犇殿台灣火鍋 (東港城)

$599歎北海道和牛買一送一｜仲有火鍋放題｜海鮮啤酒任飲任食😍【台式火鍋放題】 - 香港美食中秋節就快到，仲未諗好去邊度食飯？🥳 今次介紹呢間台式火鍋放題，真係抵到癲！平時食日本和牛閒閒地過千，而家做緊優惠，$599一位已經有半公斤嘅北海道和牛，仲要係買一送一！即係平均每人三百蚊唔洗，就可以食和牛，仲可以瘋狂食其他肉類，海鮮、啤酒汽水任飲任食，仲唔快啲約班朋友衝？🐮🔥主角當然係盤「北海道和牛」，雖然唔係任叫，但半公斤兩個人食真係夠晒豪！每塊和牛雪花靚到不得了，切得超大塊，夾起嚟成張被咁，入口即化超滿足！😋 另外任食區仲有澳洲特選牛肉、美國牛肩胛肉，肉味濃又唔韌，牛魔王必encore！海鮮方面都絕唔輸蝕，有蝦、花甲、墨魚仔、鯛魚片、花枝漿同魷魚鬚，款款新鮮！特別係蝦，鮮甜彈牙，打邊爐一流🦐仲有唔少得嘅係佢哋嘅台式小食！自助區有齊炸鮮奶、台灣腸、鮮蝦腐皮卷，每款都相當美味！飲品櫃有齊冷泡茶、啤酒同汽水，甜品除了Haagen-Dazs雪糕，仲有豆腐花同芋圓涼粉沙冰，完美作結🍨。今個中秋團圓飯，諗唔到食咩？呢度絕對係高質抵食之選！…查看更多

九龍人平時都好少搭到入黎坑口今日咁岩有野做入黎東港城，於是係度揾食。見到依間台式火鍋，晚市最平個放題set $238 又唔貴邊爐之鬼一於試試揀左蕃茄湯底，個湯既蕃茄味都幾濃唔洗沾醬都夠味自助區都有唔少台式小吃有炸物、鴨血、涼拌，連仙草同芋圓都有雪糕仲有movenpick任食其實淨係自助區都已經好抵食肉類方面 最平個set有牛、豬、雞、羊各一款上選牛都唔會太瘦/太肥，食落有牛味，都真係算性價比好高依餐都食得幾滿足，食完仲特登揾下邊度近啲又有分店 下次可以再encore🤣…查看更多

臨近週末又打風，最好就係打邊爐(?)。火鍋放題之中，如果想食日本和牛嘅話，一般都會好貴。但而家”犇殿”做緊個優惠，有足足半公斤北海道和牛一大盤，再有其他牛肉海鮮配料任食，每位$599，而家再做買一送一！北海道和牛當然佢係呢餐嘅主角，雖然唔係任食，但半公斤兩個人其實已經幾多。每一塊和牛嘅雪花都好靚，最重要佢切到好大塊，夾起嚟成張被咁😆，食起嚟真係特別滿足！澳洲特選牛肉美國極佳牛肩胛肉除咗北海道和牛，佢仲有好多種牛肉係任食，質素都唔錯，個人推介澳洲特選牛肉，肉味比較濃。海鮮其他海鮮亦都係主打，除咗一定會有嘅蝦同花甲，佢仲有墨魚仔、鯛魚片、花枝漿、魷魚鬚等等，特別係鯛魚片幾好食。台式小食呢度有好多台式小食，可以喺自助區度夾，有部份亦可以落單。炸鮮奶、台灣腸、鮮蝦腐皮卷、朱古力炸彈等等都係比較有特色同出邊比較少見到，個人推介流心嘅朱古力炸彈！其他配料除咗自助區有大量嘅蔬菜同配料，喺QR落單亦都有唔少配料可以揀，餃類雲吞鴨血等等，真係好難數得晒，食就更加食唔晒。飲品甜品標準嘅飲品櫃，冷泡茶、啤酒、汽水果汁，一應俱全。甜品除咗有標準嘅Häagen-Dazs雪糕，仲有豆腐花、芋圓涼粉沙冰，可以慢慢食慢慢玩。當然，呢度最重要係個和牛同買一送一(原價加一)，可以喺相對唔貴嘅情況下食到北海道日本和牛，算係幾唔錯。…查看更多

