174
6
4
電話號碼
27162728
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
付款方式
Visa Master AlipayHK 支付寶 現金 AE 銀聯
其他資料
網上訂座
Wi-Fi
酒精飲品
自帶酒水 詳細介紹
泊車 詳細介紹
電話訂座
賞訂座積分
外賣服務
加一服務費
電視播放
當面支付
有關獎賞計劃
食評 (187)
女朋友鍾意食軟殼蟹手捲,但生日冇理由就咁嗌個軟殼蟹手捲慶祝吖😁有朋友話我知九龍城'牛石料理'有軟殼龍蝦手捲,夠特別,夠矜貴👍 應該會畀到佢一個驚喜💑上網搜尋一下,原來一般龍蝦可食用部分大概只有占全身比率為37.5%,而軟殼龍蝦食用率100%全隻可食😆用炸的最顯美味因為是連殼下去炸,香氣亦遠遠大勝一般的龍蝦料理,而且連殼都可以吃😋😋😋咁我緊係要叫返客炸軟殼龍蝦俾女友試試啦~賣相果真不錯,紅紅的龍蝦炸得香香脆脆,還有蟹籽陪襯著,再加上綠綠的紫菜,看見已經口水流😅一口咬下去。。。既香且脆,不用醮醬油更能吃出鮮味,整隻入口吃起來超滿足超有快感,肉質也相當具有彈性Q度及水分😍叫左個牛石精選盛盒:有 伊藤和牛嘅肉眼、西冷、背峰肉、牛舌、牛小排, 仲有黑豚腩、西冷同雞肉,相當豐富🤩伊藤嘅和牛每頭牛都有身份履歷,和牛油花等級 ,細膩的油花和鮮豔的色澤美得叫人陶醉。均勻分佈的油花入口即化,牛肉濃郁的鮮甜味直衝鼻腔。在舌尖上久久不散的餘韻,回味無窮😋😋😋放進口裡,舌頭的溫度即可融化肉質上的油花,紅肉與脂肪的霜降比例均勻,脂肪豐富卻清爽不油膩。燒烤最能品嚐到入口即化的口感,也是嗅覺、視覺的享受。有著細膩的肉質纖維,以及雪花般柔滑脂肪呈現的大理石油花色澤美麗均勻均勻美麗的大理石花紋有著入口即化的香甜美感。黑豚五花腩,脂肪層層分佈,入口即溶,非常鬆化,最適合燒烤👍 燒好後肉汁甘甜,油花脂肪甘美,口感細嫩好吃😍舉杯暢飲🍻邊食,邊傾😍今日同女朋友感情又邁進一步💑 因為女友十分滿意軟殼龍蝦的滋味😜 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-07
317 瀏覽
想食好嘢梗係嚟九龍城喇,因為係九龍城無論打邊爐,泰國菜,日式料理,燒肉。。。間間都幾出名,而且食材用料尚盛👍今日入咗嚟'牛石料理',呢度不單止有新鮮嘅刺身,而且仲有日式燒肉😍好可惜今日有少少熱氣,唔敢食燒肉😶但係見到呢度有軟殼龍蝦🤗 就算熱氣都要食下😜因為真係好少餐廳有軟殼龍蝦😅軟殼蟹手卷食得多,軟殼龍蝦手卷真係第一次😍手卷的龍蝦炸得香脆,再加上蟹籽,真係色香味俱全。很喜歡它酥酥脆脆的口感,加上整尾都可以食用,方便極了🤩軟殼龍蝦的肉質也較一般龍蝦水嫩鮮甜,而且包含腳、龍蝦鬚通通都可以食用!以往吃龍蝦只能望殼興嘆的蝦頭,使用軟殼龍蝦,就沒有這種遺憾了!軟殼龍蝦的美味真使我難以忘懷😍見到門口魚缸啲海鮮真係好新鮮🤩而且仲有我最喜歡嘅象拔蚌添呀😋😋😋咁緊係要刺身啦😉刺身船有原條象拔蚌,生蠔,牡丹蝦,黑鯛魚。