51
4
1
港鐵沙田站 A3 出口 繼續閱讀
電話號碼
26943939
開飯介紹
中菜食府「玉庭」格調時尚高雅,中西合璧的裝潢風格盡入眼簾。主廚以上乘食材揉合巧手廚藝,匠心演繹一系列中式佳餚、精緻點心及潮式美饌,為客人打造尊貴非凡的餐飲體驗。 繼續閱讀
營業時間
今日營業
11:00 - 22:00
星期一至五
12:00 - 22:00
星期六至日
11:00 - 22:00
公眾假期
11:00 - 22:00
公眾假期前夕
11:00 - 22:00
付款方式
Visa 現金 AE
其他資料
網上訂座
Wi-Fi
酒精飲品
自帶酒水
切餅費
賞訂座積分
外賣服務
加一服務費
電視播放
有關獎賞計劃
食評 (84)
等級4 2021-03-27
888 瀏覽
和家人到沙田辦點事情,較早前在Openrice搜尋一下,預定了這家中菜午膳。餐廳環境不錯,裝修和燈光用色柔和,一邊配備了落地玻璃,可看見室外園林,亦可使一室光猛。餐牌是簡單的兩頁紙,包括點心、小食和飯麵等。我們點了以下食物:蘿蔔千絲酥(特點,$52)一夾下去,腍身的,不是剛剛炸起脹卜卜硬身的質感,已對它印象打了折扣。咬一啖,內裡蘿蔔絲甜美夠融化,但溫度不夠高。碧綠鮮蝦腸(左上,特點,$52)腸粉質地太黏身,不夠滑,內裡蝦肉竟然沒有味道,這個亦令我們失望。瑤柱豆苗餃(右上,$38兩件)尚算晶瑩,內裡瑤柱和豆苗充足,亦拌有蝦肉,各類食材新鮮。筍尖水晶鮮蝦餃(左下,$36兩件)大大件的蝦餃,內裡的蝦仁填得滿滿,蝦肉新鮮爽口而彈牙,筍尖不多,不會蓋過蝦肉的味道。蠔皇蜜味叉燒包(右下,大點$45)一籠三個,蒸氣不斷向上升,又看見蜜汁叉燒溢出來,十分吸引。包皮軟熟鬆化,叉燒蜜味濃郁,甜美動人。它是這頓飯暫時最好吃的東西。麵醬豆腐龍躉頭腩配黃金炒絲苗($198)炒飯和配料分開盛載,為何配料有這麼多涼瓜?我用湯匙撥了一會,一件豆腐也沒有。其實如果餐廳要轉用食材,可以先通知一下客人,而我正正是不吃涼瓜的。說說這道龍躉頭腩,鮮味極之醒神,魚肉軟腍,炆得入味。絲苗米飯有飯香而又炒得乾身。總結來說,這裡食物和服務一般,唯一優點只是枱與枱之間比較闊落,環境不算嘈吵。註:匯豐信用卡85折 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-10
901 瀏覽
晚市逐漸回復正常,我又可以跟朋友來個飯聚啦﹗這晚來到帝都酒店中菜廳玉庭,享用他們最新推出的極尚涮涮鍋,吃得滿肚腸肥呢~套餐是2人份量,包括精緻刺身拼盤、全牛拼盤或全日鮮及野菜拼盤。精緻刺身拼盤,有法國蠔、甜蝦、八爪魚、赤貝,每款都是我至愛呀﹗涮涮鍋自選一款湯底,可選壽喜燒/利尻昆布湯/辣味噌豚骨湯,我們就選了柚子清酒大蜆湯$128及木魚鮮人參雞湯$148,一來吃得更豐富,二來味道更鮮甜。