玉玲瓏京川滬菜館 (已結業)

突然好想食擔擔麵 緑楊坊嘅玉玲瓏岩晒👍🏼下午茶時間 等左15分鐘左右🕒點心全部即叫即蒸 要等15-20分鐘灌湯小籠包 熱辣辣送到 皮做得好薄 一不小心就會拮穿 果然名不虛傳 唔好睇佢細細粒 中間充滿左味濃嘅清湯肉質滑溜嘅豬肉夾雜住清湯 大人細路都岩食👍🏼這不是春卷 一支支幼幼的大約15cm長炸到金黃色 入口香脆無比 中間夾住嘅蝦肉彈牙😋蝦蛟拼潮州粉果 兩款外皮做到晶瑩剔透蝦蛟中央夾住兩隻鮮蝦同少少露荀 爽嫩彈牙粉果夾住已調味嘅蘿白粒 肉碎 花生同香蔥 推介嘅擔擔手拉麵 係師父現場即拉即煮拉麵中央有肉碎 花生同香蔥作點綴手拉麵條條分明又彈牙 豬骨湯底香濃而不油飲少少是常識吧😝😝整體質素算唔錯 服務又好 唯獨房間冷氣唔夠⋯…查看更多

假期起身已中午，本來諗住去美心皇宮飲茶，點知要等成百幾二百張枱喺停車場又泊咗車又肚餓下，只好random 揾間嘢食下。行下行下見到呢間有茶飲又無人等位喎，見佢又有卡位坐，於是入去試下。本來都無乜期望，但啲點心真係太～～～難食！只有食評沒有相。1）腐皮卷：好難食，好油，個皮唔單止完全唔脆，仲要係又硬又靱。好肚餓但我都頂唔住，食咗兩啖 bye bye...2) 潮洲粉果：oh my god! 佢個皮一夾好似鼻涕一pat pat 咁。Mr. A 好肚餓，所以食咗一舊，佢都話唔好食，我更加完全放棄了...3) 油菜芥蘭：一放低就知出事，啲菜全是黃黃地。平時喺麵檔嗰啲綠油油好靚架嘛，我自己煮都唔會咁嘅色。唉，食落去當然係好老呀啲芥蘭又腍哂4）芋頭糕：好油同質地好怪，無乜芋頭肉，成塊只有啲粉開嗰啲糕膠咁，oh no！我試咗四分一塊放棄了5） 小籠包：終於有樣嘢正常味道。總結：可能主打唔係點心，千萬唔好飲茶呀！我都知今餐變咗大嘥鬼，所以為免再有下次，我唔會再來了…查看更多

今日去荃灣，在綠楊坊看見這間茶樓就想飲茶。咕嚕肉都算好食，肉都算肥瘦得宜，醬不會太過酸，咬落算有肉汁。只是42元都算好抵。魚肉茄子是兩片茄子夾中間魚肉，茄子不會很油，蘿蔔榚普普通通，不過不失。燒賣真是真材實料，燒賣入面都有蝦又有豬肉，味道不錯。這不是春卷，長約20cm，用春卷皮卷起蘿蔔條和蝦肉，想信有很多人因為名字奇怪而叫了，但是如果這不是春卷，甚麼才是春卷？…查看更多

本來唔知有呢間餐廳，係搬左來之後先發現一來有間咁啲酒樓。 來食過一兩次，感覺地方係有偏僻，因為唔近大部份餐廳位置。 除左呢樣，其他都可以。今日落左來食飯，佢地話剛出左個紅棗南棗老🐔燉唐排，$１０８，於是我就落左一個兩個人飲。 但由於係十一黃金周假期，等得耐左啲。湯唔多油，而且有好香紅棗味，好甜。 令我不自覺一次過飲左兩碗。 拍得住屋企煲果啲，而且呢個價，我覺得絕對可以接受。所以推介大家去試試。 另外仲叫左小籠包，佢地啲小籠包不嬲水準唔差。 如果價錢上來講佢地啲野唔算貴，份量亦唔算太少，(可能因為我係女仔). 下次會再幫襯的。…查看更多

