牛角Buffet (雅蘭中心)

營業中

休息中

🥩 旺角篇 · 牛角Buffet（雅蘭中心）拍拖食嘢唔一定要高級餐廳，食個抵食放題都好開心 ❤️ 今次同老婆去咗旺角 牛角Buffet，午市套餐價錢合理，肉類選擇多，仲可以自己燒～邊食邊傾，超chill！🔥牛肉拼盤選擇齊全，包括牛舌、肩胛肉、牛五花等，每款肉質都算鮮嫩；加埋醬汁自己調味，燒到微焦入口油香四溢，配埋紫菜飯、泡菜、海藻沙律，越食越惹味。🤤仲有串燒關東煮、熱湯、甜品朱古力軟雪糕任食，拍拖影相又好靚，CP值唔錯！⸻📍 餐廳資料店名：牛角Buffet（雅蘭中心）地址：旺角彌敦道625 & 639號 雅蘭中心2樓 209-213號舖交通：港鐵旺角站 E1 出口，步行約2分鐘電話：2152 1822日期：2025年8月消費：約 $325/2位（連加一）🥢 餐點•重量級燒肉定食（牛五花、肩胛肉、牛舌、燒肉汁）•我選燒肉定食（澳洲和牛牛肋肉、牛頰肉、牛舌）•小食：關東煮、沙律、泡菜、海藻•紫菜飯＋味噌湯•甜品：朱古力軟雪糕💑 情侶位推薦指數：★★★★☆（邊燒邊食，好有互動感，啱晒情侶拍拖～）⸻#牛角Buffet #雅蘭中心 #旺角美食 #燒肉放題 #香港美食 #食在香港 #香港情侶 #ea

牛角buffet由8月起更新燒肉放題餐目, 繼續有5個level, 最高level (Level 5) 另有獨立餐目😍🥩今次我揀咗$628 嘅level 4 -「焼肉の巨匠」 九州産A4+黑毛和牛及海鮮放題 (130 分鐘)，呢個係「假日早割」嘅價錢嚟。落單掃QR code，好方便，唔使舉手舉到痺。必食日本黑毛和牛肩脊肉、極上牛舌芯！加上鰻魚、鮑魚、帆立貝、王樣虎蝦、扇貝等海鮮。😍日本黑毛和牛肩脊肉油花均勻、肉質軟嫩，柔滑而不油膩。😍極上牛舌芯非常厚身又好彈牙。😍海鮮方面，我不斷order鰻魚同帆立貝。😍當然我同大家一樣都好中意食「牛角飯」，而家佢哋仲多咗部出飯機，可以撳個掣就有飯，而且有100g同200g選擇，唔夠飽仲可以用隔離飯煲裝飯。總結：呢個level有好多食物值得食，尤其係肉類同海鮮款式夠多，加埋個自助bar真係唔錯。但想食得滿足啲、或者追求靚肉質嘅話，可能要諗最貴level嘅plan。

今日放工同朋友去旺角食牛角放題一早已經book好位 唔使等味道好味 最鍾意食佢既牛角既紫菜飯牛肉質素亦唔錯 配埋醬汁非常好食仲有好多其他款式 亦有唔同款式既甜品 同飲品選擇雪米糍都好食,亦有軟雪糕可以自己揀

尋晚同兩個兄弟👬去咗「牛角燒肉」放題，貪佢夠晒爽！我哋三個大男人，慳家之選叫咗最平嗰個plan，限時100分鐘開戰⏱️。首先，落單係掃QR code，好方便，唔使舉手舉到痺。啲肉類🥩係員工送上嚟嘅，種類真係幾多花款！鹽味、醬燒、味噌... 醃法多到揀到手軟，啱晒我哋咁貪心。不過老實講，最平plan啲肉質真係... 一般般啦，冇話好驚豔，但絕對過得去，對得住個價錢💰。除咗點肉，自助bar🥗都幾有睇頭！沙律、前菜、湯、飯、麵、仲有啲小食甜品，選擇多到眼花。但係！問題嚟喇... 我哋全程真係太專注燒肉喇🔥，又要顧住火候，又要傾偈吹水，手忙腳亂🤹‍♂️。搞到食到尾段，居然覺得... 冇想像中咁飽肚喎！😅 可能掛住燒，食嘅節奏亂咗，又或者啲肉嘅油花唔夠？自助區啲嘢都冇乜點認真食到，蝕咗少少。總結：最平plan係抵玩嘅，尤其係肉類款式多同埋個自助bar真係唔錯。但想食得滿足啲、或者追求靚肉質嘅話，可能要諗上貴一級嘅plan。我哋呢餐就... 忙住燒，飽得嚟有啲空虛感囉，哈哈！😂#牛角燒肉 #燒肉放題 #抵食放題 #掃code落單 #自助bar多選擇 #平plan之選 #男人嘅燒肉聚會 #忙到冇時間食

