38
26
25
港鐵太子站 B2 出口, 港鐵旺角站 B1 出口, 港鐵旺角東站 C 出口 繼續閱讀
電話號碼
2625 9234
開飯介紹
「牛陣」主打日式和牛放題,主賣ShabuShabu和Sukiyaki火鍋放題,價錢按不同牛肉而定,包括日本和牛及澳洲和牛的脊髓、胸肉部位三款,全部來貨均由但馬屋自家牛場供應。 繼續閱讀
營業時間
星期一至日:12:00:-23:30
付款方式
Visa Master 現金 銀聯 JCB
其他資料
酒精飲品
自帶酒水 詳細介紹
切餅費 詳細介紹
VIP房
泊車
電話訂座
加一服務費
球賽直播
任食火鍋
招牌菜
牛胸肉 和牛
食評 (101)
等級3 2016-10-22
385 瀏覽
每個打工仔都是為生計而努力, 一般的香港人工作時間長壓力大,我當然也是拼搏中的一份子,我會在放假的時候,來尋找美食來減壓啊!太子始創中心地窖地方細細,已經有2間食日式shabu shabu, 兩間也未曾吃過 ,價格都差不多,最平都是每位HKD68 另加一服務費。怎樣選擇好呢?當考慮中…眼睛給門口寫著“任何套餐都可任食Haagen-Dazs雲糕”吸引着,這個價錢吃兩球已回本啦,就是這樣决定選了~牛陣。因為午餐不想吃太多肉,所以㸃了“午市限定火鍋套餐” 。除了牛肉限量之外, 其餘飲品和食品都是任飲任食的,任食的品種不算太多, 但一定吃得飽。根㯫牛肉的分量和質素來定價外, 時間都是被限制的,老實60分鐘真的有點趕,等送上湯底及水滾都需要15分鐘了。嚴選定食套餐~HKD89位另加一服務費黑毛和牛定食套餐~HKD129位另加一服務費套餐配日式清湯底, 如果你不喜歡的話,可加$10改自選特別湯底。嚴選的牛和黑毛和牛相比,嚴選的牛味比較淡,完全明白一分錢一分貨的道理。黑毛和牛的分量比嚴選多一半,兩種牛都同樣切到像纸一樣薄,shabu shabu只可 2-3 秒, 否則肉質變嚡,其實這價錢心中有數,要求不能太高。時間過得特別快,仕應生走過來提示你們還有10分鐘時間,熱食還未吃完,急不及待先取四球雪糕。再急急吃完餘下的食物,我不想雪糕溶呀…雪糕的味道都是我最喜愛的: 咖啡、皇室奶茶、士多啤梨和比利時朱古力。用善時間已到,也吃完餘下的食物,用四球雪糕作完美句號…非常滿足啊!後記: 仕應生讚我們没有浪費食物! 雖然是任食但大家都應該善待食物啊! 繼續閱讀
(以上食評乃用戶個人意見 , 並不代表OpenRice之觀點。)
等級4 2016-01-04
3587 瀏覽
我們三不五時就愛到日式火鍋報到火鍋放題限時 90 分鐘放題的價格視乎所選的牛肉級數而定我們選了黑豚肉及嚴選牛肉套餐$199(包任飲飲品)可以無限追加的火鍋料湯底,餐廳總共提供了八款選擇最後我們點了壽喜燒,如要雞蛋要另加8元火鍋配料,可自行自助取大多以蔬菜食材為主生菜、油墨菜、西洋菜..南瓜、冬瓜、豆卜等等芝士丸、牛丸、魚蛋、龍蝦丸...等等冬菇、雞脾菇、秀珍菇...等等醬料嚴選牛肉梅花豬厚度足彈性也夠也不錯耶!!去菜車拿一些料壽喜鍋就較容易吃膩,多食點菜比較好牛肉刷過之後還保有肉汁甜味雲吞、魷魚仔,響鈴,蟹柳服務員全把它放在同一碟.....最底下的雲吞全都濕掉..一夾就爛魷魚仔也不太鮮,有點腥...整盤都不太好!食物質數一般這個價格有更多火鍋店可以選擇 繼續閱讀
(以上食評乃用戶個人意見 , 並不代表OpenRice之觀點。)
等級4 2015-12-14
2659 瀏覽
