狗毛易 (已易手)

周五世界盃，巴西對葡萄牙，係人都會諗住係世紀大戰，當然相約三五知已到酒吧睇波開心一番﹗地點在赫德道的狗毛，是友人的至愛，百五蚊位，只包兩杯飲品，價錢比出面百五最低消費的要貴呢﹗環境相當迫狹，最慘一樣野係全場只得兩部大電視，而家掛得不高，大家坐定定都由自可，一有人興奮得濟企起身的話，後面全部人都會被遮，慘了﹗平日十張枱今日擺到廿張，轉身都會撞到人。呢場波真係唔想講，葡萄牙竟然死守，悶到作嘔，是今屆世盃劣作，完場時全場小聲四起，可知一二﹗

生日正日，老友下午打來問0係邊，咁岩在尖沙咀，佢就吹雞出來飲番杯﹗地點當然係呢度啦，價錢便宜亦方便，最緊要係無王管。健力士生啤是必飲之選，今日試左佢地既小食拼盤。細拼盤有沙爹雞兩串、春卷、咖哩角、薯條等，樣樣都係有兩件，適合二人分享。味道偏淡，可以加多少少鹽，全部炸野當然最岩就係用來送啤酒﹗老友豪氣地請飲酒，天天生日就好了﹗

這晚與友人二人聚會，又未諗到食咩飯所以先去飲番杯﹗腦海中常常懷念健力士生啤的味道，那滑溜暢快與濃郁麥香，真係0係屋企飲唔到﹗所以呢日來狗毛第一件事就係要杯生啤飲飲佢﹗友人試左杯NO字頭的有氣白酒，佢話仲難飲過cava，有如有氣既桃汁，成30蚊杯唔值得試﹗要說這兒想食花生原來是$20一籃的，我地唔知一路傾一路食點知食左兩籃佢收左我地$40﹗狗毛有樣野好，就係其他地鋪酒吧做唔到既佢可以做，聰明人自會明白﹗味道五分是給我最愛的健力士的，一定會再來﹗

吃完飯 , 有人提議去酒吧 , 最近的就是赫德道 , 看見人不多 , 只有一些外國人 , 就決定來這間 .地方不是太大 , 只有數張檯 , waiters 也只得一人 , 不是太嘈 , 沒有人玩骰盅 , 比較清靜 , 和朋友聊下也不錯 . 第一次飲 Hoegaarden 啤酒 , 好容易入口 , 不會太 strong . 比較大杯 , 可以先和朋友 share. 下次會再來 , 感覺不錯 .

有一次和一班朋友去飲野．去到見佢地食緊花生．咁我就問乜唔駛錢咩．佢地話唔駛．果個女仔話唔駛．當佢地食晒兜花生．我就再問個女仔．佢都係話唔駛．去到我地叫第七兜0既時候．另外一位侍應就話係要收錢．於是我地理論左一輪．佢地否認有話過唔駛錢．果個女仔卻呢埋一二面．理論最終沒有成果．我就叫佢埋單費事攪咁多野掃興．一睇張單一兜花生20蚊．7兜140．．．去到最後佢地都冇承認自己攪錯．如果佢地認錯．我都比得"Kur"Ｄ