晚飯三寶 :( 話芝麻雞要等半个鐘，轉左霸王雞，都等左25分鐘。又硬，又無肉，超多油。。。仲話係鮮雞。。。似特價蒽頭雞翻蒸。 魚湯浸菜芯，ok 但份量少。 蒸黃立䱽，ok。。。…查看更多

因為趕住去足球比賽所以我求其叫左個擔擔麵食完就走而家人繼續食好多碎花生 超濃味真係好鍾該個湯 又香又濃個麵又彈牙最後成碗湯都飲埋加埋杯豆漿岩岩好飽哂！因為食得太快其他就不能評價但問返家人都話好食！…查看更多

大前日(24-5-2014 Sat)因事冇買餸,就乘機扯爸爸出街食晚飯,去邊o度食?又驚會落大雨,咁近近地去玉玲瓏食,我o地冇訂枱,就由行得快o既男友攞位先.半路,爸爸提議去美心皇宮,就call男友轉去.我同爸爸差唔多行到去美心皇宮時,男友話o個o度冇位,因o岩o岩有婚宴同幾圍都滿o左,叫我o地去返玉玲瓏.啊.我o地去到會合到男友,亦o岩o岩有位.我o地又被安排坐o係收銀隔離o個個凹位o既四人枱,叫埋茶後就揀套餐.有二人同四人套餐,我決定叫四人套餐,因為多o左o既可以拎走俾爸爸o係前日晏晝食.就要$488.00o個個,有:4. 自選小菜: 糟溜魚片一擺上o黎我即刻嗅到好濃o既酒味,魚片下面有大大塊o既雲耳.雲耳爽口,魚片口感夠滑,但味道有回啲苦.2. 自選前菜: 上海醉豬手其實12年帶爸爸o黎食時都已經食過(o個個食評: http://www.openrice.com/restaurant/commentdetail.htm?commentid=2260719&tc=sr2&con=rvwer),但因爸爸鐘意食,就叫呢個.同上次一樣,凍食,好腍又去o左骨,一樣有啲苦味.1. 自選前菜: 西湖脆鱔呢個加o左啲芝麻o係面,鱔糊炸得脆同仍熱,有芝麻香外同樣帶甘苦味.5. 自選小菜: 銀芽炒鱔糊銀芽都唔少,味道濃郁,同樣又係有甘苦味.1. 煙燻脆皮燒雞(半隻)呢個顏色唔錯,雞皮都係脆口,但唔多食出煙燻味;當凍o左至食就唔好食.7. 自選飯麵: 北京炒拉麵配料有韭黃同芽菜,呢個味道唔太濃,麵o既口感都適中.2. 砂鍋雲吞雞四位每碗都有津白,兩粒雲吞同雞件,先食雲吞,內裡o既豬肉有啲霉同有臊味,口感又麻麻,要加醋食至得.雞同津白都冇乜問題,啖湯淡淡地但仍飲到味精.8. 合時甜品四位今次係紫米露,味道唔太甜,內裡都有啲啲冇味芋頭粒,整體都舒服o既.不過爸爸話呢餐所有o野都有加味道,當然甜品唔係,但有加糖精.最後我o地將兩個前菜,銀芽炒鱔糊同炒拉麵拎走.服務:唔錯,好有禮貌.上菜快,落完單o野食一個接一個.只係最尾上甜品o個個亞姐好奇,佢拎四碗紫米露時,見得3個人,問得3位o既?我o地就答係呀,擺低啦.其實佢唔使理我o地幾多個人,總之我o地係叫個四人餐,佢俾返四人份量o既o野我o地就得啦.環境:坐得舒適,但冷氣都係唔多夠,尤其是食砂鍋雲吞雞時更加熱.價錢:枱上小食,茶芥都各$10.00,連四個外賣盒同加一,一共$585.00.味道係3.53分…查看更多

