牛魔一人燒肉

營業中

休息中

放左工自己一個去旺角行街，諗左好耐食咩好😅最後決定食一人燒肉😍餐廳裝修環境好光亮，餐枱好寬闊，可以擺好多嘢食，抽風系統做得好好👍🏻，冇燒肉味，偷偷食韓燒都唔會畀人知道，哈哈 😆我揀左一人燒肉套餐，依度套餐有吾同重量選擇😝好岩女仔一個人黎食🤗我揀左黑椒鹽醬西班牙黑毛豬五花套餐😎，員工都好好，會教我點樣燒先係最好食，我慢慢燒慢慢食，好好享受食物🥰 黑毛豬好軟熟，肥瘦適中，份量都好多，仲有麵豉湯和飯，夠曬飽飽

今日係旺角送咗阿仔上堂之後無所事事周圍行行行吓見有啲肚餓所以選擇咗去食嘢見到有間叫牛魔嘅一人燒肉好似幾吸引，所以去咗試佢嘅一人燒肉有套餐而套餐入邊包咗飯/烏冬，沙律同埋湯我就揀咗日本A4和牛西冷套餐食一上檯，感覺塊肉都幾靚我就忍唔住即刻燒喇食咗之後，覺得佢嘅肉質幾好好有肉味，而且好鮮嫩真係唔使有好技術都可以燒到好食既牛食我覺得以呢個價錢黎講都算係性價比高喺呢到食一個食又得如果同朋友屋企人嚟食想試吓唔同款嘅嘢食又得

燒肉｜牛魔一人燒肉｜旺角——————————————————🫶🏻日本A4和牛西冷. 牛小排套餐 日本A4和牛西冷牛小排套餐真係一個唔錯嘅選擇！呢個套餐包括咗A4級別嘅和牛西冷同埋牛小排，質素非常高。和牛西冷肉質嫩滑，油花分佈均勻，入口即溶，真係令人一試難忘。而牛小排亦都唔遑多讓，肉質鮮嫩多汁，煎至外脆內嫩，口感豐富。 呢個套餐會配埋一啲精緻嘅配菜，例如新鮮嘅沙律、香濃嘅湯品同埋一碗香噴噴嘅白飯。滿滿CP值——————————————————📍旺角豉油街50號富達大廈地下5號舖—————————-—————————-Overall 💗💗💗💗

最近我去咗旺角嘅牛魔一人燒肉，真係一個好特別嘅體驗！😋首先，我試咗A4和牛西冷配牛板腱燒肉套餐。呢個套餐真係物超所值，和牛西冷同牛板腱都係高質素嘅肉品，燒到啱啱好嘅熟度，肉質嫩滑多汁，入口即溶。配埋沙律同味增湯，真係一個完美嘅組合。沙律清新爽口，味增湯濃郁香滑，仲有各種醬料可以配搭，令燒肉嘅味道更加豐富。🥩🥗之後，我升級咗牛魔蘭王蛋鵝肝炒飯。個飯真係好有驚喜，炒飯粒粒分明，蛋香濃郁，加上鵝肝嘅滑嫩口感，真係一絕！每一口都充滿咗鵝肝嘅香氣，配埋炒飯嘅鹹香，真係令人回味無窮。🍚整體嚟講，牛魔一人燒肉真係一個值得推薦嘅地方，無論係食物質素定係服務態度都非常好。下次如果你喺旺角唔知食咩好，不妨試下呢間餐廳，保證你唔會失望！👍

路過見到一人燒肉未食過，一心諗住試吓。點知肉質一般，又唔係好抵食，其實都算。最恐怖嘅事係，叫咗一支無糖可樂，咁佢哋好似好環保用金屬飲管，點知一吸，成口都係泥咁🤮，吐都吐唔切。個侍應叫極都唔應。又唔俾杯水我潄口。好彩我買咗支水，用呢啲飲管一定要洗乾淨啦！佢見到我咗望右望支可樂，佢先醒目話同我換過一支，真係無下次🙄！至於食物質素一般，肉質不是最上等。但燒肉汁尚可，不過衞生狀況真係要好好改善一下，啲餐牌油黏黏，好彩無肚痛啊。

