牛角Buffet (雅蘭中心)

營業中

休息中

牛角@旺角牛角是一家日本燒肉專門店，在香港有很多家分店而且旺角分店是全香港第一間放題形式的分店，今天我吃的這家在旺角雅蘭中心 地鐵站出來走不到100米就到了！如果想來嚐試的小夥伴請早點來排隊，我七點鐘來排了兩個小時才排到！澳洲和牛和紫菜飯極力推介有一點我覺得牛角急需改進的地方就是抽風系統，一入舖頭成見舖都係煙，不止是客人聞到會感到不適，而且牛角的員工長期係咁樣既工作環境下工作亦會對身體造成一定的影響！

好耐都無食日式燒肉，已經黎左兩次，但拎左飛要等幾百張...就果斷放棄，今次決定上網拎左先！如果唔係都食唔到！最平個餐無牛食，所以就揀左Level 2一坐低就點野食先，之後就去拎冷盤類無咩特別，但都唔錯，多人拎都Refill得快。飲品選擇都唔錯，有果汁揀，想飲酒就一定要加錢啦～牛脷好食，豬頸肉都唔錯，雞都幾好，唔燒太耐就得～其實都幾好食，但平日黎會再抵Ｄ～

牛角燒肉真心高質，但如果大家想食得開心啲唔洗睇價錢就住就住可以揀牛角Buffet💁🏻‍♀️雖然要等位，但真心值得😋叫左Lv2已經有齊豬牛雞海鮮，食到好飽好滿足❤️〰️👉🏻Lv2 平日$288 假日$318🥓👉🏻Lv4 平日$388 假日$428🥩 (有澳洲和牛、魷魚、翡翠螺、鰻魚飯etc)第二次食牛角放題，上次食Lv4今次食Lv2🤔覺得啲肉質同選擇真係幾大分別，但Lv2已經唔錯同抵食好多🤫肉類要係ipad order，沙律、蔬菜、甜品、飲品都係自取👅仲有雪糕機可以自製雪糕🍦除左好出名嘅牛角飯(要Lv3或以上先有流心蛋🥚)覺得最有驚喜嘅係佢個明太子玉子燒同麻醬烏冬🥰總結係好多選擇但好多人嘅燒肉放題，不過好彩朋友有S會員，唔洗等位仲有85折～

一般人對放題既食物質素都有所保留，而我當然都係...諗諗下都好耐無食過任食既餐廳最後都係試左牛角buffet. 佢好既地方係，d肉無因為放題而差左，基本上同平時無咩大分別（只係腌肉相對無咁入味）我今次係揀左HSBC信用卡個set，即係level3既野食。基本上平時食既野係level3都有。所以都夠食佢最得人鍾意係可以任加牛角飯紫菜！我瘋狂加同埋佢除左肉類，會有個自助位有冷盤/沙律同4款果汁（任飲）另外好似有個secret menu咁 可以將個waffle放落去燒都幾正（我fd教我架咋）😂😂😂唯一批評係真係好大煙！！食完個身好臭

牛角呢個名，早就聽聞過，今次決定認真試一試佢今次晚餐食，揀左level 2個個餐由於星期日晚市，要成$318一位牛舌薄身，好易熟，食落口都嫩滑有咬口，好好食豚肉五花，薄身一片，無點醃過，配上汁醬係非常好食，燒到佢少少焦，十分香口👍🏻和牛肩脊肉好有牛肉味，有少量油花分布，食落口無好油膩的感覺。多春魚上台時感覺好似唔精神咁，但係燒完食個時，無腥味，少焦的情況下十分香口好食青口屬於正常，沒有太大的問題食物種類款式都算ok,唯獨價錢偏高，但沒有對等級數的食物，少少失望加上一入座就發現地下痴立立，竟然沒有清潔好，衛生有點兒不足

成班朋友都好鍾意食牛角，今日有朋友生日，就特登去食牛角放題。結果等左兩個幾鐘先有位，等到這個時段，就更加抵啦。而且朋友係會員，切蛋糕唔單止唔使錢，而且我哋唔記得帶火機同蠟燭，員工都樂意幫我地又幫我地影相，服務態度幾好。