( 其他湯底選擇:鯛魚濃湯$158 / 蕃茄鮮蝦濃湯$188 / 北海道3.6牛乳蟹湯$198 / 野菌舞茸湯$108)木魚鮮人參雞湯,鮮甜帶點微甘,火鍋後還可以吃掉那半邊雞隻,好划算。柚子清酒大蜆湯,充滿著柚子的甜蜜氣味,又不失清酒香,最適合搭配全日鮮。萬眾期待,充滿仙氣的全牛拼盤$2021,由上下至分別是佐賀A5和牛、九洲薩摩A5和牛、澳洲M7和牛肉眼、頂級美國安格斯牛小排各120克,中間玫瑰花形的是牛舌。把牛放在蜆湯一邊燙一下,顯得特別鮮味;放在雞湯那邊嘛,牛味更濃郁;嗜牛朋友吃得津津有味,實在不容錯過。不吃牛的,就來個全日鮮$2088,包括了波士頓龍蝦2隻、南非孔雀鮑魚4隻、大蜆8隻及北海道帶子8件(刺身級) 。二話不說,就把波士頓龍蝦放進鍋裡,爽彈多膏,連湯底都鮮味起來。北海道帶子好大粒,烚熟後幾乎沒有縮小過,口感依然幼嫩鮮甜。南非孔雀鮑魚,大隻得過份,而且是活的呢﹗口感柔嫩鮮甜,今回真的要用刀叉据鮑魚﹗吃過海鮮,呷口清酒倒是搭配的。日本清酒久美之浦–純米吟釀HK$280,哈蜜瓜般的吟釀果香,好易入口,女孩子們都愛喝呢﹗最後,套餐有勁豐富的野菜拼盤,娃娃菜、小棠菜、蕃茄、青菊、南瓜、蕃薯、小青椒、秋葵、京蔥、大根、冬菇、杏鮑菇、金針菇及稻庭烏冬,還有日本雞蛋,蔬菜吸滿肉汁及海鮮精華,加上蔬菜本來的清甜,實是滿足﹗ 繼續閱讀
(以上食評乃用戶個人意見 , 並不代表OpenRice之觀點。)
等級2 2021-04-24
0 瀏覽
玉庭 Jade Pavilion 📍:沙田白鶴汀街8號帝都酒店1-2樓📞:+852 2694-3939💲:~HKD150/headFood quality ✔️:叉燒酥、叉燒腸粉、姜汁棗紅糕、珍珠雞👌🏼:蝦餃、脆芋餅、春卷、腐皮卷❌:鹹水角總結:值得再encore 👍🏼本身以為係酒店入面價錢略貴 但價錢出奇地相宜 👍🏼而且絕對對得起嗰價位 有幾款好食 整體中上👍🏼人流唔多 環境又唔錯 而且位同位之間好疏 繼續閱讀
(以上食評乃用戶個人意見 , 並不代表OpenRice之觀點。)
等級2 2021-04-05
181 瀏覽
今日去完拜山, 近近哋book咗呢間酒店嘅茶樓... 細妹先到, 話呢間嘢好 up dup... 但我以前去過一次, 都ok... 即時有D驚, 因為同大人一齊, 唔可以有損失! 跟住去到, 除咗門口有D似稻香之外, 入面好ok... 乾淨, 通爽, 光猛... 一D都唔up dup!跟住D嘢食開始嚟, 佢哋就贊不絕口, 連大人都話下次可以再食... 首先講下D茶, 因為呢間係潮州嘢, 我哋叫咗香片, 茶味香濃, 但不太苦.. 本人好like... 食家媽媽就話果D”懷”花味唔夠... 點心呢.. 絕對係中上! 點咗好多嘢食! 蝦餃燒賣果D正常”得”, 最like 嘅係菜苗餃, 煎芋餅, 蝦多士同炸雲吞.. 呢度D煎炸嘢整得好好, 一D都唔油... 是邪惡嘅地方😈仲有滷水豬大腸 (唔記得影相) 同糯米糍亦好好味... 仲有好多嘢想試, 下次再去🤣最後想講呢度D阿姐阿哥超好人, 又風趣! 令到成個午餐更開心! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-30