以前食韓燒就成日覺得一班人先食得多種類而家新興一人燒肉一個套餐可以食幾款自己鍾意嘅肉類實在不錯今次我叫咗個牛摩三重盛宴套餐有味噌湯、沙律另外加咗個溫泉蛋撈飯套餐有牛舌、牛五花同埋牛板鍵個部位肉質勁鮮肉味勁濃唔會太韌咬唔開勁鮮味燒到油香出晒嚟再加埋溫泉蛋撈飯真係想食多一碗我覺得佢嘅排氣系統都唔錯唔會太過油煙裝修亦都簡潔光猛枱枱凳凳地下又唔會黐立立總括嚟講佢價錢公道地方亦乾淨衛生肉質亦唔會令你覺得廉價物超所值自己一個唔個食乜嘅時候真係可以再戰

喺旺角做完嘢之後一個人要諗吓食乜好突然之間又想食燒肉所以選擇去牛魔食一人燒肉套餐我選擇咗食牛魔三重盛宴食因為一次過可以可以試三款嘅肉包牛舌、牛板腱同牛五花三款肉都不錯肉質幾好我個人最鍾意食牛舌本身我都係牛舌愛好者佢既牛舌咬落去Q彈爽口肉香Juicy口感不錯佢另外兩款牛都幾好食所有套餐，包括咗飯或者烏冬、牛骨湯同沙律所以確保好飽肚🤣依個價錢食呢一個嘅質素既燒肉又可以一個人食幾款野食都真係幾好又方便

今日得自己一個喺旺角，想搵一間坐得舒服但價錢又唔會好貴嘅餐廳。最近周圍開咗好多一人燒肉嘅餐廳，質素都好參差，左揀右揀之下，最後揀咗呢一間一日前燒肉，一人一個爐，位置都幾大。佢都有好多唔同既嘅套餐選擇，價錢都相當高CP值，而且佢仲有好多款唔同既醬汁可以選擇，有一款柚子味醬汁相當開胃，配牛肉食好夾!!而肉方面，都相當有牛味。對於想食個快lunch/dinner既朋友黎講，呢間一人前絕對係一個唔錯既選擇。

近年一人燒肉都開始興起，今次我地去左旺角都揀左一間一人燒肉食，門口見到餐牌價錢幾吸引，希望質素都唔會差啦🫢坐位設備齊全，有紙巾，連鉸剪都有，而點餐係用QR code落單，但係都有大餐牌提供比客人，值得一提既係佢地連燒肉汁都有9款咁多，真係犀利🫡A9牛魔三重盛宴（$128）我地叫左份牛魔三重盛宴，有牛舌，牛五花，牛板腱，佢既牛板腱好靚，入口油份充足而唔太油膩，而牛五花就相對比較肥，質素唔及牛板腱靚，但係仍然唔錯，牛舌就係簿切牛舌，都幾彈牙😋A10和牛自慢系列（$118）另一份餐我地揀左和牛系列既M9和牛肉眼+牛肩肉，塊和牛肉眼大一塊，我燒完就剪開黎食，口感好好，牛肩肉就係冇乜肥既，佢相對牛味濃d👍🏻呢間一人燒肉都好抵食，百幾蚊食靚少少都唔貴，又好食，佢平既超值套餐最平可以$48，有沙律，有湯，有飯，飯仲可以轉烏冬，其實真係抵，係度過下燒肉口癮質素絕對唔差👏🏻

牛魔主打一人一個燒肉餐， 喜愛燒肉的朋友仔請進！套餐有分100g -300g 既份量，唔夠仲可加追！ 我點左A9 同A10 200g 套餐套餐有麵豉湯、沙律及白飯，白飯可加錢轉蘭王鵝肝炒飯，米飯粒粒分明，搭配香蔥與醬油，口感豐富。M9和牛肉眼的油花分佈均勻，肉質極其柔嫩，入口即化。燒烤時，肉的香氣隨著火焰的升起四散而開，而牛肩肉肉質相對較為結實。西班牙黑毛豬頸肉 燒至外皮香脆，肉質爽口彈牙，搭配黑松露燒肉汁， 好正🙌巨𡶶梳打同乳酸梳打每一口梳打的氣泡感和微微的酸甜，能有效中和肉類的油膩感。在繁忙的工作後，偶爾來一頓一人燒肉，無疑是一種享受！

如果香港都可以好似日本咁樣，對人食飯咁friendly就好啦！有時自己一個人夜收工，想食好少少慰勞自己，但係又唔想去啲高級餐廳度，始終覺得好奇怪㗎嘛，但係好多時又會好想食燒肉喎，好彩之前朋友介紹旺角呢間餐廳，佢勁多一人卡位，套餐亦都有好多選擇，所以夜晚自己一個嚟都唔會覺得太奇怪。呢間餐廳選擇都唔少，有豬有牛有雞亦都有海鮮，我自己個人就最鍾意食呢度嘅燒八爪魚，口感脆脆，一口一啖，食得相當方便，而且我覺得呢度嘅火候教得剛剛好，燒牛肉嘅時候真係好快就可以燒出好正嘅牛肉，但係最好食都係燒豬肉，因為出邊會好快就燒到脆脆一層，少少焦甜嘅味道，絕對冇騷味。

