牛角日本燒肉專門店 (形薈)

營業中

休息中

真係失望，門口成日唔見人，安排又差，哩間黎左三次，三次啲安排都係差我明白連鎖鋪，人手安排點都爭啲，你成日唔見人都起碼整個門鐘之類係門口，apps 飛又因為個商場啲手機訊號唔好，睇唔到，一下比佢禁走，之後又叫你攞飛仔，真係好谷氣，好想投訴下

趕得切五點前落單，有七折，真係超抵！環境新淨，啲肉都唔錯，服務都OK。經理哥哥好友善！ 因為好新淨，所以唔會覺得油立立，希望繼續都係咁。$138 set 有沙律，有飯，有飲品呢個係朋友order嘅

有人講形薈開咗間牛角，未開前已經好期待，前幾日知佢開張了，反正疫情下都係會選擇外賣自取返公司食，同事話佢哋新張期有6折，今日就決定食佢，打開OPENRICE睇下menu，仲見到話首次落單減多20蚊，真係好抵呀！點了牛角燒牛肉飯，打開一望，賣相都已經吸引，仲要香噴噴，用匙羹撥吓啲牛肉，唔係只有幾片仔，而係比預計中多好多牛肉，味道適中，仲有醬汁比我自己倒，咸味可以自己調教，珍珠米軟硬度亦好恰當，感覺上好似牛肉多過飯咁，如果飯既份量多少少就更perfect。原價72蚊，6折咗係43.2，openrice仲扣多20，即係23.2就攪惦，仲要送埋罐可樂，大讚呀！一間好既餐廳，除了食物質素重要之外，服務員的待客態度亦很重要，值得一讚的是，門口的那位女侍應態度很好，對客人很有禮貌，佢戴住口罩都見到佢既笑容，對客人很親切，值得大贊！