王牌冰茶 (已結業)

這家店我是常去的，因為大圍大多都是賣珍珠奶茶等，難得有另一選擇，當然也去多了。每次來這店購買，主要也要會飲招牌飲料，桂花珍珠觀音王。我覺得這是店內最好飲的。桂花珍珠很好吃，彈牙，有桂花甜味，而且配上觀音茶，是很不錯的配塔。不過要選至半糖才可，不然太甜未必合大家飲。另外，我有次試過在假期晚上經過購買，但桂花珍珠已全賣完了，十分可惜，反而平日到晚上也有貨。如果想飲，撞正在假日時間，大家真的趁早買呢。不然無貨賣就可惜了。…查看更多

天氣熱辣辣忍唔住想飲凍嘢，同朋友試左3杯飲品。焦脆奶蓋觀音王（小甜小冰），濃厚的芝士奶蓋既好味又邪惡，呷一口先是芝士厚奶，面頭有焦糖，再有少少芝士的咸味，接著是一口觀音王，濃濃厚奶配上清茶口感太獨特了，千萬不可用飲管，會影響入口的先濃後清的層次感，這確實是令我又愛又恨的消暑佳品。另外2杯朋友飲，一杯係焦脆奶蓋東美人，一杯係桑寄生赤棗普洱（熱），特別講講桑寄生依杯，朋友飲過話好適合啱啱period完左補補身，佢同紅棗真係好夾好好飲，等我下次都試下先。…查看更多

環境：⭐️⭐️⭐️⭐️⭐️茶館以外賣形式銷售，店面裝修一應俱全，外帶的杯子亦很精美，店面附多張圖片介紹各款茶飲。食物：⭐️⭐️⭐️⭐️⭐️十分推薦這款「焦糖奶蓋東美人」,茶味、奶味同焦糖配搭得非常恰當，不會搶走任何一種味道，而其他冰茶亦很有茶味，冰塊不多，所以慢慢飲都唔會變淡！服務：⭐️⭐️⭐️⭐️⭐️收銀姐姐服務態度友善，亦會介紹各款茶飲俾客知，調配過程以開放式進行，透明度高，可以與調配師交談想要的茶味濃度，非常親民！註：⭐️⭐️⭐️⭐️⭐️五星為最高分，⭐️一星為最低分！…查看更多

黎到大圍搵食，市集係比較新同多話題，一去到門口已經俾呢間王牌冰茶所吸引。豐乳奶蓋奶茶·觀音王，茶味香，不會過濃，因為我好怕一啲濃到苦既茶底，呢個觀音王茶底好香，配上豐乳奶蓋，加配埋每日用冰糖燉足9個鐘既桃膠，桃膠高纖維，有助腸道蠕動，口感豐富，又養顏，味道香滑味濃冰糖檸檬雪梨茶，加配清香桂花凍和冰糖口感桃膠，酸甜口感好清新，桂花凍晶瑩剔透的桂花凍，清甜爽口，淡淡桂花香；桃膠爽滑香甜，食飽後飲可以幫助消化，消滯一流冰糖奶茶·東方美人，配上手工桂花珍珠，原來無添加防腐劑，無塑化劑，口感煙韌，無粉糊感，茶味清新唔會好甜種類選擇較多，配料仲每日新鮮製造，最欣賞手工製作，用心認真好啱我口味，熱飲都有唔少選擇喎鹹蛋奶蓋睇落唔錯喎，下次去試下先…查看更多

奶蓋一街都係，鹹蛋奶蓋真係第一次見見食完野有少少口渴，就決定試下佢。奶蓋佔左三份一，口感厚滑，味道帶微鹹令整體感覺無咁漏；又比普通海鹽奶蓋多左陣蛋香味，飲多幾啖都唔覺太滯朋友中意清啲就點左呢款，揀左無糖，更加感受到觀音王既甘香硬要挑剔係口感鞋左少少，可能因為桂花凍太滑溜溜啦，桂花凍清清甜甜，比起珍珠配茶飲更解渴餐牌仲有唔少出面未見過既選擇，樣樣都好吸引。崇尚健康既仲有養身系列，等下次天氣無咁熱一定要黎試下…查看更多

食完野行過見到，某奶油唔飲珠珠茶茶吖～～其實吸引我嘅，係焦糖呢2個字～ 脆脆甜甜嘅口感係完全不能抗拒，仲要加埋奶蓋！點忍？有熱飲又有凍飲我梗係會揀奶蓋啦～我就揀咗焦糖奶蓋東美人，朋友就飲豐乳東方美人奶茶臨比錢發現原來可以加料，仲要唔係平時嗰啲珍珠同椰果咁簡單 竟然有桃膠！！！！！唔係唔加呀嘛？ 等咗一陣就有得拎～ 厚厚的奶蓋呀勁厚奶蓋～～ 先飲吓個茶底，因為我都未試過東方美人茶，原來唔會澀㗎～ 茶底好香滑，帶小小甜，而另外加嘅桃膠就好清甜而我最期待嘅焦糖奶蓋香脆嘅焦糖加上幼滑濃厚嘅奶蓋，無敵呀！下次都要再飲焦糖奶蓋呀～ 真係未响其他地方見過，係好特別嘅奶蓋，大家經開都要試吓啊～…查看更多

