王家沙．花好月圓 (又一城)

營業中

休息中

王家沙．花好月圓又一城分店 , 佈置 古色古香 , 十分雅緻 , 環境舒適寬敞 , 提供傳統上海菜式 , 經典手工小籠包 , 東坡肉及燻魚, 風味十足 , 讓人白吃不厭。本幫燻魚 $78元燻魚色澤誘人，魚肉外層香脆 , 入口鮮味， 啖啖煙燻香氣在口中綻放，帶淡淡的蜜甜味，讓人回味。招牌東坡肉 $98元東坡肉外皮油光亮麗 , 肥而不膩，肉質軟糯，醬汁濃郁誘人， 有入口即化的口感，伴隨著微微的甜味與濃郁醬汁 , 風味十足，讓人回味無窮。嫩雞煨麵 $88元雞肉鮮嫩， 奶白色的湯底好清爽，麵條吸收了湯汁的精華， 掛滿滋味 的湯汁，口感順滑可口。上海咸粢飯 $42元熱燙燙的米飯糯軟， 榨菜的鹹香配 香酥的肉鬆 , 十分搭配，吃上一口，讓人感受到上海的地道風味，簡單卻滋味。手工鮮肉小籠包/五件 $66手工小籠包皮薄餡多，湯汁豐富， 鮮味的湯汁和肉香在口中爆出，每一口都帶來驚喜，忍不住一口接一口。鮮肉鍋貼 $58鍋貼底部煎到金黃酥脆，內餡鮮嫩，搭配少許香醋和薑絲，完美的平衡了酥脆與鮮美， 滋味更上一層樓。

同朋友聚餐，book咗七點兩位。點咗炒年糕、小籠包、高力豆炒。前兩味都還幾好食, 小籠包就正常發揮, 到最後高力豆沙 (因為不似預期分咗心, 所以冇影到) 完全唔係果回事, 得一舊係入口鬆化, 其他咬開裡面係好似食緊蛋白+麵粉, 實的的咁.......有D失望。希望香港餐廳再可以做好D, 帶動經濟。

星期五晚，7點幾嘅晚飯時間，係門口排咗半個鐘左近就入到座。兩個人，俾張四人枱，枱面空間夠，可以放到好多野食。我哋叫咗一個酸辣湯，小小的辣度，啱我呢啲唔太食得辣嘅人，我平時食開三哥十小辣嘅朋友。叫咗一份义燒，呢個我覺得麻麻哋，啲义燒太乾太瘦，好難咬，冇口感。叫咗蟹粉小蘢包，呢個唔錯，個小蘢包皮好薄，一夾起有一個俾我唔小心整穿咗。。。。叫咗份羊肉，有啲片皮鴨嘅皮跟埋，俾我哋包住羊肉食，呢個好好味，但唔記得菜名。有個蜜汁火方，配埋饅頭一齊食，呢個勁好味。仲有一份梅菜蒸菜心，好入味，啲菜心跟住啲梅菜好鬼夾，呢個我鐘意。

今天7人晚飯，點了10道莱，性價比低，又吃不飽。最失望是片皮鴨，一隻鴨的份量小得可憐，沒有可能是一隻鴨，而且很多肥膏，皮又韌，實在違反商品條例。話梅骨又乾又沒有肉，份量又小。下次不會再光顧！

今日去又一城行街，午餐時間就去已經好耐冇去既王家沙食下上海野，兩個人點咗酸辣湯 x2、上海粗炒麵、豆漿 x2～食物味道係幾唔錯，酸辣湯酸辣味調較得好適牛，而豆漿順滑香濃，炒麵炒得都ok 既。唯一小扣分係用餐具係全塑膠，感覺有啲似茶餐廳，加上要自助落單同付款，但照樣收加一服務費，有啲唔太合理🥲。💰埋單 $363，價錢唔算親民～整體嚟講，味道、環境都ok ，都可以一試。

於五月29 號晚上六點到又一城花好月圓王家沙、叫了一個膳糊韮黃和上海粗炒味道極之咸和老抽顏色好濃吃了好口渴相信落了很重手老抽和鹽。反而奶油津白一點咸味都沒有淡茂荿。一點金華火腿都沒有。我相信是換了年青師傅、很耐以前味道也不錯。最奇怪今次吃小籠包皮比以前不同厚皮囉，飲汽水竟然冇冰底。總結果是味道太咸和厚皮。

