牛皇世家

Kingcowdynasty
13
1
0
要數最有代表性兼最受歡迎的港式美食,大排檔肯定佔一席位。去到尖沙咀牛皇世家,唔使坐街邊都一樣可以享受到街頭風味,而且可以嘆住冷氣,於環境舒適蜜敞的餐廳內享用大排檔美食,食得開心又放心!
店子開業半年左右已經相當爆場,識食的食客一定要試試店子主打的牛肉,有齊本地新鮮手切肥牛、美國安格斯及澳洲和牛,唔靚唔用,更細心特設不同部位,適合各位牛魔王盡情品嚐!本地牛肉有三大部位供應,必吃肉質特別嫩滑的牛頸脊,牛味濃郁而且脂肪分佈平均,為牛肉中的極品!

特別推介: 麻辣鯇魚鍋 X 椰子雞鍋


靚牛當然都要有滋味湯底加持,必吃坊間少有的麻辣鯇魚鍋,鯇魚每日新鮮入貨,鮮甜厚肉,配上香辣惹味的麻辣湯底,鮮、香、辣共冶一爐,微辣之中帶有鮮甜味,麻辣鯇魚鍋鮮香味美,魚肉嫩滑,與麻辣湯相當匹配,叫人一試難忘!唔食得辣,亦可以揀支竹鯇魚鍋,魚鮮更加突出。
喜歡清淡的,可以試試椰子雞鍋,以純椰青水及清水原汁原味製作,絕不加入任何調味,味道帶天然的清甜味,配上海南正宗文昌雞,雞件嫩滑,湯底吸盡精華後越煲越香甜,椰子雞湯味道清甜,配上肉質結實的文昌雞,甜度輕盈自然,配蔬菜、海鮮均一流!
餐廳亦有刺身供應,日式刺身如三文魚、甜蝦,甚至泰式生蝦都有得食!用來作頭盤開開胃最好不過。刺身拼盤有三文魚、甜蝦、八爪魚、希靈魚及墨魚等。而來自加拿大的象拔蚌size巨型,肉質爽脆鮮甜,另亦有每日時令鮮魚可作刺身。

實而不華美味小炒: 必試風沙茄子!


店子另一力作為鑊氣小炒及精美小菜,款式眾多而且有特色,充滿大排檔風味!必試風沙茄子,賣相、質感及味道似足酥炸生蠔,炸至外脆內軟,茄子內裡保留大量水份,非常軟滑,配以大量香口惹味的炸蒜,真係食唔停口!

店子有不少香辣四川風味菜式,例如四川香辣蝦及香辣蟹,嚐辣者不容錯過!以蒜頭辣椒爆香海蝦,炸至連殼都沾滿濃郁醬汁,蝦肉仍然爽甜,適合用來送啤酒!

設多間VIP房 英超直播!


重口味小菜還有小炒王、芥茉牛柳粒及剁椒魚頭,亦有蒜蓉粉絲蒜扇貝、貴妃雞及清湯牛腩等菜式,咁多選擇,一於約一大班朋友一齊開心share!仲可以book間貴賓房,一邊唱K打牌,又食又玩夠晒盡興!

概要
類別
粵菜 (廣東)、火鍋、壽司/刺身、私房菜
熱門菜式
現凡經openrice訂枱火鍋送刺身并盆晚飯小菜送沙姜雞3-5半隻3位起(敬請提前—日)
條件
VIP房、電視播放
* 以上資料只供參考, 請與餐廳確認詳情