獅子林私房火鍋 (已結業)

同老婆大人生日飯。想找一間有質素嘅火鍋。決定試吓呢一間私房火鍋。結果有驚喜.質素絕對對得住價錢。可能係星期一晚。俾左間獨立房間我，仲可以一路食一路睇電視。南瓜海鮮鍋十分鮮甜（要預訂）。牛胸爽好特別。外面亦唔多見。總體來說十分滿意。一定會來同朋友食飯！

公司飯， 食得好豪啊!樣樣餸都有驚喜，唔似出面飯局咁悶。特別推介: 咕嚕黑豚肉 (色香味俱全)雲吞花膠濃湯雞(濃得黎唔會咸)，清蒸江蘇大閘蟹(多膏多肉)鮮淮山胡椒高湯浸斑球(好味啦總之^^)

在天后永興街有一間小店，平時坐巴士經過都沒有特別留意，有一日心血來潮上面書找下，見到有介紹，原來只開了幾個月，走中高檔路線，又介紹了一個季節特色湯底，一班朋友嚟試吓。由於我一班朋友都是吃貨，所以消費沒有問題，就決定訂房間（其實低消要求吾高）食材主要走中高檔路線，湯底沒有加味精，南瓜湯煮出來不像西湯、是一種中式的海鮮湯底，我們先喝一碗湯再食火鍋。我們特別喜歡安格斯牛肉、鵝腸及手打墨魚丸，這裏的魚皮及响鈴都是自家做的，頗有意思。剛剛見到有龍蝦刺身推廣，我們又點呢一份。總括來說這裏的食物質素很好，性價比不低，以後在這一區是多一個選擇。

今日和朋友食晚飯，選了一間天后新開火鍋店。火鍋店裝潢設計隱蔽中帶奢華，地方整潔乾淨，樓上包廂溫馨私隱度高。食物方面水準一流，所有食物一絲不苟，飲品叫了一揸青檸水(貪冇糖)，前菜有蕃茄仔、牛展、炸魚皮，再上新鮮生蠔、海膽、龍蝦刺身、𩶘魚刺身，好好好新鮮👍龍蝦殼整埋龍蝦湯，𩶘魚身斬件酥炸。之後就開始打火鍋，火鍋叫了鴛鴦湯底，火鍋材料種類都好多，我們選擇了和牛片、和牛粒和豚肉片，再有四寶丸、松露丸、蟹子丸和響鈴，(丸和響鈴都是師傅親手製作)回味無窮，好正🤩員工服務態度有禮，不時入來更換碗碟和加火鍋湯。最後大家食得非常開心盡興，下次要再訂座。三五知己必到之選*大部份食物忘記拍照😅食完先記得

上星期同朋友慶祝生日，第一次試食呢間火鍋店，驚喜連連，絕對可以再試🤤🤤🤤🤤安康魚魚肝鮮味無比，配上清爽醃製蘿蔔，口感一流而且更襯出魚肝的鮮味龍蝦刺身超級新鮮彈牙，鮮甜無比，一定要試野生沙鯭甘香鮮味，配上特製柚子醬油，回味無窮龍蝦湯龍蝦可選一蝦兩味，其他部分可餚制濃湯牛肉拼盤份量足，而且有質數，超抵食

呢間火鍋店令我非常驚喜，本身望到門口設計金光閃閃，令我非常好奇入邊係點樣一入到去已經覺得入邊既設計華麗，尤其是一入門口既地下用左幾隻色既物料切左個pattern ，非常特別.另外都巧妙運用左不同的屏風黎分隔區域，真係好多打卡位，等我係樓梯位置打返個卡先。靚到唔記得左入黎係食野.先叫左個龍蝦刺身，上到枱都仲見到佢仲識郁，勁新鮮，仲好好食添，原來食完仲會攞去熬湯，個湯唔使加鹽都夠味，好好飲，絕對唔會浪費食材既每一個部份.前菜就叫左廚師推介既鮟鱇魚肝配醃蘿蔔，聽講菜單上仲未有，上面嗰層係香軟既鮟鱇魚醬，下邊個層係爽口既醃蘿蔔，兩者非常夾.主菜湯底方便揀左鴛鴦鍋試下酸菜白肉鍋同麻辣鍋真心推介.前者係酸酸甜甜，後者係配有鴨血同豆腐刺激味蕾既湯底，兩者都係廚師獨家秘方自家調製既湯料.配以牛肉拼盤，黑豚肉，四色手打墨魚丸同即炸響鈴真係食過返尋味.野飲方便10分推薦柚子梳打，飲落有種Flash既感覺，越飲越開胃咁.希望下個月有位，可以book到枱再食多次

一入到去感覺環境裝修不錯，樓梯也有打卡位，去廁所要經過樓梯位，適合喜歡打卡的朋友仔📸。食物方面，我們點了龍蝦刺身和魚刺身，食得出很新鮮，店長說是每日返貨👍🏻上到枱見到是非常新鮮，刺身是重點推介，必點！火鍋食材亦算新鮮，他們有手打多款豬肉丸、梅菜豬肉丸、鹹蛋肉丸等，但我比較喜歡四色墨丸，食得出是師傳手打！平時我不喜歡食韭菜餃，但這店的韭菜餃我十分喜歡，皮薄，又係師傅手做，下次去一定會再點。價錢來說，本人認為性價比高。

