21
17
20
港鐵尖沙咀/尖東站 B2 出口, 步行約3分鐘 繼續閱讀
所有分店 (2)
電話號碼
27845188
營業時間
今日營業
11:30 - 00:00
星期一至六
11:30 - 00:00
星期日
12:00 - 00:00
付款方式
現金
其他資料
酒精飲品
加一服務費
食評 (72)
等級4 2017-04-08
3164 瀏覽
勞役三星期多後,美國回港幾日,點都要食好野食返夠本,食麥當勞食到驚。由細到大都最討厭牡丹樓,一年都幫襯唔到一次,就算學生年代到牡丹樓唯一目的只是抄功課。何解真材實料漢堡包就唔去食呢?就算茶記、快餐店都會更好。先到尖沙咀浸會查詢課程,但什麼都查不到,走去醫醫肚就剪個靚髮。好餓唔知食咩好,路過喜見新開清湯腩喎,但眼見似乎高朋滿座,照走入去問問啦。剛好門口死角有個獨獨位可以跟靚女搭檯呢,梗係好啦。見個個職員衝上衝落真係好忙,客似雲來,食客不停出出入入。舖面真係有點迫有點細而程長方形,通道緊緊夠兩個瘦人側身走過。最討厭二人迷你檯,細到不得了!幸好只係花幾分鐘食碗麵,不跟您計較。什麼調味、食具及餐牌都沒放,次次都要問侍應攞增加工作量。我想要豉油辣油及牙簽呢,見侍應們勁忙,我都費事麻煩喇。剛發現原來每日有兩段時間供應限量崩砂腩、坑腩、爽腩架,真係各位牛魔皇食家一大喜訊!總結牛芳百世,中環九記行埋一邊靠邊站,不消提。跟生龍質數差不多,可爭一日之長短。最好食始終係大埔群記,最不幸營業時間星期一至六由下午一點開始,賣晒就收檔囉。牛腩撈麵走蔥,木製器皿精緻有趣,極具特色,使人留下深刻印象。好細碟喎,作為食開兩碗麵既我,份量無可能夠飽,做頭盤還可以,好采加多個菜啫!正常撈麵份量不是應該多一點嗎?即時回想到美孚彬記,一個牛腩撈已使我飽飽大滿足。牛腩撈麵走蔥,外觀瘦瘦的牛腩,您生前吃得不夠飽嗎?牛腩竟然鬆化不乾不硬亦無渣,真的不要以貌取人啊。牛味濃濃、香料味道豐富宜人,牛油微滲。食得下喎,可以再黎添食。嚥韌牛腩連微爽幼麵掃入口,兩種質地交錯,超正!隔離檯四眼肥妹居然叫侍應提供辣椒酒,使我可以不勞而獲,多謝晒您喎,哈哈。辣油平平無奇,只屬微辣,惹味欠奉,吊吊味還可。捲上大量辣椒渣,不需四啖,啜啜啜啜,完全消滅始盡。清湯好好飲,牛肉味濃而清爽不膩。蘿蔔半爽半腍,水潤多汁,無渣輕甜不酸,合格的。我硬係覺得蘿蔔要配上辣椒醬才好味呢,天作之合。清湯西洋菜,清理得非常乾淨,無泥無砂亦無枯葉,翠綠立立令。鮮爽無比啊,每口都充滿甜美菜汁,西洋菜味極之濃厚,連菜湯都一滴不漏飲晒。爽腩河走蔥,爽腩同崩沙非常似樣,有無比錯我架?連侍應妹妹都講崩沙腩河呢。唔洗驚,定神看看,無錯是爽腩來的。色澤鮮明亮晶晶,筋膜帶爽又帶膠,黏著軟棉滑溜牛腩肉,啖啖香甜肉汁激射,味道極盡奢華濃郁,高質有料到。居然用上我最愛的幼河粉啊,開心死!不過只是輕輕拖水,硬淨結實的質感,不棉不滑有點失色。三抓兩撥倒晒落肚算數,份量太少喇。淨崩沙腩走蔥,其實解剖上崩沙腩及牛爽腩是同一部位來的,都是牛肋骨之間附著筋膜的肉,只不過前者全瘦、筋膜較厚及沒有膠質罷了,爽腩比崩沙產量更少而較肥美,所以更貴囉。崩沙跟爽腩同樣美味無比,膠彈的筋膜夾著嫩滑的肉,每口都充滿甜美肉汁,無得彈,美味。辣油平平無奇,只屬微辣,惹味欠奉,吊吊味還可。唯有加倍份量啦,平時會每啖都沾上辣椒油,依家倒晒落湯攪匀,連辣湯帶河粉掃落口,𣈱快到不得了!滾燙燙河粉湯通過口腔、舌頭、食道直衝胃部,感覺到熱力從上而下,暢快無比!招牌牛腩牛腳筋飯大辣,仲以為招牌牛腩同牛腩唔同,原來同一樣野,唓!好快送到,滿滿的啡黃咖哩汁,浮著紅油,咖哩香氣芬芳,隱藏著牛腩牛腳筋,檢查一下先。