【油尖旺區】【牛角Buffet】之前會定期同同事食牛角任食，但係攪手已經離職，都冇乜機會再同同事咁開心去呢度飲飲食食。今次就適逢以前電台同事凌霄哥話佢有張「電子利是」可以用，邀請埋我一齊用咗佢，難得有機會就去吓囉。午市都幾多人，亦都有幾多套餐選擇，豐儉由人。我哋就揀咗個可以坐耐啲嘅套餐，日式燒肉食 60 分鐘真係唔夠喉嘛。我哋揀咗 $408 嘅「嚴選美國和牛燒肉放題」套餐，呢個係「假日早割」嘅價錢嚟。當中嘅「嚴選美國和牛牛板腱」應該係最有特色，味道亦都同以往一樣，都係喺肉質同埋味道上都唔錯嘅。當然我同大家一樣都好中意食「牛角飯」，而家佢哋仲多咗部出飯機，可以撳個掣就有飯，可惜我用嗰陣就冇晒，要用返傳統嗰隻裝飯方法。年紀大咗其實都食唔得多，埋單連埋加一再用 $100 電子利是之後係 $797.6，要食呢個質素嘅嘢就要畀返相應嘅價錢。。。（地址：旺角彌敦道625 & 639號雅蘭中心2樓209-213號舖）

本來朋友同我慶祝食生日飯估唔到一間餐廳可以咁惡劣嘅態度問心我自己都係做餐飲，我都唔會咁樣對個客態度惡劣好冇禮貌唔識尊重人俾說話我哋聽用五有善嘅眼神望住我哋，我哋book咗位差唔多到book枱時間，我地到咗樓下已經有人打電話嚟，問我哋係咪嚟緊嗰啲？上到去餐廳CS冇人系度，我哋行入舖頭有位侍應帶我哋去一張未執既枱，我哋就企喺度等，之後個經理態度差叫我哋出返去門口度等，一坐低我就同個侍應講我想用加時，佢再搵經理，嗰位經理用唔耐煩嘅態度問佢，即係佢哋會坐到尾嘅？之後走過來同我哋講其實可以唔使用，因為爭個少少時間你哋可以留返下次用食到咁上下我地有蛋糕喺雪櫃甘舉手搵人想用一張加時coupon因為我哋驚唔夠時間有位短頭髮all back 既阿姐佢企系度單手扶住張枱遠距離唔知以為好型咁問：有咩幫到你？我哋話想用一張加時coupon個位經理聽到，同我哋講，我已經幫你用咗張coupon㗎喇。淨係掛住準備埋數行去啲枱到收錢之後走過嚟同我哋埋單同我哋講預翻十分鐘後會上蛋糕。有一位男侍應拎住個蛋糕去我哋張枱，叫嗰個阿姐幫我哋執咗張枱，個位阿姐好大聲咁講，叫佢哋坐去後邊食拉，等我等到幾時啊？當刻個經理完全冇理會個

今日出去搵lunch食咩，行咗好多間舖頭都好多人排隊，竟然見到牛角唔使排隊，仲要係半放題，就入咗去食。雖然肉類只有一碟，但係出邊嘅嘢食超多，除咗蔬菜沙律關東煮牛角飯之外，仲有意粉甜品雪糕同埋嘢飲都係任飲任食，超抵。人均消費只係$100左右，仲有我最鍾意食嘅牛角飯，自製窩夫同埋番薯味雪糕，一啲都唔貴，但係可以食到飽到上心口 lunch真係唔錯，同埋好抵食，唔大食嘅話建議食lunch抵食過dinner！！

10月1號國慶日7折 -入座前詢問前台職員，點樣先可以有國慶7折優惠，職員話選Level 2 ($438)或以上既餐就可以享用7折，我地決定揀Level 2既餐，埋單後，先發覺個餐係計定價（$600）一位7折（$420+$60加一費用）原因係佢地另外加左頭盤（每位2蝦2扇貝）響呢個餐。職員無清晰講清楚個收費，所謂既國慶7折得啖笑。其實如果唔想提供折扣，不如如實地向客人解釋，只有$600正價餐可以有7折，總好過客人埋完單後覺得餐廳唔老實，欺騙顧客。

