影片
港鐵中環站 D2 出口, 步行約6分鐘
繼續閱讀
電話號碼
25375555
開飯介紹
玄鮨位於中環樓上舖，環境清靜，適合約會、見客或與朋友聚會，師傅以一對一的形式服務。
繼續閱讀
營業時間
星期一至六
12:00 - 14:30
18:00 - 22:30
星期日
全日休息
以上資料只供參考, 請與餐廳確認詳情
招牌菜
走入玄鮨嘅那一刻，環境潔淨，帶點溫馨，有種歸屬感。坐低嘅時候，師父揸實刀，一副專業嘅樣，我心諗：「今晚梗係正！」🍣 咬落去壽司嗰下，米飯彈牙得嚟又唔爛，魚肉新鮮得嚟唔臭，係咪叫做口感正到爆炸啊？！揾個詞形容...嗯，「靚絕」！😍刺身部分，每一片都係切得薄薄地、透光，好似藝術品一樣。食落去，「鮮」味即刻喺口腔內跳舞，滋味一流，真係滋味滿分！配合落去嘅wasabi，啱啱好，鼻尖嗌冧，辣得嚟又帶啲甜，簡直係match得perfect！最後，呢個晚上用咗兩個字形容就係「完美」。大家都知道好嘢嘅大街大巷都有，但係真係要自己去試吓先至知，玄鮨提供嘅唔止係食物，係一種享受，一種心靈嘅滿足。當然，啲sake都唔差，輕輕一啜，心情都醉咗。🍶 下次想食真正嘅日本味道，我知玄鮨係我嘅首選！
繼續閱讀
真心除左貴之外，冇缺點！！但值既！！因為總需要俾你嘅舌頭擁有感動嘅時刻！！所有既魚都係非常新鮮！師傅係你面前一片一片咁樣切出嚟！當一片片好新鮮嘅魚送到你嘴邊嘅時候，你只會係到念，魚啊！你真係死得好有價值啊！咁度呢嘅Menu呢係全部都係日文黎嘅，而且係會有啲睇唔明嘅英文，咁呢個時候你就好需要一個staff係你旁邊講嗰你聽得明嘅廣東話，咁你先會知道你要嗌d咩魚。當然佢地會好貼心咁樣為你一一介紹，而且仲會講咩你聽當日最新鮮嘅魚係咩！！環境一流！食物一流！師傅一流！平d就好啦！貼心小提示lunch set around ＄300，本人覺得比較經濟！
繼續閱讀
無做好 research 就黎，一心念住食朋友推介嘅三色飯（海膽、三文魚子、碎吞那魚腩，$340），點知 dinner 無得食，只有松竹梅餐同少少 a la carte！！最平嘅梅餐要 $1198，未加一... 但既然有人生日，豪左佢啦！正當肉赤嘅時候，第一道菜就上啦 -- 海蜇。聽落似上海菜，但食落唔錯。酸酸地、爽口。之後嘅 sushi sashimi 只能用朋友嘅話表達：築地都無咁好食有人單點個烤鰻魚（而家當造，所以系新鮮鰻魚，唔係急凍，一份$400），加碗壽司飯（晚市無正常飯），雖然聽落怪怪地，但魚非常新鮮甜品通常系雪糕，今日系蜜瓜同山竹，甜到漏成餐飯大家都好安靜咁食野，無人想講野！
繼續閱讀
special one 生日不抬慢, 太半個月前就book 咗玄鮨。 原本, 我首選Sushi Rozan, 可惜佢竟然裝修中, 無奈之下要另選地點。 看了很多食評, 發覺很多日本餐廳嘅評語都係毁譽參半, 大部分都係指餐廳over-priced. 最後我選了玄鮨。師父跟服務員似乎都是香港人 , 但無損服務水平, 非常細心有禮。 我們坐在壽司bar 看到師傅手工細膩, 食材無論色澤及味道都很新鮮, 很有鮮味。本來不想喝酒忍不住點了sake 品賞。照片只影了頭兩道菜, 因為想集中精神欣賞食物。 我地點咗“竹”, 以水準來講, it's worth the money. 感覺良好。
繼續閱讀
今曰是元宵節，難得不用上班，又大病初癒，一於唔戒口食下曰本嘢。這餐廳位於商廈二樓，裝修摩登型格，座位分卡座同bar ，感覺雅緻. 這兒的午餐有魚生、刺身丼或熟食，價錢由$280-$480，中價定位。曰式蒸旦十分滑溜，味道鮮，十分足料。面鼓湯整碗充滿海帶，面鼓味十足，富咸香。Deluxe chirashi $330這刺身丼有十款不同的刺身，顏色繽紛而富有光澤。三文魚籽大大粒，入口卜卜脆，份量唔少；牡丹蝦幾大隻，好彈牙爽口，肉質鮮美；fatty toro 厚切有兩片，魚脂芳香，入口有溶化的感覺；海膽雖然不是大大片嗰種，但味道鮮甜無苦澀味，同上週在黑門市場的有得fight; 帶子比較細粒，味道唔係特別甜美；赤貝刺身爽夾甜；醬油漬物（尤其冬茹）香甜口感爽脆，配上魚生醋飯，更別有一番風味。整個刺身丼顔值同味道都十分不錯！咖啡是即磨的，味道甘醇，配合忌廉奶，口感豐盈，十分不錯。綠茶雪糕綠茶味十足，口感奶滑，屬中上之品。整體感覺唔錯，可以一試。
繼續閱讀