玉玲瓏精緻小菜 (已結業)

今晚來到這裡吃饭，雖然地方不算大，環境不算華麗，但勝在出品好，人情味濃，感觉好像以前屋村的酒家，首先来到第一件事末點菜前記得叫杯涷豆浆，豆味香入口清甜亦有熱的豆浆供應，今晚我們點了鸡煲配材豐富絕不馬虎，有大中小辣選擇味道適中，還有克椒牛仔煲，出來時嗰煲唧唧聲好夠熱，亦有一個全场焦点攬角骨拼椒盐豆腐一定要食，秘制醬汁(有蜜糖)簡直好味到不能形容，跟住再叫甜品，不能不提這裡的薑汁湯圓超夠薑味又辣又驅寒，還有明目杞子雪耳桂花糕，不太甜有淡淡清新的桂花味杞子大粒有口感加埋雪耳碎，簡直無得輸，寿飽大個我拳頭，今晚這餐生日飯真的好滿足，可惜咁有水進的餐厅只做到10月中，真的很可惜！

早起的鳥兒有蟲吃今日得閒就去左飲早茶今次去呢間叫玉玲瓏菜館第一次去呢D "informal"茶樓飲茶黎到D姐姐都幾好服務 唔會黑哂面扮睇你唔到咁我地叫左香煎蘿蔔糕$14.8原隻鮮蝦腸$20.8鳳爪排骨飯$9.8玉玲瓏蝦餃皇北菇棉花雞這個是孖寶 任選兩款 $36.8 蝦餃單點都要29.8 所以36.8兩款甘平 當然要叫所有野食都好熱 點心一定要熱先好食蘿蔔糕真係食到一絲絲蘿蔔 唔會淨係得粉鮮蝦腸就普通，無特別推介，但係都幾大隻蝦 個排骨飯 飯既質地太軟身 一般棉花雞好好食 魚肚個味做得好好蝦餃做得唔錯 個皮好薄 D蝦都好大隻整體來說，幾有心做好每一款點心唔會好似大集團咁 有左個名就hea你

尋晚約了幾個好朋友晚飯，貪呢度近地鐵夠方便。我之前都黎過兩次飲茶，食物好味的。今次我第一次黎呢度晚餐，我地共六人，叫了四餸一湯，份量剛剛好。我地叫了德國鹹豬手，半隻蒜香炸子雞，蝦乾芥蘭煲，雜菌蝦子豆腐和雞骨草豬橫脷燉湯。德國豬手味道不算太鹹，份量都夠多，有埋條骨添！蒜香炸子雞上仲有些蝦片，好好享受呀！芥蘭煲都好味，但比較鹹。最好食，真心最好食的是豆腐，好滑，不過最初以為蝦子會係一粒粒的，原來係粉狀，見唔到的。燉湯好清，但有些油在上面，我飲左兩碗，我朋友仲連湯料都食埋添。最後我地仲叫了炸地瓜丸子同薑汁糕，兩樣都好食。地瓜丸子炸到好似芝士波甘，裏面仲有餡添。薑汁糕煙煙韌韌，好好食。侍應招呼都唔錯，係個場唔算大啫。

來到荃灣，天橋系統可謂四通八通，連續往大大小小不同的商場。若要仔細去行，或需行上半天，慢慢發掘。當然，要數最方便的商場，肯定是港鐵旗下的綠揚坊。商場2樓及3樓設有不少食肆，大多是連續式經營，不一定要到荃灣才可吃到。不過，商場上有一家名為玉玲瓏的中式餐廳，需要從2樓至3樓之間的通道前往，人流相對較少。可肶因為主要做街坊客，所以侍應們都較親切，叫他們幫忙沖茶等，也沒托手肘。最重要的是，食物價格相宜，晚飯時段可以100元以下享用孖寶 (蒸魚+鮑魚津白)，性價比高。座位方面，如果一大班人或家族聚會，可以坐圖枱。如果是兩三個人想靜靜地傾計，也可以坐卡位。整體而言，是綠楊坊的高性價比之選﹗

本身今日打算同屋企人到美心飲茶，但可能因為係紅假關係實在太多人啦，老人家又肚餓又唔想佢地咁辛苦等咁耐，所以我地就決定黎呢度飲。呢個白果薏米粥係點心紙上冇嘅，但老人家話黎過食過覺得好好味，我地就問個侍應，咁佢地話係有嘅，之後就拎左2碗黎，果然好味，綿綿嘅粥白果都有唔少，加埋薏米一流又可以下火。小籠包：皮係薄嘅，湯汁都唔少但入面嘅肉就比較鞋身。黑糖蜂巢糕：好香好味，有啖啖嘅黑糖味。釀尖椒：尖椒又唔太辣，煎得剛好上面嘅魚肉味道剛好，我地都忍唔住叫左2碟食。鮮蝦菜苗餃：皮較厚，但蝦同菜嘅比例剛好，不錯。雞扎：雞比較細件，另外有蟹柳同芋頭，蟹柳好粉。叉燒包：都唔錯，包軟熟，叉燒都算多。但個奶黃包就陰工少少，個餡得好少。叉燒腸：腸粉都算滑但其實餡都比較少。魚湯蕃茄海鮮米線：酸酸地幾開胃，海鮮其實都算多。呢度嘅野食算唔錯，但唔夠冷氣，檯亦都唔算多。不過之後都可以再黎飲茶嘅。

已經幫襯咗呢間好多年，又係街坊，直至轉咗個係門口姓劉嘅座位登記女人，D態度超差，好似官咁，最離譜係我哋6個人，入到去係張12人枱，我哋好心話太大張啦，俾張細少少嘅我哋，佢竟然話我哋講大話，為咗想快D入座6個人就講8個人喎，另一位同事話下張俾我哋，佢就話要排過再等！就係因為有咁嘅人，以後都不會再去!! 有咁嘅人係度，免費都不再去!!

