狸小路北海道涮涮鍋、壽喜燒、和牛專門店

營業中

休息中

去完日本先發現食漏咗壽喜燒呢個菜式！唔緊要，等我同朋友喺香港補翻先銅鑼灣希雲街＜狸小路＞好正呀一人一鍋而且豐儉由人海膽湯如果係日本食都要8000円一個人即係都$4xx 呢度最平二百幾就食到😍即刻order一個海膽湯set試下！❤️A5西冷壽喜燒 加單點A5西冷二百幾蚊已經有勁多A5級和牛！壽喜燒仲可以自己玩，仲配有蔬菜拼盤同埋烏冬。每燒一塊之前倒少少壽喜燒汁煎香洋蔥同埋牛油，再放一塊A5和牛落穫，整到半生熟之後就可以蘸雞蛋汁。每一啖都係好勁嘅肉香，雖然係A5級數，入口即溶，但係唔會話係好油膩。蔬菜吸埋壽喜燒汁，簡直想加多一隻蛋繼續食落去。🧡A4霜降和牛 配北海道海膽湯底 加單點豬肩肉海膽湯底喺日本閑閑地都可能要四百幾蚊先食到，而家呢度兩百幾蚊就食到啦，仲要可以配A4嘅和牛！個餐一樣係會有蔬菜拼盤，今次就配北海道白飯。A4 肥瘦分布啱啱好，入口都一樣會即溶而且仲多咗啲牛肉香味。蔬菜吸收海膽湯汁後更加鮮甜。

📍 狸小路｛銅鑼灣｝呢一間喺銅鑼灣轉角位就可以見到一間日本嘅壽喜燒，亦都係我最鍾意嘅壽喜燒同埋日本和牛🐮呢度嘅湯底好特別，有六款湯底，咖喱湯底、壽喜燒、北海道3.6牛乳、北海道海膽湯、北海道昆布湯、北海道生蠔湯🦪依六款湯底都好有特色，全部都係以日本嘅主題，佢地海膽湯如果係日本食都要8000円一個人，即係都$4xx 喺，我哋嗰度最平二百幾就食到！我就揀咗北海道咖喱湯底同埋壽喜燒。。超濃郁嘅咖喱湯底入邊有薯仔粒、紅蘿蔔粒，當打邊爐食到最後嗰陣時佢哋已經淋晒，超入味🫕我哋叫咗兩個套餐，每人一個鍋，咁就可以食到自己想食嘅湯底，套餐入邊仲會包括一碟牛肉/豚肉，有分130G同190G😍🐮霜降 A4+、赤身 A4+🐮油花分布如霜降般均勻，簿切後仍保有極佳的細緻度。下鍋涮至五分熟，外層微縮、內裡粉嫩，入口即化，脂香與肉甜在口中交融，吃完不膩！牛肉真係食唔厭🩷套餐亦都會有日本米飯、烏冬、拉麵可以揀，每一個套餐都會包括咗一個雜菜拼盤，入邊嘅日本豆腐放咗入去個湯底，更加入味更加吸收晒精華，味道😙兩個套餐真係唔夠食，我哋就追加咗兩樣50 g嘅肉類，追加豬五花、頂級A5西冷和牛。豬五花外酥內嫩，肉質肥瘦適中🐷頂

今日我同朋友去咗呢一間位於銅鑼灣附近嘅狸小路食飯，依間係北海道涮涮鍋，壽喜燒，和牛專門店。餐廳有提供北海道十勝黑毛和牛嘅套餐，套餐分別有蔬菜，湯底，同埋飯或麵條。牛肉方面，有得揀赤身，霜降又或者係頂級西冷。我就選咗頂級西冷同埋霜降，頂級西冷入口非常之肥美，又香味好突出，入口即化。至於香港方面，雖然油脂味稍遜，但牛肉味就偏突出。湯底方面，我選咗北海道牛乳鍋同埋海膽高湯，兩款高湯都幾有心思，特別係海膽高湯非常之清甜。呢個海膽湯最有心思嘅係，其實如果喺日本食都唔平，但係香港只要二百幾蚊就食得到。整體嚟講，餐廳嘅食物質素都唔錯，呢一個價錢，唔係咁容易食到呢個質素嘅食物。