媽媽節當然要同媽媽慶祝一下，呢間位於九龍塘又一城嘅王家沙，座位都幾多，而且係半開放室，所以睇落環境都好寬敞！松子鱸魚，好耐冇食過呢個菜式，鱸魚炸到個擺盤好生動咁，上面淋上酸酸甜甜嘅醬汁，魚肉嫩滑，醬汁入面有不同嘅配料，菠蘿粒、青椒、紅椒、蝦仁、松子等，開胃得黎拌飯就最岩！風沙豬手，第一次食炸豬手，豬手好有骨膠原嘅感覺，風沙嘅味道有點似避風塘味，咸香得黎帶有微辣，夠哂香口！鎮江水晶肴肉，肴肉帶有高湯嘅味道，食落口感夠哂啫喱，再點上黑醋，酸酸味味夠哂開胃！壽桃包，一籠共有兩個🍑壽桃包，壽桃包入面係紅豆餡料，唔會太甜，係一個唔錯嘅飯後甜品！

細個間中都會食王家沙，今次同屋企人再品嘗一下，感覺比以前多好多款式選擇，好多都想食🥢排骨上海粗炒最鐘意呢碟，好入味！排骨腍身易咬，配上海粗身烏冬好好食🥢炒鱔糊平時都鍾意食鱔，鱔糊係冇骨嘅，起晒肉食得好方便，一樣係好入味，肉質實淨，仲有啲韭黃🥢蟹粉小籠包皮薄多餡，少少蟹粉味🥢奶油津白正氣必食，就算用奶油煮口感都唔會太油膩🚩王家沙．花好月圓 (九龍塘)📍九龍塘達之路80號又一城G樓G-23號舖

王家沙．花好月圓以傳統上海菜的精髓，同時融入了現代烹飪靈感、江南風味的精緻優雅及北京菜的濃郁芳香。店內環境寬敞，雅緻舒適，寫意的用餐體驗。✨手工鮮肉小籠包湯汁豐富，小籠包的外皮薄而有彈性，內裏包裹著鮮嫩的豬肉餡和美味的湯汁。品嚐時，湯汁慢慢嗌出，非常美味。✨鮮肉生煎包必飲推介，生煎包底層煎至非常香脆，內裏注滿肉汁，鮮味香濃，令人一試難忘✨玫瑰露火焰蜜汁叉燒必食精選！自家手制玫瑰露火焰蜜汁叉燒，豬肉肥瘦適中，帶有大理石紋般既油花，口感細膩柔軟，令人一試難忘✨雪菜肉絲湯麵麵條富有口感，完美沾滿高湯，雪菜肉絲拌入湯麵，滿載咸香，口感層次豐富✨高力豆沙傳統中式美點，外層炸至金黃，面層灑上砂糖，內裏是豆沙餡料，非常滋味王家沙．花好月圓📍香港九龍塘達之路80號又一城G樓G-23號舖

屋企人好鍾意食上海菜今次我地去左呢間人氣旺盛既上海菜餐廳點了一些經典的菜品整體體驗相當不錯屋企人都好滿意😍.$68 麻醬雞絲粉皮這道麻醬雞絲粉皮真的是我的最愛！雞絲鮮嫩，搭配濃厚的麻醬，味道相當香滑😆粉皮的口感也很彈牙每一口都讓人滿意非常適合作為開胃小菜.$118 揚州炒飯揚州炒飯也是經典中的經典米飯粒粒分明，配料豐富，有蝦仁、火腿等一口下去滿滿的幸福感口味調和得非常好🥳既不會太鹹也保持了食材的新鮮風味.$42 酒釀小丸子酒釀小丸子做得恰到好處丸子外皮軟糯，內裡Q彈🤩搭配甜甜的酒釀，十分溫暖尤其是在最後，酒釀的香氣和甜度讓人覺得很舒服，.$128 京蔥爆羊肉 配麼麼皮這道京蔥爆羊肉真的是人氣菜品羊肉片嫩滑，葱香味濃郁搭配的麼麼皮吃起來很有趣可以包著羊肉一起吃🫶🏻口感豐富，味道也十分入味令人忍不住一口接一口.$98 蒜蓉炒時蔬最後是蒜蓉炒時蔬雖然簡單卻非常好吃🥰蒜蓉充分喚醒了蔬菜的鮮味保持了蔬菜的脆嫩口感，非常清爽平衡了整體用餐的體驗

又一城開咗黃家沙！餐廳環境好開揚，好舒服，無論同家人定係朋友食飯，呢度都係一個好選擇！松子鱸魚鱸魚魚身被金黃的松子裝飾，已經係一個視覺的享受。魚肉鮮嫩，入口即化，搭配的醬汁則略帶甜味，真係好出色！家鄉炒年糕年糕外表微微焦香，內裡卻柔軟彈牙，讓人一口咬下便感受到滿滿的米香，配搭的蔬菜新鮮脆口，好有家鄉的味道。羊肚菌赤肉燉湯燉湯真材實料，湯底清澈而濃郁，有淡淡的羊肚菌香氣，令人垂涎，飲完個湯真係大滿足！

