦 🤭…查看更多

超蓮開呢間牛肉麵，已經食過幾次銅鑼灣分店，今次旺角開新分店都去試吓。係開放式餐廳，座位都幾闊落，環境幾乾淨。叫咗兩碗面一個菜，第一碗係半筋半肉麻辣湯冬粉，首先個麻辣湯，死辣冇乜香味，唔係幾好食又好油，下次唔會再叫麻辣湯，都係叫返紅燒湯。冬粉就依然一樣咁好味，吸晒啲湯又好滑。啲牛肉同埋啲筋就好林，啲筋好滑好好食。第二碗係牛肚拌麵，啲牛肚好林好入味啊，下次一定要再叫，啲面就係粗面，咬落有啲照頭，加埋佢啲醬汁拌麵，可以下次再叫。最後仲叫咗個肉操燙青菜，今日係菠菜，冇乜驚喜，仲以為係台灣嘅A菜，啲肉又唔係好食。…查看更多

首先我點了番茄湯牛肉麵，番茄湯底沒有番茄味但重牛肉味，可能因為這個原因蓋過了番茄味。而牛肉非常好👍🏻，沒有肥肉，好冧，容易咬開不會好韌。牛肉麵的份量剛好，不用叫少麵，一人是可以食得完的。紅燒味湯底反而較油。番茄湯底多了紅蘿蔔及白蘿蔔，湯底冇咁油，但食完之後都有少少口渴，想飲水。飲品不能少甜走甜，所以都幾甜下。總括來說，食一次就算啦，以為名人開會好啲，點知有d落差。我覺得食譚仔/三哥好過，份量多，番茄湯底都有番茄味有番茄蓉…查看更多

今日好想好想吃台式料理，但我想食的餐廳又太多人，唯有去健身室附近的餐廳用膳。一來唔駛行太遠，二來又方便我去買嘢。主要方便為主😬。我點了紅燒半筋半肉牛肉麵、另點了鹽酥雞扒，飲品點了蜂蜜紅茶。合共106元（已包加一服務費）紅燒半筋半肉牛肉麵🍜，湯底有點淡，不夠濃味，麵質實屬一般，但牛肉相當腍，牛筋都頗腍的。雞扒份量有點少，脆脆的，味道比辣味蓋過，不過都算外脆內嫩。算不過不失。蜂蜜紅茶🥤，味道ok。…查看更多

我們一行2人，見到有Apps便，而好耐無食台灣嘢，所以就食這間。店不算太大，但勝在不多人，可以自己選位，坐位與坐位之間距離不會太近，環境都ok。而食物方面，分別叫了：一碗半筋半肉麵（紅燒湯），湯底好味，不太咸，牛肉和牛筋都夠（琳），麵有咬口（似台灣食的麵）；另一碗：半肉半肚（湯底一樣）牛肉、牛肚都同樣好味😋，食到一半就加酸菜都好味；加了一款小食-鹽酥雞排，這款都好味（即叫即製）😋但價錢稍貴、份量比想像中細份。整體而言：食物值得推薦👍🏻,如果麵可以加番條菜就更好，另外小食如份量可多番一些就更好，服務都ok,有禮貌，會再光顧…查看更多

期待已久，終於等到台灣玖伍牛肉麵，在九龍旺角雅蘭中心開新店。今天下午和同事吃飯，我們到達雅蘭中心2樓看看，原來剛剛新開了玖伍牛肉麵，我們立即內進試一試，餐廳用了開放式設計，客人坐下來可以看到隔著玻璃內的廚房，有9款午餐set供客人選擇，經店員介紹後，我選了麻辣招牌三合一麵，包括紅燒牛肉、牛肚、牛筋，除了麻辣味還可選擇紅燒話蕃茄湯底，紅燒牛肉湯味濃郁，加了麻辣更加出色，還可加辣，牛肉夠入味，牛筋牛肚超淋。免費餐飲可選冬瓜檸檬茶或蜂蜜紅茶，亦可以半價選擇特飲，第一次來的我當然選擇了凍珍珠奶茶，珍珠煙韌，奶茶味道夠濃。店內亦有很多小食，我們叫了麻辣臭豆腐、素鵝及炒青菜。以後旺角吃午餐又多一個選擇，希望下次再來試試蕃茄湯底。…查看更多