銅鑼灣呢間北海道涮涮鍋壽喜燒真係抵到喊！人均先280，簡直平到笑，學生黨都食得毫無壓力～入到去環境超有feel，鋪頭雖細但夠晒舒服，坐係度好似瞬間穿越去日本街頭中。重點係食物新鮮！個牛肉真係冇得彈，涮幾秒入口即化，脂香直衝腦門，壽喜燒汁甜甜地，蘸埋生蛋黃，滑到痹～ 除咗牛肉，其他配菜都好靚！最驚喜係個飯，米香濃到冇朋友，一粒粒分明，淋少少湯落去，簡直人間至味！講真，呢個價錢食到咁水準，真係抵到爛！下次一定再黎，已經同friend約定時間再嚟一次👏

銅鑼灣 Sukiyaki❤️ 霜降北海道十勝產黑毛和牛😍..銅鑼灣禮頓道一間日式Sukiyaki♨️ 估唔到咁高質😍‼️ 來自北海道十勝產黑毛和牛，最高級別的霜降A4+ 至頂級西冷都有～真的入口即溶，每一口都有幸福的感覺💖。鐘意食涮涮鍋❓餐廳更提供Sabusabu, 必試招牌之一「海膽湯」如果係日本食都要 $8000円 ($4xx) 一個人，但我呢間餐廳吃～最平 $2xx就吃到了～🧡出門好少地方有，來到不妨一試喔！【Hokkaido Tokachi Kuro Wagyu】🔹北海道十勝產黑毛和牛 (和牛套餐）🔸赤身A4+ $208 190g（比較瘦、油花比較少、牛味都覺相對重）🔸霜降A4+ $248 190g(油花 & 瘦肉分佈相對平均）🔸頂級西冷A5 $298 190g(屬稀有部位、油花最多、入口即溶）🔹北海道米豚 (因油花分佈 & 美妙的味道，被稱為肉界和牛）🔸豚肩 $188 190g🔸豚五花 $188 190g壽喜燒套餐包括：前菜、蔬菜拼盤、北海道米飯/拉麵、甜品、兩款沾醬，十分豐富！食壽喜燒♨️ 當然要配米飯同吃，更滋味❤️～呢度價錢豐儉由人，亦可隨意加配肉肉😍，下次經過有機會再來喔！可追

呢間嘢喺CWB禮頓道嗰邊，細細間。同老公想食打邊爐，但係又唔想去到放題嗰啲咁大陣仗🤣呢間少少地，我覺得冇咁有罪惡感！然後我地發現，即使細細間，啲牛嘅質素都好好。佢哋係專食北海道十勝產和牛。我地嗌左A4同A5，前者肉味較濃，後者雪花較多，做到入口即溶感覺。兩個人去食，兩款牛撈亂食，會冇咁滯🤣然後佢除咗有壽喜燒之外，仲有海膽湯底同埋蠔湯底。價錢其實算抵，如果喺日本食應該唔止呢個價。最令我surprise 嘅係我真係撈到好多粒海膽🤣果然係真材實料！仲要所有食物淥完之後都變咗橙色。加湯，唔係就加水，佢有特別嘅昆布高湯。我同老公好努力咁想起唔加湯嘅時間食晒d野🤣因為個海膽湯底真係好濃，好正😋😋😋蠔湯底都非常濃蠔味，仲包咗一隻蠔喺入邊添！成個套餐會有飯或者烏冬，仲有蔬菜拼盤，最美原來仲有甜品添！我哋兩個人都嗌咗190G的肉，係飽同埋夠食㗎！嘻嘻，社交平台打卡仲送嘢飲添🤣🤣🤣2人埋單六百幾蚊，有和牛食，仲有海膽湯底，抵啦🤣

希雲街開咗間一人一鍋 放假終於有時間去試下主打涮涮鍋 壽喜燒同和牛依到每款湯底都好特別 北海道湯咖喱 3.6牛乳湯 牡蠣湯不過我個人推介 必試北海道海膽高湯順滑濃厚 鮮味十足 另外一鍋揀左壽喜燒 配上蔬菜拼盤 北海道蛋 同埋烏冬肉方面 我哋揀咗霜降A4 頂級西冷A5 和牛另外追加北海道米豚豬五花肉類店員係即叫切 再排得靚靚如果鍾意油脂感多啲嘅推介霜降A4 鍾意牛味濃啲肉感啲可以揀頂級西冷A5老公鍾意頂級西冷配壽喜燒醬料調味適中 唔會搶過西冷嘅牛味我就鍾意佢個海膽湯因為上次去日本見到食海膽海底要8000円一個人即係都$400幾 但係依到嗰度最平二百幾就食到😋Happy 巨峰葡萄梳打香甜清爽仲有小甜品作結尾 食得好滿足😋