鯛魚刺身,清鮮甜美,屬貴價料理;砌成薄片,厚度均一,可見廚師刀藝了得👍象拔蚌頗新鮮,肉質爽甜而鮮,食到停吾到口😅牡丹蝦蝦身呈半透明狀,味道十分鮮甜,蝦味非常濃厚,加上爽滑的口感。。。口感豐腴無比。蝦頭啲膏正到呢~日本生蠔肉質肥美,口感Creamy金屬味和海水味不重,更能突顥它的鮮甜,有獨特的甜味,並散發濃濃蠔香,留於齒頰間久久不散,愛蠔的我真想一試再試,限於今天跟客人一起,不敢放肆😜帶個客食咁好嘅嘢,呢單生意最終亦傾成了。今日真的很高興,食得滿足又滿意,生意又傾得成🤘肚子滿滿,錢包都滿滿🤗 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-02
309 瀏覽
近排戀上去舊城區覓食,事關食得太多連鎖店,所以覺得小店不時會帶來驚喜,然而今次就搵食搵到九龍城,但唔係食泰國菜,而係日本菜。軟殻龍蝦沙律($168)平時食軟殻蟹就食得多,軟殻龍蝦真係第一次食,事關店員話係新菜式,仲極力推薦。而沙律唔單止用左沙律菜,最估唔到係用左營養價值極高,又名綠色魚子醬嘅海葡萄(海藻的一種),食落一細粒一細粒咁,口感好得意,蘸上沙律醋更是一級棒。至於軟殻龍蝦都清得好乾淨,每個部位都食得,而且幾脆口。牛石精選盛合($548)日本伊籐和牛肉眼A5:係最高等級,油脂分布均勻,入口即溶,幸福感滿溢。日本伊籐和牛西冷A4:一開始會認為西冷無咁好食,點知係勁juicy,仲充滿油香,仲不會膩。日本伊籐和牛A4-肉眼背鋒:相對以上兩種係較彈牙,口感十足。牛舌:燒完後都好爽口,不會輸泄俾其他部位。牛小排:雪花都係好靚,色澤仲更通紅,有豐富肉汁。日本雞腿肉(右):肉質鮮嫩又滑身。日本黑豚西冷(左):薄薄一片,燒數秒就可以反轉,然後數秒後就食得🥰,好香口。日本黑豚腩:富脂肪香,同樣油而不膩。不得不提,店內有不同調味料提供,包括海鹽、黑胡椒、wasabi、蒜汁&牛肉汁,不過個人覺得加點海鹽就夠,事關唔想遮蓋咁高質嘅肉味。從此可見,今次舊城區小店覓食並沒有失望,值得再黎。 繼續閱讀
(以上食評乃用戶個人意見 , 並不代表OpenRice之觀點。)
九龍城不嬲多好嘢食,除咗最受歡迎嘅泰國菜 同潮州打冷之外,原來都有唔少嘅日本嘢食,今次有朋友帶我去呢一間牛石料理試下, 質素都唔錯。餐牌嘅款式真係好多,諗到我頭都大埋,於是同朋友叫咗一個和牛二人套餐試下,聽聞呢度有好特別嘅軟殼龍蝦料理,當然唔執輸,要叫一個試下啦。軟殼蟹就食得多,軟殼龍蝦真係好少見, 呢度嘅軟殼龍蝦料理有幾款,分別係手捲、板捲、同埋我叫嘅呢一個軟殼龍蝦沙律,由於我地嗌嘅和牛套餐入面有壽司嘅關係,我哋選擇咗沙律試下。賣相非常唔錯,炸得熱辣辣脆卜卜嘅軟殼龍蝦,配上海葡萄沙律,加埋店家特製嘅酸醋汁, 清新又開胃。 尤其是軟殼龍蝦外層有薄薄嘅脆漿包住 ,龍蝦肉鮮味彈牙,但係外層嘅軟殼炸得金香鬆脆,非常特別。有別於軟殼蟹林滋滋嘅質感, 肉質鮮甜有彈性, 食落好得意。