王牌·圍一叉燒

營業中

休息中

成九點先收工，攰到唔想自己煮，就落樓下睇吓有啲咩可以食行過見到咁夜都仲有好多人喺度等緊外賣，醒起平時都多人排隊，就試吓呢一間燒味餐廳佢啲叉燒好似好出名，就叫咗叉油雞飯，仲有例湯送，連外賣盒$57叉燒係好食嘅，少少燶邊燒得好香，肥瘦適中，肉唔會太鞋，亦唔會成口油。不過油雞就要扣啲分，味道係好嘅，但可能部位問題，肉質比較乾，下次都係淨係叫叉燒就夠啦另外要讚一讚佢個湯，碗湯好甜，蟲草花足料，大大嚿肉，冇住家湯飲嘅情況底下，有碗湯頂一頂，真係暖在心頭☺️

今日喺大圍做嘢，又到左下午茶既，時間又鬼咁熱，就諗住搵間茶記食嘆番吓😌😌😌，經過大圍道見到有間燒臘鋪大大個招牌寫住王牌圍一叉燒，一於試吓有幾正啦!!!蜂蜜，叉燒脆豬（$38）試左個圍一蜂蜜叉燒脆豬，都幾新穎既，平時食開奶油脆豬，呢度變左蜂蜜，豬仔包烤到勁脆，夾坐厚叉燒，加埋少少生菜一齊食，唔錯喎，咁熱既天氣嘆埋杯凍檸茶（+5），爽呀!!!!王牌 . 圍一叉燒地址：大圍大圍道100號天寶樓地下8號舖

🎈王牌•圍一叉燒餐廳以燒味為主打🥢招牌嘅燒鵝、叉燒相當受歡迎下午茶餐牌價位大概3、40蚊一個set，飯餐都係$50左右，相當抵食🤍 🎈王牌叉燒炒蛋飯呢個係令人食完會想再encore嘅滑蛋份量十足，完全蓋過成個飯炒蛋半流心狀態，相當滑嫩厚切叉燒半肥瘦，口感軟腍帶有蜜汁香甜配上自家製甜鼓油同蔥花助攻，好味爆燈🎈咖哩香滑牛肉飯燒味飯以外，咖哩飯都值得推介鍾意佢嘅咖哩汁份量夠晒多辣味溫和但醬汁香濃好有咖哩味加上牛肉片，不知不覺會食晒成個飯🤣而且配沙律菜，好有誠意呢🎈熱奶茶🎈例湯跟餐會附送例湯及可以特價加餐飲價錢親民又好味

呢間都幫襯過幾次，但都係早餐時候，感覺未去到太差！尋日晏就同老公經過，諗住食啲嘢，一坐落去餐牌已寫住星期六日及公眾假期冇下午茶餐，淨係呢樣嘢已經超級趕客，我未見過下午茶餐星期一至五先有，算，咁我哋都照食！我老公點咗個叉雞飯，我點咗個燒肉飯，啲燒味又油又咸好難食，我哋都食淨兩三舊就唔食！我哋人都未離座，個侍應已經9秒9喺咁收走啲嘢同抹檯，可唔可以人哋走咗先做，好唔衛生呀嘛！我同老公一致認為，以後唔會再幫襯，等執！

做左成日野，好攰咁搵間餐廳食飯休息下。同朋友入到e間餐廳，由坐低之後落單去到食野 ，全程20分鐘都唔夠就趕人走！天氣咁熱想飲番杯凍野抖抖姐，唯有去第二間再飲。 食物方面，如果冇乜要求，想食個快餐既話……我都唔建議試。d叉燒係就係好多舊，但係得2，3舊食得落。其他都勁乾勁柴。 叫左杯凍檸樂，侍應拎左罐熱可樂同檸底黎，倒落檸底到d冰都已經溶哂，變左室溫咁。 食左咁多年飯，第一次咁有衝動為一間餐廳寫一個食評。總結，冇下次。