372 瀏覽
係我寫個千幾二千篇嘅食評當中,記得用上呢個題材,應該唔係第一次。 說穿了咖啡樽裏的汽水就是形容喺西餐廳食中餐,日本居酒屋食中式點心,你去嘅餐廳唔一定代表你食緊嗰樣嘢。 香港多fusion菜,但係就好少餐廳身兼幾職,小店可能都會多,但酒店餐廳真係好少見。 睇得多我寫野嘅讀者可能都會有見過我寫玉庭,位於沙田嘅帝都酒店餐廳,本身食潮州菜中菜為主,我聽到話呢度有涮涮鍋,直頭急不及待要黎試,實在太有趣啦。 今次佢呢個promote全部用上自家日本菜櫻田嘅來貨,因此,絕對不會令你失望。 前菜先上精緻刺身拼盤,當然不能錯,用上櫻田靚刺身,正到不得了,款式當然唔會話好似乜嘢高級刺身船咁多,但以呢個價錢,有蝦、帶子、赤貝、蠔,全部精彩高質。 涮涮鍋餐有兩種選擇,一個食牛一個食海鮮,我哋多人,剛剛好叫兩個set分甘同味。 全牛拼盤可以話係所有牛魔王天堂,五種牛肉佐賀A5和牛,九洲薩摩A5和牛,澳洲M7 和牛肉眼及頂級美國安格斯牛小排,全部好似候選佳麗咁係樓梯度俾你任點任選。 個人最喜歡嘅當然係最油份高嘅佐賀牛和口感濃烈的薩摩A5和牛,牛肉眼及頂級美國安格斯牛小排則以質感取勝,當然看你係什麼派別嘅朋友,相對我都係較為鍾意油份強嘅牛肉較得我歡心。 至於海鮮方面,氣勢冇咁凌厲,但係樣樣海鮮都非常高質,波士頓龍蝦有2隻、南非孔雀鮑魚有4隻、大蜆8隻和北海道帶子8件。 野菜拼盤一客才是主菜,由娃娃菜、小棠菜、番茄、青菊、南瓜、蕃薯、小青椒、秋葵、京葱、大根、冬菇、杏鮑菇、金針菇同稻庭烏冬。 你可以話好似喺Aeon同Donki一樣行咗一轉超級市場,啲菜嘅質素全部都係靚料,真係好似行咗一轉日本超市咁,我同我老婆基本上淨係食呢一個拼盤都已經非常之滿足,講真喺超級市場買到呢個陣容一啲都唔平,又唔使買又唔使煩,幾正。 先講咗火鍋料先講湯底,可能你會覺得奇怪。但寶物沉歸底,湯嘅選擇多到一個點,壽喜燒湯到利尻昆布湯到辣味噌豚骨湯,又或者其他特別的野菌舞茸湯,柚子清酒大蜆湯,木魚鮮人參雞湯,鯛魚濃湯,蕃茄鮮蝦濃湯,北海道3.6牛乳蟹湯,多到咁真係眼花撩亂。 最後我哋要咗牛乳蟹湯同鮮蝦濃湯,這兩個最配牛肉同海鮮。 先飲牛乳湯,又甜又滑,真係好似飲奶咁,另外鮮蝦濃湯就滿佈蕃茄味,如果有機會聽聞清酒大蜆湯都係大推,記得呢度嘅湯底都係重點。 另外推薦呢度配搭嘅清酒久美の浦-純米吟釀,店員話係哈密瓜般的濃濃果香,送海鮮特別適合,冇辦法抗拒唔叫一支。 以今晚嘅陣容你計,水準真係好高,當然價錢可能有少少貴咗,但係配合地點同埋員工超級殷勤嘅服務,我覺得,值得一試。玉庭沙田白鶴汀街8號帝都酒店1-2樓 港鐵沙田站 A3 出口 繼續閱讀
(以上食評乃用戶個人意見 , 並不代表OpenRice之觀點。)