影片
以上資料只供參考, 請與餐廳確認詳情
獻上我第一篇食評睇倒美食雜誌介紹嘅呢間隱世美食小店二話不說就要BOOK嚟試試！牛記餐廳本身只係一間響大埔林村入面嘅港式餐廳，食下粉麵嘆杯凍奶茶咁，今年開始轉營做埋烤肉店。一嚟到，老闆好熱情咁介紹佢地嘅100%全血和牛。原來老闆做開批發，直接由澳洲牧場入口全血和牛，佢地之前一直都係供應全血和牛比一啲大型連鎖超市同店舖嘅，咩叫全血和牛？原來就係連續四代嘅牛爸爸同牛媽媽都係100%純種全血和牛，而且佢地澳洲嘅和牛都係以草飼放牧形式飼養，所以佢地嘅鐵質含量特別豐富，肉質比較有口感。老闆詳細介紹完，開始點餐！經過老闆講解之後，對呢隻全血和牛好有興趣！我地叫咗一塊M9+和牛肉眼，價錢係$250/100g，老闆會攞出嚟俾客人望一望，無問題先落單再幫你切件。塊M9+真係好靚，油花豐富，肉色比起日本和牛深色。揀好曬，開餐！老闆娘同老闆會輪住嚟幫你手，帶子刺身、和牛，佢地都堅持幫手燒。老闆娘攞咗一舊牛油(牛脂肪)出嚟，代替燒烤用嘅食油，燒出嚟嘅肉特別香帶子刺身燒香咗個表面，入面仲係生嘅，好鮮甜。呢塊M9+真係無得輸，有香濃牛味，唔會好似日本和牛咁入口即溶，會有少少咬口，但係好淋好香。其他嘅食材我掛住食, 已經唔記得影相全部嘢都新鮮、好味！聽老闆講因為呢個地址夏天太熱，做唔倒燒烤，客人食得太辛苦，會搵地方搬走。待佢地新店再開！
繼續閱讀
它裏的食物：一口牛，它的燒汁飽滿多汁，非常好吃，不過這裡有個缺點就是常常沒有食材。我點了「一口牛」、雞翼、菠蘿、金菇、翠肉瓜、蠔、雞扒、草飼和牛牛胸肉，後腿肉、全血和牛、M9草飼雪花和牛、牛頸肉等⋯⋯我推薦這些食物，希望大家可以♡我，bye-bye😘
繼續閱讀
一場嚟到大埔林村,經過呢間餐廳就諗住試吓啲豆腐花做下午茶，呢度嘅老闆娘十分之好客，好有禮貌，有人情味！雖然呢度有好多花草樹木，但係野蚊嘅我竟然冇蚊咬！我同朋友一齊叫咗每人一碗豆腐花，好耐冇食個豆腐花啦，呢度嘅豆腐花好新鮮，我好鍾意食，同埋以前細細個都成日食豆腐花，所以對豆腐花都有一個情意結，佢啲豆腐花特別滑，如果你同我一樣都好鍾意食豆腐花嘅話記得叫一碗嚟試吓啊！佢睇落唔係好大碗但係食完真係好鬼飽！
繼續閱讀
是日，與友人一行五人，坐王生架車，踏上大埔趴趴走。一大早，先去林村，再去嘉道理農場，最後去慈山寺。甫到達林村，飢腸轆轆，泊好車，就去牛記餐廳吃早餐。適時，只有一男一女熟客坐在戶外露天地方用餐，店內店外，均找不到老闆蹤影。熟客請我們隨搵位坐下，並入內請老闆出來。早餐以麵食和三文治為主，小妹要了凍檸茶配餐蛋一丁麵$29。呷一口，凍檸茶味道正常，清香透心涼。餐蛋一丁麵即叫煮，餐肉厚薄適中，食味不賴，只稍嫌底面煎燶了少許。雞蛋煎得半熟的，蛋白極其嫩滑，蛋黃仍是流心的，挺好吃。一丁麵煮得恰到好處，入口仍帶嚼勁和爽勁。吃完後，在村內逛了一周。適時，周圍只有我們數位遊人，感覺十分好﹗
繼續閱讀
新年去林村許願~攪掂晒之後諗住食個lunch~經過呢間大排檔...叫左2個lunch~新年冇set 都預左. 伙記拎左1個menu黎~叫左個沙嗲牛肉面同埋豬扒面..實在係未見過咁既顏色既沙嗲牛肉面...d 牛肉好un, 完全唔係沙嗲味...豬扒都係~又un又唔好食. d 面又好生..好似唔熟咁...最嬲既係..收錢時, 另1個伙記又話我地計錯數...個menu 係錯既..又拎左另一個新年既menu 黎...其實新年要俾多d $$ 都預左..只不過個menu 初初係人地拎俾我地...到收錢時又話唔岩..又要我地俾多$4~ 實在係好嬲~不過新年就算..以後都唔會再黎食~
繼續閱讀