食完burger後又想搵野飲，咁就醒起巿集門口有間台式飲品店～～咁梗係試埋啦～～～藍色招牌～係正巿集門口隔離～～但最吸引既係大大隻字寫住王牌豐乳系列想唔試都唔得呀～～～咁我地點左豐乳奶蓋奶茶·東方美人同埋焦脆奶蓋·東方美人加桃膠～～奶蓋不嬲都吸引，原來有豐乳效果～～唔講真係唔知～～左邊：豐乳奶蓋奶茶·東方美人（我點）右邊：焦脆奶蓋·東方美人（朋友點）東方美人茶比較少係街外見到，算係發酵程度較重既茶類黎，帶有少少果香咁，算係幾特別既茶黎～～東方美人茶變左奶茶再添加左奶香味，亦有本身既茶味～～～再加上濃厚而咸咸地既奶蓋，中和番個甜味～～飲完唔知會唔會豐乳，但飲完就飽到上心口焦糖脆脆個面～～堅似焦糖燉蛋咁喎～～…查看更多

人總會對某啲字眼特別敏感，「豐乳」你懂了麽。諗咗去邊?！呢度講緊杯飲品上嘅豐乳，唔好諗太多，整杯飲下先！ 茶類飲品飲得多， 配合鹹蛋飲品對於見識少嘅我第一次見， 呢兩樣因素當然要飲返杯試一試， 發現呢一間店舖支持自攜杯時已經遲咗， 仲有儲印仔送手提布袋。多甜小甜多冰減冰有得揀!-焦糖奶蓋東方美本來我們清一式飲觀音王，店員問 呢款跟東方美人會夾啲，叫相信他！！哪來的自信.....就這樣吧！焦糖脆口，厚厚奶蓋嘅軟滑，加個黑蚊蚊茶底竟然沒有苦澀味，又配又夾。-黃金奶蓋觀音王茶底加鹹蛋黃奶蓋， 軟骨的奶蓋中能夠咬到 鹹蛋黃碎粒，而唔感覺到咸味奶蓋杯開口開到一半，對比細口嘅杯飲得更爽。-清香桂花凍觀音王桂花糕凍可以啜出嚟食， 桂花凍嘅香與觀音王嘅茶香稱得上極配。好痴線，樣甜品同茶竟然撈得埋。觀音王嘅茶底冇得頂，又香又清仲好滑。喜歡試新嘢呢間確係一個好選擇。暫時唔洗排好耐隊買同等先係重點。嚐茶也文青一下。…查看更多

食到飽飽地，飲番杯茶消消滯先。淨係睇餐牌都睇到眼花撩亂🤪。。選擇困難症又發作，樣樣都好想飲😬最後選擇左以下其中2樣王牌⭐清香桂花凍，鐵觀音$28不太甜，有桂花香之餘味蕾亦感受到鐵觀音的茶味茶裏的果凍不錯，有清新的感覺，連茶一起飲幾正。⭐王牌鮮果茶$38鮮果茶飲落幾清新帶有少少薄荷既味道。不錯蜂蜜檸檬鐵觀音加珍珠$24（桂花珍珠+$4）平時飲開蜂蜜綠茶的我，呢本蜂蜜唔太甜，可能我中意甜一點，加入鐵觀音都幾夾，但珍珠我都係中意黑色個啲。…查看更多

奶蓋飲品飲得多～鹹蛋魚皮、薯片都食得多～鹹蛋奶蓋鐵觀音你又試過未？😆我就試左喇💓呢日又去左搵食市集門口隔離就係《王牌冰茶》（$35）本身都冇諗住飲✨但見到佢個牌寫住《黃金奶蓋》即刻望下佢寫咩🙈原來係將鹹蛋黃加入奶蓋☺️我咁鍾意試新野緊係揀佢啦💓我習慣飲奶蓋飲品嘅時候，會先吸左個奶蓋黎飲😂試下佢夠唔夠味！如果唔夠味我會選擇唔攪勻黎飲防止兩層嘅味都到頭唔到岸‼️今次我照慣常，先啜左啖奶蓋😆👍🏻好香鹹蛋味啊！之前喺一間分子料理嘅餐廳食過鹹蛋味雪糕呢個奶蓋就好似佢嘅液體版咁😍奶嘅油香都好濃，襯鹹蛋果種鹹香蛋黃味好正💓而且鹹蛋奶蓋嘅味夠濃厚，同鐵觀音攪勻左之後～都仲會飲到每樣材料嘅味👍🏻咁嘅組合就好似食緊帶茶香嘅流心奶皇包咁😍好味我仲加左配料：桃膠☺️（+$6）呢樣都係令我驚喜嘅地方，因為平時好少會有桃膠可以加配，多數都係得椰果、珍珠之類，但呢度嘅配料都比較特別💓本身想試桂花珍珠、桂花凍，但太好賣賣曬了😣搵日要再去試‼️.另外仲叫左杯《王牌鮮果茶》（$38）中規中距，冇話太大嘅驚喜，同出面飲嘅參唔多但我就再加左洛神花凍（+$5）覺得幾特別，食落有啲似啫喱/雪蛤膏嘅質感（又唔係完全一樣）🤔覺得幾得意☺️.整體黎講，覺得黃金奶蓋值得一試，同埋欣賞小店製作配料嘅用心💓好有心思，同出面一般嘅好唔同雖然我唔係住大圍，但都認為值得過黎試下☺️.🤤搵食市集📍地址：大圍村南道45-47號 (大圍東鐵站A出口對出)🔥《王牌冰茶》：搵食市集門口…查看更多

