牧羊少年咖啡館 (Fashion Walk)

營業中

休息中

之前喺唔同地方都幫襯過文青至愛嘅「牧羊少年咖啡館」，原來最近佢仲喺港島區插旗添⛳️。銅鑼灣店位於Fashion Walk商場地下層，即係喺正LOG-ON樓下。星期五晚上嚟到餐廳，預期中要等位先有得食。攞籌嘅方法係自行影低屏幕個預約頁面，到時再顯示比店員睇，慳返啲紙，係一個環保之舉♻️。題外話，呢度嘅店員幾好禮貌，特別係門口嗰位男士。餐廳座位唔算特別多，但感覺似有兩層，因為店內有樓梯級。呢度嘅裝修設計幾靚，行型格路線😎，但印上竹林圖案嘅牆身又帶點小清新嘅味道。由於唔太肚餓，所以就唔係嗌咗好多鹹食🍽。菜式選擇豐富，有沙律、小食、薄餅、意粉同肉扒等，定價算合理，但如果有提供套餐就更佳😬。留意返，有部份食物唔係全日供應㗎。黃金鹹蛋苦瓜忌廉雞肉意大利粉($98)，🍝意粉好大碟，熱辣辣送上。我揀呢款係貪佢夠特別，但出到嚟發現原來唔太啱我味蕾🙈。因為苦瓜偏甘苦，唔似涼伴嗰啲變清爽；而鹹蛋就有流沙嘅質感，但味道偏淡。整體略嫌唔夠鹹同笠身咗啲，不過口味嘅嘢因人而異，可能係我重口味吧😜。照燒汁煎乾蒜牛柳粒($78)，呢個小食一啲都唔小，粗略估計牛柳粒有超過廿粒！🐮牛柳粒配上照燒汁食勁夾，而且仲加埋炸蒜，真係惹

呢間黃店cafe超多分店，我哋都bookmark咗好耐，終於去咗試！最最最驚喜係個甜品🤤，正餐都唔錯，而且價錢唔算好貴，我哋應該會再翻兜👐🏻▪️香煎加拿大保濕豬鞍配蘋果泥 $158▪️豬鞍個面煎得好靚😱，入面都好有肉汁，似係慢煮過之後再煎香，不過就冇點醃過🤔，幾乎冇咩味，同埋唔算好嫩滑，需要蘋果泥嚟提味🤭 另外伴碟嘅薯蓉唔太重牛油味～感覺呢款係適合鍾意淡口味、冇太多調味嘅人。▪️黃金鹹蛋忌廉鳳尾蝦意大利粉 $108▪️初頭會以為個意粉好鹹😳，但食落完全唔會呀，鹹蛋同忌廉嘅比例岩岩好，感覺好香黃金鹹蛋味加上有小小奶香味咁，再配上4隻鳳尾蝦，蝦食落都好爽口😍，成碟好快比我地清晒🤣▪️法式蘋果撻配雲呢拿雪糕 $78▪️本身諗緊叫窩夫定呢個，最後決定正確😎，真係好有驚喜😱，一片片蘋果切到好薄片，食落唔會太酸，最正最正係邊邊位嘅酥皮超鬆化超脆口😍，加埋雪糕一冷一熱真係呢餐飯完美嘅終結，絕對要推薦比大家試試👍🏻▪️冰水果茶 $46▪️正正常常水果茶嘅味道，唔太特別🤔，同埋細杯左小小😂

位於銅鑼灣的牧羊少年咖啡館，是本港第一間以旅遊為主題的咖啡店。上次跟朋友來吃過午餐，覺得質素相當不錯，因此今天相約媽媽來吃晚餐，菜式的味道和質素，同樣令人滿意。 我們準時七時到達，門外已排著長長的人龍，果然深得無數年輕人歡迎呀。由於餐廳有限時，每枱客人只有90分鐘用餐時間。特別是有點選窩夫的客人，會吃得有點趕急。 香草青醬雞肉蘆筍意大利粉 $98 賣相不俗的香草青醬雞肉蘆筍意大利粉，味道也相當不錯呢! 每條意粉都被青醬包裹，鹹香並重，雞肉軟腍，不會乾柴，下次也可以試試其他口味。 千島海鮮薄餅 $138 香噴噴的千島海鮮薄餅，海鮮整齊排列，有大蝦、墨魚和蟹柳，色彩鮮艷豐富。薄餅香脆可口，猶如餅乾，吃多幾片也不會太飽呀。 提拉米蘇 $68 京都春日 草莓窩夫 $108 我要大力推薦牧羊少年咖啡館的草莓窩夫呀! 不論是 賣相、造型、味道、香氣也屬出色之作。大大份的窩夫，焗至完美焦啡色澤，外層酥脆，內層軟綿，配上雪糕、忌廉和草莓，好好吃呀~ 藍莓乳酪 $56