我哋今次去銅鑼灣呢間狸小路北海道涮涮鍋同壽喜燒專門店，真係幾特別。呢間店位置唔算大，但一人一鍋都幾得意，價錢又抵。朋友推介我哋試海膽湯底，話日本一啲地方最少都要四百幾蚊港幣先可以食到，但喺呢度，200幾蚊就已經可以食到! 抵丫!餐廳有好多套餐，包左一份肉、前菜、蔬菜、主食同埋甜品，我地揀左：頂級西冷A5 $298霜降A4和牛 $248而湯底分別揀左壽喜燒湯同北海道海膽高湯!我自己就好中意用北海道十勝出產嘅A5和牛西冷，肉質好細膩好有咬口，肉味都好濃。沾埋個北海道蛋液，口感更加柔滑，真係超好食!而女朋友就中意霜降A4和牛，貪佢夠油夠香! 唔怕油香感太重真係推介食呢個!另外，個海膽湯底真係有海膽喺入面, 又真係幾真材實料喎! 將D牛肉浸係海膽湯底入面，鮮甜到不得了! 為左個海膽湯底, 我願意encore!咁仲有D烏冬同野菜拼盤都好抵食, 食左全日肉都要搵D澱粉質同蔬菜平衡番!最後仲有個甜品, 食完真係心滿意足。

位於銅鑼灣的壽喜燒和牛專門店。好吃的壽喜燒通常都不便宜，但朋友推薦的這間小店，經營簡約的一人一鍋模式，價格非常划算；而且更有海膽湯底可以選擇。要知道同樣的海膽湯底在日本當地至少收費四百多港幣起吧，但在這裡，才200多元就能嚐到，真是超值！(不過，外國的月亮始終比較圓… ).餐廳提供多款套餐，每款都包含一款肉類、前菜、蔬菜拼盤、主食和甜品；更令人驚喜的是，這裡不設加一，先值一讚。點餐時先選湯底，而話明是壽喜燒專門店，自然要選最經典的壽喜燒湯底；而另一款則選了一心衝著而來的海膽高湯了。⋆_____ 北海道十勝產黑毛和牛套餐 ______⋆✿ 頂級西冷ᴀ5 190ɢ $298  ⧐ 壽喜燒湯底選用北海道十勝產的ᴀ5和牛，配上香甜濃郁的自製壽喜燒汁，肉質細膩緊實，咀嚼時肉香四溢；蘸上北海道雞蛋後，口感更顯柔滑，層次豐富。.✿ 霜降ᴀ4 190ɢ $248⧐ 北海道海膽高湯霜降ᴀ4和牛油脂分佈細緻，油香豐腴，肉質鮮嫩多汁，入口即化，是我最鍾愛的牛部位。頂級和牛配上真材實料的海膽湯底，湯頭濃郁鮮甜，只需輕輕涮煮，牛肉的醇厚與海膽的鮮味超夾，果然真的是奢華的享受呢。

原來銅鑼灣禮頓道都有唔少隱世餐廳，呢晚到訪一間主打食日式涮涮鍋及壽喜燒嘅小店。餐廳面積唔算太大，但佈局簡約精緻。餐牌有牛肉及豚肉提供，亦有唔同質素及份量可供選擇，價錢大約由百幾至二百幾蚊，相當合理。我哋兩個人，點咗霜降A4牛（$248）同頂級西冷A5（$298）各一，湯底則揀咗北海道昆布茶魚湯及北海道海膽高湯。除咗肉類之外，套餐除咗有雜菜提供，更可選擇米飯、拉麵及烏冬。霜降牛同西冷各有特色，油脂分布平均，質素相當不錯，入口充滿濃濃嘅牛味。如果喜歡油脂重啲嘅朋友，則可以揀西冷A5，入口更加軟滑。海膽湯底味道濃郁，更有唔少海膽喺入邊，點做呢個湯底，基本上需要再點調味料都已經非常好味。最後加埋個烏冬落去，吸收晒海膽嘅精華，簡直係一個海膽沾麵。佢嘅海膽湯只需要另加$58 ，喺日本食圍返都要四百幾蚊，所以絕對係超值，鍾意食海膽嘅朋友真係不容錯過。套餐包埋抹茶蛋糕作為甜品，味道唔錯。