今日喺樓上食嘢，不過又唔想飲汽水，就落黎買杯台式飲品，我係1點先黎，都好多人，要排十幾分鐘。叫左兩杯王牌推介：黃金奶蓋鐵觀音，好特別咁耐蓋嗰時仲有d鹹蛋黃味道!好特別！跟住個杯焦脆奶蓋東美人，飲左之後我仲不埋啲消焦脆食添！飲落去好有層次感！…查看更多

早前放假在大圍同大大打算留下幸福的腳步👣時，發現原來在大圍站附近新開了一個「搵食市集」，樓高兩層有超過十間食店比大家選擇！😏胃口突大的我🤰🏻起初雄心壯志打算將所有食店都試，最後只試到四間已反肚而回啦！🤣🤣王牌冰茶焦脆奶蓋·東美人-$35奶蓋配茶就飲很多，但奶蓋上有焦糖脆片的還是第一次見到，焦糖片入口脆卜卜為奶蓋添加多一份層次。創意上值得一讚！👍🏻皇牌鮮果茶-$38都像一般的水果茶，沒大分別！🙈…查看更多

手搖茶開到成行成市，所以淨係有得打卡，有奶蓋，已經唔夠突出喇。開喺搵食市集門口嘅王牌冰茶人來人往，鋪名左下嘅龍花樣都好搶眼。第二樣吸引女士眼球就係主打健康，入冬需要潤一潤，可以跟據個人喜好及需要去選擇。選擇都好多元化，都有其他同類鋪頭大熱既奶蓋，不過我哋就試咗冰糖雲南普洱($23) 同埋冰糖洛神花烏梅茶($26)。值得一讚嘅係佢甜度同冰量都好準確，我地兩杯都係半甜少冰，唔會太甜。普洱個茶底沒有澀味，不過建議想試的話可以試熱，應該會更濃香。冰糖洛神花烏梅茶酸酸地好醒胃，真係養生feel又唔似苦茶咁難飲，仲有D烏梅碎，真材實料。所以買手搖茶都係唔好淨係做外貌協會，養生都好緊要架…查看更多

俾個鹹蛋吸引左過去！！非常鍾意奶蓋嘅我，仲要加埋鹹蛋黃！嘩，即刻試番杯啊！仲有杯焦糖都勁正！焦糖奶蓋～賣相好吸引！所以要試吓啦！叫左：（鹹蛋）黃金奶蓋鐵觀音加桂花果凍$40，奶蓋份量都幾多架！焦糖奶蓋凍美人加桃膠$41，桃膠份量都幾多！好食！有美顏作用冰糖龍井奶茶加桂花珍珠$27試下我杯鹹蛋奶蓋先！淨係飲啲奶蓋，鹹鹹香香～少少鹹蛋黃味，下面加咗桂花果凍，好香桂花味，味道偏甜，配埋啲茶飲幾好飲龍仔奶茶都唔錯！加咗桂花珍珠，幾好食喎！有囗感～桂花味好香！幾好飲！下次再試吓其他先～…查看更多

離開大圍搵食市集前，唯一一間台式飲品店出現在我面前：王牌冰茶，其實樓上還有一間叫王牌冰室，他們很明顯是兩位一體的連體嬰，就算你不在王牌冰室吃飯，飲杯東西也很正常不過了吧，總之你就逃不過他們的手指隙，大小通吃。難得在大圍搵食市集吃東西，不叫杯台式飲品，怎叫來過大圍搵食市集：桂花珍珠鐵觀音：外觀就像郭晶晶跳水，將手臂貼緊雙耳，頭至肩膀到腳尖連成一條直線，然後彈起只有些微的水花，畫面色彩極似渾然天成，但是忘了叫少甜，味道略嫌甜，不過仍掩蓋不了順滑入喉嚨的口感。冰塘雲南普洱：冰糖配葫蘆天下一絕，冰塘配普洱還是第一次道聽塗說。杯身龍身外觀，一手捧起了，猶如一手捧起了九五之尊的玉璽，蓋下去就能夠統領天下，威威吃雞是也，當然比起捧起杯Starbuck行走江湖似乎更有氣勢，味道回甘兼重茶香味，再加上透過對白糖結晶形成了粒狀結晶的冰糖，口感清甜，比起紅糖更偏向輕量味。杯身落下「嗜茶之事，吾曉鐵乎」，居然將現代潮語變成白話文來弄潮乎?有趣有趣，不過應該不是說我，因為鐵與金銀銅的成份，我都略知一二，係唔識嗜茶者。…查看更多