牧羊少年咖啡館 (Fashion Walk)

營業中

休息中

牧羊少年一向都係好出名嘅cafe☕️，而家見銅鑼灣都新開左一間就當然要去打個卡啦📸。.卡邦尼長通粉（$98）卡邦尼醬汁一向我都好鍾意❤️，夠曬香濃creamy🥳。.黃金鹹蛋忌廉鳳尾蝦義大利粉（$108）第一次試鹹蛋黃醬汁嘅義大利粉，估唔到有意外驚喜🤩，醬汁味道好香，而且仲有鳳尾蝦肉都好爽，非常滿足🤤。.是拉差法國雞翼（$68）小食方面就揀左呢個雞翼，炸得非常香脆😍，而且醬汁亦都好搭配💕。

牧羊少年分店終於開到入港島，去過佢幾間分店，覺得佢食物水準好出色好穩定。-今次叫左兩個lunch set，跟餐湯同飲品。-👉🏻明太子鳳尾蝦意大利粉$108明太子佈滿整碟意粉，少少香辣味，唔會太over。加左魚籽同櫻花蝦增加口感，魚籽份量超多，食哂意粉都仲有一堆係度🤩蝦總共有四隻，大大隻幾爽口。-👉🏻鮮忌廉黑松露醬雜菌長通粉$88醬唔會太稠一pat咁，但唔會因為咁而味道淡左，依然係好重忌廉同黑松露味。有幾種唔同嘅菇菌，仲撒滿左芝士碎，所以味道都好豐富。-餐湯：南瓜湯; 飲品：生薑檸檬茶因為想驅寒，所以揀左含薑飲品😂但好可惜，佢只係茶包飲品，薑味唔夠，而且亦飲唔到檸檬味。入面分左兩層，座位都幾寬敞舒適。可能因為新開，lunch時段都好多空座位☹️大家多多支持良心店💪🏼💛

平時成日都去k11嗰間牧羊少年，今日去咗銅鑼灣行街竟然喺名店坊見到分店！就已經決定咗食午餐嘅地方😎叫咗一個黃金鹹蛋苦瓜忌廉雞肉意大利粉 ($98) 因為平時好鍾意叫黃金苦瓜，見到而家有埋意粉，一定好好味！食落鹹蛋味好重好香，而且加埋少少忌廉汁，整體口感同味道都好正！再去都係會叫返呢個意粉😍另外朋友揀咗香草蒜蓉牛油焗春雞 (半隻) 配燒汁 ($138) 我試咗一啖覺得蒜蓉味好香，而且雞肉都得好嫩滑☺️ 仲有不得不提嘅薯蓉！入邊加咗少少煙肉，淨係薯蓉都已經好好味🤣叫咗Flat white ($40)White chocolate cafe latte ($48) 拉花同咖啡味道都一流😛另外店員都好有禮貌，係呢度食個晏係一個唔錯嘅選擇😆

台灣文青餐廳：牧羊少年咖啡館🐐👦🏻一向大受歡迎唔單只紅遍台灣🇹🇼連香港都有幾間分店最近仲係銅鑼灣開左港島第一間新分店為食既青蛙緊係要支持下🐸😋🍤金沙鹹蛋黃鳳尾蝦用極多鹹蛋黃去烹調既鳳尾蝦橙黃色嘅表面全部都係鹹蛋黃碎味道咸香🐣蝦肉口感爽脆，有鮮味🦐食落唔會太漏🍮法式黑糖薑汁梳乎厘佢搵呢拿雪糕即焗既梳乎厘使用大量薑汁製成呈橙啡色真材實料辣味夠🔥相當美味😋而且表層加左糖粒令口感帶點脆卜卜同入面既梳乎厘口感成對比🥰建議將雪糕同cream加入梳乎厘一齊食一定更滋味😍餐廳環境別緻利落氣氛悠閒恬靜怡人☘️餐牌，植物，水杯等都係精心挑選過既打卡工具📸絕對適合文青風既你✏️

之前去過牧羊少年既其他分店水準都唔錯，今次佢哋終於喺香港島開咗第一間分店-銅鑼灣店😍所以小編就即刻約埋朋友去試吓，裝修環境同樣具特色，今次就試咗兩款甜品同飲品，味道同樣出色💛_🍎法式蘋果撻配雲呢拿雪糕 $88見到網上好多人推介呢款甜品所以就叫咗嚟試吓，估唔到有驚喜，蘋果撻配上雲呢拿雪糕冰火相融能夠中和蘋果的甜味，食嘅時候亦能食得出酥皮香😎_🧇英式窩夫配草莓雲呢拿雪糕 $78分量非常充足，建議同朋友一齊share食，窩夫外皮香脆，配埋士多啤梨一齊食酸酸甜甜十分開胃_☕️冰伯爵茶咖啡 $68平時比較少飲倒伯爵茶咖啡，飲落去非常香濃伯爵茶味，飲得出咖啡嘅苦澀味，整體感覺原來咖啡同伯爵茶都幾夾_☕️熱牛奶咖啡 $40🍎蘋果蜜桃鮮打紅茶 $52飲落去非常清新，蘋果同蜜桃呢個配搭真係冇得輸，飲落去唔會太甜，平時鍾意飲果汁嘅朋友仔可以試吓呢款😍