又一城嘅上海風味，裝潢復古帶海派情調，地道上海風味，每一道菜都精緻好食～ ✨ 酱烧排骨炒年糕 🍖 好推薦這個！濃油赤醬代表作！排骨很嫩很香，年糕吸盡醬燒精華糯嘰嘰，甜鹹搭配完全停不下來～ ✨ 京蔥爆牛肉配麼麼皮 🐮 鑊氣直衝天花板！牛肉片嫩滑帶焦香邊，京蔥甜脆無渣，秘製醬汁甜中帶豉香，夾埋煙韌麼麼皮卷住食，口感似北京烤鴨變奏版！ ✨ 手工鲜肉小笼包 🥟 皮薄到透光唔穿底！一啜湯汁鮮甜爆湧，豬肉餡用咗三分肥七分瘦比例，仲有薑絲提鮮，蘸埋鎮江醋食層次即刻昇華✨ ✨ 特级酱油海中虾 🦐 蝦界MVP！每隻虎蝦手掌大，微微酸甜汁，蝦肉爽彈到「嗒嗒聲」，連殼都吮到唔捨得放～

今日去左，九龍塘又一城花好月圓王家沙，原來佢重新裝修過，食物出色，價錢又唔貴，好扺食！麻醬雞絲粉皮呢個前菜真係開胃之選！粉皮夠晒滑溜，雞絲撕得幼細，麻醬香濃得嚟又唔會太膩，加埋青瓜絲，口感清爽，夏天食就啱晒！玫瑰露火焰蜜汁叉燒上枱時仲有火焰效果，夠晒吸睛！叉燒肥瘦適中，蜜汁香甜得嚟帶微微玫瑰露酒香，外層微焦，咬落去juicy！京蔥爆牛肉 配麼麼皮牛肉炒得夠嫩，京蔥爆香之後好惹味，配埋煙韌嘅麼麼皮一齊食，口感幾得意，有啲似食片皮鴨嘅感覺。上海擔擔麵湯底花生味濃郁，帶微微麻辣，麵條夠彈牙，撈勻啲醬之後每啖都掛到汁，好正！環境舒服，服務唔錯，菜式有心思，尤其係火焰叉燒同擔擔麵值得encore！適合同朋友或者屋企人慢慢嘆。下次想試吓佢哋嘅小籠包同醉雞～

食到成肚氣嘅王家沙，已經唔係第一次係佢旗下嘅餐廳（上次喺太古帶住小朋友食又催又趕，今次又一城個經理又成日強調得90分鐘食啊，未食完都要埋單）俾人趕鴨仔式叫我哋快啲走，我個friend個碗都仲有粗炒未食完就不停催我哋埋單，又話冇位又盛，明明仲有幾張空檯係度冇人坐。真心星期六晚想食餐安樂茶飯，都要狂俾人催，成日睇住你食完未拎部卡機嚟問你收錢，食餐飯都咁大壓力都唔知為乜，俾完卡埋單，多謝都冇句，呢啲服務態度仲好怪人宜家北上消費唔留係香港食飯（利申：除咗出差以外，我係甚少特登返大陸消費），點解啲餐廳唔諗吓自己出咗咩問題。上次係太古帶住小朋友食俾人趕都已經有一段時間冇食王家沙，諗住俾多次機會原來都係咁嘅樣，其實唔使你哋啲經理同同事趕我哋走啦，因為我以後都唔會再去呢間餐廳。我已經幫呢間餐廳改咗個新名-「中菜版嘅澳牛」！都已經唔係特別好食，但如果大家想慢慢食嘢記得唔好走入去啊，如果唔係啲職員會唔客氣㗎！

王家沙細細個就食，都好耐無食了。今次回憶一下。簡單得嚟價錢又合理，而且而家多咗好多唔同菜式。又一城分店，地點方便。餐廳環境都唔錯。一坐低見到有推介嘅叉燒，就試咗玫瑰露火焰蜜汁叉燒，叉燒有小爐熱住，肉質腍身～～～跟住試咗京蔥爆牛肉配麼麼皮，牛肉嫩滑，京蔥大條，配埋麼麼皮一齊食，口感好豐富！蒜蓉炒時蔬好爽脆，蒜蓉味好香。手工鮮肉小籠包身皮薄餡多。餐廳座位都有幾多，有大枱、有細枱，適合同屋企人、朋友嚟！