牛角日本燒肉專門店 (V Walk)

營業中

休息中

真係等上牛肉等左成半個鐘都有，火都來既一次放題經驗！一點落order，生菜就好快都有來，但牛肉果d等左就來半個鐘！朋友已經要求要服務員過來，但都可以冇人理我地，於是直接叫住佢地，先有人來上牛肉。雖然理解冇可能好似一開始咁快上到order的食物，但半個鐘實在無法接受，於是同佢地反映，最後話加我地15分鐘。呢次經驗真係好嬲，來食放題就係希望可以食到飽同開開心心，但咁慢既速度真係令人好難享受，不求有幾快，但至少唔應該係要客人等半個鐘。所以以後都唔會再去呢間牛角，希望大家都要小心呢個問題，如果好耐都冇上食物，可以儘早直接叫服務員跟進。

好耐無食放題，個種大啖大啖既食法，更加係只有日式燒肉放題先做到，星期日去左VWalk既牛角分店食，平時都會黎呢到，拎完飛可以係商場行住等，但今次我地以牛角既App黎排隊，唔係講笑，由拎飛到入座，要等足2個鐘，又可以理解成真係出名或者好生意既，入座時8點半，放題有A(最平)至D(最貴)餐選舉，貴既多啲野食咁解，我地一行3人選擇左$308一位既B餐放題，過下口癮係唔錯既。未點食物已經會有無人一盤豬、牛、雞既雜錦食材，都好貼心既，入得牛角一定係為左食呢啲架啦，唔洗你等，一埋位就上一份先，服務係同類食店中少見，而點餐亦係用平板電腦，好方便，只係有時個畫面太多字，年輕人OK，但老人家未必識用。食物方面，唔洗多講，全晚不停豬、牛、雞咁Loop，而好多肉就算同一個部位，亦有唔同口味選擇，好似蒜香，鹽味等等，而當中我自己好鐘意雞肝，真係非常好肥美，可惜唔健康，小食多滋味; 仲有佢既香蔥拉面&牛角飯，我個人認為真係可以做招牌菜，基本上試哂餐單上既所有食物，埋單仲有會員優惠，以呢個質素黎講，算係物超所值。

上菜速度慢，漏單，上菜唔齊野。最後埋完單食完雪糕，竟然送來一碗漏單嘅牛肉飯。真係火都嚟埋。比起上次奧海城食，簡直係天堂同地獄。啲牛肉食完搞到我牙都痛。唔係埋單牙都痛，係啲牛肉真係食到人牙痛，好難照啲牛肉。冇食一排竟然會變咗咁樣嘅。買單接近$900真係接受唔到。完全唔掂。聽日仲要搵幾舊水去睇牙醫。

📍牛角 日本燒肉專門店生日飯第一彈，當然還是要選黃店囉～.🔸C餐放題- 極上 ㄉ&C*9ㄞF? (日文不會🤣放題在台灣會叫吃到飽～其實我愛吃肉.. 好像應該很多東西都很愛，哈 。這餐包含的上級牛肋肉、美國和牛牛板鍵、蝦子都很好吃～吃日式烤肉我都很喜歡配白米飯，因為日本米很好吃，然後還有那種烤肉醬油就是要配飯.這種烤肉式放題如果想悠閒點吃的話，兩個人去會比較好，因為這種台通常4人一爐，只有90分鐘的話會烤的滿急才能讓大家都飽。. 💲HKD 328🏡深水埗V Walk 2樓116A號舖. #hkiger #牛角 #poyeefoodie

其實牛角，食左好多次，但放題牛角，就真係食得兩三次！ 今次揀左南昌呢一間牛角同同事慶生🥳🥳🥳！ 今次揀左C set (其實次次都食c set🤣🤣🤣) ，因為勝在尐牛靚小小，仲俾得起，雖然真係好肉赤，加埋啤酒🍻放題，連會員優惠都要接近四百蚊！有兩樣野唔太理想，第一係時間，90分鐘既放題，仲要最後30分鐘就last order，其實真係有點急！唔敢去廁所😛😛😛！ 第二就係一黎就俾左份雜肉，其實我黎係食牛，你俾咁多豬同雞我，我會飽㗎！但點牛真係好高質，顏色一望就知係靚既！ 同埋佢既蕃薯真係好好食！但都真係要隔一排先再黎！好飽同好貴吖！