是晚入荃灣探二姐，本來想到路德圍大吃大喝，不過知佢想訴苦，又帶病，唔慌有心機食，所以揾左間就腳啲又稍為坐得舒服啲既食店。由於老公唔鐘意食上海菜，所以我就趁外出用膳去食這個了。食店格局像普通酒樓，主打京川滬菜，由於只有我倆，所以不敢多點，主力吃上海點心好了。先後點了排骨擔擔麵﹑蜜汁火方﹑烤麩﹑肉汁小籠包及鍋貼。兩姐妹都愛吃金華火腿，所以才點這個蜜汁火方，不過原來係古式做法，有蓮子墊底去蒸的那種，以蝴蝶饅頭同吃，較我吃開既烤雙方差一點。因為怕餓，所以我點了排骨擔擔麵，擔擔麵湯底做得還算唔錯，但麵有點過腍，排骨既炸豬扒，幾鬆軟，不過所有野夾埋一齊有點過膩。後加的烤麩係暖既，同我食開既涼菜有唔同，而且味帶酸，唔知係咪壞了變味，所以吃了兩口我地唔吃了。重點想講既係小籠包同鍋貼，我一向只愛蟹粉小籠包，因為一般小籠包既肉都唔新鮮，唔係太有肉臊味就係直頭發臭，好難揾倒間靚既，見做梗特價$16.8/4隻，所以才點。上枱時熱騰騰，睇得出皮好薄，咬一小口先啜肉汁，好鮮味，肉也不錯，頗驚喜。再嚟係二姐最愛既鍋貼，這個也不是我杯茶，因為我好憎皮厚死實既鍋貼，但意想不到既係，這個鍋貼皮也做得很薄，脆脆的，雖然略嫌唔夠汁，但整體好吃。翻頭幫襯既機會唔大，朋友想試既話只推介小籠包同鍋貼呀！…查看更多

尋日（16﹣6﹣2013 Sun) 朝等男友起身食早餐，佢話要買幾衫，咁落荃灣啦，去邊o度食好？我想食點心，o黎呢間，有三個人等o緊。去潮江春睇吓，嘩!重多人。都係返落o黎喇，我o地等三張枱，等到有喇，係行去最入o個間房o既一張二人枱。我o地剔o左：1. $18.00o既蝦餃拼潮州好明顯係蝦餃加潮州粉粿，蝦餃大大粒，蝦爽口，正。 而潮州粉粿呢，味道淡o左啲。2. ＄22.80o既鮮蝦菜苗餃裡面有好多菜苗但味道好清淡，我就加小小豆瓣醬食。6. $38.00o既三絲冷麵由於呢個係凍食，所以我o地留到最後至食。呢個跟o左清湯同加o左沙爹o既麻醬，我o地加適量o既清湯同所有麻醬落去撈，撈好喇。撈o既時候嗅到好香麻醬味，食落，味道係好好，麵係機壓出o黎，唔會好彈牙，而鹵牛𦟌冇乜味。5. $16.80o既香煎蓮藕魚餅呢個唔係將魚肉釀入蓮藕去煎，而係將切粒o既蓮藕混埋鯪魚肉，用雲吞皮包住o黎煎，煎得好脆，但蓮藕唔夠粉，不過都唔太差o既。3. $10.80o既山竹牛肉球真係牛肉呢，質地鬆軟，正常冇問題。4. $19.80o既北菇棉花雞名符其實，魚肚都幾多亦好腍，可惜仍有小小乾海味味；而雞肉嫩滑多汁。除o左冷麵外，所有o野都係熱騰騰。味道分係3.69分，而價錢連茶同加一係$153.00環境：入到房冷氣開得好大，好彩有remote o係o度，我即刻較細o啲，原來被較到此18度 ，使唔使咁誇？衛生：地下黐'立立',唔係幾好。…查看更多