星期六family day剛出來工作時星期六日都係留比朋友男朋友，現在人愈大就愈想花多d時間陪屋企人，畢竟父母年紀愈來愈大，趁他們身壯力健乜都食得應該多帶他們食好西本來是選去美心皇宮，點知大台都要等30張飛誇張。所以去了綠陽的玉玲瓏，可以直入見佢冇人排故期望不高，不過意外地水準不錯。點心選擇頗多，記憶較深 好味的有蘿蔔糕，菜苗餃(勁好食)，牛肚(調味辣辣地)，蝦餃。但炒河麻麻，好糊，一pat pat咁一共六大一b埋單4百幾，幾抵

2-10-2016 (Sun)朝,同老公飲茶,因為佢好耐冇飲,去邊間?佢話呢間啦,啊.o黎到冇晒卡位,知客話冇搭枱,叫我放心.OK.知客俾218號枱我o地,但我o地被帶到接近最入o個張四人枱,冇枱在布o既113號枱.坐低開好茶,由老公決定食咩啦,不過我見到有銀針粉就要求要呢個,最後我o地叫o左:1. 香茜牛肉腸(大點)芫茜唔算多但恰到好處,牛肉同腸粉都滑o既.味道: 3.5分, 抵食: 2.5分2. 原價$18.80,特價$15.80o既家鄉炒銀針粉睇見白雪雪,已經覺得應該唔係幾得,配料有菜,紅蘿蔔絲同火腿,食落, 銀針粉有啲彈牙,冇乜味,亦唔似炒過,但食第二碗後,又覺得鹹度o岩o岩好.味道: 3分, 抵食: 2.8分3. $24.00三個o既鮮肉生煎包都幾大個,個底煎到有啲脆,皮好厚,豬肉味道都o岩o岩好,唔太鹹,但內裡係冇乜汁,同祥興記o既上海生煎包有好大分別,不過睇自己鍾意食邊隻啦.味道: 3分, 抵食: 1.8分5. 北菇棉花雞(特點)睇見大大碟,魚肚都幾多,老公夾晒啲雞肉,雞肉都唔少,我食o左一細舊雞肉,滑滑地o既,不過味道有少少怪.而魚肚呢,未完全腍晒但可以,味道亦正常.味

早前約o左八姨,o係30-9-2016 (Fri)晚請佢食飯,佢話叫埋關心我o既七姨,由於大家都唔係住同一區,就搵中間位置食,咁就揀o係荃灣食,我都問埋大哥大嫂一唔一齊?最後大哥join埋,咁就四個人食,由於之前兩位長輩冇答我想食咩?到o個日至諗,我就係咁諗,又要就佢o地食完方便搭車,想去荃灣廣場食齋,但唔方便七姨.綠楊新邨係就到大家,但選擇唔多,唯有南翔饅頭店,打電話o黎book位,話有位,但呢晚係佢o地最後一晚營業,可能8,9點就收舖,咁唔book喇.另一方面,七姨答荃灣廣場都得,於是我book翡翠拉麵小籠包,點知full晒.咁大自然素食啦,有位,咁就book o左.點知,發現七姨會行餐懵,於是改返去綠楊新邨,book玉玲瓏,好彩仍有位.我o地準時攞位坐低,人齊喇,我同大哥點o野食,叫o左:1. $58.00o既椒絲腐乳通菜大大碟,顏色翠綠,味道溫和唔嗆.味道: 4分2. $98.00o既紅酒燴牛尾煲顏色對版,味道…好好味,牛尾又夠腍,份量亦唔算少,good.味道: 4分3. $98.00o既XO醬翡翠珊瑚蚌翡翠有西芹同雜菌, 珊瑚蚌唔算少,食落,有啲辣,好彩接受到,口感正常,都唔

中秋家庭飯聚, 很早已訂了位 , 因為人數多, 所以也可以訂到客房親友已預先安排好假日套餐, 其實吃的菜式和一般酒席差不多 先來的是大蝦伊麵 : 蝦夠大隻, 伊麵入味再來有蜜豆炒貴妃蚌, OK因為是上海餐廳, 也有小籠包 , 新鮮熱辣但不算太皮薄炸蝦丸是最好吃的菜式 , 十分香口!西蘭花扒草菇,OK生菜冬菇原隻鮑魚 , 鮑魚很有咬口~還有假翅~質地不太稀又不會太濃味蒸魚套餐有炸子雞, 糯米飯, 甜品是高力豆沙 (終於不用吃紅豆炒了~~)掛住食忘了影相假日晚市有這種質素的確不錯

之前黎過呢間食一次，今次食都唔知原來改左名，因為d裝修都一樣豬手會切好上，岩哂我呢d論盡懶人，好香，肉夠林，不過無咩皮，好鍾意食豬手個皮好脆旦白蒸帶子呢個送好岩老人家同小朋友，清淡既蔬菜配滑溜既旦白再加上鮮甜既帶子，岩哂送飯粉絲蝦干節瓜節瓜切得好幼細，吸收哂個汁，再加埋粉絲好野味牛仔骨牛肉整得入味同好林，好香蒸沙巴火喉岩岩好，但d肉唔係好滑呢間中菜餐廳煮既野都好健康，小油小鹽小調味，食完都唔口乾，很不錯！預祝母親節快樂