兩件薯仔、四件牛腩加四條牛筋,份量也不少噃。將大量咖哩汁淋上白飯,白飯也毫不馬虎,乾濕度宜人,軟硬度剛剛好。每一口飯都要浸著大量咖哩,再將牛腩或牛筋躺在白飯上,擘盡我的咀大大啖食。堅辣但不狂野,辣度一步一步地提升及迫近,微辣到大辣最後回甜作結尾,味道沉實香料味豐富,黏黏的汁有質素。牛腩鬆化,未算乾硬,水準達標。牛腳筋非常嚥韌膠膠的,不是棉滑系,都可口的。薯仔夠粉入味,跟飯同吃,一樣津津有味。勁飲半碗咖哩汁,額滿出晒汗,激激又滿足。淨魚蛋走蔥,湯汁非常濃郁甜美,嘆完大辣咖哩用來沖淡一下剛剛好。蘿蔔都不錯甜而不酸多汁水潤,係食到最後一舊竟然係半生熟蘿蔔,非常硬實,唔小心跌左落去?魚蛋質地同味度都勁似魚肉腸,好得意啊!跟大埔結實魚蛋完全唔同,雪白大大粒咬落有漿力富彈性,光滑的表面在筷子及舌頭上跣來跣去,魚味清爽突出沒半點腥味,還可以。 繼續閱讀
(以上食評乃用戶個人意見 , 並不代表OpenRice之觀點。)
放工好夜,尖沙咀都無咩好食,但就比呢間店名吸引,而且有飯有麵,實揀到想食既!呢間店明顯就係專賣牛,係主打,所以抱有左期望,但我地錯了。呢個時間限量牛的部位都無嚕,友人叫左清湯牛腩米粉,而我想點ge茄湯都無,見到餐牌上鹽香雞好似係該店拿手好菜,就點左!友人個麵到先,賣相都幾好,但牛腩係好好好普通,湯偏淡,六十蚊碗麵,都幾失望,至少唔好輸個湯丫...樓下麵店三十多蚊仲好食多多聲,仲話專食牛,實在...🤦🏻‍♀️但其實我個飯仲慘,改錯名,或者係取巧,應該叫白切雞飯,係同白切雞飯無分別!!!呢個真心嬲!仲收52蚊,無下次。 繼續閱讀
(以上食評乃用戶個人意見 , 並不代表OpenRice之觀點。)
等級1 2018-01-25
137 瀏覽
點了坑腩河,一碟芥蘭來到看見碗麵冇晒胃口!坑腩看似餸頭餸尾,牛碎無乜肉得啲坑仲要得大概五小粒碎坑咁就收$65,一點都不值!店員看見我沒有吃碗麵,湯也被河粉索晒,問我需唔需要加點湯,我說不用了,心想巳沒胃口,吃完碟菜,碎牛只試了一粒就埋單。店員話因為坑腩炆得太久所以散晒,不如換一碗俾你,我心想,既然你說換一碗俾我,點解第一碗麵會俾餸尾碎牛給我呢.....當然我不接受,説埋單就算了。我第一次寫食評,特登login去寫!既然牛炆到爛晒why u still serve on the dishes? 繼續閱讀
(以上食評乃用戶個人意見 , 並不代表OpenRice之觀點。)
等級1 2018-01-21
133 瀏覽
呢篇係我第一篇係OpenRice 既食評,因為我真係好懶寫野,但呢次真係唔講唔得叫左個牛腩牛丸雙併清湯米加碟腩汁生菜,可惜冇影相,但呢間鋪頭用豬肉丸扮牛丸,因為係白色,食落都肯定係豬,呢樣野好唔得,餐牌上都冇豬肉丸,點解會俾錯?如果係人地送錯貨,做廚房都唔識分豬牛?重有個湯,明顯係唔夠味,落味精同黑椒,因為我好唔中意食黑椒,而且個菜都係用同一隻湯碌,菜又特別食到個湯味,肯定係加左好多黑椒!不過就算難食....佢開呢個位都大把有得做.....早知去對面食米線都冇甘浪費quota 😑 繼續閱讀
(以上食評乃用戶個人意見 , 並不代表OpenRice之觀點。)
等級1 2017-12-07
352 瀏覽
滿心歡喜去試佢既牛坑腩咁既價錢食碗面佢竟然比左碗牛碎我!見到碗野完全係呆左仲好天真咁上openrice search 佢間野啲食評相睇下啲牛坑腩真係咁肉酸睇完仲嬲 人地相個啲係好正常既~我一啖都冇食到啲員工態度差到爆講完~冇下次 繼續閱讀
(以上食評乃用戶個人意見 , 並不代表OpenRice之觀點。)