牧羊少年咖啡館喺2012年開業以嚟已經有超過五間分店, 可以話係街知巷聞, 但我從來都未食過🤣 知道開咗港島區第一間分店, 地點就腳, 放工約朋友食飯就啱晒! 大約7pm, 餐廳已經開始有人等, 但餐廳安排入座流程都幾順暢, 唔駛等好耐。蒜蓉牛油炒鬼佬雜菜 $68時令雜菜種類多, 清新之選燒汁焗八爪魚丸 $68本身以為係章魚小丸子, 原來真係放湯嗰種八爪魚丸, 成粒即炸彈牙, 燒汁開胃!炙燒荷蘭汁豬肉排 $78餐廳採用嘅部位脂肪少, 肉質嫩滑juicy。荷蘭汁入口creamy唔膩, 無諗過呢個配搭咁夾!千島海鮮薄餅 $138比起茄醬或燒烤醬, 我更鍾意千島醬做底嘅Pizza, 餅底厚薄適中, 隻蝦大隻又爽口士多啤梨窩夫配雲呢拿雪糕 $108健康關係特別吩咐餐廳走糖霜同jam。窩夫外脆內軟, 口感鬆化, 食完都唔會覺得好濟, 難怪有啲客人喺晚飯後嚟食甜品! 另外叫咗兩杯茶(洋甘菊, 生薑檸檬)解渴。服務員態度有禮, 又好主動執枱換餐具, 整體晚餐非常滿意, 每道菜都好高質!

以前曾經食過牧羊少年嘅分店🤩，感覺唔錯價錢又唔係貴👌🏻，最近知道佢喺銅鑼灣都開咗新店好似反應都唔錯🙌🏻，特登搵埋朋友去食下。🤤.📍黃金鹹蛋忌廉鳳尾蝦意大利粉（$108）估唔到新分店會有鹹蛋味嘅菜式🍴，以為食落會好鹹好濃，點知奶香味較為突出🥛，唔算太鹹✨。醬汁充分咁包住麵條🍝，味道唔錯👌🏻，仲有幾隻大蝦做配料🦐，好食✌🏻。.📍千島海鮮薄餅（$138）見到好多人都有食pizza🍕，我哋都點返個👅。薄底pizza唔好咁易膩🥳，睇落落咗好多芝士好吸引🧀，不過味道唔夠豐富👉🏻👈🏻。配料嘅墨魚仔同蝦都好爽口🐙🦐，只係調味略為不足🤦🏻‍♀️。.📍日落巴黎-香蕉朱古力窩夫配朱古力雪糕2人用（$108）基本上每個人嚟到都會點呢道嘅窩夫，冇諗到會如咁大份🤩，有4大件而且非常厚身👏🏻，食落蛋香味濃郁夠鬆軟🐣，再配上旁邊嘅香蕉、朱古力雪糕同朱古力醬真係好好食🍌🍫🍦，必點！.Menu

平時行過沙田文化博物館就見得多，入去食都係第一次！但就揀左銅鑼灣分店，成個環境都摩登好多，主要用灰、白雲石牆身、餐枱，雖然面積吾太大但好有空間感。星期五大概下午茶3點幾去到，吾洗排隊安排左梳化位俾我地坐，4人枱3個人座都好寬敞。面頭嘅蘋果片舖得非常有心思，厚度亦適中。雲尼拿雪糕中和左蘋果嘅酸，甜而不膩。底層係蘇皮口感，切落底感覺有啲空心，食完吾會飽，做飯後甜品過下癮都不錯。整體好有驚喜！食材好新鮮，上枱時候仍然係熱嘅。最欣賞薯角同乳酪，厚切薯角食落好滿足亦吾會話太重油感。乳酪亦吾係水汪汪個種，口感結身，配埋脆米十分之飽肚。食材嘅配色都有增強食欲嘅效果！全餐最滿足！半隻燒春雞份量十足，擺盤亦好精美，雞肉口感嫩滑，個燒汁亦吾會太咸。薯蓉口感幼滑，再加埋其他蔬菜，夠唒飽。燒春雞餐跟湯，吾太重廿荀味，口感幾creamy，飲落仲有啲廿荀蓉。