作為一個典型嘅香港人，真係好多時候都會無啦啦想食燒肉，不過有時真係未必約到朋友，自己一個人都會想食，呢個時候一定會諗起韓國呢間牛魔一人燒肉，最好就係呢度啲套餐全部都好抵食，同埋全部都係cater比自己一個人嚟食嘅，感覺唔會覺得好尷尬。除咗我最鍾意點嘅牛肉之外，其實我覺得值得讚嘅就係呢度嘅雞肉，基本上全部都好嫩滑，絕對唔會鞋，加埋呢度啲調味好好食，唔會過鹹。同埋值得一讚嘅，就係呢度啲牛肉竟然都會俾埋生雞蛋，所以點完嚟食特別滑！

今日放工約咗朋友喺旺角附近食晚飯，咁啱我哋都想食燒肉，但係又唔想食咁多，食任食🤣。所以最後就嚟咗一人燒肉，呢間牛魔一人燒肉位於豉油街，非常易搵。餐廳有十幾個套餐，豬牛雞任君選擇，而且設有好多一人位，一人過嚟食都唔會尷尬㗎。A11. M9和牛肉眼&西班牙黑毛豬朋友食咗A11套餐，有和牛肉眼同埋黑毛豬頸肉。和牛肉眼好大片，而且見到油花好靚，食落入口即溶，充滿油香。豬頸肉厚切，我哋燒到表面焦焦地，非常滋味，一咬落去油脂咁十足，豬頸肉質地爽口彈牙。另外，套餐仲包咗沙律、味噌湯、烏冬/飯同埋飲品。沙律菜好新鮮，配上胡麻醬，非常開胃。味噌湯熱辣辣，有海帶同豆腐等配料。另外，我覺得好特別嘅係食一人燒肉可以配烏冬，好少店舖可以咁做。烏冬好滑身，好彈牙，湯底就係豬骨湯。飲品方面，朋友仔就揀咗玻璃樽芬達～A10.M9和牛肉眼&牛肩肉套餐咁呢我就食咗A10套餐，同A11套餐唔同嘅係我係和牛肉眼配牛肩肉，啱啱個套餐係配豬頸肉。咁都一樣有齊沙律、味噌湯、烏冬/ 飯等食物。牛肩肉牛肉味濃郁，而且都幾厚切，食落口感豐富。另外值得一提嘅係餐廳有非常多醬汁可以選擇，每個套餐跟三款，今次我揀咗黑椒鹽醬，蘋果燒汁，檸檬鹽。

一人燒肉愈開愈多一個人ME TIME 時又多個選擇😬今次呢間旺角地段，地點夠晒方便上餐速度又快，貪心d 食完行個快街仲得🤗我叫左A11 M9和牛肉眼+西班牙黑毛豬頸肉套餐100g，套餐包左沙律🥗，白飯和味噌湯M9 薄薄一片，滿佈油花～ 黑毛豬頸肉反而肉香濃～100g啱晒想淺嚐嘅我，想滿足d就叫200g 啦，再啱夠自己自由追加到夠😆 追加嘅款式好多就日本A4和牛都有🫶🏻醬汁方面可選3種，點左黑松露燒汁，檸檬🍋鹽，私心推介柚子胡椒汁～ 柚子清香解膩～🌿環境：坐得舒服，晚餐時段人頗多需要等位😋整體口味：正常發揮

嚟到旺角有好多嘢食嘅選擇，今晚同朋友想食燒肉，但係又唔想一次過食任食好飽，跟住就去咗食一人燒肉，份量可以少啲唔會太飽，又可以平啲食高質啲！ 我同朋友一人嗌咗一個餐，我嗰個係牛魔王三重盛宴，有牛舌&牛五花&牛板腱～我個人最鍾意牛板腱，因為軟同多汁啲，好味😋朋友叫咗日本A4和牛西冷&牛板腱套餐，真係貴有貴既道理😂好食好多～！ 燒出黎係焦脆香口，配埋個紫菜拌飯正呀，有食緊牛角嘅感覺！推介大家食吓呢個餐！日本原隻甲羅燒都好好味🤤 燒肉唔少得要埋生菜🥬有既話食肉時可以解下膩♥️Overall呢間店幾好，有機會再嚟食～！