89
4
5
電話號碼
36210341
營業時間
今日營業
12:00 - 16:30
17:00 - 22:30
星期一至五
12:00 - 16:30
17:00 - 22:30
星期六至日
12:00 - 22:30
公眾假期
12:00 - 22:30
*午巿時段：最後入座時間為14:30
晚巿時段：最後入座時間為21:00
全日：最後入座時間為21:00
以上資料只供參考, 請與餐廳確認詳情
有關獎賞計劃
優惠
食家推介
Keto到左火鍋界🤭❤️之前食過Beefar’s 已經知道佢啲牛咩料🥰今次食佢旗下 牛舞Gyumai ✨有烤肉又有火鍋😚雙重享受，佢地啲贈薩摩牛好靚，全部都雪花❄️油脂香得黎牛味濃。牛舞Gyumai 會喺12月5日起推出生酮涮涮鍋✨ 任何放題加$88即享精選生酮花膠蟲草花雞湯底😀湯底靚有半隻雞、大量火膠、蟲草花、雞腳係底，所以湯底極香濃而且好好飲，而且好補非常適合冬天。全部配料都係低碳，食完一啲都唔肥❤️燒肉方面，好多款和牛，又有豬肉、內臟、海鮮、炸品。海鮮叫咗甲羅燒、清酒煮蜆，樣樣都好食!甲羅燒食落鮮味唔會太鹹。牛肉最正係薩摩和牛，對比其他和牛，係佢地最入口即溶，極重牛油香味但又唔肥。刺身任食，常見嘅刺身都有齊，三文魚、赤貝、帶子等等，帶子雖然細細粒，但係非常叫左個炸軟殼蟹天婦羅，入邊有蟹膏，超大隻，一定要試吓。甜品、熱盤、火鍋菜、飲品全部都係自助區，可以自由拎。仲有兩個會員新優惠，會員呢個月 22號前惠顧指定全日放題☺️送限定既薩摩牛月見燒或珍寶虎蝦！12月有生日優惠，壽星生日前後7日可預先訂座即送薩犘牛生日蛋糕🤓呢個蛋糕上面嘅牛係全晚最高質，千奇唔好錯過
繼續閱讀
呢間餐廳同時供應燒肉同涮涮鍋，主打3大產地嘅頂級和牛：鹿兒島自家農場直送薩摩牛🇯🇵、樂天澳洲L’grow和牛🇦🇺、美國Prime牛肉🇺🇸💗日本薩摩和牛放題 ($628/ 位)🌟限定送薩摩牛月見燒或珍寶虎蝦🎂壽星免費獲贈薩摩牛生日蛋糕全品享有146種，包括牛類、豬類、雞類、羊類、內臟、海鮮、刺身、炸物、串燒、飯麵，以下8️⃣款係最值得添食👇🏼🐮蕯摩牛肋肉：牛肋肉油花分佈均勻，肉質軟嫩細膩，牛味濃郁🐷燒肉汁豬頸肉：豬頸肉爽脆嫩滑，油脂四溢🐔塩蔥雞腎：雞腎脆嫩有嚼勁🌊刺身：日本甘蝦、帶子、三文魚、北寄貝、墨魚特別新鮮🦀甲羅燒：蟹蓋放滿蟹膏，蟹柳肉，加入蛋液燒香，味道濃滑甘香🐚磯煮鮑魚：鮑魚肉厚爽嫩，醬甜入味🌶辣酒花螺：辣酒花螺爽滑彈牙，辛麻惹味🐣奶黃金川燒：金川燒外脆內軟，帶陣陣蛋香，內𥚃注滿香甜幼滑嘅奶黃餡🥙自助區每日隨機供應不同沙律、熟食、火鍋配料🍻飲品區汽水飲品任君選擇，最特別係有健康羅漢果茶，更無需額外加錢任飲生啤、紅白酒、清酒、梅酒🍨甜品區除咗有日本雪條外，仲有和菓子、大福、鮮果、卷蛋💗生酮花膠蟲草花雞湯底 (+$88)生酮花膠蟲草花雞湯底加入杞子、蟲草花、花膠同雞腳等熬製，味道清甜醇鮮滿滿骨膠原，更特意加入具有健脾益肺、延緩衰老等功效嘅黨蔘🐓配料主打由日本直送黑薯糕同蒟蒻春雨，另有鵝腸、鴨血、雞肝、萵筍🍲
繼續閱讀
