牛皇海鮮火鍋小菜館 (已結業)

手切牛不知所謂, D牛肉完全唔肥, 又冇牛味. 同佢講唔掂喎, 都唔係肥牛黎既, 個經理話切多碟試下啦! 結果係肥, 不過肥埋一邊, 照舊冇牛味. 仲有脆皮牛腩, 皮係好脆, 不過D牛腩同湯渣冇分別. 個古法炒蜆, 味道古怪, 份量又小, 仲要煮到過哂火, 差D咬唔開. 又係垃圾. 仲成晚SELL我地食海鮮, 象拔18元兩, 龍蝦24元兩. 我個FRIEND話入黎0個陣話龍蝦20元兩喎. 個經理竟然話20元兩係有, 不過係D買左半邊既, 唔可以生食架. 痴線, 咁咪即係死龍蝦. 始果冇叫海鮮, 埋單都要成2700元. 食到一肚火..

2007-10-11晚同班friend一行五人落去(其實之前成日落上海街果間，但係今年初已執咪德興街囉)地方大坐得舒服，招呼都OK啦(話晒都係熟客)火窩一定要手切本地牛(脊、頸同邊OK、但係水準唔平均，落單前最好問邊舊正)游水章紅魚刺身長期有貨，人小可以叫半條(頭骨腩蒜溶蒸)小菜都唔錯，牛皇抄沙蜆、跪皮牛腩可以一試。食品份量比較OK及斤兩十足。論價錢就扺食過新東記啦(不過新東記牛肉就好同埋水準平均)。

上週放工後跟成班同事來呢度打邊爐,食物好味,有好多幾特色既野食,另外又炒了產海鮮,好似蝦,蜆等,都非常好食,但講到服務就真係唔掂,坐左好耐都冇人來起爐,叫荼,叫公筷,etc又遲遲未有,一邊爐又唔夠熱(用電),又冇制去教,d食具又唔係咁乾淨.....埋單仲要係好貴,平均每位成$300+,最慘係之後我地有幾個同事腸胃炎(包括我自己),都唔知係d食物有事,淨係食具有事,唔會再去!!!