獨當一麵 (已結業)

湯底十分重胡椒味 少少辣 很香口 而且食完唔會好頸渴米線不會太淋 幾有咬口 不過份量略少 大食的人可能不夠飽配料我選擇黑椒牛丸同埋煙鴨胸 同一份炸雞翼兩樣配料都好好食 小店環境 當天去只有一位女士作樓面工作和一位男士做廚房 等候食物時間大約10分鐘 喜歡食米線又不想成日都食麻辣或魚湯湯底既朋友可以一試 宜家天氣轉涼 遲下再凍d 呢個湯底就更吸引了建議增加飲品選擇 如凍檸茶凍奶茶等等 以及更換一批新的碗碟 因現時使用的碗碟可能已用了一段時間 有明顯殘舊的漬

平時行過呢間鋪見都有人企門外等位，就決定試下啦！一入到去，姨姨都好好招呼好好禮貌。叫左個胡椒湯米線小辣，加咸菜，瑞士汁雞翼同韭菜餃。外賣滿$30仲有紙包飲品送。開頭仲諗住佢個雞翼如果唔分開放咪會影響個湯底，但原來佢用個紙袋仔裝住啲雞翼，好貼心，值得一讚！個雞翼唔算超入味，但係唔似出面食嗰啲咁乾咁hea。似係屋企整嘅感覺，都唔錯。個胡椒湯底都香，以我平時唔食辣黎講，小辣（20%胡椒湯）都食到。米線比出面食嘅軟滑，反而呢個令我有啲意想不到。最後個韭菜餃，入面應該得韭菜冇肉，但係都好食好夠味。

自從獨當一麵轉手之後都未食過，今日終於按捺不住。叫左個微辣胡椒豬肚雞腳豬骨湯上海扁面，跟墨丸同雞翼，湯底真係好飲，麵有小小痴埋一注，墨丸彈牙，雞翼入味，總括來說，保持到水準！可返轉頭

作為胡椒豬肚湯的忠粉，獨當一麵的湯底絕對沒有令我失望，食過幾次了，家住沙田都要專登走入元朗食一個字！正！胡椒豬肚湯底全名「胡椒豬肚雞腳豬骨湯」，絕對是名副其實的，因為每碗也非常足料，所有配料都會有齊，你亦可以憑個人喜好剔走某些配料。辣度方面可選微辣至大辣，我個人偏好中辣，每次食完都會頭皮發熱兼冒汗。如果唔太食辣的朋友建議由微辣開始嘗試。湯底胡椒味非常香濃，但又不過搶過豬骨湯的清甜，應該是真材實料熬製而成，值得支持！麵底屬正常份量，食量較大的朋友可能需要加底。跟湯配料索曬胡椒味，每一啖都好夠味；豬肚又有𡁻口！大讚！由於我為了湯底而來，我通常只會點湯底+麵已經夠食。最後講吓店內環境，店內小小的座位比較逼，帶住小朋友其實不太適合。但我實在太鍾意個湯，抱住女兒都要食，仲影咗張豬腳仔配湯麵的相😂小店要繼續努力！

其實元朗真係有好多有質素的食店經朋友仔介紹 冒雨去試食「獨當一麵」我本人本身係好鍾意飲胡椒豬肚湯的 店舖好細 大約只有20個坐位 試食當日時間尚早 我哋係第一檯客人 所以坐得好舒服 如果坐滿人都應該幾迫 😅主打係胡椒湯底 隨湯有雞腳 豬骨 豬肚 可以另外再加餸的 不過我想試原味 所以係原味跟米線 朋友就揀咗上海扁麵 湯底可以揀不同辣度 即係胡椒湯佔的百分比 我揀咗小辣試下先 （即20%係胡椒湯80%係豬骨湯）麵一到 聞到好香胡椒味 湯底係奶白色的 梗係要立即試飲個湯先啦 淡淡的胡椒味加上真材實料的豬骨湯好味道 成個湯一滴不漏咁比我清曬 🤣我下次要試最辣 即係100%係胡椒湯底 應該會更過癮 😋😋鍾意飲胡椒豬肚湯嘅大家 真心推介比你哋

今天路過，見到店名幾得意，入去一試。店子小小，已滿座，老闆娘熱情招呼一個角落的位置我坐下。我只是試了胡椒雞腳豬骨湯＋即煎餃子。真材實料！估不到的美味，一句-無得輸！