牧羊少年咖啡館 (香港單車館)

營業中

休息中

食過唔少次呢間Cafe，位於單車館內，地理位置比較隱蔽，但環境舒適，座位之間嘅空間都足夠。食物方面賣相同味道都唔錯，價錢都可以接受，大概70至100左右。大部份侍應嘅態度都好，菜式選擇都多。

鮮忌廉黑松露醬雜菌長通粉好香黑松露味～～～忌廉汁唔多，可能因為咁食上黎唔會膩。奶油咖哩豬扒珍珠飯配 炒鬼佬雜菜 D豬扒都幾多下，大大舊🤣又唔會太肥👍🏻咖哩不太辣。厚切雞扒蕃茄沙律菜意大利包配 蜜糖芥末薯角 影得衰左少少😅意大利包鬆軟得黎皮脆，配埋好juicy嘅雞扒😋日式大阪燒風味煙三文魚薄餅應該算幾創新嘅口味(?)大阪燒醬加沙律醬配搭上pizza都幾夾👏🏻 餅底係薄而鬆脆，煙三文魚平均地分佈係每塊pizza上面😆京都春日 係士多啤梨窩夫配雲呢拿雪糕～不過果日職員話雲呢拿雪糕無晒，所以轉左朱古力味雪糕比我地😹份量十足，share一齊食岩岩好👍🏻抹茶可可朱古力望落去勁吸引😻 外表好有層次❣️飲落就太甜啦🥲 而且朱古力味蓋過左抹茶味🥺不過如果係朱古力愛好者，就岩晒你啦😛蜜桃奶酪Cappuccino 餐廳用可溶解飲管，支持環保👏🏻

首先服務態度好，環境舒適👍🏻食物熱辣辣，價錢唔貴，值回票價⋯⋯牧羊少年！坑口店，回頭率，瞓到飽開11:00落去開餐！醒神早餐！第一次幫襯印象90分，下次要試齊其他all day breakfast !

今天來到單車館的牧羊少年餐廳吃午餐，可能今次早咗少少，不太多人，唔洗等位，真的很驚喜，這間餐廳很寬躺但燈光有點暗，書櫃放了很多旅遊書籍，充滿文青氣色，透過落地玻璃可以看到人們在水池放船仔，小朋友在嬉戲奔跑，心情舒暢，我點了一客白咖喱豬扒配炒鬼佬雜菜，白咖喱香濃creamy, 厚豬扒鬆軟，很有口感，熟透但不嚡口，雜菜新鮮爽脆，很滿意👍🏻來一杯凍蘋果肉桂茶，過了一個休閒文清的下午。離開餐廳時，門口已經見人龍了。😆

🌎牧羊少年咖啡館 (香港單車館) (將軍澳)餐廳環境真心俾高分，外圍景色一木一草，望下窗外既湖水、綠油油的草地 ，一個人感覺好chill。光線係窗邊透入黎，射住餐桌、射住書本，陽光明媚之下，真係好放鬆心情。係一個寧靜舒適的環境，令我可以好好享受午餐、睇吓書。▫️拿破崙蕃茄鮮菌木菇長通粉$62性價比高，分量足夠，蕃茄味道偏酸 好啱我口味，需且菇菌新鮮爽口，長通粉硬度適中。仲有表面有芝士，好香好好食！▫️南瓜湯味道唔會好鹹 食落去口感結結地，好香南瓜味，唔錯架！午餐時間：平日open-5:30pm有南瓜湯+主餐+飲品💵人均消費：$68✨環境衛生：9/10🙋🏻‍♀️推介指數：8.1/10📍將軍澳寶康路105-107號香港單車館地下G53號舖

餐廳係單車館入面 mix左單車做主題🚴🏻‍♂️有落地玻璃窗 ☀️坐係度望住出面既草地同噴水池 好寫意 好舒服🥰 呢度環境闊落 空間感大 平日晏晝冇咩人靜靜地都可以係度溫習/做自己嘢都得 同朋友約會/一家大細聚餐都係一個唔錯既選擇😍▫️白咖喱豬扒飯配炒鬼佬雜菜 $88豬扒半煎炸得幾香口 肉質超鬆軟😍 超淋！油脂分佈得好好 不過整體都偏肥🤪 白咖喱唔算辣 帶上香甜既椰奶味😋▫️鮮忌廉鮮菌煙三文魚意大利粉 $88汁既份量好多 好creamy 每條意粉都好掛汁🤤🤤三文魚野菌配料十分多 意粉口感好好 成碟意粉都好足料 芝士味香濃 所以整體有點漏🤣🍹冰果茶 跟餐免費配上新鮮蘋果🍎同香橙🍊清甜解渴😋夏日之選🥰▫️心太軟朱古力流心蛋糕配朱古力雪糕 $68🍫心太軟都幾流心😍朱古力十分香濃 😋又唔會過甜👍🏼👍🏼雪糕朱古力味好rich入面仲有食到好多朱古力碎粒🤤