以前食牛角，通常都係lunch去食，因為佢算貴嘅單價燒肉店，去食lunch set會抵好多。但自從佢出咗牛角buffet之後，就梗係夜晚去食buffet啦。-始終而家相對起以前少咗好多人，記得一開始出牛角buffet都要等好耐位，但而家book位都易好多，所以去到都唔係好使等。-呢度最正係牛角飯可以任食，仲可以夾大量紫菜喺面，另外佢嘅燒年糕同前菜亦都好正，而牛嘅質素仲keep到，唔會話轉咗buffet之後，變到好似其他任食店咁，俾最cheap嘅牛你。

難得今日早收工 早早嚟到雅蘭中心呢間牛角buffet度拎飛排隊 果然味道食飯時間唔使等咁耐 大概20分鐘左左右右就入得 今次我哋揀咗水之燒肉 有118品 果然牛角keep住都可以保持應有水準 下次會再嚟食

經過見到唔洗排隊就諗住食下多咗兩個額外嘅套餐兩個人食咗500幾蚊牛肩肉係最大嘅賣點場內紫菜飯 嘢飲 甜品都係任食關東煮 同韓式牛肉湯都好好味紫菜飯真係好好味 額外加多個溫泉蛋 絕配！

牛角我諗就唔駛多介紹，咁啱今日同大佬諗唔到食乜又想食放題，牛角見佢又無乜人排隊(果陣3點左右)，咁就殺入去啦，第1次係香港食牛角buffet(叫左ss2)我諗都無乜懸念牛角飯for sure ，我大佬重見到個好怪既現像，所有男士入到牛角第1時間做既就係整牛角飯😂，唔好諗食左碗先再做其他野(利申:我都係)，牛角飯就係呢到既重點，不過真心除左牛角飯，其他就試試就算(咖哩果啲)，味道麻麻我同我大佬其次欣賞係佢個雪糕，吉士x朱古力好夾呢2隻味，又唔會太甜，抵讚！！

烤肉品质不错，蛮新鲜的感觉。配上紫菜饭真的很好吃哈哈哈他家超多小食，推荐关东煮，沙拉和雪糕。他家总是有很多活动，有活动的话还是很划算的！要打电话预约比较好。大家冲鸭

新春大吉，食燒烤最有 feel, 而且有什麼好得過同家人一起去吃日式燒烤放題呢 ~日式燒烤放題通街都係，不過 ,牛角燒烤」，會是我們的選擇，因為價錢公道，質量也不錯，就是有信心 ~價錢方面，看看自己怎樣選擇啦，豐儉由人，總會吃得飽肚又開開心心的 ~對我們來說，主打當然就是牛肉，不停燒烤牛肉來吃，滿口都是牛肉，多麼快慰 ~此外 "牛角飯" 也是我的必然之選， 份量可以自己調配，要幾多醬肉，要幾多紫菜，完全自己話事，正 ~本篇完 ~

「甜品最深印象有3.6牛乳同烏龍茶雪糕😋」雅蘭牛角buffet環境細啲，食完會一身味，不過屬中心地帶交通方便啲個人唔鍾意太多醬汁鹽，糊椒 簡單嘅調味足以提鮮頭盤不錯的😋🍽️牛舌、牛肋肉個人不太喜歡燒豚/雞腿肉～麻麻地，不太嫩)🟢牛舌薄得黎有煙韌感😋🟢上級牛肋肉不會伏的🤤厚身、煙韌、腍👍🏻👍🏻🟢牛肩胛扒雖然大塊，可剪一半，不過好好食！！😋厚身得黎腍，好嫩口🤤🔴幸運骰 (紅肉)not recommend，要燒好耐🟢肩脊片薄得黎有口感😋🔴牛五花普通，好痴鐵板：/🟡香草紐西蘭羊頸柳無乜羊騷味🙈香草都無乜味🟢燒菠蘿超甜勁juicy😻🟢牛油金菇、本菇必點😋芝士牛油可再加，超香！！🟢半殼扇貝加芝士牛油落去燒，超香！！🥹上盤都好出色，一公一母🤣👍🏻好新鮮👍🏻🟢法國黃金螺貼心附上叉，好易剔出螺肉🤤加芝士牛油燒，超香！！都系好新鮮😋🟡味醂魚乾偏韌🙈其他推薦👍🏻🍽️芥末辣章魚、迷你甜薯、温泉玉子發掘到新品😝‼️ 芝士加牛油，烤海鮮一流！！😝#牛角 #牛角buffet