牛角在日本有數百間分店，在香港開業以來一直深受香港人愛戴，雖然食物價格合理，但想大快朵頤一番的話也稱不上相當便宜，而牛角放題正正就能滿足到不理價錢盡情任點任吃燒肉的欲念。位於雅蘭中心的牛角Buffet尤其是在晚上七八時定必大排長龍，所以每次光顧都會提早於大約六時入座，價錢由每位$248的第一級至$698的第五級不等，而我則大多選擇第三級或第四級，分別為每位$338及$388。除了可以透過平板電腦下單選擇食物之外，亦設有自助區供應各款沙律、前菜、甜品及飲品。當然不少得牛角名物牛角飯，自行添加紫菜及醬汁，另外再點一隻溫泉蛋拌飯口感更是豐潤渾厚。眾所週知，價錢愈貴等級愈高的套餐可選的肉類級數亦會較高，而食物選擇亦更加多元化。個人最喜歡極上和牛板腱肉、牛肋肉、和牛牛腹胸及一口牛，脂肪雪花紋理分佈平均，入口油潤豐腴；而且肉類色澤鮮豔，亦沒有出現解凍不當導致肉質過硬或滲出血水的情況。除了牛肉之外芝士雞腿肉亦深得我心，雞腿肉嫩滑再沾上熱溶後的拉絲芝士，芝士味不重但層次更加豐富。綜觀而言個人覺得牛角Buffet的食物水準能得以保持，沒有將貨就價或是濫竽充數，可以痛快淋漓地盡情享用各款燒肉及餐點實在是物

燒肉控又黎牛角大吃一餐啦❤️💕 其實午市黎食半自助午餐揀60分鐘已經好足夠啦～ 最滿足既係放到成台都係野食，真係見都開心子💕。半自助buffet 包左沙律、餐湯、野菜、冷盤、甜品、連牛角飯你都可以任食。冷盤中既明太子玉子燒大推👍🏻、平時沙律既選項都會有花生粒，而哩到竟然有合桃粒 😲😲野菜新鮮而且有唔少選擇、冬菇大蔥🥒雞脾菇任燒任食..而肉類我地就豬牛雞都揀左黎試下，肉質尚可，但就未去到驚豔個種嘅。食完真係大滿足，飽到晚餐都唔使食😂

牛肉燒肉知名度不錯，午市套裝更十分實惠，今日便到來進餐。燒肉定食分60分鐘和100分鐘，更有冷麵、拉麵選擇。肩脊肉我喜歡燒一分半鐘，肉質較嫩滑，油脂甘香，香濃牛香，辛辣醬汁已夠惹味，配珍珠米飯，美味。腹胸肉我會燒一分鐘，有香濃牛肉味，外面燒得香，內裡有少許粉紅，滿口油脂香，肉質彈牙細嫩。丹麥雞胸肉燒肉汁醃，但當日只食到雞的原味，燒得久會變老，肉質較結實。雞腿肉肉件較嫩滑，味道清淡，食不到燒肉汁味。白飯可自由添加，配上燒肉汁，紫菜，直接吃好飽肚，還有幾款日式前菜、冷麵。汽水，果汁任飲，甜品、雪糕、水果粒任食，埋單約$100位，抵食！

今日下午去開旺角因為想食燒肉關係所以找了日牛🥩~原來旺角雅蘭這一間是buffet的我還是第一次吃！它是有分兩個用餐時段🕐一個是60分鐘/ 一個是100分鐘價錢亦唔同午餐我們二人選用60分鐘一個A set$82 豬扒配豬大腸 一個set B $99 兩款都選牛肉🥩Buffet有沙律吧、蔬菜吧、甜品吧、飲品吧、還有雪糕和餐湯。這個價錢來說款式不算少前菜有日式螺肉、明太子玉子👍白飯任裝配埋日式紫菜很開胃😆二人最後埋單$199, $200不到😊

