150
52
13
| 餐廳: | 牛角Buffet (雅蘭中心) |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
開飯介紹
日本超人氣燒肉店，分店遍布全球，搜羅高質日本和牛及世界各地食材，設有明火烤爐讓食客享受滋味的燒肉放題。
繼續閱讀
營業時間
今日營業
11:30 - 00:00
星期一至四
12:00 - 00:00
星期五至日
11:30 - 00:00
公眾假期
11:30 - 00:00
*最後落單時間: 23:00
以上資料只供參考, 請與餐廳確認詳情
有關獎賞計劃
食家推介
相關文章
尋晚同兩個兄弟👬去咗「牛角燒肉」放題，貪佢夠晒爽！我哋三個大男人，慳家之選叫咗最平嗰個plan，限時100分鐘開戰⏱️。首先，落單係掃QR code，好方便，唔使舉手舉到痺。啲肉類🥩係員工送上嚟嘅，種類真係幾多花款！鹽味、醬燒、味噌... 醃法多到揀到手軟，啱晒我哋咁貪心。不過老實講，最平plan啲肉質真係... 一般般啦，冇話好驚豔，但絕對過得去，對得住個價錢💰。除咗點肉，自助bar🥗都幾有睇頭！沙律、前菜、湯、飯、麵、仲有啲小食甜品，選擇多到眼花。但係！問題嚟喇... 我哋全程真係太專注燒肉喇🔥，又要顧住火候，又要傾偈吹水，手忙腳亂🤹♂️。搞到食到尾段，居然覺得... 冇想像中咁飽肚喎！😅 可能掛住燒，食嘅節奏亂咗，又或者啲肉嘅油花唔夠？自助區啲嘢都冇乜點認真食到，蝕咗少少。總結：最平plan係抵玩嘅，尤其係肉類款式多同埋個自助bar真係唔錯。但想食得滿足啲、或者追求靚肉質嘅話，可能要諗上貴一級嘅plan。我哋呢餐就... 忙住燒，飽得嚟有啲空虛感囉，哈哈！😂#牛角燒肉 #燒肉放題 #抵食放題 #掃code落單 #自助bar多選擇 #平plan之選 #男人嘅燒肉聚會 #忙到冇時間食 #食完有啲空虛 #性價比OK #牛角香港 #牛角放題
繼續閱讀
【油尖旺區】【牛角Buffet】之前會定期同同事食牛角任食，但係攪手已經離職，都冇乜機會再同同事咁開心去呢度飲飲食食。今次就適逢以前電台同事凌霄哥話佢有張「電子利是」可以用，邀請埋我一齊用咗佢，難得有機會就去吓囉。午市都幾多人，亦都有幾多套餐選擇，豐儉由人。我哋就揀咗個可以坐耐啲嘅套餐，日式燒肉食 60 分鐘真係唔夠喉嘛。我哋揀咗 $408 嘅「嚴選美國和牛燒肉放題」套餐，呢個係「假日早割」嘅價錢嚟。當中嘅「嚴選美國和牛牛板腱」應該係最有特色，味道亦都同以往一樣，都係喺肉質同埋味道上都唔錯嘅。當然我同大家一樣都好中意食「牛角飯」，而家佢哋仲多咗部出飯機，可以撳個掣就有飯，可惜我用嗰陣就冇晒，要用返傳統嗰隻裝飯方法。年紀大咗其實都食唔得多，埋單連埋加一再用 $100 電子利是之後係 $797.6，要食呢個質素嘅嘢就要畀返相應嘅價錢。。。（地址：旺角彌敦道625 & 639號雅蘭中心2樓209-213號舖）
繼續閱讀
本來朋友同我慶祝食生日飯估唔到一間餐廳可以咁惡劣嘅態度問心我自己都係做餐飲，我都唔會咁樣對個客態度惡劣好冇禮貌唔識尊重人俾說話我哋聽用五有善嘅眼神望住我哋，我哋book咗位差唔多到book枱時間，我地到咗樓下已經有人打電話嚟，問我哋係咪嚟緊嗰啲？上到去餐廳CS冇人系度，我哋行入舖頭有位侍應帶我哋去一張未執既枱，我哋就企喺度等，之後個經理態度差叫我哋出返去門口度等，一坐低我就同個侍應講我想用加時，佢再搵經理，嗰位經理用唔耐煩嘅態度問佢，即係佢哋會坐到尾嘅？之後走過來同我哋講其實可以唔使用，因為爭個少少時間你哋可以留返下次用食到咁上下我地有蛋糕喺雪櫃甘舉手搵人想用一張加時coupon因為我哋驚唔夠時間有位短頭髮all back 既阿姐佢企系度單手扶住張枱遠距離唔知以為好型咁問：有咩幫到你？我哋話想用一張加時coupon個位經理聽到，同我哋講，我已經幫你用咗張coupon㗎喇。淨係掛住準備埋數行去啲枱到收錢之後走過嚟同我哋埋單同我哋講預翻十分鐘後會上蛋糕。有一位男侍應拎住個蛋糕去我哋張枱，叫嗰個阿姐幫我哋執咗張枱，個位阿姐好大聲咁講，叫佢哋坐去後邊食拉，等我等到幾時啊？當刻個經理完全冇理會個員工個態度問題上蛋糕又唔幫我哋清枱淨係執其他走晒人嘅枱，偏偏唔執我哋嗰張好似當我哋乞丐甘，俾錢受氣。
繼續閱讀
今日出去搵lunch食咩，行咗好多間舖頭都好多人排隊，竟然見到牛角唔使排隊，仲要係半放題，就入咗去食。雖然肉類只有一碟，但係出邊嘅嘢食超多，除咗蔬菜沙律關東煮牛角飯之外，仲有意粉甜品雪糕同埋嘢飲都係任飲任食，超抵。人均消費只係$100左右，仲有我最鍾意食嘅牛角飯，自製窩夫同埋番薯味雪糕，一啲都唔貴，但係可以食到飽到上心口 lunch真係唔錯，同埋好抵食，唔大食嘅話建議食lunch抵食過dinner！！
繼續閱讀
10月1號國慶日7折 -入座前詢問前台職員，點樣先可以有國慶7折優惠，職員話選Level 2 ($438)或以上既餐就可以享用7折，我地決定揀Level 2既餐，埋單後，先發覺個餐係計定價（$600）一位7折（$420+$60加一費用）原因係佢地另外加左頭盤（每位2蝦2扇貝）響呢個餐。職員無清晰講清楚個收費，所謂既國慶7折得啖笑。其實如果唔想提供折扣，不如如實地向客人解釋，只有$600正價餐可以有7折，總好過客人埋完單後覺得餐廳唔老實，欺騙顧客。
繼續閱讀