和牛套餐都好抵食,由前菜、刺身、燒肉、卷物,以至甜品都有。蟹籽沙律表面鋪滿脆卜卜嘅蟹籽,入面用咗蟹柳同青瓜,最特別嘅係加咗蘋果,非常清新。刺身亦有三款,分別係三文魚、金目鯛、同埋油甘魚,我最鍾意就係油甘魚 ,食落鮮味,肉又厚身,好滿足呀!燒肉拼盤分別用上,伊藤和牛a4西冷、三角胸排、牛小排,同牛舌, 睇相都知道油脂非常豐富,雪花好足夠,食落滿滿嘅肉汁,入口即溶, 鍾意食牛嘅朋友絕對唔可以錯過。最後仲有炒野菜同埋特色卷物, 野菜 熱辣辣 ,又夠甜,最啱就係食完和牛,清一清口腔 ,再試下個卷物。卷物有三款,分別係三文魚、熟蝦同埋鰻魚,有少少似加州卷嘅做法,但係表面上就覆蓋咗唔同嘅材料,味道都唔錯, 尤其係三文魚,呢度嘅刺身質素真係幾好, 鮮甜肥美。最後侍應仲送上布丁作為甜品,真係食得好滿足, 下次去九龍城,唔一定只係選擇食泰國嘢,原來都可以發掘到好多好嘢食。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-07-13
127 瀏覽
好耐冇同朋友行街食飯,佢話想食日本嘢,見到網上面有唔少人都推介九龍城嘅呢一間牛石料理,睇相嘅賣相都幾吸引,一於同朋友仔去試下。食肉獸嘅朋友提議試下個和牛二人套餐,有日本嘅 a4 和牛燒肉拼盤,至於我就對店家新出嘅軟殼龍蝦料理比較感興趣,因為坊間都比較少有,感覺幾特別。我哋選擇咗呢個軟殼龍蝦沙律,將原隻龍蝦炸到脆卜卜,加上特別嘅海葡萄沙律,擺碟好靚好唔捨得食。 而重點係個軟殼龍蝦,外脆內軟又多汁,肉質彈牙鮮甜,就連個蝦頭都炸得好脆,而且個脆漿好薄,一啲都唔油膩,真係好考師傅功夫㗎。至於朋友念念不忘嘅和牛套餐都好豐富, 尤其係刺身同埋烤肉拼盤,相當高質!店家會挑選三款時令海鮮做刺身拼盤,當日我哋就品嘗到金目鯛、三文魚、油甘魚, 朋友就好鍾意食油甘魚, 貪佢肉質夠香夠甜,而我就比較鍾意金目鯛,味道清新鮮美。蟹子沙律味道都幾好,配上一粒粒嘅蟹子, 加上冰凍脆口嘅青瓜絲 ,食落索索聲,真係好開胃。而和牛燒肉拼盤就有四款,伊藤和牛a4西冷、伊藤和牛a4三角胸排、牛小排、牛舌, 店家仲提供咗特製嘅烤肉醬汁畀客人配肉食,有芝麻醬同燒肉汁, 兩個嘅味道都唔錯,大家不妨一試。鍾意食牛嘅朋友就一定要試下呢度嘅伊藤和牛,因為好多雪花同肉汁,食起嚟啖啖牛油化係口,只需要表面輕輕咁烤一陣,加少少 鹽同胡椒,就已經帶出牛肉嘅油香同肉味, 真係食過就返唔到轉頭呀!廚師亦用咗 三文魚、蝦肉、鰻魚 整成卷物, 加上蟹柳玉子青瓜作為餡料,配上酸酸甜甜嘅沙律醬,真係忍唔住一啖接一啖咁食呀。呢一個嘅鹽燒 黑豚肉,亦都係必食嘅推介,師傅用咗薄薄嘅海鹽,配上鮮嫩多汁嘅黑豚肉,慢慢咁燒,燒到非常之香脆,但鎖住咗黑豚肉嘅肉汁,食落好似食緊薯片咁,但係就入口爆出咗黑豚肉嘅油香同肉汁,真係好惹味!最後仲有個布甸甜品,真係食到我哋好飽呀, 臨走仲見到幾台客喺度打邊爐,下次都可以試下。 繼續閱讀
(以上食評乃用戶個人意見 , 並不代表OpenRice之觀點。)