南昌V Walk新開，牛角做緊午市優惠，指定嘅套餐會有折，折完真係超抵食，同埋質素比一般嘅牛角更高食過返尋味，首先同老公叫咗一個雞豚套餐，一個牛套餐，兩個都有七折，折完$100都唔使，最重要係牛角飯任食， +11一蚊仲有玉子牛角飯！有兩塊牛舌、一條腸仔、牛肉、同埋豚肉！食水好靚，唔錯！配埋玉子牛角飯，一流另一係雞豚套餐，有雞翼,豬扒,雞肉,豚肉！成個碟擺滿晒，好治療啊，超抵食！燒嘅過程唔會好大油煙，位置坐得好舒服！餐飲仲要免費又凍飲，只要走飲管，支持走塑！佢就係我可以食到三碗嘅玉子牛角飯，配埋燒肉嘅油香，簡直係一級享受，食到抱住個肚走

食好西總需要理由呢個星期係我同小黃子結婚周年於是不斷食好西今晚又黎食我地好鐘意食既牛角已經食過奧海城，雅蘭中心分店今晚來食v walk分店比較喜歡奧海城同v walk分店因為呢兩間係篤ipad點餐雅蘭中心分店係自己拎飲品同自己整牛角飯我呢d懶人都係鐘意有人serve我牛角d牛 不用多說真係高質唔點任何醬汁都超好食我地最鐘意食牛腹肉d牛都咁高質 揀原味最好❤️仲有飲品都很不錯巨峰梳打同百香果梳打超正牛角一向都貴有時三個女仔去餐廳單點食唔飽都每人三百幾😭都係餓下再去食牛角buffet最抵食🤪

工作辛苦了好一陣子，決定放肆一下大吃一餐。一行人到南昌v walk牛角分店。餐廳面積都頗大，我們被安排到較入的位置，就像包廳一樣。來牛角當然是食牛，先來但佐賀和牛極上拼盤。不錯的，肉質滑嫩，油脂勻稱，牛味在燒烤過程溢出。最出色的是佐賀特上和牛肋肉，和佐架極上黑毛和牛肉眼。實在太香了。一盤不夠吃，另外再點了另外的和牛拼盤。又是很快被消耗了😆😂。芝士雞腿肉一方面將雞腿肉燒熟，另一方面將芝士盤放在爐上熱熔，然後沾來吃。這個芝士很香，提升了雞腿肉口感。抹茶啤酒澪 有汽清酒我第一次喝，然後愛上了它。甜甜地，易入口!女士會喜歡~

南昌新開左個好靚既商場vwalk，咁啱牛角亦都開咗喺呢度。唔使去到旺角雅蘭中心咁遠食，一行六人嗌左B餐放題任食。南昌嘅牛角不設沙律吧，服務亦都比較差，長期冇人收碟，門口reception接待員態度散漫，出出入入鋪頭，明明冇人排隊，都搞左成10分鐘先入到去，其實要溝通張枱得未，可以用對講機，唔使不斷行出行入鋪頭，令客人無所適從。仲有，我哋一路等位，一路睇緊牛涮鍋menu，佢同我講話以為我哋打邊爐，唔食燒肉，我對住佢真係目瞪口呆！講返食物呢條咁長嘅腸係第一次係牛角食，燒到果皮脆脆地先食幾好味。牛肉係一貫水準嘅好味，特別鍾意牛柳粒同埋牛肉片，點燒汁好好味。斑塊第一次係依度食，調味都幾好，有少少蒜頭味，多春魚要慢慢燒，唔係成條會散晒蕃茄同埋沙律好味，平時叫餐都好鍾意食呢個蕃茄，酸酸甜甜好開胃。旺角嘅牛角有個雪糕機可以任食，南昌嘅牛角係食完嘅時候會送上一杯雪糕，我覺得唔使去到旺角咁遠都還可以啦，但係服務真係要改善！