天氣一轉冷就好想吃火鍋,今次跟男友去太子始創的牛陣吃火鍋放題,價錢按不同牛肉而定,我們選擇特選澳洲長期穀飼牛火鍋放題,一位只需$188。湯底共有8款可以選擇,我選了豚骨及麻辣湯底。豚骨湯底味度很濃郁,而麻辣湯則淡了一點。火鍋配料區選擇很豐富,有肉丸類、疏菜、菇類及麵等等,都是無限量供應。 白飯、炒飯、咖喱。醬料部份選擇也很齊全,可以自由取用。取完火鍋配料返回座位後,店員已送上肉類,分別有2碟牛肉及1碟豚肉,吃完可再叫。火鍋配料我每款都取了一點試試,質素都很平均,疏菜類我特別滿意,試了生菜及油墨菜,兩款都很新鮮翠綠,我吃了兩大碗!主角澳洲長期穀飼牛雪花好均勻大片,吃起來相當鮮嫩夠牛味,輕輕涮幾秒至七成熟入口最美味。而豚肉的肥瘦比例也很適中,肉質好鮮甜,口感不錯。甜品有haagen dazs雪糕任食!很難得的雪糕沒有因為冷凍過久變得很硬又難挖,所以也很開心的吃了兩球 繼續閱讀
(以上食評乃用戶個人意見 , 並不代表OpenRice之觀點。)
等級2 2015-11-16
1909 瀏覽
吃過三次牛陣,兩次係tst,一次係太子兩次tst 都係lunch,今次太子係dinner黎得噤多次,原因係d牛真係唔錯,豬都可以,雖然其他配菜唔算豐富,但我諗黎得呢度吃既,9成都係為牛而黎,都唔會點吃其他野,好在呢度d疏菜,瓜,菇款都多,另外佢度既咖哩汁都唔錯,次次都拿一碗黎當汁點牛肉上野速度都好快,唔會走單,個半鐘足夠你吃到飽,因為夠鐘真係會即刻趕你走,不論有無客都好。牛陣有樣野唔知算唔算係公開既密秘,你一上台,第一round d牛就係同你order個套餐既一樣,兼且特別靚,到你再追加時,就會比d次一級,甚至次兩級既牛比你我第一次係tst isquare係吃lunch,叫成200位既牛,但吃吃下黎果d牛,同隔離枱吃100$既無分別第二次就係tst isquare吃lunch,叫108$既牛,呢次就好d,因為次一級佢都係拿98$果款比你吃 今次dinner好明顯吃到第2,3轉,佢已經係比緊之前lunch 98$果d貨仔我吃總括黎講,去牛陣吃貴價餐,你就要預得頭一兩round會比d好野你吃,之後果d你就預係貨不對版,抵唔抵吃就見人見智不過lunch價98/108$就真係好抵呢個價,一人吃到三碟,吃埋雪糕真係覺得差唔多返本 繼續閱讀
(以上食評乃用戶個人意見 , 並不代表OpenRice之觀點。)
等級1 2015-11-05
1005 瀏覽
第一次食牛陣,同男友去左太子始創果間,午餐放題每位98元,再收加一。自取食物區食物種類少,菌菜丸,另外有麵可以烚。雖然少野食揀,不過算啦黎得牛陣緊係試肉為主,有牛肉片同豬肉片,要order廚房拎出黎。肉質同味道中等,不過不失。豬肉片就食黎食去都淨係食到肥膏。然後最精彩時間出現,臨尾佢走埋黎話要埋單last order,咁就order左一碟牛,然後就出去夾左少少菜,之後等找錢黎埋碟牛都搞左差唔多10分鐘,我地就諗住繼續清埋檯上既野,其實打邊爐點都要時間烚熟,清到一半有個waiter走埋黎話我地已經過左10分鐘,我初初聽唔明佢既意思,仲話「拿拿臨清埋啲野走啦,唔好晒左啲野食(果時檯上淨返岩岩黎果碟牛)」,點知個waiter企係我旁邊唔走望住我先知原來佢係要我立刻離開。我男友仲話因為未食完檯上既野,如果加時要幾錢,佢就話每位半小時50元!利申返當時店內只得3檯人,加埋得6個客人都無,我淨係想食埋碟牛唔好浪費野食姐,搞到好似驚死我賴死唔走,我明白佢地如果規矩要執正黎做當然無做錯,但我覺得可以人性化少少去對待事情,老老實實如果店係多人或爆滿我緊係拿拿臨俾完錢就走啦。今次係第一次食牛陣我預計亦會係最後一次,因為真係有一個好差既經驗。 繼續閱讀
(以上食評乃用戶個人意見 , 並不代表OpenRice之觀點。)