越嚟越接近5/7 ，唯有靜看預言。當然希望唔好實現，小編就可以快啲快啲快啲安心去日本！！不過留喺香港，我都發現咗一間小店，質素媲美日本水準架！✨霜降A4(190g)套餐揀每款牛肉之前都可以仔細睇睇佢嘅簡短描述，根據個人嘅口味去選擇！今日小編就揀咗霜降A4(190g)油花分布比較平均，同時又能夠品嚐到牛肉嘅香氣～湯底亦都有六款可以選擇，根據眾多嘅食評，小編揀選咗海膽湯底！湯底濃郁而不腥臭，更加有啖啖海膽係鍋底，完全估唔到牛肉同海膽高湯嘅配搭都幾夾～而烏冬亦都慢慢渲染成金黃色，shu入口好入味！✨赤身(190g)套餐赤身紋理好靚，食落去更加感受到牛肉嘅香味，湯底就揀咗壽喜燒，甜絲絲濃郁既牛肉沾上蛋汁絕對係最佳配搭～由於湯底相對濃郁，所以就揀咗米飯嘅配搭，食完真係大滿足！額外亦都加咗50g 嘅西冷A5，油花感再重身啲，滿腔牛脂～飲品方面叫咗焙茶拿鐵，中和一下牛肉所帶嚟嘅油花感，甜度適中！講緊喺日本呢個價錢都食唔到呢個水準，但香港嘅呢一間小店真心有性價比。每個套餐都跟配前菜、蔬菜拼盤、主食、甜品！

啱先星期日去左銅鑼灣食涮涮鍋聽聞有北海道海膽＆牡蠣湯底首先叫左霜降A4+ $248/190g 有前菜，湯底就係最想試既北海道海膽高湯真係有海膽係入面，海底係好濃郁既海膽味烏冬留番最後嗦晒d湯正呀霜降既油脂分佈真係好誘人濃郁既牛味～兼入口即溶既感覺真係好幸福再蘸埋日本無菌蛋$13增加霜降既本身甜🤤🤤由於兩個都係食肉獸既關係再加左西冷A5 $65/50g西冷有3大片～口感嫰滑，牛味香濃選擇困難既寶寶可以好似我咁同時試晒兩款另一款揀左豚五花 $188/190g 配北海道米飯湯底揀左北海道牡蠣高湯，仲有一隻好肥美既牡蠣另外再加左豬肩 $35/50g豬五花比較肥～不過食得就唔怕肥豬肩相對比較瘦，第一次食覺得幾特別～兩款都唔錯跟餐仲有蔬菜盤：南瓜、豆腐、雞脾菇、娃娃菜，仲有幾款瓜做到菜肉均衡幾好～食到咁上下仲有甜品，好開心～係迷你捲蛋糕飲品：海鹽白桃梳打～都幾大杯，白桃味突出焙茶拿鐵～ 焙茶十分香濃，係甜左少少

星期日去銅鑼灣行街，雖然天氣有d熱，想食靚肉，見 Paul con附近有間靚肉邊邊。咪入去試下。 睇下餐牌，fit晒時間尚早，可以一set set咁叫，有A4既赤身，A4既霜降，A5既西冷，仲有分大細，啱晒女性。豬有豚肩同豚五花。每個set,跟餐，有份蔬菜，同埋飯，拉麵，烏冬。都幾ok。我鬼咁大食，緊係要加啦，可以add on,可其他肉呀蔬菜咁。照顧周到。 咁我同朋友最後揀左一份大霜降同豚五花，再加d肉同野飲。湯底都有好幾個選擇，有壽喜燒，昆布魚湯，咖哩，蠔，海胆，牛乳。我見到用蠔做湯底啱晒我，友人必選海膽。 蠔湯底：又真係有蠔响度，都有蠔味，不過唔好既人應該會麻麻，好蠔既人應該要試 海膽湯底：撈上黎又真係有海胆响底，足料架，唔係講笑。我見食到最後個湯都好杰身，用黎撈飯應該好好食。 A5霜降：睇落油脂都幾豐富，快手撈起，乜都唔好點，豉油麻醬乜都唔落，油香牛味，原汁原味，正。 豚五花：食五花就係要有肥肉，睇到肥瘦相間，相當靚仔，無浸豬羶，見到舊肥肉，食慾大振。 唔夠喉加多份西冷同豬肩，都非常唔錯，同價錢相宜。仲有飯後甜品，蛋糕一件。都係個句，香港人對甜品既最高評價，唔係太甜。