火鍋店在香港確實有唔少，但這一間真的有所不同，無論裝修至到食物上枱檯先後到有細心安排過，裝修上睇嚟係幾揼本有設計過，我參觀過有房廳，地方唔算太大不過火鍋店來講都坐得算幾舒服，食物方面小食有梅酒茄子，麻辣鴨舌，椒鹽粟米真係好正👍🏻，有不同種類的遊水海鮮刺身，章紅魚的刺身椒鹽魚身兩食真係值得推介，問過經理基本上訂坐時可以問吓時當時有乜嘢時令海鮮預留就最穩陣，至於肉類主要都係日本黑豚和牛為主，其他的推介就係魚片頭及四色墨魚丸由廚師每日精心打造有飽魚、香菜、蟹子、黑松露粒粒都係真材實料，我哋當日試的湯底係酸菜白肉加四川麻辣鴛鴦湯底我個人覺得真係有驚喜有別一般水汪汪的，經理介紹大廚因為在市面搵唔到合適嘅酸菜最後是自己動手醃製，還有個湯底的底湯是餚足最少有兩日先用來制湯，酸辣麻的口味都可以選擇真係非常細心👍🏻，不過我想再訂檯時因疫情關係已經冇位，真可憐🥺

這間火鍋私房菜真係好好味呀，作為一個好中意食芫荽的朋友一定好中意這間餐廳~這個手打四色墨丸(原味墨丸，芫荽丸，黑松露丸，蟹子丸)十分推介，聽說這是師傅自家研發的，出面係食吾到的，芫荽丸十分彈牙和新鮮，好大茜味添呀~(揮淚)而湯底方面我十分推薦台式養生美人鍋，當中巳放了台灣的鴨血和豆腐，吸收了湯底的精華真係十分美味。而整體餐廳既衛生也十分乾淨，在疫情下也可以放心在這和朋友家人食飯聚會。所以，推介這間餐廳~

今天同frd見到這邊開左間新火鍋店，大門口十分奢華，黎開呢頭的話一定會留意到，於是進內一探究竟，原來除門面外面也是金碧輝煌。再黎試埋食物質數真的好到沒野講，活魚刺身條魚仲口擘擘，湯底整左個酸菜白肉併秘制川辣，配以a4特級霜降和牛，極品黑豚肉，梅花豬肉等，還有那個即炸響鈴，堅脆 野飲方面推薦柚子梳打，全部frd都十分推薦，仲叫左幾渣湯底和飲料聽說是特別迎合香港人調制，真的食過返尋味，下次一定同家人再黎食多轉

作為火鍋發燒友，聞到天后開左間台式私房火鍋館即刻book位試試佢😙 其實開業短短個幾星期我已經食左2次喇～皆因佢真係好好食-店舖環境首先店外裝修非常別緻、華麗，令人眼前一亮 非常吸晴👍👀 估唔到店內設計一樣特別，店內雖然細細但坐落非常舒適，周圍環境都能夠成為打卡熱點🤣 特別係堂「時光隧道」既樓梯 靚到痴左線呀～ ！ -食後感湯底款式雖然唔多，但每款味道及配料都十分出色，特別係「好足料」，估計是精心調制後的成果有別於外面過多繁複款式👍 我個人十分喜歡 酸菜白肉鍋， 湯底鮮味濃帶點微酸，飲落唔會郝喉 仲非常好飲，呢個配搭十分特別同埋好食 另外頭盤新鮮活魚刺身，擺盤用心，有誠意，重點味道鮮甜，剩底的會炸埋比你食 唔會浪費任何一個位置👍👍抵讚 其次，和牛同手工丸一樣好岀色，我十分推薦和牛隱藏食法 八成熟 > 沾上秘制醬汁 > 配上蔥花 捲好後食！ 簡直煥然一新 ～～ 講起又好想食了 手工丸係店內師傅親自手打，款式創新特別，味道鮮美，口感超彈！ 真心係必試系列！其實小店仲有好多料好好食，大家一定要試下😋 打完篇食評我決定又要book位食了😹 #想念獅子林的美味

老公好鐘意火鍋，所以見到新開的私房火鍋，即刻同老公走來試下，見到門面好靚，入面裝修都華麗，就咁睇一啲都唔似係做火鍋，火鍋前先來個指定動作，一定係前菜小食、刺身，食材新鮮，魚同龍蝦都好肥美，佢地店員推薦魚同龍蝦可以兩味，好欣賞個龍蝦湯，因為我唔鐘意湯油，所以今次揀左養生同酸菜白玉鴛鴦鍋，個人覺得養生鍋，可以再重些藥材，可能試過台灣無老鍋，所以覺得會有些比較，另外酸菜白玉比鼎王的好，濃得來唔係一味得個酸，可能係佢地豚肉比鼎王的質素好！埋單唔算好貴，咁既環境同食材，真心性價比