玄滷 (已結業)

因為喺九龍灣工業區工作嘅關係，所以響附近搵嘢食，但係好似唔係太多選擇，經過朋友建議就叫咗一間台灣嘢食嘅外賣，所以就試吓呢間點樣，雖然係午飯時間，但係叫外賣嚟嘅時間都唔算等咗好耐。我只係簡單叫咗個豬大腸肉燥飯，同埋一個紫薯香芋鮮奶，豬大腸肉燥飯比我想像中大碗， 肉燥嘅份量都好多，完全覆蓋晒成個飯嘅表面，所以個飯唔會覺得唔夠味道，所以值得一讚，加咗兩舊蘿蔔，亦都可以調校一下味道，豬大腸嘅份量亦都好足夠，味道亦都唔錯。紫薯香芋鮮奶味道就係不過不失咁樣，整體嚟講都係唔錯嘅。

九龍灣附近返工，開鋪到今間中都會幫襯吓。個辣菜甫永遠都有一粒粒黑色嘢，咬落似沙似鑊燶🥴10次order唔要辣菜甫，有8次返到去都見到個成口沙嘅辣菜甫。迫人食🫥希望佢哋好好反省下

經外賣平台叫外賣，送到黎唔會包裝油淋淋漏汁，包裝得都算穩。涼拌蔥油八爪魚味道咸咸地有蔥香味，但八爪魚口感淋左啲。脆脆家鄉蘿蔔糕送到黎果陣已經唔脆，但唔會好油，味道都唔差，有甜醬可以點提升味道。炸鹹蛋流心魚蛋就係普通嘅炸魚蛋，入面有少少鹹蛋醬，不過鹹蛋味比較淡，但整體嚟講都係好食。芒果寒天水晶楊枝甘露係用可以扭得埋嘅杯裝住，夠哂穩陣，味道正常。總括黎講食物表現普普通通，都對得住佢個價錢👌🏻

乾拌肉燥拌新竹米少少辣，肉燥好香，幾好味，乾拌口味同普通肉燥唔同，幾惹味，值得一試，好食抵食。鹽酥花枝丸，跟餐飲品都唔錯。會要幫襯，試試其他小食同台式飲品，初試俾個

九龍灣嘅工廠區開咗唔同嘅食店，今次去咗試呢一間台灣嘅小店叫左個外賣試下🙆🏻‍♀️蔥油厚切午餐肉蛋飯🥩美味指數：👅👅👅 (3/5)味道真係一般般，中規中矩，豉油唔夠多，飯同午餐肉都好乾身，而且餐蛋個蛋黃好熟，完全冇咗啲流心嘅感覺，真係有啲失望👋🏻 就純粹係一碗可以食同埋普普通通嘅餐蛋飯蔥油雞扒煎蛋飯🐔美味指數：👅👅👅 (3/5)味道唔錯，但係雞扒比較乾身，唔夠多汁，而且豉油嘅分量唔夠，味道有啲淡。蔥油味道香濃，但係整體口感有啲偏乾🥺無糖綠茶&無糖烏龍茶美味指數：👅👅👅 (3/5)無糖綠茶味道清，啱晒食完油膩嘅飯後飲

今日在九龍灣玄滷外賣了個蔥油雞扒煎蛋飯隻蛋幾好食，有日落太陽既紅色雞扒裝左在呢個袋度係好多汁，食落都好Juicy，正常發揮咁啦今餐仲配了杯無糖綠茶：總體都ok, 係蔥油多左d，又咸左d咁。

最近又返翻九龍灣做嘢，發現咗一間新開嘅台式外賣店，雖然佢好似主打滷水，但餐牌都有好多唔係滷水嘅選擇。揀咗滷水大腸肉燥菜脯飯，份量有啲細，但女仔食完其實都幾飽。自己好鍾意食菜脯同埋大腸，但呢區其實冇乜機會食到大腸，菜脯唔算太辣（佢話仲有唔辣可以揀），個辣平衡返少少肥膩嘅大腸，勁鐘意上面啲芝蔴，唯一美中不足係啲飯比較削，不過台式餐廳好似都傾向煮得腍啲，另外嘢飲都有好多無糖嘅選擇。下次經過會再試試其他嘢。

九龍灣工廠區近期都開左好幾間新食肆，呢間玄滷初初睇名仲以為係食滷水😂😂再望真啲餐牌原來係偏向台式既小店🇹🇼Lunch menu有7個飯餐選擇，唔算多，反而下午茶個menu好似仲吸引🤣🤣每個飯餐都免費配凍無糖烏龍茶/凍無糖綠茶，今次就揀左凍烏龍，解渴一流，另外白飯同肉會分開放，煎蛋同白飯一碗，肉類就放入疏氣紙袋，咁幾好呀，唔洗焗到啲倒汗水係煎炸野到👍🏻值得一提既係配菜有2舊白蘿蔔，好甜唔苦又冇渣，如果有得加錢另叫一碗就好😂😂🍚但係飯量係比較少🙊男仔大食既話應該唔夠飽🙊🐥蔥油雞扒煎蛋飯 $46雞扒肉質幾嫩滑，而且幾濃黑椒味，好香口🥰🐷蔥油豬柳條煎蛋飯 $46叫果陣都唔係好知原來豬柳條係炸🙈不過都幾好食，唔韌，香料味偏重，同埋可能因為外賣，炸粉都唔脆嚕🙈脆脆家鄉蘿蔔糕 $22其實唔算脆，不過冇咁熱氣都好既🤣唔似酒樓食開蘿蔔糕既質感，呢隻偏向實淨，當小食都幾好，尤其食完碗飯唔夠喉可以食下蘿蔔糕😂幾飽肚🤣