各位識食嘅朋友仔，今次我帶大家嚟到銅鑼灣利園附近，捐窿捐罅搵到呢間充滿日本風情嘅和牛火鍋專門店 —「狸小路」。呢度主打一人一鍋，就算一個人想食好西都完全無問題！今次我就係睇中佢哋高質嘅A4和牛，專程嚟試下佢哋嘅實力。壽喜燒 (Sukiyaki):呢個係經典中嘅經典，狸小路嘅壽喜燒湯底甜鹹度調校得啱啱好，唔會死甜死鹹。將和牛輕輕涮幾下，牛肉嘅油脂甘香同壽喜燒汁嘅醬油甜味完美結合，互相輝映，更能帶出和牛獨有嘅風味。霜降 A4+ (Shimofuri):睇下呢個霜降和牛，油花分佈均勻到好似雪花咁，真係未食已經流口水！ 我哋點咗190g嘅套餐再追加50g，份量十足。輕輕喺湯底涮5秒，牛肉變成嫩粉紅色就即刻拎起，放入口中，嗰種入口即溶嘅感覺真係無得輸！ 牛油香氣喺口入面爆發，肉質嫩滑到一個點，幸福感滿瀉！一個好嘅套餐，配角都好重要。每個餐都跟埋前菜同烏冬，仲有個非常豐富嘅野菜盤。前菜係啲開胃小食，可以清一清味蕾。野菜盤有齊冬菇、金菇、娃娃菜、豆腐、粟米等等，全部都好新鮮。將啲蔬菜放入吸收晒和牛精華嘅湯底度煮，每一啖都索晒湯汁嘅甜味，超正！最後，將滑溜溜嘅烏冬放入充滿肉汁同蔬菜精華嘅湯底煮，作為呢

成日心思思想食靚和牛，但一睇餐牌個價錢就即刻縮沙？今次我就喺銅鑼灣搵到間寶藏級小店「狸小路」，專門拯救我哋呢啲又想食好西又唔想荷包乾硬化嘅為食鬼！佢哋主打一人前A4和牛火鍋，今次我同朋友兩個人，叫到成枱都係嘢，埋單六百幾蚊，就可以嘆到入口即溶嘅A4和牛，究竟係咩玩法？即刻帶大家睇真啲！湯底篇：火鍋嘅靈魂所在 🍲一間好嘅火鍋店，湯底絕對係靈魂。北海道海膽高湯 (Hokkaido Uni Broth):我加咗$58升級做北海道海膽高湯，呢個決定絕對無錯！ 湯底一上枱就聞到淡淡嘅海膽鮮味，飲一啖，成個口腔都充滿住海洋嘅甘甜同umami。用呢個湯底嚟涮和牛，每一啖肉都掛住一層淡淡嘅海膽鮮甜，令牛肉嘅層次感即時昇華，奢華感十足！主角登場：A4和牛盛宴 🥩今次嘅主角，當然係日本直送嘅A4和牛！我呢次食咗「赤身」。赤身 A4+ (Akami):如果你怕霜降太油膩，赤身就係你嘅最佳選擇。赤身嘅油花相對較少，但千祈唔好以為佢會韌。作為A4級數，佢嘅肉質依然非常軟腍，而且牛味比霜降更加濃郁突出。 食落啖啖肉，可以細味到純粹嘅牛肉鮮味，口感同味道都係頂級享受。綠葉扶持，鮮味昇華 🥬✨食肉獸都要講求平衡！套餐