燒鵝五寶飯…你睇個名以為點都有啲燒鵝食下啦，$78 蚊 都唔預佢係啲乜嘢靚部位，但都唔洗成盒飯得一舊，其他全部都係皮連骨。 既然覺得燒鵝成本貴不如轉其他燒味，或者買貴D Lo，你當啲食客唔識睇架？新開張已經咁樣？？？ 之前都食過一次燒味雙拼飯，發現叫燒鵝就一定係皮連骨多…..好啦，諗住今次比$78食個燒鵝五寶飯啦，點知仲衰….其實食物唔差嘅，中規中矩，但就孤寒左小小囉個人建議如果想食燒鵝飯直接叫$100燒鵝髀飯嗰個餐食算乜嘢雙拼呀，單併呀，唔使諗啦

👧🏻Wodafoodie in Tai Wai叉燒愛好者表示想試曬全港既叉燒☺️大圍呢間擺埋叉燒係自己個招牌到就知一定唔惹少！✨❤️‍🔥五寶飯 $78食叉燒一定要有燶邊先好食！佢既叉燒厚切 揀左瘦叉 但肉質唔鞋🤤佢有燶邊！一啖咬落 香口無比 好正🥰五寶飯仲有燒腩仔 雞 燒鵝 咸蛋燒腩仔皮脆重油香 切雞夠滑 燒鵝皮勁香口Overall 呢間既燒味真係幾好食！必食叉燒😋✨ 🍳XO醬滑蛋蝦仁併叉燒飯 $60嘩個飯超！大！份！飯量應該有兩碗飯上面既滑蛋一樣咁大份 遮蓋住成個飯蝦仁同叉燒唔係好多 滑蛋好滑 配埋XO醬撈飯好好食😆不過如果真係想食叉燒 建議淨叫叉燒飯🤓📍 王牌·圍一叉燒 (大圍)大圍大圍道100號天寶樓地下8號舖

以前成日幫襯，一開始啲豉油雞同沙薑雞好出色，啲雞肉質好好，唔梅唔鞋，實淨有咬口，又有雞味。真係感覺係新鮮同高質嘅雞，係大圍少有做得好嘅餐廳，對得住價錢。點知近幾次買發覺越嚟越差，唔知係咪換左個平啲嘅供應商，定保鮮做得唔好 ，啲肉又梅又鞋，食落去一pat野咁，完全唔想食。無論係沙薑雞定豉油雞都差左，應該係啲雞本身嘅問題，好失望應該會停返一排唔再買住，暫時對佢冇乜信心，希望之後再買果陣可以做返以前嘅水準。

星期日出去大圍， 近大圍站A出口， 見新開又試試。 以為9點已有燒味賣， 咁早上應該有燒味飯食掛， 想試試叉燒飯。可惜早上得早餐， 沒有燒味飯。＜食物普通， 早餐叉燒又薄又瘦。 ＞1）咁見有叉燒湯意粉， 雙蛋早餐， 便試下吧。點知中伏。 。。5分成間餐廳賣點是叉燒， 點知叉燒湯意粉之叉燒， 普通過普通， 瘦叉燒， 又薄片， 完全唔掂。2）炸魚柳炒蛋腸仔早餐， 配咖啡炸魚柳都即炸，ok, 夠大塊。 😗有7分炒蛋唔軟滑， 好實。腸仔居然好韌， 奇。食物好油， 碟滿佈油。咖啡好普通， 唔好飲。<缺點＞1＞坐樓上， 見侍應不停上上落落搬食物， 原來廚房在樓下， d姐姐每次要行十幾級樓梯把食物由樓下托上來， 一日仲要行咁多轉， 都幾辛苦及牙煙， 滑倒就大件事。2＞落單唔用code, 要叫侍應下單， d姐姐已經咁忙， 用code下單已經好平常， 失敗。3＞叉燒是賣點主食， 居然唔好食。4＞早上已經有燒味賣， 理應有燒味飯， 有d食客早上要食飯。

之前聽同事講過大圍有間餐廳嘅燒鵝瀨粉好鬼正，佢知我今日有野做會經過大圍，再三叮囑我一定要嚟試下。講到甘正，我當然要試下啦，唔洗諗，直接叫咗個迷你燒鵝瀨粉配凍奶茶。燒鵝瀨粉上枱非常吸引，燒鵝大大件，份量十足，鵝皮很有光澤，皮脆肉嫩得嚟人帶點炭香味，咬開鵝皮，鵝油滲出令整個湯底嘅鮮味提升，好正。凍奶茶夠凍，茶同奶嘅一比例剛好，好醒神。見到好多人買叉燒外賣返屋企加餸，叉燒應該都系呢到嘅王牌。🔍王牌·圍一叉燒 (大圍)📍大圍大圍道100號天寶樓地下8號鋪

