323
5
5
港鐵尖沙咀/尖東站 N3 出口, 步行約2分鐘 繼續閱讀
電話號碼
27508800
附加資料
晚市第一輪用餐時間: 18:00-20:30
營業時間
今日營業
12:00 - 15:00
18:00 - 00:00
星期一至日
12:00 - 15:00
18:00 - 00:00
付款方式
Visa Master AlipayHK 支付寶 現金 銀聯
座位數目
60
其他資料
網上訂座
酒精飲品
自帶酒水
賞訂座積分
當面支付
食評 (352)
等級4 2020-03-23
58 瀏覽
好朋友生日,知道佢中意食烤肉,特意揀左間我曾經食過兼印象唔錯的餐廳「牛魔」同佢食生日飯。肺炎疫症係香港持續不斷,餐廳都很細心,每位客人入座前,職員都會協助量體溫,另外更免費提供揸手液同埋信箱袋口罩。入座後餐廳會即時送上前菜同埋烤肉既生菜包,而且是無限添加啊!每次黎我都一定會點Short Rib Cut (Marinated)醃得非常入味,肉質又嫩又林,烤至5成熟,入口個汁甜甜地,不用額外調味,已經很正!A4 Sirloin with Urchin 和牛刺身海膽:海膽鮮甜,入口即溶,和牛刺身牛脂豐富平均,入口很嫩,夾埋鮮甜即溶海膽一齊食,口感味道一流!朋友中意食五花腩,所以今次我有機會試試。平時我好怕食豬腩肉,而呢度既Pork Belly (thick cut)令我一試愛上!五花腩油花同肉間斷分佈平均,烤至金黃,將過多油份迫出,皮位置有如橡皮糖般煙韌,整件入口帶焦香又唔會有過多油脂濺出,唔包生菜食,都唔會覺得好膩。我倆喜歡食辣,又order左Spicy Tofu Seafood Soup豆腐湯,剛好是2人份量,熱辣辣上檯,有超滑豆腐,還有兩隻爽口鮮甜大蝦、細細粒魷魚、蜆肉,又熱又辣,配搭埋白飯,開胃得黎又飽肚。飲 品就order左杯菠蘿梳打,餐廳自行沖調,侍應提醒要攪拌後飲用, 菠蘿味重, 邊食熱辣辣烤肉, 飲凍野, 正!最後餐廳送上雪糕糯米糍做甜品。滿足! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-04
417 瀏覽
去尖沙咀吃有質素的燒肉,是位於棉登徑的牛魔。疫情肆虐下,餐廳做足安全措施,為每位進入餐廳的食客測量體溫,以及在當眼位置擺放消毒潔手液。晚市時段,餐廳提供四款套餐。也有各式燒肉,分得非常細緻,不單止有各款部位牛肉,還會分來自澳洲、美國及日本。除了牛肉,亦有豬肉、雞肉、羊肉、海鮮和蔬菜。燒肉以外,還有頭盤、沙律、飯麵、湯及甜品。飲品分酒精類和非酒精類。點好食物之後,侍應先送上前菜,共有三款,都是爽口的選擇。然後侍應拿來一小塊肉,這是肥膏,用來取代煮食油,在爐上的鐵網刷刷刷,可讓肉類煮起來更加香。侍應在上菜後,隨即過來協助烹煮。如果食客喜歡的話,也可以自行燒肉。但懶鬼如我,還是讓侍應協助好了。燒烤過程油煙非常非常少,不會吃完之後一身油煙味離場。這是全天然豚肉五花腩薄切跟生菜。豚肉五花腩上已有鹽和黑椒作簡單調味。伴隨著生菜和辣醬,可以用生菜包著五花腩進食,再按個人口味加入辣醬。辣醬不算太過辣,即使我算是怕辣,但也吃了一些。用生菜包著吃,減少了油膩感,非常爽口。五花腩單吃也很好,更能吃到五花腩香脆的外邊,配搭白飯送飯一流。肥肉和瘦肉層次好分明,油香吸引,可以用海鹽或者醬油或者wasabi調味,令味道更加豐富。另外還有美國prime醬油牛肋骨兩件,上碟卷起來,燒烤時當然要攤開。同樣侍應會將牛肋骨剪開,方便食用。由於已經用醬油醃好,可以不用再加調味,已經能夠欣賞廚師的匠心獨運,那鹹淡得宜的味道,配合嫩滑的肉質,絕對是高品質的食材,不得不提濃濃的牛香,無論是燒烤過程,或是入口令齒頰留香,一試難忘。點了一碗自家製特選餐湯,是紫菜湯,用料十足,味道濃淡得宜飲品柑桔梳打特飲,值得一讚是飲料餐單上清晰標注容量,方便作預算。這杯是400毫升。清新的金桔味令人精神為之一震,當中混合蒟蒻,為飲品加添口感,涼涼的飲料,也為燒烤稍稍降溫。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-23