間舖頭嘅牛肉幾好味，尤其係美國安格斯牛肉，同埋牛肩肉，都幾靓幾好味，不過澳洲牛肉就較肥啦，唔係好對我口味囉不過d小食同埋菜品都ok嘅，我覺得幾好味。只不過服務上，服務員收拾檯面同埋放牛肉嘅聲音都幾大聲，好影響食慾，希望都可以有所改善啦，唔好咁令人一驚一乍。:(同埋唔知點解，我同友人一齊食完飯之後，第二日就開始腹瀉，會否係牛肉品質監管有問題，定係話其他位有問題？雖然口味幾好，但如果無改善嘅話，都唔會有下次光襯…查看更多

我最近去了一趟犇殿台灣 店，體驗了他們的打邊爐服務。整體而言，食物的質量和選擇都很不錯，但服務態度和環境方面還有待改善。首先，食物方面，我們點了澳洲M9和牛套餐，包括多款牛肉、羊肉、雞肉和豬肉。牛肉的質量很高，尤其是澳洲M9和牛，肉質嫩滑，油脂分佈均勻。另外，海鮮拼盤也很豐富，包括鮑魚、蠔、扇貝、海蜆和沙白等。但是，服務態度方面，我們遇到了一些問題。店員的態度有些冷漠，沒有很好的溝通和解釋。另外，環境方面，店鋪有些狹窄，座位安排不太合理。總的來說，犇殿台灣 店的打邊爐體驗還是值得一試的，但希望他們能夠改善服務態度和環境方面的問題。…查看更多

呢日係東港城食限時火鍋，其他蔬菜小食係任食既。揀左桃膠土雞美人鍋湯底，真係好多桃膠😂肉既質量就不過不失，反而覺得佢既蔬菜類好新鮮，所以食左好多。而且佢仲提供幾款小食，有咖哩魚蛋豬皮、鹵水蛋、小籠包、炸鮮奶、台式滷肉、煎餃子等等😆飲品同茶、甜品，都係任飲任食既，人均百幾十分抵食啦。不過呢衛生情況實在有待改善，啲碗非常之油好似冇洗乾淨咁，要自行再清潔一下😅…查看更多

我地每次行過犇殿門口都聞到勁香嘅火鍋味，所以決定去試下！而我地揀左「澳洲特選牛肉」，因為有V小妹愛食嘅海鮮類別。而用餐時間得90分鐘，對於湊住一個小朋友黎講真係比較趕 ▪️桃膠土雞美人鍋湯底湯底望落無咩材料，得¼隻雞同幾粒桃膠紅棗，比我想像中清淡，啱小朋友▪️肉類及海鮮類個人好欣賞佢嘅牛肩胛肉，牛味濃郁、肉質軟稔。海鮮最鐘意就係海蝦、海蜆同墨魚滑▪️自助區款式唔算多，不過都有蔬菜類、丸類﹑甜品類﹑飲品類等。不過佢最俱特色應該係佢有唔同嘅台灣小食，例如：台灣鴨血、逢甲米血糕、厚切午餐肉、十三香滷三寶、老街蜂巢豆腐等等！而且佢嘅甜品區仲有Häagen-Dazs可以食▪️內部環境店舖空間唔算大，道路有點窄，侍應用下欄車執枱時，條路就唔多夠位行。而且有點焗促，可能因為我地被安排到最入嘅位置，有D近廚房所以明顯冷氣有D不足。不過坐位都算寬闊，桌面都夠曬位放野#mamim #v小妹 #hongkong #hk #香港 #香港好去處 #成長日記 #親子 #親子日常 #子供 #親バカ部 #こども #女の子 #成長記録 #育児 #4歳 #犇殿 #火鍋 #古早味 #台灣火鍋…查看更多