大圍好多餐廳，今日比呢間餐廳嘅招牌吸引，入咗去食左個燒鵝瀨粉，燒鵝皮脆肉嫩，算唔錯，瀨粉就冧左d，夾起瀨粉斷既，有d難夾。環境一般，坐位有點迫，要同人搭枱。食物質量ok，但唔坐得耐。🔎王牌·圍一叉燒 (大圍)📌大圍大圍道100號天寶樓地下8號舖

我就係鍾意到處去逛逛、買買及試試新餐廳，今天和朋友到大圍火車站對面買靚水果，順便去附近的王牌•圍一叉燒茶餐廳試了梳乎下午茶及經典常餐🤗下午茶挑選了抵食燒鵝米粉配蘋果肉紅茶，$43都有很多件熱辣辣的燒鵝，米粉煮的時間剛剛好，爽口兼有適當的調味👍經典常餐點了香煎豬扒公仔麵配夠薑奶茶，$58有大大件的豬扒，肉質鮮嫩，煎得恰到好處，食到我地舔舔嘴😋公仔麫湯底濃郁，好過很多普通的茶餐廳！這個常餐還包括了香腸、火腿、牛乳炒滑蛋及厚多士，性價比相當唔錯👍另外，夠姜奶茶及蘋果肉紅茶亦都在水準以上，如我下次路經大圍的話也會再來光顧，已經睇定下次吃叉燒滑蛋飯了🤣

陪朋友入嚟大圍買嘢，順便食個下午茶😜。雖然知佢最出名係滑蛋叉燒飯，😅不過冇理由晏晝四點食飯㗎……所以叫咗兩個粉麵🍜估唔到有啲驚喜🥰👍🏻💕燒鵝米粉唔記得講走胸（不嬲唔like食胸…怕嚡🫣😜）但係好彩啲胸肉一啲都唔嚡👍🏻最衰掛住傾計，畀佢索咗啲湯…😜😜😅不過都唔會發到爆曬。個滑蛋真係精彩～💕非常香滑！豬扒公仔麵用嘅係忌廉湯，所以特別香濃。我最like塊豬扒🐷🥩又大件又juicy又香口！最緊要唔鹹～🥰試咗佢個薑奶茶，估唔到又幾好飲～行開呢頭真係會嚟試下～奶茶底好香濃！朋友個蘋果紅茶都唔錯，有幾粒果肉咬吓🍎～😚最重要係……啲店面姐姐個個都😚😜服務唔錯！

相信好多人都會同我哋一樣，幾位朋友去屋企聚一聚。玩到咁上下，又唔想出街同人迫，但係又唔想煮。🟡🟣🟡🟣🟡🟣🟡🟣🟡🟣🟡🟣🟡🟣呢個時候去餐廳叫外賣就非常一流啦！聽聞呢一間嘅燒味好味道，所以我哋就叫咗幾個燒味同埋幾個客飯。🔺 燒鵝半隻🔺 燒腩肉🔺 海蜇燻蹄🔺 咖喱豬扒飯🔺 土魷煎肉餅🔺 清湯時菜呢幾樣嘢燒味都幾好味，另外我哋仲叫咗湯瀨粉，個胡椒湯真係好好好好好味。 呢個一定會再叫。

呢間餐廳主打燒味，收工時間㗎隔2分鐘就有一個客，睇嚟都好受歡迎👍👍今次試咗兩個餐都好抵食，自家XO醬滑蛋蝦仁飯($56)咖喱香滑牛肉飯($58)配餐湯，好大份同埋足料🤩湯都有唔少煲湯料咖喱香濃，仲有薯仔等蔬菜，撈飯一流👍牛肉唔係肥牛，係牛肉片，都好掛汁滑蛋好大份堂食嘅話環境都好舒適，服務好快手，下次可以試吓燒味，聽講燒鵝同埋叉燒都好受歡迎👍👍