好早之前見朋友分享過這餐廳，覺得名字特別，一直沒有機會試，今天路過Fashion Walk,2:30還是好多人排隊，3:30再經過就用排隊機取號，好欣賞餐廳無紙化取票，用手機影下排隊號。本來衝著午餐餐牌上有蕃薯條伴碟的雞肉漢堡，可惜已售罄，唯有退而求其次，點了牛油果芒果雞肉芝麻醬沙律，和伯爵茶咖啡，份量很足夠，雞肉嫩滑，蔬菜、牛油果和芒果都好新鮮，看來是現切，不是預先切了的。就是芝麻醬有點鹹；咖啡中規中矩，不太有伯爵茶獨有香味，只有少許苦澀味。餐後再點了一客甜品，想吃的Apple tart 沒有供應，餐牌上寫著Tiramisu不是傳統的口味，份量有點大，但味這道很不錯，裡面有手指餅碎和果仁碎或是朱古力碎，口感特別。一定要提的是餐廳好繁忙，但全體侍應都超殷勤和有耐性，又有禮貌，服務很快，不像現時大部份其他餐廳因人手不足而侍應好像有點煩躁感。所以明白為何餐廳可在疫情仍不斷擴充開分店，仍然客似雲來，從餐牌冊上看到餐廳疫情前會不時舉辦文化、旅遊分享活動，很有意思。

#dinner #銅鑼灣一早就有聽聞過呢間人氣文青餐廳，不過實在太人氣好多分店都要排長龍( ；´Д｀)有次比我經過發現fashion walk入面都有一間，而且唔洗排隊，就衝咗入去食喇！٩(˃̶͈̀௰˂̶͈́)و炙燒荷蘭汁豬肉排🥩呢份小食居然有兩層肉排'(*ﾟ▽ﾟ*)'！肉排切好而且肉質嫩滑，配荷蘭汁好好食！走嘅時候見到幾乎每一台都有點，好受歡迎٩(˃̶͈̀௰˂̶͈́)و叫啱野食真係好開心牛油果香芒烤雞沙律🥗呢個就有少少失望喇！睇menu張相就好靚，不過嚟到芒果有啲生，比較酸，烤雞都比上面個肉排遜色不少，沙律菜平平無奇都係普通胡麻醬生菜。(´･_･`)三文魚籽車打芝士汁鳳尾蝦長通粉🦐🍝呢個好食！車打芝士汁好香濃但係唔會膩，有驚喜٩(˃̶͈̀௰˂̶͈́)و啲蝦都幾彈牙，不錯不錯！食物質素比想像中好，環境上入到去先發現原來幾細，平日夜晚去全晚都唔多人，有幾張吉台，不過唔知點解啲店員就好趕，係咁提你要交台又last order咁(｡ ́︿ ̀｡)follow my ig for more food pics and stories!ig: something_good_x

第一次寫食評，如果有咩寫得唔好，可以的話，DM話聲我聽。話說女朋友同我講左好多次話想食呢間銅鑼灣新開既餐廳。仲要係💛黃店💛。我見地點都幾方便，幾近女朋友收工，又可以順手點去佢幫手攞位，我就提議不如去呢間。嘻嘻！聰明的我。環境都算唔錯，裝修型格又有時尚感，燈光偏暗，係唔知點解部iPhone明明現場黑孖孖，都可以影到咁光猛。光度大概係張相再調暗一半到啦。唔講咁多廢話啦，去食物相先。鮮忌廉鮮菌煙三文魚意大利粉 $98個意粉花神野唔多，呢個價錢來講質素算係超班，好食過出面連鎖餐廳$150個既意大利粉。忌廉同芝士既汁嘅質感杰杰得啱啱好，又好有奶味。煙三文魚又唔會煮到太熟同太碎，味道鮮甜。灸燒荷蘭汁豬肉排 $78呢個菜對我來講真係好驚喜。份量非常之足料。豬扒厚切。我開頭見到佢啲豬排分開咗兩層，諗住下面嗰層一定係生菜或者薯條啦。點知原來下面嗰層都係豬排。最面嗰層荷蘭汁，味道淡淡地質地好似芝士醬咁，啱啱好襯托返豬扒嗰種嘅肉味，令到塊豬扒食落嘅感覺好Juicy，完全冇油膩感。唯一要小心嘅就係，唔好食晒第一層豬扒就唔少心食晒上面啲荷蘭汁。記得要留返啲俾樓下嗰層，如果唔係就要變咗灸燒豬肉排乾啃。法式芥末雞肉