都有好一段時間冇去牧羊少年, 趁住放假就去食個late lunch 🍴點知3點零鐘去到都要排隊, 證明呢間餐廳都得到好多人嘅歡心😋我哋叫咗3個lunch set, 分別係以下呢啲🤓👧🏻明太子鳳尾蝦意大利粉 飲水果茶 $92其實我一睇個名就估到Little K可能未必鍾意食, 但係佢話想試下, 所以就叫俾佢去試吓, 果然不出我所料, 佢真係唔鍾意😛不過我同Daddy都覺得幾好食, 杯水果茶唔錯, 都幾啱小朋友飲😋👩🏻厚切雞扒蕃茄沙律菜意大利包配蜜糖芥末薯角 飲熱latte ☕️ $88 (latte 另加$12)雞扒好大塊而且雞肉嫩滑, 個意大利包口感唔錯, 薯角夠脆口👍🏻👍🏻杯latte 無咩咖啡味, 我忍不住同Daddy 講好在係加錢飲, 如果單叫$40一杯真係唔值🙃👨🏻黃金鹹蛋苦瓜忌廉雞肉意大利粉 飲Americano $88呢個係我哋睇咗個名之後就已經好想試下, 送到過嚟外表唔係太吸引, 不過食落係幾得意嘅, 值得一試😋Americano 比latte 好飲🙂其實仲好想食個甜品, 不過實在太飽食唔落, 順帶一提牧羊少年裝修咗之後比之前坐得更舒服, 夜晚嚟食環境更加唔錯🌠

牧人Cafe嘅地點喺將軍澳單車館，地點非常之方便，唔會似海旁咁人山人海，而且地方非常闊落，比起上次去K11嗰間顯得好迫去到其實係要等位嘅，但係都好快安排到位置，坐近左窗口位，望住一個小噴水池，感覺非常之舒適，而且cafe嘅燈光好柔和今天揀的是午餐，選擇了一個雞肉漢堡薯條同一個白汁通粉，兩個款式都好好味，入邊嘅雞扒好軟熟，炸薯條亦好趣，而白汁意粉亦都好淋好入味，跟朋友分別點了兩杯飲品，一杯是烏龍茶一杯是咖啡☕️整體感覺好似好舒服，令人有感覺這就是生活，有少少嘅寧靜時間同空間，最後埋單都係二百零蚊，平均一人都是百多元，CP值非常高不過Menu選擇就比較少，建議可以多些菜式選擇

《城市綠洲文青cafe 💛》———————————————-#牧羊少年咖啡館 🐏-一直都好想試呢間文青小店，店內環境都幾寬落，不過復活節假期去其實太多人排隊，我哋就揀咗係出面嘅長櫈以外賣自取形式咁enjoy，食物質素一樣咁好，而且天氣正，望住個水池都幾寫意☺️-兩人餐十分豐富，性價比十足～🍝主菜嘅明太子鳳尾蝦意大利粉，大大隻嘅蝦相當鮮味，明太子爆醬好濃味，撈埋意粉好夾一流！🍕Pizza就揀咗大阪燒煙三文魚薄餅，上面滿佈柴魚，fusion特別得嚟又幾有日式風味🇯🇵-另外追加咗兩個小食，香煎黑椒蒜蓉日本帆立貝同炙燒荷蘭汁豬肉排都好推薦，帆立貝完全唔腥，煎得好香～豬肉扒口感鬆軟，配搭荷蘭汁非常合適😚-跟餐仲有兩杯嘢飲同兩件甜品，凍抹茶可可朱古力甜而不膩，凍蘋果蜜桃鮮打紅茶用咗即榨蘋果蓉口感好唔錯，認真消暑！-先利申非廣告（雖然我都想有😂），喺Openrice預訂外賣自取，超級抵又方便😆本身呢間餐廳已經做緊七五折，咁啱仲要遇上復活節特惠用指定優惠碼滿$300減$60，再用埋匯豐信用卡Reward+ 仲可以用$1獎賞錢咁找$2 卡數，無限折上折，非常化算！係咪好精打細算先？🙈-⭐️ 參考價錢︰二人餐