🥘 犇殿📍今次見到犇殿做「期間限定！買一送一・全農日本JA和牛嘉年華」優惠🈹，即係$598 2位，咁抵🤑，就緊係要試啦。🍴日本A5和牛 $598 （2位）不過要留意番👀，日本A5和牛唔係任食，2位只有半公斤⚖️，但對於兩個女仔已經好夠食👍🏻，因為佢仲有任食其他自選肉類，例如：美國極佳牛肩胛肉、紐西蘭羊肉卷、阿嬤燒酒雞、台灣小食、海鮮🐟，而且仲有任食嘅mövenpick🍨。犇殿台灣火鍋📍…查看更多

主打嘅牛肉質素欠佳，但最不能接受係見到一名員工帶住藍色手套執起地上垃圾之後，沒有換上新手套隨即送歺及擺放纸巾在碗具內給食客使用。其它員工同様都是一對手套走天涯，感覺對手套係保護員工而不是保障食物衞生。點解食環處唔會做呢方面嘅抽查？終日埋怨港人不留港消費，是否本末倒置？…查看更多

啲牛又貴又難食 未退冰就直接送俾啲客嘢食種類又少賣相又差唔明點解佢覺得自己值呢個價錢同一個價錢嘅邊爐 起碼種類都好多 賣相好啲嘢食規模少到 唔似係連鎖店雪糕種類極少 唔好話日牛 連佳寶啲牛肉都好食過佢建議慳返啲錢 千祈唔好食呢一間…查看更多

朋友介紹去犇殿打邊爐，全港唔同地區都有分店，坑口呢間平日夜晚都幾乎爆滿🔥 超旺場.ᐟ 火鍋吃到飽可以任食高質牛肉﹑海鮮﹑台灣小食，好似飛左轉台灣咁🤭 今次試左限時優惠「半公斤日本和牛」套餐買一送一，二人同行只需$598再加一，抵食又高質👍🏻除左優惠套餐，平時晚市有4️⃣個任食套餐，價錢只需$238-$395，仲有小童/長者(65歲以上)優惠價添($138-$298)，啱哂一家大細黎開餐😆打邊爐最緊要夠乾淨~ 餐廳環境寬敞，自助區食物選擇勁多.ᐟ 有多款火鍋配料﹑蔬菜、丸類﹑台式小食﹑甜品﹑飲品，應有盡有，睇落整齊企理✅ 而套餐既肉類﹑海鮮﹑部分配料就要用QR code落單，簡單方便。❝ 湯底 ❞湯底絕不馬虎😌 8款特色湯底任選，揀左美白凝膚牛乳鍋🥛奶白既湯底感覺好足料，味道較溫和，打邊爐都無咁熱氣😂 個湯仲越煮越香添，推介✨❝ 肉類 ❞首先店員會送上半公斤「日本九州A5和牛🐮」~ 睇佢粉嫩既顏色同花紋就知係好野🥩 油脂分佈完美，入口超軟嫩.ᐟ 留意返套餐只供應半公斤和牛，食肉獸可以繼續order唔同肉類😂 例如極佳牛肩胛肉、特選牛肉、上選安格斯牛肉、牛板腱、牛胸爽﹑豬梅花、羊肉卷﹑阿嬤燒酒雞等等，選擇勁多.ᐟ 每款肉類都已經解凍好哂，唔會有雪味~ 值得encore👍🏻 ❝ 海鮮 ❞任食海鮮有海斑片、鯛魚片、海蜆、海蝦、 墨魚滑、魚青滑，重點推介兩款魚滑，爽口彈牙.ᐟ ❝ 台灣美食 ❞自助區供應多款夜市小吃🇹🇼 當日見到有鹽酥雞﹑地瓜丸﹑小香腸﹑古早焢肉等等。另外有啲台式火鍋配料可以自助落單，特別啲既有鴨血﹑米血糕﹑滷三寶﹑蛋餃﹑燕餃等，真係好「台」呀 🤣❝ 甜品 ❞最後記得食埋甜品先走🍦 可以去DIY台式芋圓仙草，好食又好玩~ 雪糕有杯裝Movenpick同Häagen-Dazs，好易回本✅✅…查看更多