新派食肆 牧羊少年咖啡館 走文青路線 人氣少不了 這天6:00pm到店 接待的員工說 入座限時 1.5小時 果然是人氣長龍店 已開有7 間分店 深得年青人喜愛 銅鑼灣店在 OpenRice 7間之中 唯一零負評的 😎😎小食拼盤 🍢🍢有八爪魚丸 春卷 雞翼 坎伯蘭腸 煙辣腸 薯角 (缺貨換成薯條) 配上兩款沾醬 每款小食都出色 尤其兩款肉腸 高質 上桌時燙口 沾上醬汁超好吃 美味無比 😍😍法式芥末雞肉薄餅 🐔🐔切塊雞肉 新鮮磨菇片 配上法式芥末醬 芝士 烤至少許焦香 口味新鲜 滋味 如薄餅底能薄些 就完美 純屬個人喜好 🍕🍕炙燒荷蘭汁豬肉排 🐷🐷豬肉排烤得 外香內軟 肉質 Juicy 荷蘭汁極濃厚 但也不會太膩 吃下幾塊 便有飽腹感 別小看每碟份量 足夠三四人分享 🍖🍖法式蘋果撻 配 雲呢拿雪糕 🍨🍨蘋果撻 餅底酥脆 上面舖滿塊塊蘋果 甜中帶微酸 可能是用 青蘋果製作的 配了雪糕 如天堂般美味 😇😇法式黑糖薑汁梳乎厘 配 雲呢拿雪糕梳乎厘 有少許流心 濃濃薑汁奶香 極致美味呀！簡直好食到 要打個冷震添 🥧🥧濃縮香料熱可可咖啡 ☕☕香甜可口 綿花糖溶化 更濃郁 甜味却適中 高熱量之選 🍫🍫

放假和老婆到銅鑼灣行街，來到這間牧羊小年咖啡館試試，我們很喜歡吃沙律，十分適合我們😋😋～煙三文魚凱撒沙律😋😋煙三文魚卷成花朵好特別，羅馬生菜及麵包粒很新鮮，醬汁剛剛好，份量十足～紅菜頭香芒葡萄藜麥沙律配蜜糖芥末醬😋😋藜麥配杏仁脆片很香脆，番茄仔、芒果及葡萄十分新鮮多汁，份量十足再食埋甜品就大滿足～蜂蜜蛋糕😋😋舖上木糠粉，甜度適中很好味～雜莓批😋😋甜甜酸酸幾回味店員服務態度十分細心，值得讚揚👍👍

上次經過已想試，但碰啱午餐時間好多人，所以冇試。今日二點多來，不用等位。點了香芒牛油果雞肉沙律同玫瑰牛奶咖啡。先來咖啡，幾香玫瑰味，但稍嫌唔夠熱，所以好快飲完。之後個沙律到，份量幾多，蔬菜同生果都新鮮。之前叫左醬另上，試左少少，味道唔錯。下次會再來試意粉同甜品。

今天晏就三點去左銅鑼灣分店，即場拎飛🤩第左大概十五分鐘就有得入去eat. （如果食夜晚，原來網上有得訂位）整過都幾好食，我地2個人叫左以下幾樣野:1.黃金鹹蛋忌廉鳳尾蝦意大利粉$108好香鹹蛋味，不過我本身對鹹蛋普通🤣 放落意粉度覺得口感怪怪，太濃🤣 2.京都春日（草莓🍓窩夫配雲尼拿雪糕🍦）$108本身整要十五分鐘，所以我地都無後上，直接整好就上時間點好！3.燒汁焗八爪魚丸$68呢個正，我哋覺得好好食！推薦😚4.飲品:牛奶可可朱古力 凍$52太濃了，好流，好似食緊甜品🤣最後埋單$370✊🏻

星期六的晚餐試了銅鑼灣的牧羊少年咖啡館。感恩等了十分鐘就有位 ，被安排坐到一個對住書櫃的座位。邊等食物，邊看下書櫃上的旅遊書，寫意的打發時間，且吸收知識。😀金沙鹹蛋黃鳳尾蝦$98用小煎pan上碟 有特色看上去 賣相金黃 好吸引金沙的鹹蛋炒得好平均 分佈在每隻蝦上咸度適中推薦♥️忌廉鮮牛油果烤雞肉長通粉$98忌廉長通粉炒得好入味，雞肉切得分明，烤得剛剛好，雞肉肉質保留肉的新鮮，最健康是裏面有牛油果，現在好流行食牛油果 ，牛油果的益處好多，尤其對女性。💕心太軟朱古力流心蛋糕配雲尼拿雪糕 $68是甜品中一向是我的最愛。朱古力係流心的，焗得剛剛好，不會硬身。配上雲尼拿雪糕，一熱一凍，完全被融化 。旁邊也是香滑的cream。作飯後甜品，一定係最佳至選。😚牧羊少年咖啡館地址： 銅鑼灣記利佐治街11-19號fashion walk 地下17號舖

本身想飲咖啡又唔想去星巴克，行過見到幾吸引價錢OK種類繁多，咁就入嚟啦食咗一個英式早午餐👍🏼好飽好滿足仲要跟個南瓜忌廉湯，黑松露炒蛋好味👍🏼百零蚊我覺得合理