平日夜晚點了豪華個個放題280， 90分鐘，會員免加一，幾款牛肉，雞肉，五花腩，菇菌，蔬菜都任食，十幾款野飲任飲。最正牛肋肉，牛肉粒仲有個球紅豆雪糕甜品最有驚喜，個個都話好食。

很久沒有去過牛角，等了半小時便有位，入坐時店員問我冇人想散叫定食放題。好奇之下我們便選了放題。重點要點有牛的。放題內容包括，牛雞豬飲品都是任叫的。但是如果要有酒精類，便要另外加錢。因為我們沒有加。所以就唔記得左幾多錢⋯⋯另外牛嘅選擇都有四五款。豬嘅選擇就三四款。雞嘅選擇有四至五款。總括嚟講係牛有少少👟。反而豬同雞都唔錯。特別係豬五花同埋雞翼。飲品選擇烏龍茶果汁汽水都可以。我哋仲入埋做會員，下次可以上網訂位。咁就可以唔使嘥時間等位啦。差啲唔記得咗佢個牛角飯。一定要叫

又食牛角下午茶啦, 今日唔食燒肉食石鍋飯, 佢d石鍋飯餐7折後勁抵食, 同出面食lunch價錢差唔多只係60蚊左右, 但係牛角食物就一定有咁上下質素牛肉入味, 中間生蛋黃拌飯真係不可或缺! 仲有牛角飯上面既紫菜碎, 正 因為用石鍋所以成個飯keep住好熱辣辣, 拌飯黎講依個質素好高又平, CP值高!!

約咗一個新識嘅肥仔話喺呢度開餐佢話呢間平時排好耐隊所以叫我地早啲嚟攞飛Churrrrr 我已經諗住6:30去攞飛食七點點知每次攞飛都即刻嗌我🙈搞到我鬼咁唔好意思然後發現原來早一日係可以book位架唔使walk in🤦🏻‍♀️我哋最尾都係七點去七點入得🤣🤣肥仔話未試過燒肉嗰邊，咁我哋一行三人就去食燒肉啦佢晚市有三個餐嘅由17x幾到2xx到3xx都有我哋三個三個餐都嗌晒，然後share囉啲肉可以話係好新鮮只可惜我哋掛住講嘢成日燒燶野不過啲肉燒得耐左都仲好有肉汁唔錯不過佢一個餐包嘢飲包沙律前菜同埋甜品性價比來講都算幾好只係我哋三個太大食，嗌咗多幾轉肉類散嗌😆😆😆

今日諗住行下新商場就走左過黎V Walk,晚飯就搵左牛角食,我上佢個app攞定位,行到差唔多就有得食,都冇乜話點等✌🏼✌🏼門面唔覺,其實原來入面好大,好多位嗌左唔同嘅牛肉🐂同豬肉🐷🐽🐽,豬肉跟蜜糖好好味,但今晚d牛肉差左d,燒完咬起黎比較un,我都咬左好幾口先呑🙈lee個係黑松露月見牛肉🐂,月見係日文嘅意思即係果舊蛋黃🌝🍳,都係d牛肉🐂比較un,但個汁好好食,好食過d bbq sauce牛角飯冇得輸喇,間間都係咁好食😋😋

今晚約左朋友去深水埗黃金睇野，買完後記去左睇下有咩食，諗唔到食咩朋友話新開左間牛角就去左食，都好耐無食過啦！環境都好光亮舒服，服務都很不錯👍🏻👍🏻🙂🙂坐下來睇下食咩好，樣樣都好吸引😍😍🥰點左牛舌燒和飯慢心食聊天！厚燒牛舌賣相不錯，燒起來很香，入口嫩滑可口，厚切牛舌很有口感，又林又美味😍😍😍香蔥溫泉玉子飯泉玉子配熱辣辣的飯，啖啖香滑軟熟的飯加上香蔥更加添滋味滿足👍🏻👍🏻👍🏻