一直想去牧羊少年的不同分店，環境和食物都做得不錯，很舒服的地方～單車館旁邊的牧羊少年以單車做裝飾主題，原來單車和cafe都可以match xd環境很舒服，歌單也很不錯，很適合聚會^^不過比較起來，還是更喜歡沙田分店的環境是日晚餐：蜜糖芥末黑松露薯角鮮忌廉帆立貝意粉牛油果香芒雞排沙律日式煙三文魚薄餅Total:約$400沙律份量很大，生果新鮮，適合3-4人分享薄餅有特式，其他地方比較少見薯角和意粉正常發揮美中不足是我們沒留意晚市至9:45，職員9:41才通知即將清場，已經來不及，食剩不少呢～:s

一直都聽到好多人提及牧羊少年咖啡館，終於有機會一試。位於將軍澳單車公園內，室內空間很大，又有大玻璃窗，十分舒適。除室內位亦都有2張戶外長枱供人自助使用。由於是下午茶時間，我們兩人叫了一個午餐，再加一份窩夫餅。（星期六，日，不提供下午茶餐，但有午餐供應）午餐的豬扒飯的咖喱汁很好味，是有很多蕃茄的，不會很辣。而且午餐有多款飲品選擇，冰果茶果味很香，少少甜很好飲🍹。另外單點了凍牛奶朱古力，朱古力味十分濃，濃到好似食緊朱古力👍。甜品的士多啤梨窩夫也不錯，窩夫份量十足，外脆內軟。

第一次嚟食，環境好chill好寫意，夠闊落，員工態度好好。點咗個黃金鹹蛋黃雞肉忌廉意粉，本身以為會好奇怪，有個諗住試伏嘅心態，點知有驚喜，份量其實睇落唔少，好濃郁嘅鹹蛋黃同忌廉味，啱晒我呢啲好鍾意食creamy嘢嘅人，跟餐仲配左杯冰果茶好Fresh，不過就甜咗啲，下次會叫返少甜。成個餐都只係$68，性價比好高，會再嚟encore！環境幾寧靜，見到有唔少學生都喺度溫書，我諗如果下次嚟睇吓書溫吓書都幾唔錯喎。

一直都知道單車館入面開咗間cafe，評價都唔差，今次終於去咗😆 環境比想像中好，裝修新淨，地方亦幾大，坐得好舒服。餐廳用咗旅行作為佢地嘅theme，舖頭有好多postcard，可以購買並且叫店員喺未來特定嘅日子寄出❤️-對cafe嘅意粉不嬲都唔會抱有好大expectation，都係志在去坐下消磨時間，幸好佢地嘅意粉不過不失，都幾好食，定價還算合理，而且無加一✨-📌黑椒香蒜煙鴨胸意粉 ($72)意粉烹調時間啱啱好，食落唔過腍同濕身，份量都幾足，調味微辣👅-📌鮮忌廉野菌煙三文魚意粉 ($78)忌廉味好濃，汁嘅份量比得好足，夠撈曬成個意粉，係一個唔會出錯嘅選擇🤞🏻-~𝓞𝓿𝓮𝓻𝓪𝓵𝓵~ ✨價錢:7/10👅味道:7/10🌃環境:7.5/

星期五下午到將軍澳租單車， 踩完之後已經十分疲倦不想走太遠 ，去了單車館的牧羊少年咖啡館喝下午茶， 不知是否附近只有一間咖啡店門外排隊人數眾多， 等了大概20分鐘才有位置。裝修有文青圖書館咖啡廳特色，因為人數太多，環境十分嘈雜， 一點休閒的感覺也沒有 可以欣賞窗外的人工湖，景觀不錯。英式窩夫拼 雲呢拿味雪糕（$68）賣相漂亮， 窩夫結實大件，唔太脆，雪糕好快溶。一口小食拼盤（$48）：辣肉腸/八爪魚丸/春卷/薯角拼盤應有盡有，適合選擇困難症的朋友。春卷咸，薯角更咸 ，其他口味重，全部都好咸。日式大阪燒煙三文魚薄餅（$48）賣相精緻， 煙三文魚大大塊，調味不錯。餅底脆，芝士香，紫菜令色香味更濃。下午茶均送餐飲。價錢配搭景觀合理， 可惜環境實在太嘈雜。

到將軍澳單車公園看樱花，想必挑選牧羊少年作停頓點。但是次需趕回家趕日程，不能堂食感受它一輕鬆親切的店舖氣氛誰說外賣水準有差別？一定不是此店！一人餐: 黃金鹹蛋忌廉鳳尾蝦意粉拼冷果茶忌廉细滑，濃厚度剛剛好，加上香草細碎，黃金鹹蛋，那有不好吃的理由？意粉彈牙，醬汁掛麵，非常好而冷果茶一風味，清新怡人，實屬咖啡以外之選