食物：我叫咗拿破崙蕃茄煙豬腿肉長通粉，好味，份量好大，兩個人分都OK朋友叫咗牛油果香芒烤雞沙律，可惜而家天氣太凍，烤雞如果熱啲會好啲，但亦都好大盆，淨係食菜都夠飽環境：餐廳面積不大，裝修有心思，利用射燈做出relaxing 嘅氣氛。整體評語：牧羊少年嘅新分店，之前留意到無論係沙田定係坑口嘅分店都好多人排隊。好彩今日嚟到平日唔使等位。餐廳入邊有一排書架俾人睇書，如果有日得閒黎到，坐低飲杯嘢慢慢睇書都幾好

今日放假又咁岩係Green Monday💚就約咗朋友喺銅鑼灣新開的牧羊少年食返個GREEN lunch先。🥳.上網睇返原來呢間牧羊少年銅鑼灣店係佢哋喺港島第一間開嘅分店，佢就響fashion walk 入面直行到尾就見到，估唔到佢會開咗喺呢一度！超方便呢👍.入面環境係一貫幽雅嘅文青格調，而且呢間分店嘅地方都幾大，有成兩層，我同朋友就坐咗喺樓上果層😃.揀牧羊少年就係因為貪佢啲嘢食精緻得來都幾健康，而且Menu上面不乏有素食嘅選擇，今次我就揀咗一個鮮忌廉黑松露醬雜菌長通粉，同埋一個素食嘅早午餐🥣我哋唔客氣開餐啦💚😋.💚鮮忌廉黑松露醬雜菌長通粉（$88），一上枱嗰啲芝士同埋黑松露醬嘅香味撲面而來😍勁香！上面撒滿芝士碎仲見到有好多唔同嘅雜菇，每一條長通粉上面都掛滿濃濃嘅鮮忌廉同埋黑松露醬，個汁非常香濃，雖然佢份量唔多但多食都會漏，好彩同朋友一齊分享，少食多滋味😋.💚另一個素食嘅Brunch（$108）顏色賞心悅目，見到就好想食😍入面都幾豐富有沙律菜，薯角，白蘑菇，車厘茄，仲有一塊意大利白方包上面鋪滿黑松露醬炒滑蛋，仲附有一份甜品鮮奶椰果奇椏籽布甸。每樣野都新鮮好食，而且我好欣賞佢哋嘅精緻用心，

開咗喺我公司附近所以過嚟試吓，味道唔錯質素都唔錯！之前喺馬鞍山食過但因為太偏僻，今次開喺銅鑼灣比較方便，係donki對面，佢個全日早餐好食，麵包個質地都好食個蛋又炒得啱啱好～～最得意佢有個西米路味特別，食完有個甜品食下都幾好下午茶就2:30開始，佢個士多啤梨窩夫好食！下次想試吓佢個自家生啤，如果夜晚有啲炸嘢配啤酒就好啦！第時放工又可以約朋友食下如果下午茶就個份量有少少細分啲，真係一個下午茶攝下胃等你唔使食得咁飽可以再食夜晚～服務都好好，新開員工都好緊張d服務👍

牧羊少年咖啡館 The Alchemist Café 📍 銅鑼灣記利佐治街11-19號Fashion Walk地下17號舖.牧羊少年咖啡館 @thealchemistcafehk 登陸港島銅鑼灣啦❗️佢哋係一間以旅遊為主題嘅咖啡店，亦於各分店推動「旅遊x漂書x未來的信」與文化相關嘅生活態度☺️最近新張開業，憑coupon可於5:30pm前堂食享有9折優惠~ Weekday Lunch Set跟餐湯及飲品，幾抵食😍 餐廳室內以灰tone為主，環境寬敞，坐得舒適👍🏻.🍝 黃金鹹蛋苦瓜忌廉雞肉意大利粉 Chicken & Bitter Gourd Spaghetti in Salted Egg Yolk & Cream Sauce $98: 估唔到呢個combination咁match，苦瓜口感爽脆，面頭有鹹蛋黃碎，鹹蛋嘅鹹香配上苦瓜嘅甘甜，意粉彈牙，配埋忌廉雞肉，食得岀creamy效果，必試👍🏻.🍕 千島香芒牛油果雞肉薄餅 Avocado, Mango, Chicken Pizza $138: 薄薄嘅pizza餅底，非常脆口，配上千島醬、雞肉、牛油果，份外惹味，加上香芒帶岀酸酸甜甜嘅效果，唔會