第二次到這間酒樓，上一次食物還可以，只是有點不夠熱，今次點了9個點心，大部分食物都在普通水平，其中的「我不是春卷」質素不錯，脆口乾身而且餡料不少；至於其中的炒米粉及紅油炒手則令人失望，炒米粉配料極少，整碟都是白色的米粉而且份量甚少，而炒手則味道不對，只有淡淡的甜味，鹹與辣也欠奉，相信是豉油出事。說完食物，到環境，第一次坐大堂的卡位，比較窄，今次被安排坐廳房，卻出現了衛生問題，檯子旁邊的木櫃堆放了數張檯布，而且傳來霉味，地面亦有點跣腳。只論食物及環境，小心點選擇應該還可以令我再次光顧，不過遇到"取巧"陷阱，食到一肚氣之餘，亦打消這念頭。話說去到見有點心紙寫明有特價點心供應供應時間係7至11點，於是在11點前點了食物，埋單的時候卻獨有一樣食物計算雙倍價錢(紅油抄手-16.8變左$36!!!)，追問之下，收銀阿姊懶懶閒回應是以埋單時間計算，但十樣點心只有一樣出現問題，再向經理查詢，態度尚可，檢查單據後，得出同一答案，她說其他點心是午市也有特價，唯獨是其中一樣沒有，這樣也太巧合吧，10樣東西，9樣午市仍然特價，在無證據之下，唯有帶著一肚氣離開，不過這樣的制度也太取巧吧，如果點心紙有寫明，我不介意多給一倍價錢，問題是紙上從來沒寫，那你們說甚麼都可以，而且覺得若沒有再做特價供應,應當收起特價時段優惠或落單時說明。今次只有一樣食物遇到雙倍收費，下次可能全部也是，面對如此取巧的收費方法，相信以後也不會幫襯。氣結的不是個十幾蚊，而係手法。假日飲茶卻得出一肚氣，去這酒樓一定要小心，亦提醒大家謹記對單!…查看更多

今(4-11-2012 Sun)朝同男友又早起身去食o野,今次唔去Misocool玩喇,男友問邊o度有盅頭飯食.茶樓同食點心o既地方囉,但食點心o既地方唔就腳,我o地行經呢o度時係9:30am,佢話呢o度有.我問佢夠時間嗎?佢答夠,啊,咁就入去啦.我o地坐低後剔o左:4. $8.80o既五香鹹水角呢個第一個到,顏色唔太深,男友先食,佢一咬就話好熱.咁我小心啲先.都唔係太熱,鹹水角皮煙韌,但餡少又唔夠味,有啲失望.1. $8.80o既潮州蒸粉果自動畀埋辣椒油,呢個好似食唔到沙葛,味道都係唔夠,要蘸辣椒油同豆瓣醬食.5. $15.80o既晶瑩蝦餃皇蝦餃大大粒,食落,有啲偏鹹,但蝦仁全部都爽口同彈牙,正.:)3. $7.80o既鹹魚肉片飯同男友share食,肉片口感夠鬆,飯o既軟硬亦適中,都唔錯o既.2. $12.80o既蟹籽燒賣皇呢個都係大大粒,味道同口感都屬正常啦.環境:我o地被安排坐收銀隔離o既凹位,有兩張四人枱o既其中一張,又唔使我o地搭枱,好,樂得清靜. 服務:好好,所有員工都好有禮貌,而且o野食好快到齊.…查看更多

早前係網上買了玉玲瓏的團購二人餐，只售$128，原價$328，便來一試~1) 酸辣湯X2夠酸又夠辣，而且好多料，不錯~2)小籠包一客四件，小籠包皮薄肉汁多，好美味~3)賽螃蟹份量超少，每人分到少少，都可以送飯既~4)招牌話梅骨這款招牌菜令人很失望，排骨上的薄脆已通風，食落一D都唔脆，仲係UN既，排骨很硬，唔鬆化，唔明點解係招牌菜~5)上海菜飯菜飯夠熱，又多菜，幾好~6)桂花糕幾多桂花，又唔會太甜，GOOD~很多時團購餐的食品次序都算出，甜品會與主菜同出，這裡有依出菜程序，至少唔會飲緊湯時送上甜品，抵贊~不過團購餐的食物絕對唔值$328，$128 就差唔多:)…查看更多