約咗朋友嚟利舞臺廣場睇展覽，之後一齊食晏。本來仲心大心細，唔知揀邊間餐廳好，原來友人非常細心，一早已經喺廣場 8 樓呢間「牛舞燒肉‧涮涮鍋」訂咗位，到埗後便可以即時入座。店鋪主打日本自家農場直送嘅鹿兒島薩摩和牛，餐牌有全日同午市燒肉及涮涮鍋放題供應，另外平日晏晝亦有定食可供選擇。我哋每人揀咗個便當定食，套餐包 60 分鐘自助區任飲任食，有沙律、熟食、湯、日本雪糕、甜品及飲品等供應。趁兩個餐未上，先外出拿些熟食及熱湯埋位，春卷同洋蔥圈都好脆口，咖喱牛筋腩炆得很入味，軟腍鬆化，用嚟送飯一流！另外碗紅棗雞湯味道亦唔錯，喝起來非常順口，甘甜味美。兩客定食接著送上。日式咖喱吉列豬扒飯 ($98) 賣相很吸引，吉列豬扒炸得剛好，外脆內 Juicy，咖喱汁香甜微辛，甘甜有層次，用嚟撈飯就最合適不過。另外呢份蒲燒鰻魚飯 ($128) 定食亦唔失禮，鰻魚燒得好香口，肉嫩肥美，而且魚油味都幾突出，醬汁份量亦啱啱好，配埋便當內嘅中華沙律、椰菜同米飯一齊食，好滋味。食完飯，當然係輪到甜品時間，睇下幾豐富，有日式卷蛋、和果子、泡芙、啫喱同新鮮水果。幾款卷蛋嘅味道都唔錯，不但小巧的骰，而且鬆軟綿密，食多幾件都唔怕膩。另外件泡芙都好正，忌廉香滑微甜，一咬爆 Cream。不過幾飽都好，記得要留肚食雪糕雪條，口味非常之多，最鍾意杏仁朱古力雪條，品嚐時脆皮與雪糕同時在口中溶化，雙重享受，令人回味無窮。
繼續閱讀
星期日午餐去咗食日式打邊爐放題，原本去咗利舞臺廣場牛一，點知去到門口既外籍服務員態度非常麻麻價錢又唔平，於是即刻轉去利舞臺廣場牛舞，呢間就主打燒肉放題多d。午市放題餐有5款，最平個餐叫特上豚肉放題，成人$218，小童$168，另加一，限時100分鐘。可以加$58加湯底就可以打埋邊爐。個餐包以下食物，落單用QR code：美國肩胛豬梅頭肉：好韌，失望豬頸肉：就脆脆地，質感稍為好d，燒肉汁好食過原味厚切豚腩肉：其實都唔覺厚切，質感算可以台式一口腸豚肉芫荽卷串：其實無特別雞中翼：都幾大隻，唔錯煙鴨胸：個人就好唔鍾意鴨胸既鹹味美國雞腿肉：一如預期雞無雞味，質感可以，不過有軟骨豬大腸雞腎：好爽口，好食雞心脆皮香蕉：幾好wor，皮脆肉滑炸紫芋丸：就唔夠芋頭味，差過好多放題店枝豆：正常八爪魚刺身：正常啦泡菜豚肉炒年糕生薑豚肉蓋飯柚子冷麵自助吧有以下食物：熱食有紅蘿蔔蓮藕粟米湯：好飲足料，唔似有落味精紫菜白飯日式咖哩牛筋腩同香辣牛肉：話用薩摩牛，香辣牛肉味道都幾辣，牛肉質感頗韌，配有青瓜同菇粒一口牛炒菇粒：牛肉粒好嫩吓，只係較油膩少少炸三文魚炸魷魚圈雞胸肉沙律有車厘茄，紅腰豆，粟米，菠蘿粒，椰果，提子乾，同沙律雜菜，質素可以。前菜有中華沙律，涼拌青瓜同泡菜。火鍋配料有少量，包括麵條，生菜，菇，粟米，金菇，蕃薯仔，丸類，腸仔，餐肉，蟹柳。我地燒咗蕃薯仔黎食，質素唔錯。生果有菠蘿，火龍果同哈密瓜，哈密瓜好甜。甜品有迷你泡芙：非常麻麻，好實和菓子：兩款，唔吸引毛巾蛋糕：好唔錯，鬆軟而忌廉滑溜啫喱杯：兩款，唔吸引明治雪條有7款，個人最鍾意煉奶紅豆同芒果，其他有藍莓，北海道牛乳，荔枝，海鹽，同脆皮雲呢拿雪糕。甜品方面算方便就手又好味，大滿足。枝裝罐裝包裝飲品共9款，種類唔多，不過勝在有d少見口味，包括西柚梳打，有汽利賓納。另一面有汽水機同咖啡機。冷氣好勁，個燒肉爐火力都唔錯。服務就勉強，服務員自動將明顯未夠高度既小童當係成人收費，一定要check單，不過夠鐘都無趕客。座位都舒適。呢個價錢食呢d野，個人覺得主要食豬頸肉雞腎同雪條，性價比勉勉強強可以，唔多吸引。
繼續閱讀
食日本和牛七百幾蚊一位, 諗住幾抵試下, 再加上youtube有位四眼肥佬網紅”極力推介”, 原來畀埋D下欄位, 完全唔係嗰回事, 唔掂好難食, 真係搵人笨, 仲要好肉酸, 用細隻黑色茶樓點心碟上, 點一片牛上一片, 點二片上二片...再點返啲平價美澳牛, 燒咗一塊已經唔想再叫... 勁伏！唔好去！就算是叫番普通的歺34百蚊都係好難食, 去其他好過...自助區沒有什麼想食, 因為王要係飯, 湯, 咖哩牛腩, 火煱將料, 沙津菜...自助甜品區都係雪條及雪糕糍米池
繼續閱讀