將軍澳｜犇殿一年四季都係打邊爐的好日子😆 行過見到呢間台式火鍋店，和牛放題買一送一仲唔即刻衝入去刷餐勁😂🌟期間限定‼️日本A5和牛買一送一🌟 $598 一位台式火鍋放題，宜家買一送一，仲送半公斤和牛，超抵食❣️ （加一以原價計算）*湯底先揀湯底，8款台式湯底任你揀，我就揀左牛乳鍋，牛奶又香又滑💞*日本A5和牛半公斤（2位）主角就係呢碟日本A5和牛，份量十足有成半公斤，油脂豐富，賣相已經好靚，入口即化的感覺令人回味無窮💞和牛就只會提供一次，不過份量實在好多，食晒已經包左7成😂*肉類除了有日本A5和牛之外，全部任叫任食的仲有美國極佳牛肩胛肉、澳洲特選牛肉、上選安格斯牛肉、美國牛板腱、牛胸爽、美國豬梅花、紐西蘭羊肉卷和阿嬤燒酒雞。安格斯牛肉和美國牛板腱牛味濃郁，肉質軟稔，口感幼嫩💞* 海鮮任叫任食的海鮮有海班片、鯛魚片、墨魚仔、海蝦、海蜆、墨魚滑和魚青滑。墨魚滑夠晒爽彈💞*台灣美食台式火鍋點少得台灣小食，分別有台灣鴨血、逢甲米血糕、厚切午餐肉、十三香滷三寶、老街蜂巢豆腐、百頁豆腐、台式魚餃、手工蛋餃、福建燕餃和響鈴卷。必食鴨血和老街蜂巢豆腐，索晒湯汁特別好味💞*自助區除了手機落單之外，出面自助區有大量火鍋配料、炸物和熟食。飲品無限量供應，最愛佢哋自家製冷泡茶，解渴又解膩甜品有DIY台式芋圓仙草，煙煙韌韌口感好正。仲有多款雪糕雪條，最後記得食番兩杯Haagen Dazs 雪糕，大滿足啊🥰…查看更多

非常感激記起門口嘅分區經理今晚我自己一打一帶個嬰兒嚟食我都諗住食唔到嘢結果阿仔真係好乖坐定定食經理又問我有冇嘢要幫手嘅時候佢真係幫到我手最難得係可以安排俾我推架BB車入去今晚真係食得好開心服務態度真係好好我都推薦咗俾幾個媽媽谷我會再帶老公同埋介紹朋友一齊嚟食上菜超快蝦都好好今時今日香港地服務態度緊要過食物質素食物本身都好好非常窩心嘅一件小確幸經理見到我自己食唔到嘢要湊住小朋友特別安排咗佢嘅同事唔好催我真係好好好好好好好雪糕都好多款式蔬菜類款式較多很有台灣嘅特色我阿仔鍾意食台灣腸甜品都好出色會介紹朋友嚟食…查看更多

食物方面：120分鐘打邊爐。湯底夠濃郁！第一碟牛好高質，限量（日本九州和牛）😆之後叫既牛質素明顯下降，去到第三次order，碟牛黑色既，真係唔敢食😰海鮮用熟食都正常。服務方面：有個姐姐講嘢語氣有少少冇禮貌同粗魯～環境方面：張臺夠大，傾計ok性價比方面：$600幾兩位，價錢同出面差唔多～如果覺得我寫既食評幫到你既話，記得follow，like，同埋share俾你身邊鍾意食好味嘢既朋友，感謝！😋😋😋😆😆😆…查看更多