556 瀏覽
自從肺炎一疫,尖沙咀街道都變得冷冷清清,好在棉登徑赫德道呢帶嘅餐廳仍然營業。早就聽朋友講過牛魔嘅牛肉出色,一直以為做晚市燒肉,原來亦有午市套餐供應。定食價錢同日本差唔多,$85-125,跟餐轉特飲都只需另加$15,相當貼地。落單後店員隨即端上餐湯沙律,沙律菜包含粟米、生菜、青瓜,新鮮多汁,無草腥味。定食非常豐富,單計前菜已有三款,經油醋醃過酸甜爽脆,清新開胃。果然主打牛肉連副產品亦與眾不同,牛骨湯充滿肉香,加入蔥花胡椒,清香撲鼻之餘又帶點辛辣。說時遲那時快,未食完沙律主菜已熱辣辣上枱。牛肋骨滿滿一兜,見到骨肉分離嘅狀態都知花咗唔少時間煮骨大肉多,同時帶些許脂肪,入口更稔滑柔軟;醬汁鹹甜參半,惹味好拌飯,墊底嘅白蘿蔔切成磚狀,充分吸收湯汁,每口爽嫩都帶著甜香。好耐無見過樽裝汽水,餐廳貼心地咁入檸檬,不起眼嘅酸味卻中和咗汽水嘅甜膩。朋友點嘅海鮮麵同樣豐富,面頭鋪上滿滿海鮮。白湯加入黑胡椒提味,令湯底更清香開胃。透過開放式廚房仲見到師傅手拉烏冬嘅過程,難怪每條粗幼均一、口感綿滑 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-29
896 瀏覽
平時日本牛韓牛都爭論緊邊個好食啲,日本牛就牛脂味濃,韓牛就牛味濃,我今日就黎到「牛魔」 食下牛🐮小食 小食配菜可以無限追加,等上菜或者等肉熟既時候可以咬下,亦都可以配搭住d燒肉黎食或者覺得膩既時候食番兩啖。牛脂用牛脂肪搽個燒網,d牛脂牛油出黎,香味十分吸引,令人食慾大增。 美國Prime 牛肋骨d肉本身已經調好左味,係啱啱好,唔會過鹹,牛味亦都好濃,特別係越靠近骨既位置。A4和牛牛肩肉薄切配蘋果條蘋果肥牛卷,第一次試呢種食法,估唔到包住蘋果又幾清新。做法係先燒熟牛,然後放入蘋果絲用牛肉包住,包完就可以移離燒網。泡菜煎餅泡菜薄餅,食左陣肉覺得膩膩地,可以食下呢個中和下,薄餅煙煙韌韌,新鮮整好熱辣辣係最好味既時候。Hoegaarden食肉點可以無酒架! 整體黎講,牛魔呢間係可以再食,真係好好味!服務又好,店員會主動幫手問要唔要幫手,服務態度真係好好! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-07
2791 瀏覽
食烤肉點可以少得牛! 一提起牛, 就諗起尖沙咀一間隱世主打烤肉餐廳, 去過好幾次, 質素依然keep得住! 係其中一間值得無限encorn既烤肉人氣餐廳。話明人氣, 當然要預先book檯啦! 今晚同朋友就食晚市第一round, 被安排坐吧檯, 有侍應全程協助燒烤 (如果坐其他檯, 就可以自己親自體驗燒烤樂趣) 入座有免費前菜三款, 仲有得無限添加每次黎我都定必encorn【美國Prime牛肋骨】HK$198醃得非常入味, 牛肋骨灘開, 份量都唔少, 肉質林, 甜甜地, 陣陣牛味係口中散發, 超級推介!!! 【A4牛魔野原燒(和牛薄切配月見汁沾蛋)】HK$130燒至7成熟, 入口嫩滑, 淋上蛋汁, 較杰既蛋汁包住每件牛, 入口口感更滑, 淡淡肉香, 同樣不錯!除左主打牛, 亦有豚肉提供,【豚肉五花腩】HK$110五花腩為薄切, 對比厚切五花腩黎講雖然少左份量感, 但對比下冇咁漏, 兩邊燒至金黃, 伴有生菜包住食, 減少油膩感, 稍嫌近皮位置有D韌, 帶些少咬口感。【石鍋牛肉飯】HK$110石鍋飯熱辣辣上檯, 熱得能生成脆卜卜飯焦, 有好林既牛肉粒、雜菜絲, 層次豐富, 加埋辣醬攪拌食, 微微地辣, 好開胃!飲品方面供應酒精同非酒精飲品【鳳梨梳打特飲】HK$48鳳梨味濃郁, 甜甜地, 很夠氣, 仲有少少椰果食, 邊食熱辣辣烤肉簡直perfect!最後送上是日甜品--乳酪作完美句號。 繼續閱讀
(以上食評乃用戶個人意見 , 並不代表OpenRice之觀點。)