牛角一向多人,而且好貴,所以都唔捨得去食…有日阿哥話佢比錢就去左🤣淨係攞位都大戰一輪,個個都開app拎飛,勁怕會過個號碼,因為再拎一定等好耐先有得食,最後7點入到去!當日有hsbc優惠,每人多幾十就多一碟靚牛食左呢款之後其他牛都真係比下去,呢個真係入口即溶🤤過兩三輪之後,d牛都唔係冰既狀態,唔錯牛角個鹽醬好好食!有機會會再屈阿哥黎無記錯我係食lv2既set, 都ok多款夠食,飲品雪糕亦有,卡位坐得舒服

聽聞牛角開左任食放題，同個朋友都好鍾意食烤肉，本身滿懷期待黎食，但係失望而回！我地揀左level 2 黎食，$288加一。d牛肉一d都唔好食，熟左好un，咬唔開！最好食又放得入口係得個牛舌！另外出名嘅牛角飯變左自助式，比起係平日牛角食到嘅牛角飯差好多呢個價錢食烤肉放題仲有好多其他選擇，下次一定不會再黎！！！

真心超贊，原本諗住任食唔會有咩期望，係等friend期間就是旦亂點，點知d肉黎到，真係嚇親，片片都勁厚肉，超juicy😋以為牛肉好正，無諗到佢d豬肉仲正，特別係辛味腩肉，真係食到流晒口水，攬住個肚先行得郁😆由於d烤肉太正，個肚超full食唔到其他野有d可惜，下次要留下肚再試🤣除左食物，要贊下服務員，隻啤酒杯唔知點解無拿拿爆左，服務員9秒9衝過黎幫我地清理，仲即時俾過另一杯，加時30分鐘過左都無趕客，仲俾我地free坐多20分鐘，勁正👍🏻

我好鐘意光顧牛角lunch buffet,本人很喜歡食沙律，沙律🥗以及很多小食，甜品，飲品都是已包在內，平日2:00去通常都不用等位，星期六日價錢都一樣，不過要等位比較多人，60分鐘已夠食，包兩款肉類燒，另外所有野食都是在buffet bar 自取任攞，我很喜歡個周打湯 ，入面有蜆肉，味道很鮮甜，而且很濃，牛角飯是必須要食因為可以加大量紫菜，甜品方面食窩夫加泡芙（需要加熱食）不要燒太耐3分鐘便可，很脆口🤤🤤正呀

早排喺將軍澳牛角食過一次午餐，雖然份量係少但肉質真係唔錯，幾好味。朋友話旺角有一間牛角係燒肉放題，價錢抵好多，就約埋一齊試吓。午巿放題最遲係14:20入座，我哋因為要等齊人大概14:45入座，喺門口揀定食Lv2嘅放題，最後落單時間係15:30，16:00離座，都食得幾趕。坐低後用Ipad落單，外面自助區有飲品，前菜，沙律，湯，甜品。食物上得幾快，不過肉就真係唔好食，第一份比我哋嗰啲就好少少，之後好多都好鞋，雖然係任食，但係差唔多三百蚊嘅午餐完全唔值。自助區嘅前菜每款都加咗少少青瓜或洋蔥，增加口感。下面嘅明太子玉子唔錯，味道無咁單調，冷麵嘅汁有啲淡。呢兩款係落單點嘅前菜，牛舌有啲咬口，魷魚個醬好味，兩款都唔錯唔錯。我哋嘅選擇有炸雞同薯角兩款炸物，即炸熱辣辣，個炸漿又唔會硬。第一次燒青口，都幾新鮮，唔乾。美國見島特選和牛扁脊肉，燒完後鞋，油脂少，一啲都唔好食，朋友話呢碟所謂嘅和牛完全咬唔到，普通牛肉都不如。芝士雞腿肉，我哋係就咁放喺芝士上連錫紙兜燒，食落好似烚咁，雞肉無味，芝士亦無味，雞肉似嫩嘅芝士。香草雞腿肉就嫩啲有啲味。雞翼大隻味道唔重味。牛舌一向係我好鐘意食嘅嘢，唔同味只係加咗醬，薄