20-9-2012(Thur)係男友呢次大假中o既最後一日,所以決定留o係屋企休息,又見爸爸日日都自己一個o係屋企,就拉佢同我o地o黎玉玲瓏食晏.我o地叫o左個$148.00o既二人午市商務套餐,有兩盅翡翠鮮魚羹,揀一款前菜,要o左上湯醉豬手,二款小菜,要大千雞同醬燒茄子,一款點心要生煎窩貼.先o黎上湯醉豬手,份量都算唔少,呢個冰淇淋冰凍,爸爸第一個食,佢大讚好味,因為佢好腍又去o左骨,酒應該係紹興酒,好香,不過有啲苦.味道: 4.7分然後係翡翠鮮魚羹,個樣都幾靚,不過魚肉唔係咁鮮,菜粒唔知係咩o野菜,我覺得味道淡o左啲.味道: 3分生煎窩貼好大個,個底煎得香脆,食落,裡面有肉汁,呢個唔錯o既.味道: 4.7分之後到醬燒茄子,呢個冇乜特別,亦冇乜問題.味道: 3分大千雞原來係辣o既,不過18-9-2012同男友食紅油抄手都唔辣,呢個應該唔會太辣吧.試吓先,開頭係唔係好辣,不過一路食就越o黎越辣,辣入喉嚨.但雞件就炸得脆口,冇問題.味道: 3.8分3. $22.00o既桂花酒釀丸子唔係好多丸子,都幾煙韌,不過糖水有啲苦味.味道: 2.8分2. 健康雪耳南瓜包(中點)$13.80雪耳南瓜餡唔多唔少,雪耳碎增加o左少少口感,包身都好軟熟有味,夾o左南瓜餡後甜度適中.味道: 4.5分埋單$193.00,真係唔知點計.…查看更多

今(18-9-2012 Tue)朝同男友起身後,我o地約唔到朋友同家人今晚食飯,又見大家都睡眠充足,於是決定原定聽日廸士尼,改為今日,咁聽晚就可以同佢屋企人食飯.由於都幾多o野整,整好後去到綠楊新邨都已經11點鬆啲,見佢有$38.00o既午市商務套餐,不如就試呢間啦.我o地入到去冇晒卡位lu,就坐張四人枱,而特價點心做到12:00pm,男友都問問侍應午市商務套餐有未?佢答有,就叫一個加啲點心.1. $38.00o既午市商務套餐就要o左招牌話梅骨,凍豆漿,包一碗白飯.等o左一陣,先o黎招牌話梅骨,食吓先,味道o岩o岩好,唔太酸又唔太甜,好味道,排骨好腍,話梅粒都係好好食.凍豆漿甜度亦適中,唔錯.白飯,明明話一碗,但竟是o黎兩碗,可惜個飯硬o左啲,麻麻.2. $12.80o既灌湯小籠包果然係灌湯,味道屬正常.4. $36.00o既紅油抄手男友先食,佢話好失望,因為就o左香港人o既口味,唔夠辣.我又食吓先.真係,係微辣,我都食到.5. $18.00o既養顏紅棗糕熱騰騰o既,呢個係男友好奇叫.呢個口感有啲煙韌,味道濃濃地,唔太甜.6. $8.80o既時菜鯪魚球唔係好大件,味道偏淡.3. $30.00o既生煎牛肉餅(3隻)呢個等好耐至到,男友一個不留神大啖落去就辣親啦,因為裡而又熱又有好多肉汁,我都食,要慢慢咬,重要啜啲肉汁,好夠味道,牛肉都鬆鬆地,不過層皮就麻麻.茗茶每位$5.00,但我又點計都計唔到$161.00. 服務:開頭我o地想坐最入o既5人枱,但女侍應話o個張要搭枱,係都要我o地住張四心枱,其實o個個時間都未多人啦.上o左個招牌話梅骨後,女侍應經過即call廚房問有飯未?佢同事答有,佢就叫佢舀一碗畀我o地張枱,但等o左一段時間都重係冇,我o地都忍唔住問另一個人,o個個人都即刻call廚房叫佢o地舀出o黎.呢o度價錢好似平過譚魚頭,但服務絕對好得多,可以考慮帶爸爸o黎食.…查看更多

ORDER 左一個二人套晚餐燻魚: 超迷你(4件) 酸辣湯 ; 太辣 話梅排骨 : 有陣異味,似牛皮,咬左一口,即吐出. 菜飯: 不熱不冷,極難吃. 小龍包: 尚可.甜品都無吃,即埋單走人,服務水準 : 尚可.地點 :方便…查看更多