又萌生「火鍋癮」啦，想品嚐高質嘅台灣味道又飛唔到去台灣當地，嚟犇殿台灣火鍋開餐就得喇✨ 個人覺得［犇殿］係一間食完會念念不忘，回訪率極高嘅台式火鍋餐廳～貫徹台式火鍋吃到飽文化，餐廳推出90分鐘吃到飽放題，如果係愛肉之人🥩就更加唔可以錯過「澳洲M9和牛套餐」，呢個套餐包括多種頂級牛肉，另外仲有羊肉、雞肉、豬肉可供選擇～套餐會再送一份「神仙牛肉」及「海鮮拼盤」等，帶來獨特嘅台式體驗，可以盡情享受火鍋嘅美味🥢環境方面，第一感覺係好企理，望望自助區擺放咗多款火鍋配料及台式小食，仲有甜品同大量款式飲品任揀，見到咁多美食就令我回味台灣點點滴滴...小食未開始打邊爐食住少少小食醫肚先😂當晚我哋見到地瓜球、關東煮、餃子、南瓜餅、滷肉、雞腳、小籠包等等，仲有涼拌及台灣香腸，見到啲腸仔喺機度滾下滾下咁真係好似翻咗台灣咁😂 個人覺得係將所有菜品試一輪都食唔晒咁豐富！未進入直路 (打邊爐) 已經食慾大增，食到好滿足！湯底美白凝膚牛乳鍋係打爐嘅重頭戲，第一次食就被驚艷到✨奶白嘅湯底好有滋潤感覺，入面有少少菇類同埋秋葵片，個湯越煮越香，煮肉、煮菜、煮海鮮定煮麵都令味道升華不少！先試啖靚湯跟住先開始打邊爐了✨肉類我哋叫嘅「M9澳洲和牛任食餐」包括多款牛肉，例如澳洲M9和牛、美國極佳牛肩胛肉、澳洲特選牛肉、安格斯牛肉、美國牛板腱、牛胸爽🥢另外仲有美國豬梅花、紐西蘭羊肉卷同阿嬤燒酒雞可供選擇，QR code落單好方便～想叫肉郁郁手指就OK喇!! 澳洲M9和牛係必試嘅，油脂分佈得剛剛好，油香同牛肉味一樣咁濃，肉質鮮甜唔駛沾醬食都一樣咁正～美國極佳牛肩胛肉同樣屬於高端嘅牛肉部位，多汁嫩口，亦非常值得推薦!! 另外送嘅神仙牛肉油脂比較豐富，牛肉以木架呈上，大大塊嘅塊仙牛肉垂直掛喺上面，好有氣勢兼打卡一流！海鮮拼盤海鮮拼盤有大大隻鮑魚、扇貝、海蝦、廣島蠔同沙白，食材款款新鮮👀 鮑魚口感適中唔會太韌；扇貝及海蝦展現咗獨特嘅海洋鮮味；廣島蠔同沙白亦滿足到我對時令海鮮嘅需求😚 其實只食呢輪海鮮拼盤已經值回票價！當然唔滿足嘅都仲有海班片、鯛魚片、墨魚仔、海蝦、海蜆、墨魚滑、魚青滑可以掃Code落單任食🙆🏻‍♀️火鍋配料自助區有多款蔬菜、丸類等，種類選擇多到講唔哂🤤 而且都擺放得好整齊。另外比較特別嘅火鍋配料有蜂巢豆腐、百頁豆腐、手工蛋餃、炸魚皮、台式魚餃、福建燕餃，一樣可以掃Code落單，款款花多眼亂，捧晒腹咁都未必試得晒～飲品好大個飲品櫃喺出面任拎🥤有好多選擇，冷泡茶、特色罐裝飲品、汽水等應有盡有😆甜品即使嚟到尾聲，意志力亦毫不薄弱，飽濟感完全拋腦後💪🏻記得食埋甜品就剛好完滿👍🏻 除咗雪糕雪條，仲有自助芋圓仙草區，當中有數款配料供搭配，芋圓超超超煙韌Q彈，仙草亦好食👍🏻自己DIY特別有滿足感😋…查看更多